Chapter 21

[English text for this chapter is available]

|| sūta uvāca |
śivo'pi ca gaṇaissārddhaṃ jagāma hitakāmyayā |
svabhaktanikaṭaṃ guptastasthau rakṣārthamādarāt || 1 ||
[Analyze grammar]

etasminnantare tatra kāmarūpeśvareṇa ca |
atyaṃtaṃ dhyānamārabdhaṃ pārthivasya purastadā || 2 ||
[Analyze grammar]

kenacittatra gatvā ca rākṣasāya niveditam |
rājā kiṃcitkarotyevaṃ tvadarthaṃ hyābhicārikam || 3 ||
[Analyze grammar]

sūta uvāca |
rākṣasassa ca tacchutvā kruddhastaddhananecchayā |
gṛhītvā karavālaṃ ca jagāma nṛpatiṃ prati || 4 ||
[Analyze grammar]

taddṛṣṭvā rākṣasastatra pārthivādi sthitaṃ ca yat |
tadarthaṃ tatsvarūpaṃ ca dṛṣṭvā kiṃcitkarotyasau || 5 ||
[Analyze grammar]

ata enaṃ balādadya hanmi sopaskaraṃ nṛpam |
vicāryeti mahākruddho rākṣasaḥ prāha taṃ nṛpam || 6 ||
[Analyze grammar]

bhīma uvāca |
rere pārthiva duṣṭātmankriyate kiṃ tvayādhunā |
satyaṃ vada na hanyāṃ tvāmanyathā hanmi niścitam || 7 ||
[Analyze grammar]

sūta uvāca |
iti śrutvā vacastasya kāmarūpeśvaraśca saḥ |
manasīti cicintāśu śivaviśvāsapūritaḥ || 8 ||
[Analyze grammar]

bhaviṣyaṃ yadbhavatyeva nāsti tasya nivartakaḥ |
prārabdhādhīnamevātra prārabdhassa śivaḥ smṛtaḥ || 9 ||
[Analyze grammar]

kṛpāluśśaṃkaraścātra pārthive vartate dhruvam |
madarthaṃ na karotīha kutaḥ koyaṃ ca rākṣasaḥ || 10 ||
[Analyze grammar]

svānurūpāṃ pratijñāṃ sa satyaṃ caiva kariṣyati |
satyapratijño bhagavāñchivaśceti śrutau śrutaḥ || 11 ||
[Analyze grammar]

mama bhaktaṃ yadā kaścitpīḍayatyatidāruṇaḥ |
tadāhaṃ tasya rakṣārthaṃ duṣṭaṃ hanmi na saṃśayaḥ || 12 ||
[Analyze grammar]

evaṃ dhairyyaṃ samālaṃbya dhyātvā devaṃ ca śaṃkaram |
prārthayāmāsa sadbhaktyā manasaiva raseśvaraḥ || 13 ||
[Analyze grammar]

tvadīyo'smi mahārāja yathecchasi tathā kuru |
satyaṃ ca vacanaṃ hyatra bravīmi kuru me hitam || 14 ||
[Analyze grammar]

evaṃ manasi sa dhyātvā satyapāśena maṃtritaḥ |
prāha satyaṃ vaco rājā rākṣasaṃ cāvamānayan || 15 ||
[Analyze grammar]

nṛpa uvāca |
bhajāmi śaṃkaraṃ devaṃ svabhaktaparipālakam |
carācarāṇāṃ sarveṣāmīśvaraṃ nirvikārakam || 16 ||
[Analyze grammar]

sūta uvāca |
iti tasya vacaḥ śrutvā kāmarūpeśvarasya saḥ |
krodhena pracaladgātro bhīmo vacanamabravīt || 17 ||
[Analyze grammar]

|| bhīma uvāca |
śaṃkaraste mayā jñātaḥ kiṃ kariṣyati vai mama |
yo me pitṛvyakenaiva sthāpitaḥ kiṃkaro yathā || 18 ||
[Analyze grammar]

