Chapter 22

[English text for this chapter is available]

sūta uvāca |
ataḥparaṃ pravakṣyāmi śrūyatāmṛṣisattamāḥ |
viśveśvarasya māhātmyaṃ mahāpātakanāśanam || 1 ||
[Analyze grammar]

yadidaṃ dṛśyate kiṃcijjagatyāṃ vastumātrakam |
cidānanda svarūpaṃ ca nirvikāraṃ sanātanam || 2 ||
[Analyze grammar]

tasyaiva kaivalyaraterdvitīyecchā tatobhavat |
sa eva saguṇo jātaśśiva ityabhidhīyate || 3 ||
[Analyze grammar]

sa eva hi dvidhā jātaḥ puṃstrīrūpaprabhedataḥ |
yaḥ pumānsa śivaḥ khyātaḥ strīśaktissā hi kathyate || 4 ||
[Analyze grammar]

cidānandesvarūpābhyāṃ puruṣāvapi nirmitau || 5 ||
[Analyze grammar]

adṛṣṭābhyāṃ tadā tābhyāṃ svabhāvānmunisattamāḥ |
tāvadṛṣṭvā tadā tau ca svamātṛpitarau dvijāḥ || 6 ||
[Analyze grammar]

mahāsaṃśayamāpannau prakṛtiḥ puruṣaśca tau |
tadā vāṇī samutpannā nirguṇātparamātmanaḥ |
tapaścaiva prakartavyaṃ tatassṛṣṭiranuttamā || 7 ||
[Analyze grammar]

prakṛtipuruṣābūcatuḥ |
tapasastu sthalaṃnāsti kutrāvābhyāṃ prabho'dhunā |
sthitvā tapaḥ prakartavyaṃ tava śāsanataśśiva || 8 ||
[Analyze grammar]

tataśca tejasassāraṃ paṃcakrośātmakaṃ śubham |
sarvopakaraṇairyuktaṃ suṃdaraṃ nagaraṃ tathā || 9 ||
[Analyze grammar]

nirmāya preṣitaṃ tatsvaṃ nirguṇena śivena ca |
aṃtarikṣe sthitaṃ tacca puruṣasya samīpataḥ || 10 ||
[Analyze grammar]

tadadhiṣṭhāya hariṇā sṛṣṭikāmanayā tataḥ |
bahukālaṃ tapastaptaṃ taddhyānamavalaṃbya ca || 11 ||
[Analyze grammar]

śrameṇa jaladhāraśca vividhāścābhavaṃstadā |
tābhirvyāptaṃ ca tacchūnyaṃ nānyatkiṃcidadṛśyata || 12 ||
[Analyze grammar]

tataśca viṣṇunā dṛṣṭaṃ kimetaddṛśyate'dbhutam |
ityāścaryaṃ tadā dṛṣṭvā śirasaḥ kampanaṃ kṛtam || 13 ||
[Analyze grammar]

tataśca patitaḥ karṇānmaṇiśca purataḥ prabho |
tadbabhūva mahattīrthaṃ nāmato maṇikarṇikā || 14 ||
[Analyze grammar]

jalaughe plāvyamānā sā paṃcakrośī yadābhavata |
nirguṇena śivenāśu triśūlena dhṛtā tadā || 15 ||
[Analyze grammar]

viṣṇustatraiva suṣvāpa prakṛtyā svastriyā saha |
tannābhikamalājjāto brahmā śaṃkaraśāsanāt || 16 ||
[Analyze grammar]

śivājñāṃ sa samāsādya sṛṣṭicakre'dbhutā tadā |
caturddaśamitā lokā brahmāṃḍe yatra nirmitāḥ || 17 ||
[Analyze grammar]

yojanānāṃ ca paṃcāśatkoṭisaṃkhyāpramāṇataḥ |
brahmāṃḍasyaiva vistāro munibhiḥ parikīrtitaḥ || 18 ||
[Analyze grammar]

brahmāṃḍe karmaṇā baddhā prāṇino māṃ kathaṃ punaḥ |
prāpsyaṃtīti vicintyaitatpaṃcakrośī vimocitā || 19 ||
[Analyze grammar]

iyaṃ ca śubhadā loke karma nāśakarī matā |
mokṣaprakāśikā kāśī jñānadā mama supriyā || 20 ||
[Analyze grammar]

