Shiva Purana [sanskrit]

223,192 words | ISBN-10: 8171101519

The Shiva-purana Book 4 Chapter 12 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

ṛṣaya ūcuḥ |
sūta jānāsi sakalaṃ vastu vyāsaprasādataḥ |
tavājñātaṃ na vidyeta tasmātpṛcchāmahe vayam || 1 ||
[Analyze grammar]

liṃgaṃ ca pūjyate loke tattvayā kathitaṃ ca yat |
tattathaiva na cānyadvā kāraṇaṃ vidyate tviha || 2 ||
[Analyze grammar]

bāṇarūpā śrutā loke pārvatī śivavallabhā |
etatkiṃ kāraṇaṃ sūta kathaya tvaṃ yathāśrutam || 3 ||
[Analyze grammar]

sūta uvāca |
kalpabhedakathā caiva śrutā vyāsānmayā dvijāḥ |
tāmeva kathayāmyadya śrūyatāmṛṣisattamāḥ || 4 ||
[Analyze grammar]

purā dāruvane jātaṃ yadvṛttaṃ tu dvijanmanām |
tadeva śrūyatāṃ samyak kathayāmi kathāśrutam || 5 ||
[Analyze grammar]

dārunāmavanaṃ śreṣṭhaṃ tatrāsannṛṣisattamāḥ |
śivabhaktāssadā nityaṃ śivadhyānaparāyaṇāḥ || 6 ||
[Analyze grammar]

trikālaṃ śivapūjāṃ ca kurvaṃti sma nirantaram |
nānāvidhaiḥ stavairdivyaistuṣṭuvuste munīśvarāḥ || 7 ||
[Analyze grammar]

te kadācidvane yātāssamidhāharaṇāya ca |
sarve dvijarṣabhāśśaivāśśivadhyānaparāyaṇāḥ || 8 ||
[Analyze grammar]

etasminnaṃtare sākṣācchaṃkaro nīla lohitaḥ |
virūpaṃ ca samāsthāya parīkṣārthaṃ samāgataḥ || 9 ||
[Analyze grammar]

digambaro'titejasvī bhūtibhūṣaṇabhūṣitaḥ |
sa ceṣṭāmakarodduṣṭāṃ haste liṃgaṃ vidhārayan || 10 ||
[Analyze grammar]

manasā ca priyaṃ teṣāṃ kartuṃ vai vanavāsinām |
jagāma tadvanaṃ prītyā bhaktaprīto haraḥ svayam || 11 ||
[Analyze grammar]

taṃ dṛṣṭvā ṛṣipatnyastāḥ paraṃ trāsamupāgatāḥ |
vihvalā vismitāścānyāssamājagmustathā punaḥ || 12 ||
[Analyze grammar]

aliliṃgustathā cānyāḥ karaṃ dhṛtyā tathāparāḥ |
parasparaṃ tu saṃgharṣātsaṃmagnāstāḥ striyastadā || 13 ||
[Analyze grammar]

etasminneva samaye ṛṣivaryāḥ samāgaman |
viruddhaṃ taṃ ca te dṛṣṭvā duḥkhitāḥ krodhamūrcchitāḥ || 14 ||
[Analyze grammar]

tadā duḥkhamanuprāptāḥ koyaṃ koyaṃ tathā'buvan |
samastā ṛṣayaste vai śivamāyāvimohitāḥ || 15 ||
[Analyze grammar]

yadā ca noktavānkiṃcitsovadhūto digambaraḥ |
ūcustaṃ puruṣaṃ bhīmaṃ tadā te paramarṣayaḥ || 16 ||
[Analyze grammar]

tvayā viruddhaṃ kriyate vedamārga vilopi yat |
tatastvadīyaṃ talliṃgaṃ patatāṃ pṛthivītale || 17 ||
[Analyze grammar]

sūta uvāca |
ityukte tu tadā taiśca liṃgaṃ ca patitaṃ kṣaṇāt |
avadhūtasya tasyāśu śivasyādbhutarūpiṇaḥ || 18 ||
[Analyze grammar]

