Chapter 16

[English text for this chapter is available]

ṛṣaya ūcuḥ |
sūta sarvaṃ vijānāsi vastu vyāsa prasādataḥ |
jyotiṣāṃ ca kathāṃ śrutvā tṛptirnaiva prajāyate || 1 ||
[Analyze grammar]

tasmāttvaṃ hi viśeṣeṇa kṛpāṃ kṛtvātulāṃ prabho |
jyotirliṃgaṃ tṛtīyaṃ ca kathaya tvaṃ hi no'dhunā || 2 ||
[Analyze grammar]

sūta uvāca |
dhanyo'haṃ kṛtakṛtyo'haṃ śrīmatāṃ bhavatāṃ yadi |
gataśca saṃgamaṃ viprā dhanyā vai sādhusaṃgatiḥ || 3 ||
[Analyze grammar]

ato matvā svabhāgyaṃ hi kathayiṣyāmi pāvanīm |
pāpapraṇāśinīṃ divyāṃ kathāṃ ca śṛṇutādarāt || 4 ||
[Analyze grammar]

avaṃtī nagarī ramyā muktidā sarvadehinām |
śivapriyā mahāpuṇyā vartate lokapāvanī || 5 ||
[Analyze grammar]

tatrāsīdbāhmaṇaśreṣṭhaśśubhakarmaparāyaṇaḥ |
vedādhyayanakarttā ca vedakarmaratassadā || 6 ||
[Analyze grammar]

agnyādhānasamāyuktaśśivapūjāratassadā |
pārthivīṃ pratyahaṃ mūrtiṃ pūjayāmāsa vai dvijaḥ || 7 ||
[Analyze grammar]

sarvakarmaphalaṃ prāpya dvijo vedapriyassadā |
satāṃ gatiṃ samālebhe samyagjñānaparāyaṇaḥ || 8 ||
[Analyze grammar]

tatputrāstādṛśāścāsaṃścatvāro munisattamāḥ |
śivapūjāratā nityaṃ pitroranavamāssadā || 9 ||
[Analyze grammar]

devapriyaśca tajjyeṣṭhaḥ priyamedhāstataḥ param |
tṛtīyastu kṛto nāma dharmavāhī ca suvrataḥ || 10 ||
[Analyze grammar]

teṣāṃ puṇyapratāpācca pṛthivyāṃ sukhamaidhata |
śuklapakṣe yathā candro varddhate ca niraṃtaram || 11 ||
[Analyze grammar]

tathā teṣāṃ guṇāstatra varddhante sma sukhāvahāḥ |
brahmatejomayī sā vai nagarī cābhavattadā || 12 ||
[Analyze grammar]

etasminnantare tatra yajjātaṃ vṛttamuttamam |
śrūyatāṃ taddvijaśreṣṭhāḥ kathayāmi yathāśrutam || 13 ||
[Analyze grammar]

parvate ratnamāle ca dūṣaṇākhyo mahāsuraḥ |
balavāndaityarājaśca dharmadveṣī nirantaram || 14 ||
[Analyze grammar]

brahmaṇo varadānācca jagatucchīcakāra ha |
devā parājitāstena sthānānnissāritāstathā || 15 ||
[Analyze grammar]

pṛthivyāṃ vedadharmāśca smṛtidharmāśca sarvaśaḥ |
sphoṭitāstena duṣṭena siṃheneva śaśā khalu || 16 ||
[Analyze grammar]

yāvaṃto vedadharmāśca tāvaṃto dūrataḥ kṛtāḥ |
tīrthetīrthe tathā kṣetre dharmo nītaśca dūrataḥ || 17 ||
[Analyze grammar]

avaṃtī nagarī ramyā tatraikā dṛśyate punaḥ |
itthaṃ vicārya tenaiva yatkṛtaṃ śrūyatāṃ hi tat || 18 ||
[Analyze grammar]

bahusainyasamāyukto dūṣaṇassa mahāsuraḥ |
tatrasthānbrahmaṇānsarvānuddiśya samupāyayau || 19 ||
[Analyze grammar]

tatrāgatya sa daityendraścaturo daityasattamān |
provācāhūya vacanaṃ vipra drohī mahākhalaḥ || 20 ||
[Analyze grammar]

daitya uvāca |
kimete brāhmaṇā duṣṭā na kurvaṃti vaco mama |
vedadharmaratā ete sarve daṃḍyā mate mama || 21 ||
[Analyze grammar]

sarve devā mayā loke rājānaśca parājitāḥ |
vaśe kiṃ brāhmaṇāśśakyā na kartuṃ daityasattamāḥ || 22 ||
[Analyze grammar]

yadi jīvitumicchā syāttadā dharmaṃ śivasya ca |
vedānāṃ paramaṃ dharmaṃ tyaktvā sukhasubhāginaḥ || 23 ||
[Analyze grammar]

anyathā jīvane teṣāṃ saṃśayaśca bhaviṣyati |
iti satyaṃ mayā proktaṃ tatkurudhvaṃ viśaṃkitāḥ || 24 ||
[Analyze grammar]

sūta uvāca |
iti niścitya te daityāścatvāraḥ pāvakā iva |
caturdikṣu tadā jātāḥ pralaye ca yathā purā || 25 ||
[Analyze grammar]

te brāhmaṇāstathā śrutvā daityānāmudyamaṃ tadā |
na duḥkhaṃ lebhire tatra śivadhyāna parāyaṇāḥ || 26 ||
[Analyze grammar]

dhairyaṃ samāśritāste ca rekhāmātraṃ tadā dvijāḥ |
na celuḥ paramadhyānādvarākāḥ ke śivāgrataḥ || 27 ||
[Analyze grammar]