avimuktaṃ svayaṃ liṃgaṃ sthāpitaṃ paramātmanā |
na kadācittvayā tyājyamidaṃ kṣetraṃ mamāṃśaka || 21 ||
[Analyze grammar]

ityuktvā ca triśūlātsvādavatāryya harassvayam |
mocayāmāsa bhuvane martyaloke hi kāśikām || 22 ||
[Analyze grammar]

brahmaṇaśca dine sā hi na vinaśyati niścitam |
tadā śivastriśūlena dadhāti munayaśca tām || 23 ||
[Analyze grammar]

punaśca brahmaṇā sṛṣṭau kṛtāyāṃ sthāpyate dvijāḥ |
karmaṇā karṣaṇāccaiva kāśīti paripaṭhyate || 24 ||
[Analyze grammar]

avimukteśvaraṃ liṃgaṃ kāśyāṃ tiṣṭhati sarvadā |
muktidātṛ ca lokānāṃ mahāpātakināmapi || 25 ||
[Analyze grammar]

anyatra prāpyate muktissārūpyādirmunīśvarāḥ |
atraiva prāpyate jīvaiḥ sāyujyā muktiruttamā || 26 ||
[Analyze grammar]

yeṣāṃ kvāpi gatirnāsti teṣāṃ vārāṇasī purī |
paṃcakrośī mahāpuṇyā hatyākoṭivināśanī || 27 ||
[Analyze grammar]

amarā maraṇaṃ sarve vāṃchatīha pare ca ke |
bhuktimuktipradā caiṣā sarvadā śaṃkarapriyā || 28 ||
[Analyze grammar]

brahmā ca ślāghate cāmūṃ viṣṇussiddhāśca yoginaḥ |
munayaśca tathaivānye trilokasthā janāḥ sadā || 29 ||
[Analyze grammar]

kāśyāśca mahimānaṃ vai vaktuṃ varṣaśatairapi |
śaknomyahaṃ na sarvaṃ hi yathāśakti bruve tataḥ || 30 ||
[Analyze grammar]

kailāsasya patiryo vai hyaṃtassattvo bahistamāḥ |
kālāgnirnāmataḥ khyāto nirguṇo guṇavānbhavaḥ |
praṇipātairanekaiśca vacanaṃ cedamabravīt || 31 ||
[Analyze grammar]

|| rudra uvāca |
viśveśvara maheśāna tvadīyo'smi na saṃśayaḥ |
kṛpāṃ kuru mahādeva mayi tvaṃ sāmba ātmaje || 32 ||
[Analyze grammar]

sthātavyaṃ ca sadātraiva lokānāṃ hitakāmyayā |
tārayasva jagannātha prārthayāmi jagatpate || 33 ||
[Analyze grammar]

sūta uvāca |
avimukte'pi dāntātmā taṃ saṃprārthya punaḥ punaḥ |
netrāśrūṇi pramucyaiva prītaḥ provāca śaṃkaram || 34 ||
[Analyze grammar]

avimukta uvāca |
devadeva mahādeva kālāmayasubheṣaja |
tvaṃ trilokapatissatyaṃ sevyo brahmācyutādibhiḥ || 35 ||
[Analyze grammar]

kāśyāṃ puryāṃ tvayā deva rājadhānī pragṛhyatām |
mayā dhyānatayā stheyamaciṃtya sukhahetave || 36 ||
[Analyze grammar]

muktidātā bhavāneva kāmadaśca na cāparaḥ |
tasmāttvamupakārāya tiṣṭhomāsahitassadā || 37 ||
[Analyze grammar]

jīvānbhavābdherakhilāṃstāraya tvaṃ sadāśiva |
bhaktakāryyaṃ kuru hara prārthayāmi punaḥpunaḥ || 38 ||
[Analyze grammar]

|| sūta uvāca |
ityevaṃ prārthitastena viśvanāthena śaṃkaraḥ |
lokānāmupakārārthaṃ tasthau tatrāpi sarvarāṭ || 39 ||
[Analyze grammar]

yaddinaṃ hi samārabhya haraḥ kāśyāmupāgataḥ |
tadārabhya ca sā kāśī sarvaśreṣṭhatarābhavat || 40 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ viśveśvaramāhātmye kāśyāṃ rudrāgamanavarṇanaṃnāma dvāviṃśo'dhyāyaḥ || 22 ||
[Analyze grammar]