Chapter 14

[English text for this chapter is available]

nandīśvara uvāca |
sa vipro gṛhamāgatya mahāharṣasamanvitaḥ |
priyāyai kathayāmāsa tadvṛttāntamaśeṣataḥ || 1 ||
[Analyze grammar]

tacchrutvā viprapatnī sā mudamprāpa śuciṣmatī |
atīva premasaṃyuktā praśaśaṃsa vidhinnijam || 2 ||
[Analyze grammar]

atha kālena tadyoṣidantarvatnī babhūva ha |
vidhivadvihite tena garbhādhānākhyakarmaṇi || 3 ||
[Analyze grammar]

tataḥ puṃsavanantena syandanātprāgvipaścitā |
gṛhyoktavidhinā samyakkṛtampuṃstvavivṛddhaye || 4 ||
[Analyze grammar]

sīmanto'thāṣṭame māse garbharūpasamṛddhikṛt |
sukhaprasavasiddhau ca tenākari kṛpāvidā || 5 ||
[Analyze grammar]

athātaśśubhatārāsu tārādhipavarānanaḥ |
kendre gurau śubhe lagne sugraheṣu yugeṣu ca || 6 ||
[Analyze grammar]

ariṣṭadīpanirvāṇassarvāriṣṭavināśakṛt |
tanayo nāma tasyāntu śuciṣmatyāmbabhūva ha || 7 ||
[Analyze grammar]

śarvassamastasukhado bhūrbhuvaḥ svarnnivāsinām |
gandhavāhanavāhāśca digvadhūrmukhavāsasaḥ || 8 ||
[Analyze grammar]

iṣṭagandhaprasūnaughairvavṛṣuste ghanāghanāḥ |
devadundubhayo neduḥ prasedussarvvato diśaḥ || 9 ||
[Analyze grammar]

paritassaritassvacchā bhūtānāṃ mānasaissaha |
tamo'tāmyattu nitarāṃ rajo'pi virajo'bhavat || 10 ||
[Analyze grammar]

sattvāssattvasamāyuktāḥ sudhāvṛṣṭirbabhūva vai |
kalyāṇī sarvathā vāṇī prāṇinaḥ priyavatyabhūt || 11 ||
[Analyze grammar]

raṃbhāmukhyā apsaraso maṅgaladravyapāṇayaḥ |
vidyādharyaśca kinnaryyastathā maryyassahasraśaḥ || 12 ||
[Analyze grammar]

gandharvoragayakṣāṇāṃ sumāniyaḥ śubhasvarāḥ |
gāyantyo maṃgalaṃ gītantatrājagmuranekaśaḥ || 13 ||
[Analyze grammar]

mārīciratriḥ pulahaḥ pulastyaḥ kraturaṅgirāḥ |
vasiṣṭhaḥ kaśyapo'gastyo vibhāṇḍo māṇḍavīsutaḥ || 14 ||
[Analyze grammar]

lomaśo romacaraṇo bharadvājo'tha gautamaḥ |
bhṛgustu gālavo gargo jātūkarṇyaḥ parāśaraḥ || 15 ||
[Analyze grammar]

āpastambo yājñavalkyo dakṣavālmīkimudgalāḥ |
śātātapaśca likhitaśśilādaḥ śaṃkha uñchabhuk || 16 ||
[Analyze grammar]

jamadagniśca saṃvarto mataṃgo bharatoṃśumān |
vyāsaḥ kātyāyanaḥ kutsaḥ śaunakastu śrutaśśukaḥ || 17 ||
[Analyze grammar]

ṛṣyaśṛṅgo'tha durvvāsāśśucirnārada tumburuḥ |
uttaṃko vāmadevaśca pavano'sitadevalau || 18 ||
[Analyze grammar]

sālaṃkāyanahārītau viśvāmitro'tha bhārgavaḥ |
mṛkaṇḍassaha putreṇa parvvato dārukastathā || 19 ||
[Analyze grammar]

dhaumyopamanyuvatsādyā munayo munikanyakāḥ |
tacchāntyarthaṃ samājagmurdhanyaṃ viśvānarāśramam || 20 ||
[Analyze grammar]

brahmā bṛhaspatiyuto devo garuḍavāhanaḥ |
nandibhṛṅgi samāyukto gauryyā saha vṛṣadhvajaḥ || 21 ||
[Analyze grammar]

mahendramukhyā gīrvāṇā nāgāḥ pātālavāsinaḥ |
ratnānyādāya bahuśassasaritkā mahābdhayaḥ || 22 ||
[Analyze grammar]

sthāvarā jaṃgamaṃ rūpaṃ dhṛtvā yātāssahasraśaḥ |
mahāmahotsave tasminbabhūvākālakaumudī || 23 ||
[Analyze grammar]

jātakarma svayaṃ tasya kṛtavānvidhirānataḥ |
śrutiṃ vicāryya tadrūpannāmnā gṛhapatistvayam || 24 ||
[Analyze grammar]