tadbalaṃ hi samāśritya vijetuṃ tvaṃ samīhase |
tarhi tvayā jitaṃ sarvaṃ nātra kāryā vicāraṇā || 19 ||
[Analyze grammar]

yāvanmayā na dṛṣṭo hi śaṃkarastvatprapālakaḥ |
tāvattvaṃ svāminaṃ matvā sevase nānyathā kvacit || 20 ||
[Analyze grammar]

mayā dṛṣṭe ca tatsarvaṃ sphuṭaṃ syātsarvathā nṛpa |
tasmāttvaṃ vai śivasyedaṃ rūpaṃ dūrataraṃ kuru || 21 ||
[Analyze grammar]

anyathā hi bhayaṃ te'dya bhaviṣyati na saṃśayaḥ |
svāminaste karaṃ tīkṣṇaṃ dāsye'haṃ bhīmavikramaḥ || 22 ||
[Analyze grammar]

|| sūta uvāca |
iti tadvacanaṃ śrutvā kāmarūpeśvaro nṛpaḥ |
dṛḍhaṃ śaṃkaraviśvāso drutaṃ vākyamuvāca tam || 23 ||
[Analyze grammar]

rājovāca |
ahaṃ ca pāmaro duṣṭo na mokṣye śaṃkaraṃ punaḥ |
sarvotkṛṣṭaśca me svāmī na māṃ muṃcati karhicit || 24 ||
[Analyze grammar]

sūta uvāca |
evaṃ vacastadā śrutvā tasya rājñaśśivātmanaḥ |
taṃ prahasya drutaṃ bhīmo bhūpatiṃ rākṣaso'bravīt || 25 ||
[Analyze grammar]

|| bhīma uvāca |
matto bhikṣayate nityaṃ sa kiṃ jānāti svākṛtim |
yogināṃ kā ca niṣṭhā vai bhaktānāṃ pratipālane || 26 ||
[Analyze grammar]

iti kṛtvā matiṃ tvaṃ ca dūrato bhava sarvathā |
ahaṃ ca tava sa svāmī yuddhaṃ vai karavāvahe || 27 ||
[Analyze grammar]

sūta uvāca |
ityuktasya nṛpaśreṣṭhaśśaṃbhubhakto dṛḍhavrataḥ |
pratyuvācābhayo bhīmaṃ duḥkhadaṃ jagatāṃ sadā || 28 ||
[Analyze grammar]

rājovāca |
śṛṇu rākṣasa duṣṭātmanmayā kartuṃ na śakyate |
tvayā vikriyate tarhi kutastvaṃ śaktimānasi || 29 ||
[Analyze grammar]

sūta uvāca |
ityuktassainyamādāya rājānaṃ paribhartsya tam |
karālaṃ karavālaṃ ca pārthive prākṣipattadā || 30 ||
[Analyze grammar]

paśya tvaṃ svāmino'dyaiva balaṃ bhaktasukhāvaham |
ityuvāca vihasyaiva rākṣasaissa mahābalaḥ || 31 ||
[Analyze grammar]

karavālaḥ pārthivaṃ ca yāvatspṛśati no dvijāḥ |
yāvacca pārthivāttasmādāvirāsītsvayaṃ haraḥ || 32 ||
[Analyze grammar]

paśya bhīmeśvarohaṃ ca rakṣārthaṃ prakaṭo'bhavam |
mama pūrvavrataṃ hyetadrakṣyo bhakto mayā sadā || 33 ||
[Analyze grammar]

etasmātpaśya me śīghraṃ balaṃ bhaktasukhāvaham |
ityuktvā sa pinākena karavālo dvidhā kṛtaḥ || 34 ||
[Analyze grammar]

punaścaiva triśūlaṃ svaṃ cikṣipe tena rakṣasā |
tacchūlaṃ śatadhā nītamapi duṣṭasya śaṃbhunā || 35 ||
[Analyze grammar]

punaśśaktiśca niḥkṣiptā tena śaṃbhūpari dvijāḥ |
śaṃbhunā sāpi bāṇaissvairlakṣadhā ca kṛtā drutam || 36 ||
[Analyze grammar]

