Chapter 38

[English text for this chapter is available]

nandīśvara uvāca |
arjunopi tadā tatra dīpyamāno vyadṛśyata |
mantreṇa śivarūpeṇa tejaścātulamāvahat || 1 ||
[Analyze grammar]

te sarve cārjunandṛṣṭvā pāṇḍavā niścayaṃ gatāḥ |
jayo'smākaṃ dhuvañjātantejaśca vipulaṃ yataḥ || 2 ||
[Analyze grammar]

idaṅkāryyantvayā sādhyannānyena ca kadācana |
vyāsasya vacanādbhāti saphalaṃ kuru jīvitam || 3 ||
[Analyze grammar]

iti procyārjunante vai virahautsukyakātarāḥ |
anicchantopi tatraiva preṣayāmāsurādarāt || 4 ||
[Analyze grammar]

draupadī duḥkhasaṃyuktā netrāśrūṇi nirudhya ca |
preṣayantī śubhaṃ vākyantadovāca pativratā || 5 ||
[Analyze grammar]

draupadyuvāca |
vyāsopadiṣṭaṃ yadrājaṃstvayā kāryaṃ prayatnataḥ |
śubhaprado'stu te panthāśśaṃkaraśśaṃkarostu vai || 6 ||
[Analyze grammar]

te sarve cāvasaṃstatra visṛjyārjunamādarāt |
atyantaduḥkhamāpannā militvā pañca eva ca || 7 ||
[Analyze grammar]

sthitāstatra vadanti sma śrūyatāmṛṣisattama |
duḥkhepi priyasaṃgo vai na duḥkhāya prajāyate || 8 ||
[Analyze grammar]

viyoge dviguṇantasya duḥkhambhavati nityaśaḥ || |
tatra dhairyyadharasyāpi kathandhairyyambhavediha || 9 ||
[Analyze grammar]

nandīśvara uvāca |
kurvatastveva tadā duḥkhampāṇḍaveṣu munīśvaraḥ |
kṛpāsiṃdhuśca sa vyāsa ṛṣivaryyassamāgata || 10 ||
[Analyze grammar]

tantadā pāṇḍavāste vai natvā sampūjya cādarāt |
dattvāsanaṃ hi duḥkhāḍhyāḥ karau baddhvā vaco'bruvan || 11 ||
[Analyze grammar]

pāṇḍavā ūcuḥ |
śrūyatāmṛṣabhaśreṣṭha duḥkhadagdhā vayamprabho |
darśanante'dya samprāpya hyānandaṃ prāpnumo mune || 12 ||
[Analyze grammar]

kiyatkālaṃ vasātraiva duḥkhanāśāya naḥ prabho |
darśanāttava viprarṣessarvaṃ duḥkhaṃ vilīyate || 13 ||
[Analyze grammar]

nandīśvara uvāca |
ityuktassa ṛṣiśreṣṭho nyavasattatsukhāya vai |
kathābhirvividhābhiśca tadduḥkhaṃ nodayaṃstadā || 14 ||
[Analyze grammar]

vārtāyāṃ kriyamāṇāyāntena vyāsena sanmune |
supraṇamya vinītātmā dharmarājo'bravīdidam || 15 ||
[Analyze grammar]

dharmarāja uvāca |
śṛṇu tvaṃ hi ṛṣiśreṣṭha duḥkhaśāntirmatā mama |
pṛcchāmi tvāṃ mahāprājña kathanīyantvayā prabho || 16 ||
[Analyze grammar]

īdṛśaṃ caiva duḥkhaṃ ca purā prāptaśca kaścana |
vayameva paraṃ duḥkhaṃ prāptā vai naiva kaścana || 17 ||
[Analyze grammar]

vyāsa uvāca |
rājñastu nalanāmno vai niṣadhādhipateḥ purā |
bhavadduḥkhādhikaṃ duḥkhaṃ jātantasya mahātmanaḥ || 18 ||
[Analyze grammar]

hariścandrasya nṛpaterjātaṃ duḥkhammahattaram |
akathyantadviśeṣeṇa paraśokāvahantathā || 19 ||
[Analyze grammar]

duḥkhamtathaiva vijñeyaṃ rāmasyāpyatha pāṇḍava |
yacchrutvā strīnarāṇāṃ ca bhavenmoho mahattaraḥ || 20 ||
[Analyze grammar]

tasmādvarṇayitunnaiva śakyate hi mayā punaḥ |
śarīraṃ duḥkharāśiṃ ca matvā tyājyantvayādhunā || 21 ||
[Analyze grammar]

