Chapter 22

[English text for this chapter is available]

nandīśvara uvāca |
śṛṇu brahmasuta prājña vṛṣeśākhyaṃ munīśvara |
śivāvatāraṃ sallīlaṃ harigarvaharaṃ varam || 1 ||
[Analyze grammar]

purā devāsurāḥ sarve jarāmṛtyubhayārditāḥ |
parasparaṃ ca saṃdhāya ratnānyāditsavo'bhavan || 2 ||
[Analyze grammar]

tataḥ surā'surāḥ sarve kṣīrodaṃ sāgarottamam |
udyatā mathituṃ taṃ ca babhūvurmuni nandana || 3 ||
[Analyze grammar]

āsañchucismitāssarve kenedaṃ manthanaṃ bhavet |
svakāryasiddhaye tasya brahmanniti surāsurāḥ || 4 ||
[Analyze grammar]

tadā nabhogatā vāṇī meghagambhīranisvanā |
uvāca devāndaityāṃśca śvāsayantīśvarājñayā || 5 ||
[Analyze grammar]

nabhovāṇyuvāca |
he devā asurāścaiva manthadhvaṃ kṣīrasāgaram |
bhavatāmbalabuddhirhi bhaviṣyati na saṃśayaḥ || 6 ||
[Analyze grammar]

mandaraṃ caiva manthānaṃ rajjuṃ kuruta vāsukim |
mithassarve militvā tu maṃthanaṃ kurutādarāt || 7 ||
[Analyze grammar]

nandīśvara uvāca |
nabhogatā tadā vāṇīṃ niśamyātha surāsuraḥ |
udyogaṃ cakrire sarve tatkartuṃ munisattama || 8 ||
[Analyze grammar]

susandhāyākhilāste vai mandaramparvatottamam |
kanakābhaṃ ca saralaṃ nānāśobhārcitaṃ yayuḥ || 9 ||
[Analyze grammar]

suprasādya girīśaṃ taṃ tadājñaptāḥ surāsurāḥ |
balādutpāṭayāmāsurnetukāmāḥ payo'rṇavam || 10 ||
[Analyze grammar]

bhujairutpāṭya te sarvve jagmuḥ kṣīrārṇava pure |
aśaktā abhavaṃstatra tamānetuṃ hataujasaḥ || 11 ||
[Analyze grammar]

tadbhujaissa paribhraṣṭaḥ patito maṃdaro giriḥ |
sahasātigurussadyo devadaityopari dhruvam || 12 ||
[Analyze grammar]

evambhagnodyamā bhagnāḥ sambabhūvussurāsurā |
cetanāḥ prāpya ca tatastuṣṭuvurjagadīśvaram || 13 ||
[Analyze grammar]

tadicchayodyatāssarve punarutthāya taṃ girim |
nicikṣipurjale nītvā kṣīrodasyottare taṭe || 14 ||
[Analyze grammar]

tatassurāsuragaṇā rajjuṃ kṛtvā ca vāsukim |
ratnānyādātukāmāste mamaṃthuḥ kṣīrasāgaram || 15 ||
[Analyze grammar]

kṣīrode mathyamāne tu śrīssvarlokamaheśvarī |
samudbhūtā samudrācca bhṛguputrī haripriyā || 16 ||
[Analyze grammar]

dhanvantariḥ śaśāṃkaśca pārijāto mahādrumaḥ |
uccaiśśravāśca turago gaja airāvatastathā || 17 ||
[Analyze grammar]

surā haridhanu śśaṅkho gāvaḥ kāmadughāstataḥ |
kaustubhākhyo maṇiścaiva tathā pīyūṣameva ca || 18 ||
[Analyze grammar]

punaśca mathyamāne tu kālakūṭaṃ mahāviṣam |
yugāntānalabha jātaṃ surāsurabhayāvahama || 19 ||
[Analyze grammar]

pīyūṣajanmakāle tu bindavo ye bahirgatāḥ |
tebhyaḥ kāntā samudbhūtā bahvayo hyadbhutadarśanāḥ || 20 ||
[Analyze grammar]

śaratpūrṇenduvadanāstaḍitsūryyānalaprabhāḥ |
hārakeyūrakaṭakairdivyaratnairalaṅkṛtāḥ || 21 ||
[Analyze grammar]

lāvaṇyāmṛtatoyena tāssiṃcantyo diśo daśa |
jagadunmādayantyeva bhrūbhaṅgāyatavīkṣaṇāḥ || 22 ||
[Analyze grammar]

koṭiśastāssamutpannāstvamṛtātkāmanissṛtāḥ |
tato'mṛtaṃ samutpannaṃ jarāmṛtyunivāraṇam || 23 ||
[Analyze grammar]

lakṣmīṃ śaṃkhaṃ kaustubhaṃ ca khaḍgaṃ jagrāha keśavaḥ |
jagrāhārko hayaṃ divyamuccaiḥśravasamādarāt || 24 ||
[Analyze grammar]

pārijātaṃ taruvaramairāvatamibheśvaram |
śacīpatiśca jagrāha nirjareśo mahādarāta || 25 ||
[Analyze grammar]

kālakūṭaṃ śaśāṃkaṃ ca devatrāṇāya śaṃkaraḥ |
svakaṇṭhe dhṛtavāñchambhussvecchayā bhaktavatsalaḥ || 26 ||
[Analyze grammar]

daityāssurākhyāṃ ramaṇīmīśvarājñāvimohitāḥ |
jagṛhuḥ sakalā vyāsa sarve dhanvantariṃ janāḥ || 27 ||
[Analyze grammar]

jagṛhurmunayassarve kāmadhenummunīśvarāḥ |
sāmānyatastriyastāśca sthitā āsanvimohitāḥ || 28 ||
[Analyze grammar]

amṛtārthaṃ mahāyuddhaṃ saṃbabhūva jayaiṣiṇām |
surāṇāmasurāṇāṃ ca mithaḥ saṃkṣubdhacetasām || 29 ||
[Analyze grammar]

hṛtaṃ somaṃ ca daiteyairbalāddevānvijitya ca |
baliprabhṛtibhirvyāsa yugāntāgnyarkasuprabhaiḥ || 30 ||
[Analyze grammar]

devāśśaṃkaramāpannā vihvalāśśivamāyayā |
sarve śakrādayastāta daiteyairarditā balāt || 31 ||
[Analyze grammar]

tatastadamṛtaṃ yatnātstrīsvarūpeṇa māyayā |
śivājñayā rameśena daityebhyaśca hṛtammune || 32 ||
[Analyze grammar]

apāyayatsurāṃstāṃśca mohinīstrīsvarūpadhṛk |
mohayitvā surānsarvānharirmāyāvināṃ varaḥ || 33 ||
[Analyze grammar]

gatvā nikaṭametasyā ūcire daityapuṃgavāḥ |
pāyayasva sudhāmetāṃ mā bhūdbhedo'tra paṃktiṣu || 34 ||
[Analyze grammar]

etaduktvā dadustasmai viṣṇave chalarūpiṇe |
te daityā dānavāḥ sarve śivamāyāvimohitāḥ || 35 ||
[Analyze grammar]

etasminnantare dṛṣṭvā striyo dānavapuṃgavāḥ |
anayannamṛtodbhūtā yathāsthānaṃ yathāsukham || 36 ||
[Analyze grammar]

tāsāmpurāṇi divyāni svargācchaguṇānyapi |
ghorairyantraissuguptāni mayamāyākṛtāni ca || 37 ||
[Analyze grammar]

surakṣitāni sarvāṇi kṛtvā yuddhāya niryayuḥ |
aspṛṣṭavakṣaso daityāḥ kṛtvā samayameva hi || 38 ||
[Analyze grammar]

na spṛśāmaḥ striyaścemā yadi devairvinirjitāḥ |
ityuktvā te mahāvīrā daityāssarve yuyutsavaḥ || 39 ||
[Analyze grammar]

siṃhanādantataścakruśśaṃkhāndadhmuḥ pṛthakpṛthak |
pūrayanta ivākāśaṃ tarpayanto balāhakān || 40 ||
[Analyze grammar]

yuddhaṃ babhūva devānāmasuraissaha bhīkaram |
devāsurākhyamatulaṃ prasiddhaṃ bhuvanatraye || 41 ||
[Analyze grammar]

jayaṃ prāpussurāssarve viṣṇunā parirakṣitāḥ |
daityāḥ palāyitāstatra hatāḥ sāmaraviṣṇunā || 42 ||
[Analyze grammar]

daityāḥ saṃmohitā devairviṣṇunā ca mahātmanā |
hatāvaśiṣṭāḥ pātālaṃ viviśurvivarāṇi ca || 43 ||
[Analyze grammar]

anuvavrāja tānviṣṇuścakrapāṇirmahābalaḥ |
pātālaṃ paramaṃ gatvā saṃsthitānbhītabhītavat || 44 ||
[Analyze grammar]

etasminnantare viṣṇu dadarśāmṛtasambhavāḥ |
kāntāḥ pūrṇenduvadanā divyalāvaṇyagarvitāḥ || 45 ||
[Analyze grammar]

saṃmohitaḥ kāmabāṇairlebhe tatraiva nirvṛtim |
tābhiśca varanārībhiḥ krīḍamāno babhūva ha || 46 ||
[Analyze grammar]

tābhya putrānajanayadviṣṇurvaraparākramān |
mahīṃ sarvāṃ kaṃpayato nānāyuddhaviśāradān || 47 ||
[Analyze grammar]

tato vai hariputrāste mahābalaparākramāḥ |
mahopadravamācerussvarge bhuvi ca duḥkhadam || 48 ||
[Analyze grammar]

lokopadravamālakṣya nirjarā munayo'tha vai |
cakrurnivedananteṣāṃ brahmaṇe praṇipatya ca || 49 ||
[Analyze grammar]

tacchrutvādāya tānbrahmā yayau kailāsaparvatam |
tatra dṛṣṭvā śivaṃ devaiḥ praṇanāma punaḥ punaḥ || 50 ||
[Analyze grammar]

tuṣṭāva vividhaistotrairnata skandhaḥ kṛtāñjaliḥ |
jaya deva mahādeva sarvasvāminniti bruvan || 51 ||
[Analyze grammar]

brahmovāca |
devadeva mahādeva lokānrakṣākhilānprabho |
upadrutānviṣṇuputraiḥ pātālasthairvikāribhiḥ || 52 ||
[Analyze grammar]

nārīṣvamṛtabhūtāsu saṃsaktātmā harirvibho |
pātāle tiṣṭhatīdānīṃ ramate hi vikāravān || 53 ||
[Analyze grammar]

nandīśvara uvāca |
itthaṃ bahustutaḥ śambhurbrahmaṇā sarṣinirjaraiḥ |
lokasaṃrakṣaṇārthāya viṣṇorānayanāya ca || 54 ||
[Analyze grammar]

tatassa bhagavāñchambhuḥ kṛpāsiṃdhurmaheśvaraḥ |
tadupadravamājñāya vṛṣarūpo babhūva ha || 55 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ viṣṇūpadravavṛṣāvatāravarṇanaṃ nāma dvāviṃśo'dhyāyaḥ || 22 ||
[Analyze grammar]