iti nāma dadau tasmai deyamekādaśe'hani |
nāmakarmavidhānena tadarthaśrutimuccaran || 25 ||
[Analyze grammar]

caturnigamamantroktairāśīrbhirabhinandya ca |
samayāddhaṃsamāruhya sarveṣāñca pitāmahaḥ || 26 ||
[Analyze grammar]

kṛtvā bālocitāṃ rakṣāṃ laukikīṃ gatimāśritaḥ |
āruhya yānaṃ svandhāma haro'pi hariṇā yayau || 27 ||
[Analyze grammar]

aho rūpamaho tejastvaho sarvāṃgalakṣaṇam |
aho śuciṣmatī bhāgyamāvirāsītsvayaṃ haraḥ || 28 ||
[Analyze grammar]

athavā kimidaṃ citraṃ śarvabhaktajaneṣvaho |
svayamāvirabhūdrudro yayo rudrastadarcitaḥ || 29 ||
[Analyze grammar]

iti stuvantastenyonyaṃ samprahṛṣṭatanūruhaḥ |
viśvānaraṃ samāpṛcchya jagmuḥ sarve yathāgatam || 30 ||
[Analyze grammar]

ataḥ putraṃ samīhante gṛhasthāśramavāsinaḥ |
putreṇa lokāñjayati śrutireṣā sanātanī || 31 ||
[Analyze grammar]

aputrasya gṛhaṃ śūnyamaputrasyārjanaṃ vṛthā |
aputrasya tapaśchinnaṃ no pavitratyaputrataḥ || 32 ||
[Analyze grammar]

na putrātparamo lābho na putrātparamaṃ sukham |
na putrātparamaṃ mitramparatreha ca kutracit || 33 ||
[Analyze grammar]

niṣkramo'tha caturthe'sya māsi pitrā kṛto gṛhāt |
annaprāśanamabdārddhe cūḍārddhe cārthavatkṛtā || 34 ||
[Analyze grammar]

karṇavedhantataḥ kṛtvā śravaṇarkṣe sa karmavit |
brahmatejobhivṛddhyarthaṃ pañcame'bde vratandadau || 35 ||
[Analyze grammar]

upākarmaṃ tataḥ kṛtvā vedānadhyāpayatsudhīḥ |
abdaṃ vedānsa vidhinā'dhyaiṣṭa sāṃgapadakramān || 36 ||
[Analyze grammar]

vidyājātaṃ samastaṃ ca sākṣimātraṃ guromukhāt |
vinayādiguṇānāviṣkurvañjagrāha śaktimān || 37 ||
[Analyze grammar]

tato'tha navame varṣe pitrośśuśrūṣaṇe ratam |
vaiśvānaraṃ gṛhapatiṃ draṣṭumāyācca nāradaḥ || 38 ||
[Analyze grammar]

viśvānaroṭajamprāpya devarṣistaṃ tu kautukī |
apṛcchatkuśalantatra gṛhītārdhāsanaḥ kramāt || 39 ||
[Analyze grammar]

tataḥ sarvaṃ ca tadbhāgyaṃ putradharmaṃ ca sammukhe |
vaiśvānaraṃ samavadatsmṛtvā śivapadāmbujam || 40 ||
[Analyze grammar]

nandīśvara uvāca |
ityukto muninā bālaḥ pitrorājñāmavāpya saḥ |
praṇamya nāradaṃ śrīmān bhaktyā prahva upāviśata || 41 ||
[Analyze grammar]

vaiśvānara samabhyehi mamotsaṃge niṣīda bhoḥ |
lakṣaṇāni parīkṣe'haṃ pāṇindarśaya dakṣiṇam || 42 ||
[Analyze grammar]

tato dṛṣṭvā tu sarvaṃ hi tālujihvādi nāradaḥ |
viśvānaraṃ samavadacchivapreraṇayā sudhīḥ || 43 ||
[Analyze grammar]

nārada uvāca |
viśvānara mune vacmi śṛṇu putrāṃkamādarāt |
sarvāṃgasvaṃkavānputro mahālakṣaṇavānayam || 44 ||
[Analyze grammar]

kintu sarvaguṇopetaṃ sarvalakṣaṇalakṣitam |
sampūrṇanirmalakalaṃ pālayedvidhuvadvidhiḥ || 45 ||
[Analyze grammar]

tasmātsarvaprayatnena rakṣaṇīyastvasau śiśu |
guṇo'pi doṣatāṃ yāti vakrībhūte vidhātari || 46 ||
[Analyze grammar]

śaṃke'sya dvādaśe māsi pratyūho vidyudagnitaḥ |
ityuktvā nārado'gacchaddevalokaṃ yathāgatam || 47 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ gṛhapatyavatāropākhyāne gṛhapatyavatāravarṇanaṃnāma caturdaśo'dhyāyaḥ || 14 ||
[Analyze grammar]