talliṃgaṃ cāgnivatsarvaṃ yaddadāha purā sthitam |
yatrayatra ca tadyāti tatratatra dahetpunaḥ || 19 ||
[Analyze grammar]

pātāle ca gataṃ taśca svarge cāpi tathaiva ca |
bhūmau sarvatra tadyātaṃ na kutrāpi sthiraṃ hi tat || 20 ||
[Analyze grammar]

lokāśca vyākulā jātā ṛṣayastetiduḥkhitāḥ |
na śarma lebhire keciddevāśca ṛṣayastathā || 21 ||
[Analyze grammar]

na jñātastu śivo yaistu te sarve ca surarṣayaḥ |
duḥkhitā militāśśīghraṃ brahmāṇaṃ śaraṇaṃ yayuḥ || 22 ||
[Analyze grammar]

tatra gatvā ca te sarve natvā stutvā vidhiṃ dvijāḥ |
tatsarvamavadanvṛttaṃ brahmaṇe sṛṣṭikāriṇe || 23 ||
[Analyze grammar]

brahmā tadvacanaṃ śrutvā śivamāyāvimohitān |
jñātvā tāñcchaṃkaraṃ natvā provāca ṛṣisattamān || 24 ||
[Analyze grammar]

|| brahmovāca |
jñātāraśca bhavanto vai kurvate garhitaṃ dvijāḥ |
ajñātāro yadā kuryuḥ kiṃ punaḥ kathyate punaḥ || 25 ||
[Analyze grammar]

viruddhyaivaṃ śivaṃ devaṃ kuśalaṃ kassamīhate |
madhyāhnasamaye yo vai nātithiṃ ca parāmṛśet || 26 ||
[Analyze grammar]

tasyaiva sukṛtaṃ nītvā svīyaṃ ca duṣkṛtaṃ punaḥ |
saṃsthāpya cātithiryāti kiṃ punaḥ śivameva vā || 27 ||
[Analyze grammar]

yāvalliṃgaṃ sthiraṃ naiva jagatāṃ tritaye śubham |
jāyate na tadā kvāpi satyametadvadāmyaham || 28 ||
[Analyze grammar]

bhavadbhiśca tathā kāryaṃ yathā svāsthyaṃ bhavediha |
śivaliṃgasya ṛṣayo manasā saṃvicāryyatām || 29 ||
[Analyze grammar]

sūta uvāca |
ityuktāste praṇamyocurbrahmāṇamṛṣayaśca vai |
kimasmābhirvidhe kāryaṃ tatkāryaṃ tvaṃ samādiśa || 30 ||
[Analyze grammar]

ityuktaśca munīśaistaissarvalokapitāmahaḥ |
munīśāṃstāṃstadā brahmā svayaṃ provāca vai tadā || 31 ||
[Analyze grammar]

brahmovāca |
ārādhya girijāṃ devīṃ prārthayantu surāśśivam |
yonirūpā bhaveccedvai tadā tatsthiratāṃ vrajet || 32 ||
[Analyze grammar]

tadvidhimpravadāmyadya sarve śṛṇuta sattamāḥ |
tāmeva kuruta premṇā prasannā sā bhaviṣyati || 33 ||
[Analyze grammar]

kumbhamekaṃ ca saṃsthāpya kṛtvāṣṭadalamuttamam |
dūrvāyavāṃkuraistīrthodakamāpūrayettataḥ || 34 ||
[Analyze grammar]

vedamaṃtraistatastaṃ vai kuṃbhaṃ caivābhimaṃtrayet |
śrutyuktavidhinā tasya pūjāṃ kṛtvā śivaṃ smaran || 35 ||
[Analyze grammar]

talliṃgaṃ tajjalenābhiṣecayetparamarṣayaḥ |
śatarudriyamaṃtraistu prokṣitaṃ śāṃtimāpnuyāt || 36 ||
[Analyze grammar]

