Chapter 27

[English text for this chapter is available]

ṛṣaya ūcuḥ |
gaṃgā ca jalarūpeṇa kuto jātā vada prabho |
tanmāhātmyaṃ viśeṣeṇa kuto jāta vada prabho || 1 ||
[Analyze grammar]

yairviprairgautamāyeva duḥkhaṃ dattaṃ durātmabhiḥ |
teṣāṃ kiṃca tato jātamucyatāṃ vyāsa sadguro || 2 ||
[Analyze grammar]

sūta uvāca |
evaṃ saṃprārthitā gaṃgā gautamena tadā svayam |
brahmaṇaśca girerviprā drutaṃ tasmādavātarat || 3 ||
[Analyze grammar]

auduṃbarasya śākhāyāstatpravāho vinissṛtaḥ |
tatra snānaṃ mudā cakre gautamo viśruto muniḥ || 4 ||
[Analyze grammar]

gautamasya ca ye śiṣyā anye caiva maharṣayaḥ |
samāgatāśca te tatra snānaṃ cakrurmudānvitāḥ || 5 ||
[Analyze grammar]

gaṃgādvāraṃ ca tannāma prasiddhamabhavattadā |
sarvapāpaharaṃ ramyaṃ darśanānmunisattamaḥ || 6 ||
[Analyze grammar]

gautamasparddhinaste ca ṛṣayastatra cāgatāḥ |
snānārthaṃ tāṃśca sā dṛṣṭvā hyaṃtardhānaṃ gatā drutam || 7 ||
[Analyze grammar]

māmeti gautamastatra vyājahāra vaco drutam |
muhurmuhuḥ stuvan gaṃgāṃ sāṃjalirnatamastakaḥ || 8 ||
[Analyze grammar]

gautama uvāca |
ime ca śrīmadāṃdhāśca sādhavo vāpyasādhavaḥ |
etatpuṇyaprabhāveṇa darśanaṃ dīyatāṃ tvayā || 9 ||
[Analyze grammar]

sūta uvāca |
tato vāṇī samutpannā gaṃgāyā vyomamaṃḍalāt |
tacchṛṇudhvamṛṣiśreṣṭhā gaṃgāvacanamuttamam || 10 ||
[Analyze grammar]

ete duṣṭatamāścaiva kṛtaghnāḥ svāmidrohiṇaḥ |
jālmāḥ pākhaṃḍinaścaiva draṣṭuṃ varjyāśca sarvadā || 11 ||
[Analyze grammar]

gautama uvāca |
mātaśca śrūyatāmetanmahatā gira eva ca |
tasmāttvayā ca karttavyaṃ satyaṃ ca bhagavadvacaḥ || 12 ||
[Analyze grammar]

apakāriṣu yo loka upakāraṃ karoti vai |
tena pūto bhavāmyatra bhagavadvacanaṃ tvidam || 13 ||
[Analyze grammar]

sūta uvāca |
iti śrutvā munervākyaṃ gautamasya mahātmanaḥ |
punarvāṇī samutpannā gaṃgāyā vyomamaṃḍalāt || 14 ||
[Analyze grammar]

kathyate hi tvayā satyaṃ gautamarṣe śivaṃ vacaḥ |
tathāpi saṃgrahārtha ca prāyaścitaṃ caraṃtu vai || 15 ||
[Analyze grammar]

śatamekottaraṃ cātra kāryyaṃ prakramaṇaṃ gireḥ |
bhavacchāsanatastvetaistvadadhīnairviśeṣataḥ || 16 ||
[Analyze grammar]

tataścaivādhikāraśca jāyate duṣṭakāriṇām |
maddarśane viśeṣeṇa satyamuktaṃ mayā mune || 17 ||
[Analyze grammar]

sūta uvāca |
iti śrutvā vacastasyāścakrurvai te tathā'khilāḥ |
saṃprārthya gautamaṃ dīnāḥ kṣaṃtavyo no'parādhakaḥ || 18 ||
[Analyze grammar]

evaṃ kṛte tadā tena gautamena tadājñayā |
kuśāvartaṃ nāma cakre gaṅgādvārādadhogatam || 19 ||
[Analyze grammar]

tataḥ prādurabhūttatra sā tasya prītaye punaḥ |
kuśāvartaṃ ca vikhyātaṃ tīrthamāsīttaduttamam || 20 ||
[Analyze grammar]

tatra snāto naro yastu mokṣāya parikalpate |
tyaktvā sarvānaghānsadyo vijñānaṃ prāpya durlabham || 21 ||
[Analyze grammar]

gautamo ṛṣayaścānye militāśca parasparam |
lajjitāste tadā ye ca kṛtaghnā hyabhavanpurā || 22 ||
[Analyze grammar]