yenedañca dhṛtantena vyāptameva na saṃśayaḥ |
prathamammātṛgarbhe vai janma duḥkhasya kāraṇam || 22 ||
[Analyze grammar]

kaumāre'pi mahāduḥkhaṃ bālalīlānusāri yat |
tatopi yauvane kāmānbhunjāno duḥkharūpiṇaḥ || 23 ||
[Analyze grammar]

gatāgatairdinānāṃ hi kāryabhārairanekaśaḥ |
āyuśca kṣīyate nityaṃ na jānāti ha tatpunaḥ || 24 ||
[Analyze grammar]

ante ca maraṇaṃ caiva mahāduḥkhamataḥ param |
nānānarakapīḍāśca bhujyaṃtejñairnaraissadā || 25 ||
[Analyze grammar]

tasmādidamasatyaṃ ca tvantu satyaṃ samācara |
yenaiva tuṣyate śambhustathā kāryaṃ nareṇa ca || 26 ||
[Analyze grammar]

nandīśvara uvāca |
evaṃ vividhavārtābhiḥ kālaniryāpaṇantadā |
cakruste bhrātaraḥ sarve manorathapathaiḥ punaḥ || 27 ||
[Analyze grammar]

arjunopi svayaṃ gacchandurgādriṣu dṛḍhavrataḥ |
yakṣaṃ labdhvā ca tenaiva dasyūnnighnannanekaśaḥ || 28 ||
[Analyze grammar]

manasā harṣasaṃyukto jagāmācalamuttamam |
tatra gatvā ca gaṃgāyāssamīpaṃ sundaraṃ sthalam || 29 ||
[Analyze grammar]

aśokakānanaṃ yatra tiṣṭhati svarga uttamaḥ |
tatra tasthau svayaṃ snātvā natvā ca gurumuttamam || 30 ||
[Analyze grammar]

yathopadiṣṭaṃ veṣādi tathā caivākarotsvayam |
indriyāṇyapakṛṣyādau manasā saṃsthito'bhavat || 31 ||
[Analyze grammar]

punaśca pārthivaṃ kṛtvā sundaraṃ samasūtrakam |
tadagre praṇidadhyau sa tejorāśimanuttamam || 32 ||
[Analyze grammar]

trikālaṃ caiva susnātaḥ pūjanaṃ vividhaṃ tadā |
cakāropāsanantatra harasya ca punaḥ punaḥ || 33 ||
[Analyze grammar]

tasyaiva śirasastejo nissṛtantaccarāstadā |
dṛṣṭvā bhayaṃ samāpannāḥ praviṣṭaśca kadā hyayam || 34 ||
[Analyze grammar]

punaste ca vicāryaivaṃ kathanīyaṃ biḍaujase |
ityuktvā tu gatāste vai śakrasyāntikamañjasā || 35 ||
[Analyze grammar]

carā ūcuḥ |
devo vā'tha ṛṣiścaiva sūryo vātha vibhāvasuḥ |
tapaścarati deveśa na jānīmo vane ca tam || 36 ||
[Analyze grammar]

tasyaiva tejasā dagdhā āgatāstava sannidhau |
niveditañcaritraṃ tatkriyatāmucitantu yat || 37 ||
[Analyze grammar]

nandīśvara uvāca |
ityuktastaiścaraissarvaṃ jñātvā putracikīrṣitam |
sagotrapānvisṛjyaiva tatra gantuṃ mano dadhe || 38 ||
[Analyze grammar]

sa vṛddhabrāhmaṇo bhūtvā brahmacārī śacīpatiḥ |
jagāma tatra viprendra parīkṣārthaṃ hi tasya vai || 39 ||
[Analyze grammar]

tamāgatantadā dṛṣṭvākārṣītpūjāśca pāṇḍavaḥ |
sthitogre ca stutiṃ kṛtvā kvāyātosi vadādhunā || 40 ||
[Analyze grammar]

ityuktastena deveśo dhairyyārthantasya prītitaḥ |
parīkṣāgarvitaṃ vākyaṃ pāṇḍavantaṃ tato'bravīt || 41 ||
[Analyze grammar]

brāhmaṇa uvāca |
nave vayasi vai tāta kintapasyasi sāmpratam |
muktyarthaṃ vā jayārthaṃ kiṃ sarvathaitattapastava || 42 ||
[Analyze grammar]

nandīśvara uvāca |
iti pṛṣṭastadā tena sarvaṃ saṃveditampunaḥ |
tacchrutvā sa punarvākyamuvāca brāhmaṇastadā || 43 ||
[Analyze grammar]

