Chapter 20

[English text for this chapter is available]

|| sūta uvāca |
ataḥ paraṃ pravakṣyāmi māhātmyaṃ bhaimaśaṃkaram |
yasya śravaṇamātreṇa sarvābhīṣṭaṃ labhennaraḥ || 1 ||
[Analyze grammar]

kāmarūpābhidhe deśe śaṃkaro lokakāmyayā |
avatīrṇaḥ svayaṃ sākṣātkalyāṇasukhabhājanam || 2 ||
[Analyze grammar]

yadarthamavatīrṇosau śaṃkaro lokaśaṃkaraḥ |
śṛṇutādaratastacca kathayāmi munīśvarāḥ || 3 ||
[Analyze grammar]

bhīmonāma mahovīryo rākṣaso'bhūtpurā dvijāḥ |
duḥkhadassarvabhūtānāṃ dharmadhvaṃsakarassadā || 4 ||
[Analyze grammar]

kuṃbhakarṇātsamutpannaḥ karkaṭyāṃ sumahābalaḥ |
sahye ca parvate so'pi mātrā vāsaṃ cakāra ha || 5 ||
[Analyze grammar]

kuṃbhakarṇe ca rāmeṇa hate lokabhayaṃkare |
rākṣasī putrasaṃyuktā sahye'tiṣṭhatsvayaṃ tadā || 6 ||
[Analyze grammar]

sa bāla ekadā bhīmaḥ karkaṭīṃ mātaraṃ dvijāḥ |
papraccha ca khalo lokaduḥkhado bhīmavikramaḥ || 7 ||
[Analyze grammar]

bhīma uvāca |
mātarme kaḥ pitā kutra kathaṃ vaikākinī sthitā |
jñātumicchāmi tatsarvaṃ yathārthaṃ tvaṃ vadādhunā || 8 ||
[Analyze grammar]

sūta uvāca |
evaṃ pṛṣṭā tadā tena putreṇa rākṣasī ca sā |
uvāca putraṃ sā duṣṭā śrūyatāṃ kathayāmyaham || 9 ||
[Analyze grammar]

karkaṭyuvāca |
pitā te kumbhakarṇaśca rāvaṇānuja eva ca |
rāmeṇa māritassoyaṃ bhrātrā saha mahābalaḥ || 10 ||
[Analyze grammar]

atrāgataḥ kadācidvai kumbhakarṇasya rākṣasaḥ |
madbhogaṃ kṛtavāṃstāta prasahya balavānpurā || 11 ||
[Analyze grammar]

laṃkāṃ sa gatavānmāṃ ca tyaktvātraiva mahābalaḥ |
mayā na dṛṣṭvā sā laṃkā hyatraiva nivasāmyaham || 12 ||
[Analyze grammar]

pitā me karkaṭo nāma mātā me puṣkasī matā |
bhartā mama virādho hi rāmeṇa nihataḥ purā || 13 ||
[Analyze grammar]

pitroḥ pārśve sthitā cāhaṃ nihate svāmini priye |
pitarau me mṛtau cātra ṛṣiṇā bhasmasātkṛtau || 14 ||
[Analyze grammar]

bhakṣaṇārthaṃ gatau tatra kuddhena sumahātmanā |
sutīkṣṇena sutapasā'gastyaśiṣyeṇa vai tadā || 15 ||
[Analyze grammar]

sā'hamekākinī jātā duḥkhitā parvate purā |
nivasāmi sma duḥkhārtā nirālaṃbā nirāśrayā || 16 ||
[Analyze grammar]

etasminsamaye hyatra rākṣaso rāvaṇānujaḥ |
āgatya kṛtavānsaṃgaṃ māṃ vihāya gato hi saḥ || 17 ||
[Analyze grammar]

tatastvaṃ ca samutpanno mahābalaparākramaḥ |
avalaṃbya punastvāṃ ca kālakṣepaṃ karomyaham || 17 ||
[Analyze grammar]

sūta uvāca |
iti śrutvā vacastasyā bhīmo bhīmaparākramaḥ |
kuddhaśca ciṃtayāmāsa kiṃ karomi hariṃ prati || 19 ||
[Analyze grammar]

pitānena hato me hi tathā mātāmaho hyapi |
virādhaśca hato'nena duḥkhaṃ bahutaraṃ kṛtam || 20 ||
[Analyze grammar]

tatputrohaṃ bhaveyaṃ ceddhariṃ taṃ pīḍayāmyaham |
iti kṛtvā matiṃ bhīmastapastaptuṃ mahadyayau || 21 ||
[Analyze grammar]

brahmāṇāṃ ca samuddiśya varṣāṇāṃ ca sahasrakam |
manasā dhyānamāśritya tapaścakre mahattadā || 22 ||
[Analyze grammar]

ūrdhvabāhuścaikapādassūryye dṛṣṭiṃ dadhatpurā |
saṃsthitassa babhūvātha bhīmo rākṣasaputrakaḥ || 23 ||
[Analyze grammar]