ṛṣaya ūcuḥ |
asmābhiranyathā sūta śrutaṃ tadvarṇayāmahe |
gautamastāndvijān kruddhaśśaśāpeti prabudhyatām || 23 ||
[Analyze grammar]

sūta uvāca |
dvijāstadapi satyaṃ vai kalpabhedasamāśrayāt |
varṇayāmi viśeṣeṇa tāṃ kathāmapi suvratā || 24 ||
[Analyze grammar]

gautamopi ṛṣīndṛṣṭvā tadā durbhikṣapīḍitān |
tapaścakāra sumahadvaruṇasya mahātmanaḥ || 25 ||
[Analyze grammar]

akṣayyaṃ kalpayāmāsa jalaṃ varuṇadāṃ yayā |
tato vrīhīnyavāṃścaiva vāpayāmāsa bhūriśaḥ || 26 ||
[Analyze grammar]

evaṃ paropakārī sa gautamo munisattamāḥ |
āhāraṃ kalpayāmāsa tebhyaḥ svatapaso balāt || 27 ||
[Analyze grammar]

kadācittatstriyo duṣṭā jalārthamapamānitāḥ |
ūcu patibhyastāḥ kruddhā gautamerṣyākaraṃ vacaḥ || 28 ||
[Analyze grammar]

tataste bhinnamatayo gāṃ kṛtvā kṛtrimāṃ dvijāḥ |
taddhānyabhakṣaṇāsaktāṃ cakrustāṃ kuṭilāśayāḥ || 29 ||
[Analyze grammar]

svadhānyabhakṣaṇāsaktāṃ gāṃ dṛṣṭvā gautamastadā |
tṛṇena tāḍayāmāsa śanaistāṃ saṃnivārayan || 30 ||
[Analyze grammar]

tṛṇasaṃsparśamātreṇa sā bhūmau patitā ca gauḥ |
mṛtā hyabhūtkṣaṇaṃ viprā bhāvikarmavaśāttadā || 31 ||
[Analyze grammar]

gaurhatā gautameneti tadā te kuṭilāśayāḥ |
ekatrībhūya tatratyaiḥ sakalā ṛṣayo'vadan || 32 ||
[Analyze grammar]

tatassa gautamo bhīto gaurhateti babhūva ha |
cakāra vismayaṃ nāryahalyāśiṣyaiśśivānugaḥ || 33 ||
[Analyze grammar]

tatassa gautamo jñātvā tāṃ gāṃ krodhasamākulaḥ |
śaśāpa tānṛṣīn sarvān gautamo munisattamaḥ || 34 ||
[Analyze grammar]

gautama uvāca |
yūyaṃ sarve durātmāno duḥkhadā me viśeṣataḥ |
śivabhaktasya satataṃ syurvedavimukhāssadā || 35 ||
[Analyze grammar]

adyaprabhṛti vedokte satkarmaṇi viśeṣataḥ |
mā bhūyādbhavatāṃ śraddhā śaivamārge vimuktide || 36 ||
[Analyze grammar]

adyaprabhṛti durmārge tatra śraddhā bhavettu vaḥ |
mokṣamārgavihīne hi sadā śrutibahirmukhe || 37 ||
[Analyze grammar]

adyaprabhṛti bhālāni mṛlliptāni bhavantu vaḥ |
srasadhvaṃ narake yūyaṃ bhālamṛllepanāddvijāḥ || 38 ||
[Analyze grammar]

bhavaṃto mā bhaviṣyaṃtu śivaika paradaivatāḥ |
anyadevasamatvena jānaṃtu śivamadvayam || 39 ||
[Analyze grammar]

mā bhūyādbhavatāṃ prītiśśivapūjādikarmaṇi |
śivaniṣṭheṣu bhakteṣu śivaparvasu sarvadā || 40 ||
[Analyze grammar]

adya dattā mayā śāpā yāvaṃto duḥkhadāyakāḥ |
tāvaṃtassaṃtu bhavatāṃ saṃtatāvapi sarvadā || 41 ||
[Analyze grammar]

aśaivāssaṃtu bhavatāṃ putrapautrādayo dvijāḥ |
putraissahaiva tiṣṭhaṃtu bhavaṃto narake dhruvam || 42 ||
[Analyze grammar]

tato bhavaṃtu caṇḍālā duḥkhadāridryapīḍitāḥ |
śaṭhā nindākarāssarve taptamudrāṃkitāssadā || 43 ||
[Analyze grammar]

sūta uvāca |
iti śaptvā munīn sarvān gautamassvāśramaṃ yayau |
śivabhaktiṃ cakārāti sa babhūva supāvanaḥ || 44 ||
[Analyze grammar]

tatastaiḥ khinnahṛdayā ṛṣayastekhilā dvijāḥ |
kāṃcyāṃ cakrurnivāsaṃ hi śaivadharmabahiṣkṛtāḥ || 45 ||
[Analyze grammar]

tatputrāścābhavansarve śaivadharmabahiṣkṛtāḥ |
agre tadvadbhaviṣyaṃti kalau bahujanāḥ khalāḥ || 46 ||
[Analyze grammar]

iti proktamaśeṣeṇa tadvṛttaṃ munisattamāḥ |
pūrvavṛttamapi prājñāḥ śrutaṃ sarvaistu cādarāt || 47 ||
[Analyze grammar]

iti vaśca samākhyāto gautamyāśca samudbhavaḥ |
māhātmyamuttamaṃ caiva sarvapāpaharaṃ param || 48 ||
[Analyze grammar]

tryaṃbakasya ca māhātmyaṃ jyotirliṃgasya kīrtitam |
yacchrutvā sarvapāpebhyo mucyate nātra saṃśayaḥ || 49 ||
[Analyze grammar]

ataḥ paraṃ pravakṣyāmi vaidyanātheśvarasya hi |
jyotirliṃgasya māhātmyaṃ śrūyatāṃ pāpahārakam || 50 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ tryaṃbakeśvarajyotirliṃga māhātmyavarṇanaṃ nāma saptaviṃśodhyāyaḥ || 27 ||
[Analyze grammar]