Chapter 37

[English text for this chapter is available]

nandīśvara uvāca |
śṛṇu prājña kirātākhyamavatārampinākinaḥ |
mūkaṃ ca hatavānprīto yo'rjunāya varandadau || 1 ||
[Analyze grammar]

suyodhanajitāste vai pāṇḍavāḥ pravarāśca te |
draupadyā ca tayā sādhvyā dvaitākhyaṃ vanamāyayuḥ || 2 ||
[Analyze grammar]

tatraiva sūryyadattāṃ vai sthālīṃ cāśritya te tadā |
kālaṃ ca vāhayāmāsussukhena kila pāṇḍavāḥ || 3 ||
[Analyze grammar]

chalārthaṃ preritastena durvāsā munipuṅgavaḥ |
suyodhanena viprendra pāṇḍavāntikamādarāt || 4 ||
[Analyze grammar]

chātraiḥ svairvāyutaissārddhaṃ yayāce tatra tānmudā |
bhojyaṃ cittepsitaṃ vai sa tebhyaścaiva samāgataḥ || 5 ||
[Analyze grammar]

svīkṛtya pāṇḍavaistaistaiḥ snānārthaṃ preṣitāstadā |
durvāsaḥpramukhāścaiva munayaśca tapasvinaḥ || 6 ||
[Analyze grammar]

atha te pāṇḍavāḥ sarve annābhāvānmunīśvara |
duḥkhitāśca tadā prāṇāṃstyaktuṃ citte samādadhuḥ || 7 ||
[Analyze grammar]

draupadyā ca smṛtaḥ kṛṣṇa āgatastatkṣaṇādapi |
śākaṃ ca bhakṣayitvā tu teṣāṃ tṛptiṃ samādadhat || 8 ||
[Analyze grammar]

durvāsāśca tadā śiṣyāṃstṛptāñjñātvā yayau punaḥ |
pāṇḍavāḥ kṛcchranirmuktāḥ kṛṣṇasya kṛpayā tadā || 9 ||
[Analyze grammar]

atha te pāṇḍavāḥ kṛṣṇaṃ papracchuḥ kimbhaviṣyati |
balavāñchatrurutpannaḥ kiṃ kāryyantadvada prabho || 10 ||
[Analyze grammar]

nandīśvara uvāca |
iti pṛṣṭhastadā taistu śrīkṛṣṇaḥ pāṇḍavairmune |
smṛtvā śivapadāmbhojau pāṇḍavānidamabravīt || 11 ||
[Analyze grammar]

śrīkṛṣṇa uvāca |
śrūyatāṃ pāṇḍavāḥ śreṣṭhāḥ śrutvā kartavyameva hi |
madvṛttāntaṃ viśeṣeṇa śivasevāsamanvitam || 12 ||
[Analyze grammar]

dvārakāṃ ca mayā gatvā śatrūṇāṃ vijigīṣayā |
vicāryya copadeśāṃśca upamanyormahātmanaḥ || 13 ||
[Analyze grammar]

mayā hyārādhitaḥ śambhuḥ prasannaḥ parameśvaraḥ |
baṭuke parvataśreṣṭhe saptamāsaṃ susevitaḥ || 14 ||
[Analyze grammar]

iṣṭānkāmānadānmahyaṃ viśveśaśca svayaṃ sthitaḥ |
tatprabhāvānmayā sarvasāmarthyaṃ labdhamuttamam || 15 ||
[Analyze grammar]

idānīṃ sevyate devo bhuktimukti phalapradaḥ |
yūyaṃ sevata taṃ śambhumapi sarvasukhāvaham || 16 ||
[Analyze grammar]

nandīśvara uvāca |
ityuktvāntardadhe kṛṣṇa āśvāsyātha ca pāṇḍavān |
dvārakāmagamacchīghraṃ smaracchivapadāmbujam || 17 ||
[Analyze grammar]

pāṇḍavā atha bhillaṃ ca preṣayāmāsurojasā |
guṇānāṃ ca parīkṣārthaṃ tasya duryodhanasya ca || 18 ||
[Analyze grammar]

sopi sarvaṃ ca tatratyanduryodhanaguṇodayam |
samīcīnaṃ ca tajjñātvāpunaḥ prāpa prabhūnprati || 19 ||
[Analyze grammar]

taduktante niśamyaivaṃ dukhamprāpurmunīśvara |
parasparaṃ samūcuste pāṇḍavā atiduḥkhitāḥ || 20 ||
[Analyze grammar]

kiṅkartavyaṃ kva gantavyamasmābhiradhunā yudhi |
samarthā api vai sarve satyapāśena yantritāḥ || 21 ||
[Analyze grammar]

nandīśvara uvāca |
etasminsamaye vyāso bhasmabhūṣitamastakaḥ |
rudrākṣābharaṇaścāyājjaṭājūṭavibhūṣitaḥ || 22 ||
[Analyze grammar]

pañcākṣaraṃ japanmaṃtraṃ śivapremasamākulaḥ |
tejasāṃ ca svayaṃrāśissākṣāddharma ivāparaḥ || 23 ||
[Analyze grammar]