etasminnantare taistu vyāptāsīnnagarī śubhā |
lokāśca pīḍitāstaistu brāhmaṇānsamupāyayuḥ || 28 ||
[Analyze grammar]

lokā ūcuḥ |
svāminaḥ kiṃ ca karttavyaṃ duṣṭāśca samupāgatāḥ |
hiṃsitā bahavo lokā āgatāśca samīpataḥ || 29 ||
[Analyze grammar]

sūta uvāca |
teṣāmiti vacaśśrutvā vedapriyasutāśca te |
samūcurbrāhmaṇāstānvai viśvastāśśaṃkare sadā || 30 ||
[Analyze grammar]

brāhmaṇā ūcuḥ |
śrūyatāṃ vidyate naiva balaṃ duṣṭabhayāvaham |
na śastrāṇi tathā saṃti yacca te vimukhāḥ punaḥ || 31 ||
[Analyze grammar]

sāmānyasyāpamāno no hyāśrayasya bhavediha |
punaśca kiṃ samarthasya śivasyeha bhaviṣyati || 32 ||
[Analyze grammar]

śivo rakṣāṃ karotvadyāsurāṇāṃ bhayataḥ prabhuḥ |
nānyathā śaraṇaṃ loke bhaktavatsalataśśivāt || 33 ||
[Analyze grammar]

sūta uvāca |
iti dhairyaṃ samāsthāya samarcāṃ pārthivasya ca |
kṛtvā te ca dvijāḥ samyaksthitā dhyānaparāyaṇāḥ |
dṛṣṭā daityena tāvacca te viprāssabalena hi || 34 ||
[Analyze grammar]

dūṣaṇena vacaḥ proktaṃ hanyatāṃ vadhyatāmiti |
tacchrutaṃ taistadā naiva daityaproktaṃ vaco dvijaiḥ |
vedapriyasutaiśśaṃbhordhyānamārgaparāyaṇaiḥ || 35 ||
[Analyze grammar]

atha yāvatsa duṣṭātmā hantumaicchaddvijāṃśca tān |
tāvacca prārthivasthāne garttaṃ āsītsaśabdakaḥ || 36 ||
[Analyze grammar]

gartāttatassamutpannaḥ śivo vikaṭarūpadhṛk |
mahākāla iti khyāto duṣṭahaṃtā satāṃ gatiḥ || 37 ||
[Analyze grammar]

mahākālassamutpanno duṣṭānāṃ tvādṛśāmaham |
khala tvaṃ brāhmaṇānāṃ hi samīpāddūrato vraja || 38 ||
[Analyze grammar]

ityuktvā huṃkṛtenaiva bhasmasātkṛtavāṃstadā |
dūṣaṇaṃ ca mahākālaḥ śaṃkarassabalaṃ drutam || 39 ||
[Analyze grammar]

kiyatsainyaṃ hataṃ tena kiṃcitsainyaṃ palāyitam |
dūṣaṇaśca hatastena śiveneha parātmanā || 40 ||
[Analyze grammar]

sūryaṃ dṛṣṭvā yathā yāti saṃkṣayaṃ sarvaśastamaḥ |
tathaiva ca śivaṃ dṛṣṭvā tatsainyaṃ vinanāśa ha || 41 ||
[Analyze grammar]

devadundubhayo neduḥ puṣpavṛṣṭiḥ papāta ha |
devāssamāyayussarve haribrahmādayastathā || 42 ||
[Analyze grammar]

bhaktyā praṇamya taṃ devaṃ śaṃkaraṃ lokaśaṃkaram |
tuṣṭuvurvividhaiḥ stotraiḥ kṛtāṃjalipuṭā dvijāḥ || 43 ||
[Analyze grammar]

brāhmaṇāṃśca samāśvāsya suprasannaśśivassvayam |
varaṃ brūteti covāca mahākālo maheśvaraḥ || 44 ||
[Analyze grammar]

tacchrutvā te dvijāssarve kṛtāñjalipuṭāstadā |
supraṇamya śivaṃ bhaktyā procussaṃnatamastakāḥ || 45 ||
[Analyze grammar]

|| dvijā ūcuḥ |
mahākāla mahādeva duṣṭadaṇḍakara prabho |
muktiṃ prayaccha naśśaṃbho saṃsārāṃbudhitaśśiva || 46 ||
[Analyze grammar]

atraiva lokarakṣārthaṃ sthātavyaṃ hi tvayā śiva |
svadarśakānnarāñchambho tāraya tvaṃ sadā prabho || 47 ||
[Analyze grammar]

sūta uvāca |
ityuktastaiśśivastatra tasthau garte suśobhane |
bhaktānāṃ caiva rakṣārthaṃ dattvā tebhyaśca sadgatim || 48 ||
[Analyze grammar]

dvijāste muktimāpannāścaturddikṣu śivāspadam |
krośamātraṃ tadā jātaṃ liṃgarūpiṇa eva ca || 49 ||
[Analyze grammar]

mahākāleśvaro nāma śivaḥ khyātaśca bhūtale |
taṃ dṛṣṭvā na bhavetsvapne kiṃcidduḥkhamapi dvijāḥ || 50 ||
[Analyze grammar]

yaṃyaṃ kāmamapekṣyaiva talliṃgaṃ bhajate tu yaḥ |
taṃtaṃ kāmamavāpnoti labhenmokṣaṃ paratra ca || 51 ||
[Analyze grammar]

etatsarvaṃ samākhyātaṃ mahākālasya suvratāḥ |
samudbhavaśca māhātmyaṃ kimanyacchrotumicchatha || 52 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ mahākālajyotirliṃgamāhātmyavarṇanaṃ nāma ṣoḍaśo'dhyāyaḥ || 16 ||
[Analyze grammar]