Chapter 14

[English text for this chapter is available]

ṛṣaya ūcuḥ || |
jyotiṣāṃ caiva liṃgānāṃ māhātmyaṃ kathayādhunā |
utpattiṃ ca tathā teṣāṃ brūhi sarvaṃ yathāśrutam || 1 ||
[Analyze grammar]

sūta uvāca |
śṛṇvantu viprā vakṣyāmi tanmāhātmyaṃ janiṃ tathā |
saṃkṣepato yathābuddhi sadgurośca mayā śrutam || 2 ||
[Analyze grammar]

eteṣāṃ caiva māhātmyaṃ vaktuṃ varṣaśatairapi |
śakyate na muniśreṣṭhāstathāpi kathayāmi vaḥ || 3 ||
[Analyze grammar]

somanāthaśca teṣāṃ vai prathamaḥ parikīrtitaḥ |
tanmāhātmyaṃ śṛṇu mune prathamaṃ sāvadhānataḥ || 4 ||
[Analyze grammar]

saptaviṃśanmitāḥ kanyā dakṣeṇa ca mahātmanā |
tena candramase dattā aśvinyādyā munīśvarāḥ || 5 ||
[Analyze grammar]

candraṃ ca svāminaṃ prāpya śobhamānā viśeṣataḥ |
candro'pi caiva tāḥ prāpya śobhate sma nirantaram || 6 ||
[Analyze grammar]

hemnā caiva maṇirbhāti maṇinā hema caiva hi |
evaṃ ca samaye tasya yajjātaṃ śrūyatāmiti || 7 ||
[Analyze grammar]

sarvāsvapi ca patnīṣu rohiṇīnāma yā smṛtā |
yathaikā sā priyā cāsīttathānyā na kadācana || 8 ||
[Analyze grammar]

anyāśca duḥkhamāpannāḥ pitaraṃ śaraṇaṃ yayuḥ |
gatvā tasmai ca yadduḥkhaṃ tathā tābhirniveditam || 9 ||
[Analyze grammar]

dakṣassa ca tathā śrutvā duḥkhaṃ ca prāptāvāṃstadā |
samāgatya dvijāścandraṃ śāntyāvocadvacastadā || 10 ||
[Analyze grammar]

dakṣa uvāca |
vimale ca kule tvaṃ hi samutpannaḥ kalānidhe |
āśriteṣu ca sarveṣu nyūnādhikyaṃ kathaṃ tava || 11 ||
[Analyze grammar]

kṛtaṃ cettakṛtaṃ tacca na kartavyaṃ tvayā punaḥ |
vartanaṃ viṣamatvena narakapradamīritam || 12 ||
[Analyze grammar]

sūta uvāca |
dakṣaścaiva ca saṃprārthya candraṃ jāmātaraṃ svayam |
jagāma mandiraṃ svaṃ vai niścayaṃ paramaṃ gataḥ || 13 ||
[Analyze grammar]

caṃdro'pi vacanaṃ tasya na cakāra vimohitaḥ |
śivamāyāprabhāveṇa yayā saṃmohitaṃ jagat || 14 ||
[Analyze grammar]

śubhaṃ bhāvi yadā yasya śubhaṃ bhavati tasya vai |
aśubhaṃ ca yadā bhāvi kathaṃ tasya śubhaṃ bhavet || 15 ||
[Analyze grammar]

candro'pi balavadbhāvivaśānmene na tadvacaḥ |
rohiṇyāṃ ca samāsakto nānyāṃ mene kadācana || 16 ||
[Analyze grammar]

tacchrutvā punarāgatya svayaṃ duḥkhasamanvitaḥ |
prārthayāmāsa candraṃ sa dakṣo dakṣassunītitaḥ || 17 ||
[Analyze grammar]

dakṣa uvāca |
śrūyatāṃ candra yatpūrvaṃ prārthito bahudhā mayā |
na mānitaṃ tvayā yasmāttasmāttvaṃ ca kṣayī bhava || 18 ||
[Analyze grammar]

sūta uvāca |
ityukte tena candro vai kṣayī jātaḥ kṣaṇādiha |
hāhākāro mahānāsīttadendau kṣīṇatāṃ gate || 19 ||
[Analyze grammar]

devarṣayastadā sarve kiṃ kāryyaṃ hā kathaṃ bhavet |
iti duḥkhaṃ samāpannā vihvalā hyabhavanmune || 20 ||
[Analyze grammar]

vijñāpitāśca candreṇa sarve śakrādayassurāḥ |
ṛṣayaśca vasiṣṭhādyā brahmāṇaṃ śaraṇaṃ yayu || 21 ||
[Analyze grammar]

gatvāpi tu tadā procustadvṛttaṃ nikhilaṃ mune |
brahmaṇe ṛṣayo devā natvā nutvātivihvalāḥ || 22 ||
[Analyze grammar]

brahmāpi tadvacaḥ śrutvā vismayaṃ paramaṃ yayau |
śivamāyāṃ supraśasya śrāvayaṃstānuvāca ha || 23 ||
[Analyze grammar]

brahmovāca |
aho kaṣṭaṃ mahajjātaṃ sarvalokasya duḥkhadam |
candrastu sarvadā duṣṭo dakṣaśca śaptavānamum || 24 ||
[Analyze grammar]

sarvaṃ duṣṭena candreṇa kṛtaṃ karmāpyanekaśaḥ |
śrūyatāmṛṣayo devāścandrakṛtyaṃ purātanam || 25 ||
[Analyze grammar]

bṛhaspatergṛhaṃ gatvā tārā duṣṭena vai hṛtā |
tasya bhāryā punaścaiva sa daityānsamupasthitaḥ || 26 ||
[Analyze grammar]

samāśritastadā daityānyuddhaṃ devaiścakāra ha |
mayā'triṇā niṣiddhaśca tasmai tārāṃ dadau śaśī || 257 ||
[Analyze grammar]

tāṃ ca garbhavatīṃ dṛṣṭvā na gṛhṇāmīti so'bravīt |
asmābhirvārito jīvaḥ kṛcchrājjagrāha tāṃ tadā || 28 ||
[Analyze grammar]

yadi garbhaṃ jahātīha gṛhṇāmītyabravītpunaḥ |
garbhe mayā punastatra tyājite munisattamāḥ || 29 ||
[Analyze grammar]

kasyāyaṃ ca punargarbhassomasyeti ca sā'bravīt |
paścāttena gṛhītā sā mayā ca vāritena vai || 30 ||
[Analyze grammar]

evaṃvidhāni candrasya duścāritrāṇyanekaśaḥ |
varṇyaṃte kiṃ punastāni so'dyāpi kurute katham || 31 ||
[Analyze grammar]

yajjātaṃ tatsusaṃjātaṃ nānyathā bhavati dhruvam |
ataḥ paramupāyaṃ vo vakṣyāmi śṛṇutādarāt || 32 ||
[Analyze grammar]

prabhāsake śubhe kṣetre vrajeścandrassadaivataiḥ |
śivamārādhayettatra mṛtyuñjayavidhānataḥ || 33 ||
[Analyze grammar]

nidhāyeśaṃ purastatra candrastapatu nityaśaḥ |
prasannaśca śivaḥ paścādakṣayaṃ taṃ kariṣyati || 34 ||
[Analyze grammar]

sūta uvāca |
iti śrutvā vacastasya brahmaṇaste surarṣayaḥ |
saṃnivṛtyāyayussarve yatra dakṣavidhū tataḥ || 35 ||
[Analyze grammar]

gṛhītvā te tataścandraṃ dakṣaṃ cāśvāsya nirjarāḥ |
prabhāse ṛṣayaścakrustatra gatvākhilāśca vai || 36 ||
[Analyze grammar]

āvāhya tīrthavaryāṇi sarasvatyādikāni ca |
pārthivena tadā pūjāṃ mṛtyuñjayavidhānataḥ || 37 ||
[Analyze grammar]

te devāśca tadā sarve ṛṣayo nirmalāśayāḥ |
sthāpya candraṃ prabhāse ca svaṃsvaṃ dhāma yayurmudā || 38 ||
[Analyze grammar]

candreṇa ca tapastaptaṃ paṇmāsaṃ ca niraṃtaram |
mṛtyuṃjayena maṃtreṇa pūjito vṛṣabhadhvajaḥ || 39 ||
[Analyze grammar]

daśakoṭimitaṃ mantraṃ samāvṛtya śaśī ca tam || |
dhyātvā mṛtyuñjayaṃ mantraṃ tasthau niścalamānasaḥ || 40 ||
[Analyze grammar]

taṃ dṛṣṭvā śaṃkaro devaḥ prasanno'bhūttataḥ prabhuḥ |
āvirbhūya vidhuṃ prāha svabhaktaṃ bhaktavatsalaḥ || 41 ||
[Analyze grammar]

śaṃkara uvāca |
varaṃ vṛṇīṣva bhadraṃ te manasā yatsamīpsitam |
prasanno'haṃ śaśinsarvaṃ dāsye varamanuttamam || 42 ||
[Analyze grammar]

caṃdra uvāca |
yadi prasanno deveśa kimasādhyaṃ bhavenmama |
tathāpi me śarīrasya kṣayaṃ vāraya śaṃkara || 43 ||
[Analyze grammar]

kṣaṃtavyo me'parādhaśca kalyāṇaṃ kuru sarvadā |
ityukte ca tadā tena śivo vacanamabravīt || 44 ||
[Analyze grammar]

śiva uvāca |
pakṣe ca kṣīyatāṃ candra kalā te ca dinedine |
punaśca varddhatāṃ pakṣe sā kalā ca niraṃtaram || 45 ||
[Analyze grammar]

sūta uvāca |
evaṃ sati tadā devā harṣanirbharamānasāḥ |
ṛṣayaśca tathā sarve samājagmurdrutaṃ dvijāḥ || 46 ||
[Analyze grammar]

āgatya ca tadā sarve candrāyāśiṣamabruvan |
śivaṃ natvā karau baddhvā prārthayāmāsurādarāt || 47 ||
[Analyze grammar]

devāḥ ūcuḥ |
devadeva mahādeva parameśa namo'stu te |
umayā sahitaśśaṃbho svāminnatra sthiro bhava || 48 ||
[Analyze grammar]

sūta uvāca |
tataścandreṇa sadbhaktyā saṃstutaśśaṃkaraḥ purā |
nirākāraśca sākāraḥ punaścaivābhavatprabhuḥ || 49 ||
[Analyze grammar]

prasannaśca sa devānāṃ kṣetramāhātmyahetave |
candrasya yaśase tatra nāmnā candrasya śaṃkaraḥ || 50 ||
[Analyze grammar]

someśvaraśca nāmāsīdvikhyāto bhuvana traye |
kṣayakuṣṭhādirogāṇāṃ nāśakaḥ pūjanāddvijāḥ || 51 ||
[Analyze grammar]

dhanyo'yaṃ kṛtakṛtyoyaṃ yannāmnā śaṃkarassvayam |
sthitaśca jagatāṃ nāthaḥ pāvayañjagatītalam || 52 ||
[Analyze grammar]

tatkuṃḍaṃ taiśca tatraiva sarvairdevaiḥ pratiṣṭhitam |
śivena brahmaṇā tatra hyavibhaktaṃ tu tatpunaḥ || 53 ||
[Analyze grammar]

candrakuṇḍaṃ prasiddhaṃ ca pṛthivyāṃ pāpanāśanam |
tatra snāti naro yassa sarvaiḥ pāpaiḥ pramucyate || 54 ||
[Analyze grammar]

rogāssarve kṣayādyāśca hyasādhyā ye bhavaṃti vai |
te sarve ca kṣayaṃ yānti ṣaṇmāsaṃ snānamātrataḥ || 55 ||
[Analyze grammar]

prabhāsaṃ ca parikramya pṛthivīkramasaṃbhavam |
phalaṃ prāpnoti śuddhātmā mṛtaḥ svarge mahīyate || 56 ||
[Analyze grammar]

somaliṃgaṃ naro dṛṣṭvā sarvapāpātpramucyate |
labdhvā phalaṃ manobhīṣṭaṃ mṛtassvargaṃ samīhate || 57 ||
[Analyze grammar]

yadyatphalaṃ samuddiśya kurute tīrthamuttamam |
tattatphalamavāpnoti sarvathā nātra saṃśayaḥ || 58 ||
[Analyze grammar]

iti te ṛṣayo devāḥ phalaṃ dṛṣṭvā tathāvidham |
mudā śivaṃ namaskṛtya gṛhītvā candramakṣayam || 59 ||
[Analyze grammar]

parikramya ca tattīrthaṃ praśaṃsantaśca te yayuḥ |
caṃdraścāpi svakīyaṃ ca kāryyaṃ cakre purātanam || 60 ||
[Analyze grammar]

iti sarvaḥ samākhyātaḥ someśasya samudbhavaḥ |
evaṃ someśvaraṃ liṃgaṃ samutpannaṃ munīśvarāḥ || 61 ||
[Analyze grammar]

yaḥ śṛṇoti tadutpattiṃ śrāvayedvā parānnaraḥ |
sarvānkāmānavāpnoti sarvapāpaiḥ pramucyate || 62 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ somanāthajyotirliṃgotpattivarṇanaṃ nāma caturdaśo'dhyāyaḥ || 14 ||
[Analyze grammar]