tandṛṣṭvā te tadā prītā utthāya purataḥ sthitāḥ |
dattvāsanaṃ tadā tasmai kuśājinasuśobhitam || 24 ||
[Analyze grammar]

tatropaviṣṭaṃ taṃ vyāsaṃ pūjayanti sma harṣitāḥ |
stutiṃ ca vividhāṃ kṛtvā dhanyāḥ sma iti vādinaḥ || 25 ||
[Analyze grammar]

tapaścaiva susantaptaṃ dānāni vividhāni ca |
tatsarvaṃ saphalaṃ jātaṃ tṛptāste darśanātprabho || 26 ||
[Analyze grammar]

duḥkhaṃ ca dūrato jātandarśanātte pitāmaha |
duṣṭaiścaiva mahāduḥkhaṃ dattaṃ naḥ krūrakarmabhiḥ || 27 ||
[Analyze grammar]

śrīmatāndarśane jāte duḥkhaṃ caiva gamiṣyati |
kadācinna gataṃ tatra niścayoyaṃ vicāritaḥ || 28 ||
[Analyze grammar]

mahatāmāśrame prāpte samarthe sarvakarmaṇi |
yadi duḥkhaṃ na gacchetu daivamevātra kāraṇam || 29 ||
[Analyze grammar]

niścayenaiva gacchetu dāridyaṃ duḥkhakāraṇam |
mahatāṃ ca svabhāvoyaṃ kalpavṛkṣasamo mataḥ || 30 ||
[Analyze grammar]

tadguṇāneva gaṇayenmahato vastumātrataḥ |
āśrayasya vaśādeva puṃso vai jāyate prabho || 31 ||
[Analyze grammar]

laghutvaṃ ca mahattvaṃ ca nātra kāryyā vicāraṇā |
uttamānāṃ svabhāvoyaṃ yaddīnapratipālanam || 32 ||
[Analyze grammar]

raṃkasya lakṣaṇaṃ loke hyatiśreyaskaraṃ matam |
puro'sya parayatno vai sujanānāṃ ca sevanam || 33 ||
[Analyze grammar]

ataḥ paraṃ ca bhāgyaṃ vai doṣaścaiva na dīyatām |
etasmātkāraṇātsvāmiṃstvayi dṛṣṭo śubhantadā || 34 ||
[Analyze grammar]

tvadāgamanamātreṇa santuṣṭāni manāṃsi naḥ |
diśopadeśaṃ yenāśu duḥkhaṃ naṣṭambhavecca naḥ || 35 ||
[Analyze grammar]

nandīśvara uvāca |
ityetadvacanaṃ śrutvā pāṇḍavānāṃ mahāmuniḥ |
prasannamānaso bhūtvā vyāsaścaivābravīdidam || 36 ||
[Analyze grammar]

he pāṇḍavāśca yūyaṃ vai na kaṣṭaṃ kartumarhatha |
dhanyāḥ stha kṛtakṛtyāḥ stha satyaṃ naiva vilopitam || 37 ||
[Analyze grammar]

sujanānāṃ svabhāvoyaṃ prāṇānte'pi suśobhanaḥ |
dharmaṃ tyajanti naivātra satyaṃ saphalabhājanam || 38 ||
[Analyze grammar]

asmākaṃ caiva yūyaṃ ca te cāpi samatāṅgatāḥ |
tathāpi pakṣapāto vai dharmiṣṭhānāṃ mato budhaiḥ || 39 ||
[Analyze grammar]

dhṛtarāṣṭrena duṣṭena prathamaṃ ca hyacakṣuṣā |
dharmastyaktaḥ svayaṃ lobhādyuṣmākaṃ rājyamāhṛtam || 40 ||
[Analyze grammar]

tasya yūyaṃ ca te cāpi putrā eva na saṃśayaḥ |
pitaryyuparate bālā anukaṃpyā mahātmanaḥ || 41 ||
[Analyze grammar]

paścātputraśca tenaiva vārito na kadācana |
anartho naiva jāyeta yaccaivaṃ ca kṛtantadā || 42 ||
[Analyze grammar]

ataḥ paraṃ ca yajjātaṃ tajjātaṃ nānyathābhavet |
ayanduṣṭo bhavantaśca dharmiṣṭhāḥ satyavādinaḥ || 43 ||
[Analyze grammar]

tasmādante ca tasyaivāśubhaṃ hi bhavitā dhuvam |
yaccaiva vāpitaṃ bījaṃ tatpraroho bhavediha || 44 ||
[Analyze grammar]

tasmādduḥkhaṃ na kartavyaṃ bhavadbhiḥ sarvathā dhruvam |
bhaviṣyati śubhaṃ vo hi nātra kāryyā vicāraṇā || 45 ||
[Analyze grammar]

|| nandīśvara uvāca |
ityuktvā pāṇḍavāḥ sarve tena vyāsena prīṇitāḥ |
yudhiṣṭhiramukhāste ca punarevābruvanvacaḥ || 46 ||
[Analyze grammar]