śirasastasya saṃjātaṃ tejaḥ paramadāruṇam |
tena dagdhāstadā devā brahmāṇaṃ śaraṇaṃ yayuḥ || 24 ||
[Analyze grammar]

praṇamya vedhasaṃ bhaktyā tuṣṭuvurvividhaiḥ stavaiḥ |
duḥkhaṃ nivedayāṃcakurbrahmaṇe te savāsavāḥ || 25 ||
[Analyze grammar]

devā ūcuḥ |
brahmanvai rakṣasastejo lokānpīḍitumudyatam |
yatprārthyate ca duṣṭena tattvaṃ dehi varaṃ vidhe || 26 ||
[Analyze grammar]

nocedadya vayaṃ dagdhāstīvratattejasā punaḥ |
yāsyāmassaṃkṣayaṃ sarve tasmāttaṃ dehi prārthitam || 27 ||
[Analyze grammar]

sūta uvāca |
iti teṣāṃ vacaśśrutvā brahmā lokapitāmahaḥ |
jagāma ca varaṃ dātuṃ vacanaṃ cedamabravīt || 28 ||
[Analyze grammar]

brahmovāca |
prasanno'smi varaṃ brūhi yatte manasi vartate |
iti śrutvā vidhervākyamabravīdrākṣaso hi saḥ || 29 ||
[Analyze grammar]

bhīma uvāca |
yadi prasanno deveśa yadi deyo vara stvayā |
atulaṃ ca balaṃ me'dya dehi tvaṃ kamalāsana || 30 ||
[Analyze grammar]

sūta uvāca |
ityuktvā tu namaścakre brahmaṇe sa hi rākṣasaḥ |
brahmā cāpi tadā tasmai varaṃ dattvā gṛhaṃ yayau || 31 ||
[Analyze grammar]

rākṣaso gṛhamāgatya brahmāptātibalastadā |
mātaraṃ praṇipatyāśu sa bhīmaḥ prāha garvavān || 32 ||
[Analyze grammar]

bhīma uvāca |
paśya mātarbalaṃ me'dya karomi pralayaṃ mahat |
devānāṃ śakramukhyānāṃ harervai tatsahāyinaḥ || 33 ||
[Analyze grammar]

|| sūta uvāca |
ityuktvā prathamaṃ bhīmo jigye devānsavāsavān |
sthānānnissārayāmāsa svātsvāttānbhīmavikramaḥ || 34 ||
[Analyze grammar]

tato jigye hariṃ yuddhe prārthitaṃ nirjarairapi |
tato jetuṃ rasāṃ daityaḥ prāraṃbhaṃ kṛtavānmudā || 35 ||
[Analyze grammar]

purā sudakṣiṇāṃ tatra kāmarūpeśvaraṃ prabhum |
jetuṃ gatastatastena yuddhamāsīdbhayaṃkaram || 36 ||
[Analyze grammar]

bhīmo'tha taṃ mahārājaṃ prabhāvādbrahmaṇo'suraḥ |
jigye varaprabhāveṇa mahāvīraṃ śivāśrayam || 37 ||
[Analyze grammar]

sa hi jitvā tatastaṃ ca kāmarūpeśvaraṃ prabhum |
babaṃdha tāḍayāmāsa bhīmo bhīmaparākramaḥ || 38 ||
[Analyze grammar]

gṛhītaṃ tasya sarvasvaṃ rājyaṃ sopaskaraṃ dvijāḥ |
tena bhīmena duṣṭena śivadāsasya bhūpateḥ || 39 ||
[Analyze grammar]

rājā cāpi sudharmiṣṭhaḥ priyadharmo harapriyaḥ |
gṛhīto nigaḍaistena hyekāṃte sthāpitaśca saḥ || 40 ||
[Analyze grammar]

tatra tena tadā kṛtvā pārthivīṃ mūrtimuttamām |
bhajanaṃ ca śivasyaiva prārabdhī priyakāmyayā || 41 ||
[Analyze grammar]

gaṃgāyāstavanaṃ tena bahudhā ca tadā kṛtam |
mānasaṃ snānakarmādi kṛtvā śaṃkarapūjanam || 42 ||
[Analyze grammar]

pārthivena vidhānena cakāra nṛpasattamaḥ |
taddhyānaṃ ca yathā syādvai kṛtvā ca vidhipūrvakam || 43 ||
[Analyze grammar]

praṇipātaistathā stotrairmudrāsana purassaram |
kṛtvā hi sakalaṃ tacca sa bheje śaṃkaraṃ mudā || 44 ||
[Analyze grammar]

paṃcākṣaramayīṃ vidyāṃ jajāpa praṇavānvitām |
nānyatkāryaṃ sa vai kartuṃ labdhavānantaraṃ tadā || 45 ||
[Analyze grammar]

