Chapter 10

[English text for this chapter is available]

sūta uvāca |
śrīmatīkṣvākuvaṃśe hi rājā paramadhārmikaḥ |
āsīnmitrasaho nāma śreṣṭhassarvadhanuṣmatām || 1 ||
[Analyze grammar]

tasya rājñaḥ sudharmiṣṭhā madayantī priyā śubhā |
damayantī nalasyeva babhūva viditā satī || 2 ||
[Analyze grammar]

sa ekadā hi mṛgayāsnehī mitrasaho nṛpaḥ |
mahadbalena saṃyukto jagāma gahanaṃ vanam || 3 ||
[Analyze grammar]

viharaṃstatra sa nṛpaḥ kamaṭhāhvaṃ niśācaram |
nijaghāna mahāduṣṭaṃ sādhupīḍākaraṃ khalam || 4 ||
[Analyze grammar]

atha tasyānujaḥ pāpī jayeyaṃ chadmanaiva tam |
matvā jagāma nṛpaterantika cchadmakārakaḥ || 5 ||
[Analyze grammar]

taṃ vinamrākṛtiṃ dṛṣṭvā bhṛtyatāṃ kartumāgatam |
cakre mahānasādhyakṣamajñānātsa mahīpatiḥ || 6 ||
[Analyze grammar]

atha tasminvane rājā kiyatkālaṃ vihṛtya saḥ |
nivṛtto mṛgayāṃ hitvā svapurīmāyayau mudā || 7 ||
[Analyze grammar]

pituḥ kṣayāhe samprāpte nimaṃtrya svaguruṃ nṛpaḥ |
vasiṣṭhaṃ gṛhamāninye bhojayāmāsa bhaktitaḥ || 8 ||
[Analyze grammar]

rakṣasā sūdarūpeṇa saṃmiśritanarāmiṣam |
śākāmiṣaṃ puraḥ kṣiptaṃ dṛṣṭvā gururathābravīt || 9 ||
[Analyze grammar]

gururuvāca |
dhik tvāṃ narāmiṣaṃ rājaṃstvayaitacchadmakāriṇā |
khalenopahṛtaṃ mahyaṃ tato rakṣo bhaviṣyasi || 10 ||
[Analyze grammar]

rakṣaḥkṛtaṃ ca vijñāya tadaivaṃ sa gurustadā |
punarvimṛśya taṃ śāpaṃ cakāra dvādaśābdikam || 11 ||
[Analyze grammar]

sa rājānucitaṃ śāpaṃ vijñāya krodhamūrchitaḥ |
jalāṃjaliṃ samādāya guruṃ śaptuṃ samudyataḥ || 12 ||
[Analyze grammar]

tadā ca tatpriyā sādhvī madayantī sudharmiṇī |
patitvā pādayostasya śāpaṃ taṃ hi nyavārayat || 13 ||
[Analyze grammar]

tato nivṛttaśāpastu tasyā vacanagauravāt |
tatyāja pādayoraṃbhaḥ pādau kalmaṣatāṃ gatau || 14 ||
[Analyze grammar]

tataḥprabhṛti rājābhūtsa lokesminmunīśvarāḥ |
kalmaṣāṃghririti khyātaḥ prabhāvāttajjalasya hi || 15 ||
[Analyze grammar]

rājā mitrasahaḥ śāpādguro ṛṣivarasya hi |
babhūva rākṣaso ghoro hiṃsako vanagocaraḥ || 16 ||
[Analyze grammar]

sa bibhradrākṣasaṃ rūpaṃ kālāntakayamopamam |
cakhāda vividhāñjaṃtūnmānuṣādīnvanecaraḥ || 17 ||
[Analyze grammar]

sa kadācidvane kvāpi ramamāṇau kiśorakau |
apaśyadantakākāro navoḍhau munidampatī || 18 ||
[Analyze grammar]

rākṣasaḥ sa narāhāraḥ kiśoraṃ muninandanam |
jagdhuṃ jagrāha śāpārtto vyāghro mṛgaśiśuṃ yathā || 19 ||
[Analyze grammar]

kukṣau gṛhītaṃ bhartāraṃ dṛṣṭvā bhītā ca tatpriyā |
sā cakre prārthanaṃ tasmai vadaṃtī karuṇaṃ vacaḥ || 20 ||
[Analyze grammar]

prārthyamāno'pi bahuśaḥ puruṣādaḥ sa nirghṛṇaḥ |
cakhāda śira utkṛtya viprasūnordurāśayaḥ || 21 ||
[Analyze grammar]

atha sādhvī ca sā dīnā vilapya bhṛśaduḥkhitā |
āhṛtya bharturasthīni citāṃ cakre kilolbaṇām || 22 ||
[Analyze grammar]

bhartāramanugacchantī saṃviśaṃtī hutāśanam |
rājānaṃ rākṣasākāraṃ sā śaśāpa dvijāṅganā || 23 ||
[Analyze grammar]

adyaprabhṛti nārīṣu yadā tvaṃ saṃgato bhaveḥ |
tadā mṛtistavetyuktvā viveśa jvalanaṃ satī || 24 ||
[Analyze grammar]

sopi rājā gurośśāpamanubhūya kṛtāvadhim |
punaḥ svarūpamāsthāya svagṛhaṃ mudito yayau || 25 ||
[Analyze grammar]