pāṇḍavā ūcuḥ |
satyamuktantvayā nātha duṣṭairduḥkhaṃ niraṃtaram |
duṣṭātmabhirvane cāpi dīyate hi muhurmuhuḥ || 47 ||
[Analyze grammar]

tannāśayāśubhammedya kiṃciddeyaṃ śubhaṃ vibho |
kṛṣṇena kathitaṃ pūrvamārādhyaśśaṅkarassadā || 48 ||
[Analyze grammar]

pramādaśca kṛto'smābhistadvacaśśithilīkṛtam |
sa devamārgastu punaridānīmupadiśyatām || 49 ||
[Analyze grammar]

nandīśvara uvāca |
ityetadvacanaṃ śrutvā vyāso harṣasamanvitaḥ |
uvāca pāṇḍavānprītyā smṛtvā śivapadāṃbujam || 50 ||
[Analyze grammar]

vyāsa uvāca |
śrūyatāṃ vacanaṃ medya pāṃḍavā dharmabuddhayaḥ |
satyamuktaṃ tu kṛṣṇena mayā saṃsevyate śivaḥ || 51 ||
[Analyze grammar]

bhavadbhiḥ sevyatāṃ prītyā sukhaṃ syādatulaṃ sadā |
sarvaduḥkhaṃ bhavatyeva śivā'sevāta eva hi || 52 ||
[Analyze grammar]

|| naṃdīśvara uvāca |
atha paṃcasu teṣveva vicāryya śivapūjane |
arjunaṃ yogyamuccārya vyāso munivarastathā || 53 ||
[Analyze grammar]

tapaḥsthānaṃ vicāryyaivaṃ tatassa munisattamaḥ |
pāṇḍavāndharmasanniṣṭhānpunarevābravīdidam || 54 ||
[Analyze grammar]

|| vyāsa uvāca |
śrūyatāmpāṇḍavāssarve kathayāmi hitaṃ sadā |
śivaṃ sarvaṃ paraṃ dṛṣṭvā paraṃ brahma satāṅgatim || 55 ||
[Analyze grammar]

brahmāditriparārddhāntaṃ yatkiṃciddṛśyate jagat |
tatsarvaṃ śivarūpaṃ ca pūjyandhyeyaṃ ca tatpunaḥ || 56 ||
[Analyze grammar]

sarveṣāṃ caiva seṣyosau śaṅkarassarvaduḥkhahā |
śivaḥ svalpena kālena saṃprasīdati bhaktitaḥ || 57 ||
[Analyze grammar]

suprasanno maheśo hi bhaktebhyaḥ sakalapradaḥ |
bhuktiṃ muktimihāmutra yacchatīti suniścitam || 58 ||
[Analyze grammar]

tasmātsevyassadā śabhbhurbhuktimuktiphalepsubhiḥ |
puruṣaśśaṅkaraḥ sākṣādduṣṭahantā satāṃgatiḥ || 59 ||
[Analyze grammar]

parantu prathamaṃ śakravidyāṃ dṛḍhamanā japet |
kṣatriyasya parākhyasya cedameva samāhitam || 60 ||
[Analyze grammar]

atorjunaśca prathamaṃ śakravidyāṃ japeddṛḍhaḥ |
kariṣyati parīkṣāmprāk saṃtuṣṭastadbhaviṣyati || 61 ||
[Analyze grammar]

suprasannaśca vighnāni saṃhariṣyati sarvadā |
punaścaivaṃ śivasyaiva varaṃ mantraṃ pradāsyati || 62 ||
[Analyze grammar]

nandīśvara uvāca |
ityuktvārjunamāhūyopendravidyāmupādiśat |
snātvā ca prāṅmukho bhūtvā jagrāhārjuna ugradhīḥ || 63 ||
[Analyze grammar]

pārthivasya vidhānaṃ ca tasmai munivaro dadau |
pratyuvāca ca taṃ vyāso dhanaṃjayamudāradhīḥ || 64 ||
[Analyze grammar]

vyāsa uvāca |
ito gacchādhunā pārtha indrakīle suśobhane |
jāhnavyāśca samīpe vai sthitvā samyak tapaḥ kuru || 65 ||
[Analyze grammar]

adṛśyā caiva vidyā syātsadā te hitakāriṇī |
ityāśiṣandadau tasmai tataḥ provāca tānmuniḥ || 66 ||
[Analyze grammar]

dharmmamāsthāya sarvaṃ vai tiṣṭhantu nṛpasattamāḥ |
siddhiḥ syātsarvathā śreṣṭhā nātra kāryā vicāraṇā || 67 ||
[Analyze grammar]

nandīśvara uvāca |
iti dattvāśiṣantebhyaḥ pāṇḍavebhyo munīśvaraḥ |
smṛtvā śivapadāmbhojaṃ vyāsaścāntardadhe kṣaṇāt || 68 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ kirātāvatāravarṇanaprasaṃge'rjunāya vyāsopadeśavarṇanaṃ nāma saptatriṃśo'dhyāyaḥ || 37 ||
[Analyze grammar]