tatpatnī ca tadā sādhvī dakṣiṇā nāma viśrutā |
nidhānaṃ pārthivaṃ prītyā cakāra nṛpavallabhā || 46 ||
[Analyze grammar]

daṃpatī tvekabhāvena śaṃkaraṃ bhaktaśaṃkaram |
bhejāte tatra tau nityaṃ śivārādhanatatparau || 47 ||
[Analyze grammar]

rākṣaso yajñakarmādi varadarpa vimohitaḥ |
lopayāmāsa tatsarvaṃ mahyaṃ vai dīyatāmiti || 48 ||
[Analyze grammar]

bahusainyasamāyukto rākṣasānāṃ durātmanāma |
cakāra vasudhāṃ sarvāṃ svavaśe carṣisattamāḥ || 49 ||
[Analyze grammar]

vedadharmaṃ śāstradharmaṃ smṛtidharmaṃ purāṇajam |
lopayitvā ca tatsarvaṃ bubhuje svayamūrjitaḥ || 50 ||
[Analyze grammar]

devāśca pīḍitāstena saśakrā ṛṣayastathā |
atyantaṃ duḥkhamāpannā lokānnissāritā dvijāḥ || 51 ||
[Analyze grammar]

te tato vikalāssarve savāsavasurarṣayaḥ |
brahmaviṣṇū purodhāya śaṃkaraṃ śaraṇaṃ yayuḥ || 52 ||
[Analyze grammar]

stutvā stotrairanekaiśca śaṃkaraṃ loka śaṃkaram |
prasannaṃ kṛtavaṃtaste mahākośyāstaṭe śubhe || 53 ||
[Analyze grammar]

kṛtvā ca pārthivīṃ mūrtiṃ pūjayitvā vidhānataḥ |
tuṣṭuvurvividhaiḥ stotrairnamaskārādibhiḥ kramāt || 54 ||
[Analyze grammar]

evaṃ stutastadā śaṃbhurdevānāṃ stavanādibhiḥ |
suprasannataro bhūtvā tānsurānidamabravīt || 55 ||
[Analyze grammar]

śiva uvāca |
he hare he vidhe devā ṛṣayaścākhilā aham |
prasannosmi varaṃ brūta kiṃ kāryaṃ karavāṇi vaḥ || 56 ||
[Analyze grammar]

sūta uvāca |
ityukte ca tadā tena śivena vacane dvijāḥ |
supraṇamya karau baddhvā devaḥ ūcuśśivaṃ tadā || 57 ||
[Analyze grammar]

devā ūcuḥ |
sarvaṃ jānāsi deveśa sarveṣāṃ manasi sthitam |
antaryāmī ca sarvasya nājñātaṃ vidyate tava || 58 ||
[Analyze grammar]

tathāpi śrūyatāṃ nātha svaduḥkhaṃ brūmahe vayam |
tvadājñayā mahādeva kṛpādṛṣṭyā vilokaya || 59 ||
[Analyze grammar]

rākṣasaḥ karkaṭīputraḥ kuṃbhakarṇodbhavo balī |
pīḍayatyaniśaṃ devānbrahmadattavarorjitaḥ || 60 ||
[Analyze grammar]

tamimaṃ jahi bhīmāhvaṃ rākṣasaṃ duḥkhadāyakam |
kṛpāṃ kuru maheśāna vilaṃbaṃ na kuru prabho || 61 ||
[Analyze grammar]

sūta uvāca |
ityuktastu suraissarvaiśśaṃbhuveṃ bhaktavatsalaḥ |
vadhaṃ tasya kariṣyāmītyuktvā devāṃstato'bravīt || 62 ||
[Analyze grammar]

śaṃbhuruvāca |
kāmarūpeśvaro rājā madīyo bhakta uttamaḥ |
tasmai brūteti vai devāḥ kāryyaṃ śīghraṃ bhaviṣyati || 63 ||
[Analyze grammar]

sudakṣiṇa mahārāja kāma rūpeśvara prabho |
madbhaktastvaṃ viśeṣeṇa kuru madbhajanaṃ rateḥ || 64 ||
[Analyze grammar]

daityaṃ bhīmāhvayaṃ duṣṭaṃ brahmaprāptavarorjitam |
haniṣyāmi na saṃdehastvattiraskārakāriṇam || 65 ||
[Analyze grammar]

|| sūta uvāca |
atha te nirjarāssarve tatra gatvā mudānvitāḥ |
tasmai mahānṛpāyocuryaduktaṃ śaṃbhunā ca tat || 66 ||
[Analyze grammar]

tamityuktvā ca vai devā ānaṃdaṃ paramaṃ gatāḥ |
maharṣayaśca te sarve yayuśśīpraṃ nijāśramān || 67 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ bhīmeśvarajyotirligamāhātmye bhīmāsurakṛtopadravavarṇanaṃ nāma viṃśo'dhyāyaḥ || 20 ||
[Analyze grammar]