jñātvā viprasatīśāpaṃ madayantī ratipriyam |
patiṃ nivārayāmāsa vaidhavyādatibibhyatī || 26 ||
[Analyze grammar]

anapatyo vinirviṇṇo rājyabhogeṣu pārthivaḥ |
visṛjya sakalāṃ lakṣmīṃ vanameva jagāma ha || 27 ||
[Analyze grammar]

svapṛṣṭhataḥ samāyāntīṃ brahmahatyāṃ suduḥkhadām |
dadarśa vikaṭākārāṃ tarjayantī muhurmuhuḥ || 28 ||
[Analyze grammar]

tasyā nirbhadramanvicchan rājā nirviṇṇamānasaḥ |
cakāra nānopāyānsa japavratamakhādikān || 29 ||
[Analyze grammar]

nānopāyairyadā rājñastīrthasnānādibhirdvijāḥ |
na nivṛttā brahmahatyā mithilāṃ sa yayau tadā || 30 ||
[Analyze grammar]

bāhyodyānagatastasyāścitayā parayārditaḥ |
dadarśa munimāyāntaṃ gautamaṃ pārthivaśca saḥ || 31 ||
[Analyze grammar]

abhisṛtya sa rājendro gautamaṃ vimalāśayam |
taddarśanāptakiṃcitkaḥ praṇanāma muhurmuhuḥ |
atha tatpṛṣṭakuśalo dīrghamuṣṇaṃ ca niśvasan |
tatkṛpādṛṣṭisaṃprāptasukha provāca taṃ nṛpaḥ || 33 ||
[Analyze grammar]

rājovāca |
mune māṃ bādhate hyeṣā brahmahatyā duratyayā |
alakṣitā paraistāta tarjayaṃtī padepade || 34 ||
[Analyze grammar]

yanmayā śāpadagdhena vipraputraśca bhakṣitaḥ |
tatpāpasya na śāntirhi prāyaścittasahasrakaiḥ || 35 ||
[Analyze grammar]

nānopāyāḥ kṛtā me hi tacchāntyai bhramatā mune |
na nivṛttā brahmahatyā mama pāpātmanaḥ kimu || 36 ||
[Analyze grammar]

adya me janmasāphalyaṃ saṃprāptamiva lakṣaye |
yatastvaddarśanādeva mamānandabharo'bhavat || 37 ||
[Analyze grammar]

adya me tavapādābja śaraṇasya kṛtainasaḥ |
śāṃtiṃ kuru mahābhāga yenāhaṃ sukhamāpnuyām || 38 ||
[Analyze grammar]

sūta uvāca |
iti rājñā samādiṣṭo gautamaḥ karuṇārdradhīḥ |
samādideśa ghorāṇāmaghānāṃ sādhu niṣkṛtim || 39 ||
[Analyze grammar]

gautama uvāca |
sādhu rājendra dhanyosi mahāghebhyo bhayantyaja |
śive śāstari bhaktānāṃ kva bhayaṃ śaraṇaiṣiṇām || 40 ||
[Analyze grammar]

śṛṇu rājanmahābhāga kṣetramanyatpratiṣṭhitam |
mahāpātakasaṃhāri gokarṇākhyaṃ śivālayam || 41 ||
[Analyze grammar]

tatra sthitirna pāpānāṃ mahadbhyo mahatāmapi |
mahābalābhidhānena śivaḥ saṃnihitaḥ svayam || 42 ||
[Analyze grammar]

sarveṣāṃ śivaliṃgānāṃ sārvabhaumo mahābalaḥ |
caturyuge caturvarṇassarvapāpāpahārakaḥ || 43 ||
[Analyze grammar]

paścimāmbudhitīrasthaṃ gokarṇaṃ tīrthamuttamam |
tatrāsti śivaliṃgaṃ tanmahāpātakanāśakam || 44 ||
[Analyze grammar]

tatra gatvā mahāpāpāḥ snātvā tīrtheṣu bhūriśaḥ |
mahābalaṃ ca saṃpūjya prayātāśśāṃkarampadam || 49 ||
[Analyze grammar]

tathā tvamapi rājendra gokarṇa giriśālayam |
gatvā sampūjya talliṃgaṃ kṛtakṛtyatvamāpnuyāḥ || 46 ||
[Analyze grammar]

tatra sarveṣu tīrtheṣu snātvābhyarcya mahābalam |
sarvapāpavinirmuktaḥ śivalokantvamāpnuyāḥ || 47 ||
[Analyze grammar]

sūta uvāca |
ityādiṣṭaḥ sa muninā gautamena mahātmanā |
mahāhṛṣṭamanā rājā gokarṇaṃ pratyapadyata || 48 ||
[Analyze grammar]

tatra tīrtheṣu susnātvā samabhyarcya mahābalam |
nirdhūtāśeṣapāpaugho'labhacchaṃbhoḥ parampadam || 49 ||
[Analyze grammar]

ya imāṃ śṛṇuyānnityaṃ mahābalakathāṃ priyām |
trisaptakulajaissārddhaṃ śivaloke vrajatyasau || 50 ||
[Analyze grammar]

iti vaśca samākhyātaṃ māhātmyaṃ paramādbhutam |
mahābalasya giriśaliṃgasya nikhilāghahṛt || 51 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ mahābāhvaśivaliṃgamāhātmyavarṇanaṃ nāma daśamo'dhyāyaḥ || 10 ||
[Analyze grammar]