girijāṃ yonirūpāṃ ca bāṇaṃ sthāpya śubhaṃ punaḥ |
tatra liṃgaṃ ca tatsthāpyaṃ punaścaivābhimaṃtrayet || 37 ||
[Analyze grammar]

sugandhaiścandanaiścaiva puṣpadhūpādibhistathā |
naivedyādikapūjābhistoṣayetparameśvaram || 38 ||
[Analyze grammar]

praṇipātaiḥ stavaiḥ puṇyairvādyairgānaistathā punaḥ |
tataḥ svastyayanaṃ kṛtvā jayeti vyāharettathā || 39 ||
[Analyze grammar]

prasanno bhava deveśa jagadāhlādakāraka |
kartā pālayitā tvañca saṃhartā tvaṃ nirakṣaraḥ || 40 ||
[Analyze grammar]

jagadādirjagadyonirjagadantargatopi ca |
śānto bhava maheśāna sarvāṃllokāṃśca pālaya || 41 ||
[Analyze grammar]

evaṃ kṛte vidhau svāsthyaṃ bhaviṣyati na saṃśaya |
vikāro na trilokesminbhaviṣyati sukhaṃ sadā || 42 ||
[Analyze grammar]

sūta uvāca |
ityuktāste dvijā devāḥ praṇipatya pitāmaham |
śivaṃ taṃ śaraṇaṃ prāptassarvalokasukhepsayā || 43 ||
[Analyze grammar]

pūjitaḥ parayā bhaktyā prārthitaḥ śaṃkarastadā |
suprasannastato bhūtvā tānuvāca maheśvaraḥ || 44 ||
[Analyze grammar]

maheśvara uvāca |
he devā ṛṣayaḥ sarve madvacaḥ śṛṇutādarāt |
yonirūpeṇa malliṃgaṃ dhṛtaṃ cetsyāttadā sukham || 45 ||
[Analyze grammar]

pārvatīṃ ca vinā nānyā liṃgaṃ dhārayituṃ kṣamā |
tayā dhṛtaṃ ca malliṃgaṃ drutaṃ śāntiṃ gamiṣyati || 46 ||
[Analyze grammar]

sūta uvāca |
tacchrutvā ṛṣibhirdevaissuprasannairmunīśvarāḥ |
gṛhītvā caiva brahmāṇaṃ girijā prārthitā tadā || 47 ||
[Analyze grammar]

prasannāṃ girijāṃ kṛtvā vṛṣabhadhvajameva ca |
pūrvoktaṃ ca vidhiṃ kṛtvā sthāpitaṃ liṃgamuttamam || 48 ||
[Analyze grammar]

maṃtroktena vidhānena devāśca ṛṣayastathā |
cakruḥ prasannāṃ girijāṃ śivaṃ ca dharmahetave || 49 ||
[Analyze grammar]

samānarcurviśeṣeṇa sarve devarṣayaḥ śivam |
brahmā viṣṇuḥ pare caiva trailokyaṃ sacarācaram || 50 ||
[Analyze grammar]

suprasannaḥ śivo jātaḥ śivā ca jagadambikā |
dhṛtaṃ tayā ca talliṃgaṃ tena rūpeṇa vai tadā || 51 ||
[Analyze grammar]

lokānāṃ sthāpite liṃge kalyāṇaṃ cābhavattadā |
prasiddhaṃ caiva talliṃgaṃ trilokyāmabhavaddvijāḥ || 52 ||
[Analyze grammar]

hāṭakeśamiti khyātaṃ tacchivāśivamityapi |
pūjanāttasya lokānāṃ sukhaṃ bhavati sarvathā || 53 ||
[Analyze grammar]

iha sarvasamṛddhiḥ syānnānāsukhavahādhikā |
paratra paramā muktirnātra kāryā vicāraṇā || 54 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ liṃgasvarūpakāraṇavarṇanaṃ nāma dvādaśo'dhyāyaḥ || 12 ||
[Analyze grammar]

Other editions:

Also see the following editions of the Sanskrit text or (alternative) English translations of the Shiva Purana Chapter 12

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: