Chapter 23

[English text for this chapter is available]

nandīśvara uvāca |
tato vṛṣabharūpeṇa garjamānaḥ pinākadhṛk |
praviṣṭo vivaraṃ tatra ninadanbhairavānravān || 1 ||
[Analyze grammar]

nipestutasya ninadaiḥ purāṇi nagarāṇi ca |
prakampo hi babhūvātha sarveṣāṃ puravāsinām || 2 ||
[Analyze grammar]

tato vṛṣo hareḥ putrānsaṃgrāmodyatakārmukān |
śivamāyāvimūḍhātmamahābalaparākramān || 3 ||
[Analyze grammar]

hariputrāstataste'tha prākupyanmunisattama |
pradudruvuḥ pragarjyoccairvīrāśśaṃkarasanmukham || 4 ||
[Analyze grammar]

āyātāṃstānhareḥ putrānrudro vṛṣabharūpadhṛk |
prākupyadviṣṇuputrāṃśca khuraiśśṛṃgairvyadārayat || 5 ||
[Analyze grammar]

vidāritāṃgā rudreṇa sarve harisutāśca te |
naṣṭā drutaṃ sanbabhūvurgataprāṇā vicetasaḥ || 6 ||
[Analyze grammar]

hateṣu teṣu putreṣu viṣṇurbalavatāṃ varaḥ |
niṣkramyātha praṇamyoccairyayau śīghraṃ harāntikam || 7 ||
[Analyze grammar]

dṛṣṭvā rudraṃ pravrajaṃtaṃ hataviṣṇusutaṃ vṛṣam |
śaraissantāḍayāmāsa divyairastraiśca keśavaḥ || 8 ||
[Analyze grammar]

tataḥ kruddho mahādevo vṛṣarūpī madābalaḥ |
astrāṇi tāni viṣṇośca jagrāsa girigocaraḥ || 9 ||
[Analyze grammar]

atha kṛtvā mahākopaṃ vṛṣātmā sa maheśvaraḥ |
vinanāda mahāghoraṃ kampayaṃstrijaganmune || 10 ||
[Analyze grammar]

tata viṣṇośca tarasā khuraiśśṛṃgairvyadārayat |
viṣṇuṃ krodhākulaṃ mūḍhamajānantaṃ nijaṃ harim || 11 ||
[Analyze grammar]

tatassa śithilātmā hi vyathitāṃgo babhūva ha |
tatprahāramasahyāśu harirmāyāvimohitaḥ || 12 ||
[Analyze grammar]

gatagarvohariścaiva vicetā gatacetanaḥ |
jñātavānparameśānaṃ viharantaṃ vṛṣātmanā || 13 ||
[Analyze grammar]

atha vijñāya gaurīśamāgataṃ vṛṣarūpataḥ |
prāha gambhīrayā vācā nataskandhaḥ kṛtāñjaliḥ || 14 ||
[Analyze grammar]

hariruvāca |
devadeva mahādeva karuṇāsāgara prabho |
māyayā te maheśāna mohitohaṃ vimūḍhadhīḥ || 15 ||
[Analyze grammar]

kṛtaṃ yuddhaṃ tvayeśena svanāthena mayā prabho |
kṛpāṃ kṛtvā mayi svāminso'parādho hi sahyatām || 16 ||
[Analyze grammar]

nandīśvara uvāca |
tasya tadvacanaṃ śrutvā harerdīnatayā mune |
bhagavāñchaṃkaraḥ prāha rameśaṃ bhaktavatsalaḥ || 17 ||
[Analyze grammar]

he viṣṇo he mahābuddhe kathaṃ māṃ jñātavānna hi |
yuddhaṃ kṛtaṃ kṛtaste'dya jñānaṃ sarvvaṃ ca vismṛtam || 18 ||
[Analyze grammar]

ātmānaṃ kinna jānāsi madadhīnaparākramam |
tvayā nātra ratiḥ kāryā nivartasva kucārataḥ || 19 ||
[Analyze grammar]

kāmādhīnaṃ kathaṃ jñānaṃ strīṣu sakto vihārakṛt |
nocitantava deveśa smaraṇaṃ viśvatāraṇam || 20 ||
[Analyze grammar]

tacchutvā śambhuvacanaṃ vijñānapradamādarāt |
vrīḍyansvamanasā viṣṇuḥ prāha vācaṃ maheśvaram || 21 ||
[Analyze grammar]

viṣṇuruvāca |
mamātra vidyate cakraṃ tadgṛhītve tadādarāt |
gamiṣyāmi svalokantantvadājñāparipālakaḥ || 22 ||
[Analyze grammar]

nandīśvara uvāca |
tadākarṇya maheśāno vacanaṃ vaiṣṇavaṃ haraḥ |
pratyuvāca vṛṣātmā hi vṛṣarakṣaḥ punarharim || 23 ||
[Analyze grammar]

na vilambaḥ prakarttavyo gantavyamita āśu te |
macchāsanāddhare loke cakramatraiva tiṣṭhatām || 24 ||
[Analyze grammar]

santānādityasaṃsthānācchivatvavacanādapi |
ahaṃ ghorataraṃ tasmāccakramanyaddadāmi te || 25 ||
[Analyze grammar]

nandīśvara uvāca |
etaduktvā haro'lekhīddivyaṃ kālānalaprabham |
paraṃ cakraṃ pradīptaṃ hi sarvaduṣṭavināśanam || 26 ||
[Analyze grammar]

viṣṇave pradadau cakraṃ ghorārkāyutasuprabham |
sarvāmaramunīndrāṇāṃ rakṣakāya mahātmane || 27 ||
[Analyze grammar]

labdhvā sudarśanaṃ cānyañcakraṃ paramadīptimit |
uvāca vibudhāṃstatra viṣṇurbuddhimatāṃ varaḥ || 28 ||
[Analyze grammar]

sarvadevavarā yūyaṃ madvākyaṃ śṛṇutādarāt |
kartavyantattathā śīghraṃ tataśśaṃ vo bhaviṣyati || 29 ||
[Analyze grammar]

divyā varāṃganāssanti pātāle yauvanānvitāḥ |
tābhiḥ sārddhaṃ mahākrīḍāṃ yaḥ karotu karotu saḥ || 30 ||
[Analyze grammar]

tacchutvā keśavādvākyaṃ śūrāstridaśayonayaḥ |
praveṣṭukāmāḥ pātālambabhūvurviṣṇunā saha || 31 ||
[Analyze grammar]

vicāramatha vijñāya tantadā bhagavānhara |
krodhācchāpandadau ghoraṃ devayonyaṣṭakasya ca || 32 ||
[Analyze grammar]

hara uvāca |
varjayitvā muniṃ śāntaṃ dānavānvā madaṃśajam |
idaṃ yaḥ praviśetsthānaṃ tasya syānnidhanaṃ kṣaṇāt || 33 ||
[Analyze grammar]

śrutvā vākyamidaṃ ghoraṃ manuṣyahitavardhanam |
pratyākhyātāstu rudreṇa devāssvagṛhamā yayuḥ || 34 ||
[Analyze grammar]

evaṃ strīlaḥ paro viṣṇuśśivena pratiśāsitaḥ |
svarlokamagamadvyāsa svāsthyaṃ prāpa jagacca tat || 35 ||
[Analyze grammar]

vṛṣeśvaro'pi bhagavācchaṃkaro bhaktavatsalaḥ |
itthaṃ kṛtvā devakāryaṃ jagāma svagirīśvaram || 36 ||
[Analyze grammar]

vṛṣeśvarāvatārastu varṇitaśśaṃkarasya ca |
viṣṇumohaharaśśarvastrailokyasukhakārakaḥ || 37 ||
[Analyze grammar]

pavitramidamākhyānaṃ śatrubādhāharamparam |
svargyaṃ yaśasyamāyuṣyaṃ bhuktimuktipradaṃ satām || 38 ||
[Analyze grammar]

ya idaṃ śṛṇuyādbhaktyā śrāvayedvai samāhitaḥ |
sa bhuktvā sakalānkāmānante mokṣa mavāpnuyāt |
tathā paṭhiti yo hīdaṃ pāṭhayetsudhiyo narān || 39 ||
[Analyze grammar]

iti śrīśivamahāpurāṇe tṛtīyāyāṃ śatarudrasahitāyāṃ vṛṣeśvarasaṃjñakaśivāvatāravarṇanaṃ nāma trayoviṃśo'dhyāyaḥ || 23 ||
[Analyze grammar]