brāhmaṇa uvāca |
yuktaṃ na kriyate vīra sukhaṃ prāptuṃ ca yattapaḥ |
kṣātradharmeṇa kriyate muktyarthaṃ kurusattama || 44 ||
[Analyze grammar]

indrastu sukhadātā vai muktidātā bhavenna hi |
tasmāttvaṃ sarvathā śreṣṭha kartumarhasi sattapaḥ |
nandīśvara uvāca |
idantadvacanaṃ śrutvā krodhaṃ cakre'rjunastadā |
pratyuvāca vinītātmā tadanādṛtya suvrataḥ || 46 ||
[Analyze grammar]

arjuna uvāca |
rājyārthaṃ na ca muktyartha kimarthaṃ bhāṣase tvidam |
vyāsasya vacanenaiva kriyate tapa īdṛśam || 47 ||
[Analyze grammar]

ito gaccha brahmacārinmā pātayitumicchasi |
prayojanaṃ kimatrāsti tava vai brahmacāriṇaḥ || 48 ||
[Analyze grammar]

nandīśvara uvāca |
ityuktaḥ sa prasannobhūtsundaraṃ rūpamadbhutam |
svopaskaraṇasaṃyuktaṃ darśayāmāsa vai nijam || 49 ||
[Analyze grammar]

śakrarūpantadā dṛṣṭvā lajjitaścārjunastadā |
sa indrastaṃ samāśvāsya punareva vacobravīt || 50 ||
[Analyze grammar]

iṃdra uvāca |
varaṃ vṛṇīṣva he tāta dhanaṃjaya mahāmate |
yadicchasi manobhīṣṭannādeyaṃ vidyate tava || 51 ||
[Analyze grammar]

tacchrutvā śakravacanampratyuvācārjunastadā |
vijayandehi me tāta śatrukliṣṭasya sarvathā || 52 ||
[Analyze grammar]

śakra uvāca |
baliṣṭhāśśatravaste ca duryodhanapuraḥsarāḥ |
droṇo bhīmaśca karṇaśca sarve te durjayā dhuvam || 53 ||
[Analyze grammar]

aśvatthāmā droṇaputro raudroṃśo durjayo'ti saḥ |
mayā sādhyā bhaveyuste sarvathā svahitaṃ śṛṇu || 54 ||
[Analyze grammar]

etadvīra japaṃ kartuṃ na śaktaḥ kaścanādhunā |
vartate hi śivovaryastasmācchambhorjayo' dhunā || 55 ||
[Analyze grammar]

śaṃkaraḥ sarvalokeśaścarācarapatiḥ svarāṭ |
sarvaṃ kartuṃ samarthosti bhuktimuktiphalapradaḥ || 56 ||
[Analyze grammar]

ahaṃ manye ca brahmādyā viṣṇuḥ sarvavarapradaḥ |
anye jigīṣavo ye ca te sarve śivapūjakāḥ || 57 ||
[Analyze grammar]

adyaprabhṛti tanmantraṃ hitvā bhaktyā śivaṃ bhaja |
pārthivena vidhānena dhyānenaiva śivasya ca || 58 ||
[Analyze grammar]

upacārairanekaiśca sarvabhāvena bhārata |
siddhiḥ syādacalā tedya nātra kāryā vicāraṇā || 59 ||
[Analyze grammar]

nandīśvara uvāca |
ityuktvā ca carānsarvānsamāhūyābravīdidam |
sāvadhānena vai stheyametatsaṃrakṣaṇe sadā || 60 ||
[Analyze grammar]

prabodhya svacarānindro'rjunasaṃrakṣaṇādikam |
vātsalyapūrṇahṛdayaḥ punarūce kapidhvajam || 61 ||
[Analyze grammar]

indra uvāca |
rājyaṃ tvayā pramādādvai na kartavyaṃ kadācana |
śreyase bhadra vidyeyaṃ bhavettava parantapa || 62 ||
[Analyze grammar]

dhairyaṃ dhārya sādhakena sarvathā rakṣakaḥ śivaḥ |
saṃpattīśca phalantulyaṃ dāsyate nātra saṃśayaḥ || 63 ||
[Analyze grammar]

nandīśvara uvāca |
iti dattvā varantasya bhāratasya sureśvaraḥ |
smarañchivapadāmbhojañjagāma bhavanaṃ svakam || 64 ||
[Analyze grammar]

arjunopi mahāvīrassupraṇamya sureśvaram |
tapastepe saṃyatātmā śivamuddiśya tadvidham || 65 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ kirātāvatāravarṇanaprasaṃge'rjunatapovarṇanaṃ nāmāṣṭatriṃśo'dhyāyaḥ || 38 ||
[Analyze grammar]