Chapter 17

[English text for this chapter is available]

ṛṣaya ūcuḥ |
mahākālasamāhvasthajyotirliṃgasya rakṣiṇaḥ |
bhaktānāṃ mahimānaṃ ca punarbrūhi mahāmate || 1 ||
[Analyze grammar]

sūta uvāca |
śṛṇutādarato vipro bhaktarakṣāvidhāyinaḥ |
mahākālasya liṃgasya māhātmyaṃ bhaktivarddhanam || 2 ||
[Analyze grammar]

ujjayinyāmabhūdrājā candrasenāhvayo mahān |
sarvaśāstrārthatattvajñaśśivabhakto jitendriyaḥ || 3 ||
[Analyze grammar]

tasyābhavatsakhā rājño maṇibhadro gaṇo dvijāḥ |
girīśagaṇamukhyaśca sarvalokanamaskṛtaḥ || 4 ||
[Analyze grammar]

ekadā sa gaṇendro hi prasannāsyo mahāmaṇim |
maṇibhadro dadau tasmai ciṃtāmaṇimudāradhīḥ || 5 ||
[Analyze grammar]

sa vai maṇiḥ kaustubhavaddyotamānorkasannibhaḥ |
dhyāto dṛṣṭaḥ śruto vāpi maṃgalaṃ yacchati dhruvam || 6 ||
[Analyze grammar]

tasya kāṃtitalaspṛṣṭaṃ kāṃsyaṃ tāmramayaṃ trapu |
pāṣāṇādikamanyadvā drutaṃ bhavati hāṭakam || 7 ||
[Analyze grammar]

sa tu cintāmaṇiṃ kaṃṭhe bibhradrājā śivāśrayaḥ |
candraseno rarājāti devamadhyeva bhānumān || 8 ||
[Analyze grammar]

śrutvā cintāmaṇigrīvaṃ candrasenaṃ nṛpottamam |
nikhilāḥ kṣitirājānastṛṣṇākṣubdhahṛdo'bhavan || 9 ||
[Analyze grammar]

nṛpā matsariṇassarve taṃ maṇiṃ candrasenataḥ |
nānopāyairayācaṃta devalabdhamabuddhayaḥ || 10 ||
[Analyze grammar]

sarveṣāṃ bhūbhṛtāṃ yāñcā candrasenena tena vai |
vyarthīkṛtā mahākāladṛḍhabhaktena bhūsurāḥ || 11 ||
[Analyze grammar]

te kadarthīkṛtāssarve candrasenena bhūbhṛtā |
rājānassarvadeśānāṃ saṃrambhaṃ cakrire tadā || 12 ||
[Analyze grammar]

atha te sarvarājānaścaturaṃgabalānvitāḥ |
candrasenaṃ raṇe jetuṃ saṃbabhūvuḥ kilodyatāḥ || 13 ||
[Analyze grammar]

te tu sarve sametā vai kṛtasaṃketasaṃvidaḥ |
ujjayinyāścaturdvāraṃ rurudhurbahusainikāḥ || 14 ||
[Analyze grammar]

saṃrudhyamānāṃ svapurīṃ dṛṣṭvā nikhila rājabhiḥ |
tameva śaraṇaṃ rājā mahākāleśvaraṃ yayau || 15 ||
[Analyze grammar]

nirvikalpo nirāhārassa nṛpo dṛḍhaniścayaḥ |
samānarca mahākālaṃ divā naktamananyadhīḥ || 16 ||
[Analyze grammar]

tatassa bhagavāñchaṃbhurmahākālaḥ prasannadhīḥ |
taṃ rakṣitumupāyaṃ vai cakre taṃ śṛṇutādarāt || 17 ||
[Analyze grammar]

tadaiva samaye gopi kācittatra purottame |
caraṃtī saśiśurviprā mahākālāṃtikaṃ yayau || 18 ||
[Analyze grammar]

pañcābdavayasaṃ bālaṃ vahantī gatabhartṛkā |
rājñā kṛtāṃ mahākālapūjāṃ sāpaśyadādarāt || 19 ||
[Analyze grammar]

sā dṛṣṭvā sumahāścaryāṃ śivapūjāṃ ca tatkṛtām |
praṇipatya svaśiviraṃ punarevābhyapadyata || 20 ||
[Analyze grammar]

tatsarvamaśeṣeṇa sa dṛṣṭvā ballavīsutaḥ |
kutūhalena tāṃ karttuṃ śivapūjāṃ manodadhe || 21 ||
[Analyze grammar]

ānīya hṛdyaṃ pāṣāṇaṃ śūnye tu śivirāṃtare |
avidūre svaśibirācchivaligaṃ sa bhaktitaḥ || 22 ||
[Analyze grammar]

gandhālaṃkāravāsobhirdhūpadīpākṣatādibhiḥ |
vidhāya kṛtrimairdravyairnaivedyaṃ cāpyakalpayat || 23 ||
[Analyze grammar]

bhūyobhūyassamabhyarcya patraiḥ puṣpairmanoramaiḥ |
nṛtyaṃ ca vividhaṃ kṛtvā praṇanāma punaḥpunaḥ || 24 ||
[Analyze grammar]

etasminsamaye putraṃ śivāsaktasucetasam |
praṇayādgopikā sā taṃ bhojanāya samāhvayat || 25 ||
[Analyze grammar]

yadāhūto'pi bahuśaśśivapūjāktamānasaḥ |
bālaśca bhojanaṃ naicchattadā tatra yayau prasūḥ || 26 ||
[Analyze grammar]

taṃ vilokya śivasyāgre niṣaṇṇaṃ mīlitekṣaṇam |
cakarṣa pāṇiṃ saṃgṛhya kopena samatāḍayat || 27 ||
[Analyze grammar]

ākṛṣṭastāḍitaścāpi nāgacchatsvasuto yadā |
tāṃ pūjāṃ nāśayāmāsa kṣiptvā liṃgaṃ ca dūrataḥ || 28 ||
[Analyze grammar]

hāheti dūyamānaṃ taṃ nirbhartsya svasutaṃ ca sā |
punarviveśa svagṛhaṃ gopī krodhasamanvitā || 29 ||
[Analyze grammar]

mātrā vināśitāṃ pūjāṃ dṛṣṭvā devasya śūlinaḥ |
devadeveti cukrośa nipapāta sa bālakaḥ || 30 ||
[Analyze grammar]

pranaṣṭasaṃjñaḥ sahasā sa babhūva śucākulaḥ |
labdhasaṃjño muhūrtena cakṣuṣī udamīlayat || 31 ||
[Analyze grammar]

tadaiva jātaṃ śibiraṃ mahākālasya sundaram |
dadarśa sa śiśustatra śivānugrahato'cirāt || 32 ||
[Analyze grammar]

hiraṇmayabṛhaddvāraṃ kapāṭavaratoraṇam |
mahārhanīlavimalavajravedīvirājitam || 33 ||
[Analyze grammar]

saṃtaptahemakalaśairvicitrairbahubhiryutam |
prodbhāsitamaṇistaṃbhairbaddhasphaṭikabhūtalaiḥ || 34 ||
[Analyze grammar]

tanmadhye ratnaliṃgaṃ hi śaṃkarasya kṛpānidhe |
svakṛtārcanasaṃyuktamapaśyadgopikāsutaḥ || 35 ||
[Analyze grammar]

sa dṛṣṭvā sahasotthāya śiśurvismitamānasaḥ |
saṃnimagna ivāsīdvai paramānaṃdasāgare || 36 ||
[Analyze grammar]

tataḥ stutvā sa giriśaṃ bhūyobhūyaḥ praṇamya ca |
sūrye cāstaṃ gate bālo nirjagāma śivālayāt || 37 ||
[Analyze grammar]

athāpaśyatsvaśibiraṃ puraṃdarapuropamam |
sadyo hiraṇmayībhūtaṃ vicitraṃ paramojjvalam || 38 ||
[Analyze grammar]

sontarviveśa bhavanaṃ sarvaśobhāsamanvitam |
maṇihemagaṇākīrṇa modamāno niśāmukhe || 39 ||
[Analyze grammar]

tatrāpaśyatsvajananīṃ svapaṃtīṃ divyalakṣaṇām |
ratnālaṃkāradīptāṃgīṃ sākṣātsuravadhūmiva || 40 ||
[Analyze grammar]

atho sa tanayo viprāśśivānugrahabhājanam |
javenotthāpayāmāsa mātaraṃ sukhavihvalaḥ || 41 ||
[Analyze grammar]

sotthitādbhutamālakṣyāpūrvaṃ sarvamivābhavat |
mahānaṃdasumagnā hi sasvaje svasutaṃ ca tam || 42 ||
[Analyze grammar]

śrutvā putramukhātsarvaṃ prasādaṃ girijāpateḥ |
prabhuṃ vijñāpayāmāsa yo bhajatyaniśaṃ śivam || 43 ||
[Analyze grammar]

sa rājā sahasāgatya samāptaniyamo niśi |
dadarśa gopikāsūnoḥ prabhāvaṃ śivatoṣaṇam || 44 ||
[Analyze grammar]

dṛṣṭvā mahīpatissarvaṃ tatsāmātyapurohitaḥ |
āsīnnimagno vidhṛtiḥ paramānaṃdasāgare || 45 ||
[Analyze grammar]

premṇā vāṣpajalaṃ muñcañcandraseno nṛpo hi saḥ |
śivanāmoccaranprītyā parirebhe tamarbhakam || 46 ||
[Analyze grammar]

mahāmahotsavastatra prababhūvādbhuto dvijāḥ |
maheśakīrtanaṃ cakrussarve ca sukhavihvalāḥ || 47 ||
[Analyze grammar]

evamatyadbhutācārācchivamāhātmyadarśanāt |
paurāṇāṃ sambhramāccaiva sā rātriḥ kṣaṇatāmagāt || 48 ||
[Analyze grammar]

atha prabhāte yuddhāya puraṃ saṃrudhya saṃsthitāḥ |
rājānaścāravaktrebhyaśśuśruvuścaritaṃ ca tat || 49 ||
[Analyze grammar]

te sametāśca rājānaḥ sarve yeye samāgatāḥ |
parasparamiti procustacchrutvā cakita ati || 50 ||
[Analyze grammar]

rājāna ūcuḥ |
ayaṃ rājā candrasenaśśivabhaktoti durjayaḥ |
ujjayinyā mahākālapuryāḥ patiranākulaḥ || 51 ||
[Analyze grammar]

īdṛśāśśiśavo yasya puryyāṃ saṃti śivavratāḥ |
sa rājā candrasenastu mahāśaṃkarasevakaḥ || 52 ||
[Analyze grammar]

nūnamasya virodhena śivaḥ krodhaṃ kariṣyati |
tatkrodhāddhi vayaṃ sarve bhaviṣyāmo vinaṣṭakāḥ || 53 ||
[Analyze grammar]

tasmādanena rājñā vai milāpaḥ kārya eva hi |
evaṃ sati maheśānaḥ kariṣyati kṛpāṃ parām || 54 ||
[Analyze grammar]

sūta uvāca |
iti niścitya te bhūpāstyaktavairāssadāśayāḥ |
sarve babhūvussuprītā nyastaśastrāstrapāṇayaḥ || 55 ||
[Analyze grammar]

viviśuste purīṃ ramyāṃ mahākālasya bhūbhṛtaḥ |
mahākālaṃ samānarcuścaṃdrasenānumoditāḥ || 56 ||
[Analyze grammar]

tataste gopavanitā gehaṃ jagmurmahībhṛtaḥ |
prasaṃśaṃtaśca tadbhāgyaṃ sarve divyamahodayam || 57 ||
[Analyze grammar]

te tatra candrasenena pratyudgamyābhipūjitāḥ |
mahārhaviṣṭaragatāḥ pratyanaṃdansuvismitāḥ || 58 ||
[Analyze grammar]

gopasūnoḥ prasādāttatprādurbhūtaṃ śivālayam |
saṃvīkṣya śivaliṃgaṃ ca śive cakuḥ parāṃ matim || 59 ||
[Analyze grammar]

tataste gopaśiśave prītā nikhilabhūbhujaḥ |
dadurbahūni vastūni tasmai śivakṛpārthinaḥ || 60 ||
[Analyze grammar]

yeye sarveṣu deśeṣu gopāstiṣṭhaṃti bhūriśaḥ |
teṣāṃ tameva rājānaṃ cakrire sarvapārthivāḥ || 61 ||
[Analyze grammar]

athāsminnantare sarvaistridaśairabhipūjitaḥ |
prādurbabhūva tejasvī hanūmānvānareśvaraḥ || 62 ||
[Analyze grammar]

te tasyābhigamādeva rājāno jātasaṃbhramāḥ |
pratyutthāya namaścakurbhaktinamrātmamūrtayaḥ || 63 ||
[Analyze grammar]

teṣāṃ madhye samāsīnaḥ pūjitaḥ plavageśvaraḥ |
gopātmajaṃ tamāliṃgya rājño vīkṣyedamabravīt || 64 ||
[Analyze grammar]

hanūmānuvāca |
sarve śṛṇvantu bhadraṃ vo rājāno ye ca dehinaḥ |
ṛte śivaṃ nānyatamo gatirasti śarīriṇām || 65 ||
[Analyze grammar]

evaṃ gopasuto diṣṭyā śivapūjāṃ vilokya ca |
amaṃtreṇāpi saṃpūjya śivaṃ śivamavāptavān || 66 ||
[Analyze grammar]

eṣa bhaktavaraśśaṃbhorgopānāṃ kīrtivarddhanaḥ |
iha bhuktvākhilānbhogānaṃte mokṣamavāpsyati || 67 ||
[Analyze grammar]

asya vaṃśe'ṣṭamo bhāvī nando nāma mahāyaśāḥ |
prāpsyate tasya putratvaṃ kṛṣṇo nārāyaṇassvayam || 68 ||
[Analyze grammar]

adyaprabhṛti lokesminneṣa gopa kumārakaḥ |
nāmnā śrīkara ityuccairlokakhyātiṃ gamiṣyati || 69 ||
[Analyze grammar]

sūta uvāca |
evamuktvāñjanīsūnuḥ śivarūpo harīśvaraḥ |
sarvānrājñaścandrasenaṃ kṛpādṛṣṭyā dadarśa ha || 70 ||
[Analyze grammar]

atha tasmai śrīkarāya gopaputrāya dhīmate |
upādideśa suprītyā śivācāraṃ śivapriyam || 71 ||
[Analyze grammar]

hanūmānatha suprītaḥ sarveṣāṃ paśyatāṃ dvijaḥ |
candrasenaṃ śrīkaraṃ ca tatraivāntaradhī yata || 72 ||
[Analyze grammar]

taṃ sarve ca mahīpālāssaṃhṛṣṭāḥ pratipūjitāḥ |
candrasenaṃ samāmaṃtrya pratijagmuryathāgatam || 73 ||
[Analyze grammar]

śrīkaropi mahātejā upadiṣṭo hanūmatā |
brāhmaṇaissahadharmajñaiścakre śambhossamarhaṇam || 74 ||
[Analyze grammar]

candraseno mahārājaḥ śrīkaro gopabālakaḥ |
ubhāvapi paraprītyā mahākālaṃ ca bhejatuḥ || 75 ||
[Analyze grammar]

kālena śrīkarassopi candrasenaśca bhūpatiḥ |
samārādhya mahākālaṃ bhejatuḥ paramaṃ padam || 76 ||
[Analyze grammar]

evaṃvidho mahākālaśśivaliṃgassatāṃ gatiḥ |
sarvathā duṣṭahaṃtā ca śaṃkaro bhaktavatsalaḥ || 77 ||
[Analyze grammar]

idaṃ pavitraṃ paramaṃ rahasyaṃ sarvasaukhyadam |
ākhyānaṃ kathitaṃ svargyaṃ śivabhaktivivarddhanam || 78 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ mahākālajyotirliṃgamāhātmyavarṇanaṃ nāma saptadaśo'dhyāyaḥ || 17 ||
[Analyze grammar]