paṭṭiśaśca tatastena niḥkṣipto hi śivopari |
śivena sa triśūlena tilaśaśca kṛtaṃ kṣaṇāt || 37 ||
[Analyze grammar]

tataśśivagaṇānāṃ ca rākṣasānāṃ parasparam |
yuddhamāsīttadā ghoraṃ paśyatāṃ duḥkhakāvaham || 38 ||
[Analyze grammar]

tataśca pṛthivī sarvā vyākulā cābhavatkṣaṇāt |
samudrāśca tadā sarve cukṣubhussamahīdharāḥ || 39 ||
[Analyze grammar]

devāśca ṛṣayassarve babhūvurvikalā ati |
ūcuḥ parasparaṃ ceti vyarthaṃ vai prārthitaśśivaḥ || 40 ||
[Analyze grammar]

nāradaśca samāgatya śaṃkaraṃ duḥkhadāhakam |
prārthayāmāsa tatraiva sāṃjalirnatamastakaḥ || 41 ||
[Analyze grammar]

nārada uvāca |
kṣamyatāṃ kṣamyatāṃ nātha tvayā vibhramakāraka |
tṛṇekaśca kuṭhāro vai hanyatāṃ śīghrameva hi || 42 ||
[Analyze grammar]

iti saṃprārthitaśśaṃbhuḥ sarvānrakṣogaṇānprabhuḥ |
huṃkāreṇaiva cāstreṇa bhasmasātkṛtavāṃstadā || 43 ||
[Analyze grammar]

sarve te rākṣasā dagdhāḥ śaṃkareṇa kṣaṇaṃ mune |
babhūvustatra sarveṣāṃ devānāṃ paśyatādbhutam || 44 ||
[Analyze grammar]

dāvānalagato vahniryathā ca vanamādahet |
tathā śivena kruddhena rākṣasānāṃ balaṃ kṣaṇāt || 45 ||
[Analyze grammar]

bhīmasyaiva ca kiṃ bhasma na jñātaṃ kenacittadā |
parivārayuto dagdho nāma na śrūyate kvacit || 46 ||
[Analyze grammar]

tataśśivasya kṛpayā śāṃtiṃ prāptā munīśvarāḥ |
devāssarve ca śakrādyāssvāsthyaṃ prāpākhilaṃ jagat || 47 ||
[Analyze grammar]

krodhajvālā maheśasya nissasāra vanādvanam |
rākṣasānāṃ ca tadbhasma sarvaṃ vyāptaṃ vane'khilam || 48 ||
[Analyze grammar]

tataścauṣadhayo jātā nānākāryakarāstathā |
rūpāntaraṃ tato nṝṇāṃ bhavedveṣāṃtaraṃ tathā || 49 ||
[Analyze grammar]

bhūtapretapiśācādi dūrataśca tato vrajet |
tanna kāryaṃ ca yaccaiva tato na bhavati dvijāḥ || 50 ||
[Analyze grammar]

tataḥ prārthitaśśambhurmunibhiśca viśeṣataḥ |
sthātavyaṃ svāminā hyatra lokānāṃ sukhahetave || 51 ||
[Analyze grammar]

ayaṃ vai kutsito deśa ayodhyālokaduḥkhadaḥ |
bhavaṃtaṃ ca tadā dṛṣṭvā kalyāṇaṃ saṃbhaviṣyati || 52 ||
[Analyze grammar]

bhīmaśaṃkaranāmā tvaṃ bhavitā sarvasādhakaḥ |
etalliṃgaṃ sadā pūjyaṃ sarvāpadvinivārakam || 53 ||
[Analyze grammar]

sūta uvāca |
ityevaṃ prārthitaśśambhurlokānāṃ hitakārakaḥ |
tatraivāsthitavānprītyā svatantro bhaktavatsalaḥ || 54 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ bhīmeśvarajyotirliṅgotpattimāhātmyavarṇanaṃ nāmaikaviṃśo'dhyāyaḥ || 21 ||
[Analyze grammar]