Chapter 5

[English text for this chapter is available]

|| śiva uvāca |
daśame dvāpare vyāsastridhāmā nāmato muni |
himavacchikhare ramye bhṛgutuṃge nagottame || 1 ||
[Analyze grammar]

tatrāpi mama putrāśca bhṛgvādyāḥ śrutisaṃmitāḥ |
balabandhurnarāmitraḥ ketuśṛṃgastapodhanaḥ || 2 ||
[Analyze grammar]

ekādaśe dvāpare tu vyāsaśca trivṛto yadā |
gaṃgādvāre kalau nāmnā tapo'haṃ bhavitā tadā || 3 ||
[Analyze grammar]

lambodaraśca lambākṣaḥ keśalamvaḥ pralambakaḥ |
tatrāpi putrāścatvāro bhaviṣyanti dṛḍhavratāḥ || 4 ||
[Analyze grammar]

dvādaśe parivartte tu śatatejāśca vedakṛt |
tatrāpyahaṃ bhaviṣyāmi dvāparānte kalāviha || 5 ||
[Analyze grammar]

hemakaṃcukamāsādya nāmnā hyatriḥ pariplutaḥ |
vyāsasyaiva sāhāyyārthaṃ nivṛttipatharoṣaṇaḥ || 6 ||
[Analyze grammar]

sarvajñaḥ samabuddhiśca sādhyaḥ śarvasuyoginaḥ |
tatreti putrāścatvāro bhaviṣyanti mahāmune || 7 ||
[Analyze grammar]

trayodaśe yuge tasmindharmo nārāyaṇaḥ sadā |
vyāsastadāhaṃ bhavitā balirnāma mahāmuniḥ || 8 ||
[Analyze grammar]

bālakhilyāśrame gaṃdhamādane parvatottame |
sudhāmā kāśyapaścaiva vasiṣṭho virajāḥ śubhāḥ || 9 ||
[Analyze grammar]

yadā vyāsastu rakṣākhyaḥ paryāye tu caturdaśe |
vaṃśa āṅgirase tatra bhavitāhaṃ ca gautamaḥ || 10 ||
[Analyze grammar]

tatrāpi mama te putrā bhaviṣyanti kalau tadā |
atrirdavaśadaścaiva śravaṇotha śraviṣkaṭaḥ || 11 ||
[Analyze grammar]

vyāsaḥ pañcadaśe trayyāruṇirvai dvāpare yadā |
tadāhaṃ bhavitā vedaśirā vedaśirastathā || 12 ||
[Analyze grammar]

mahāvīryaṃ tadastraṃ ca vedaśīrṣaśca parvataḥ |
himavatpṛṣṭhamāsādya sarasvatyāstathottare || 13 ||
[Analyze grammar]

tatrāpi mama catvāro bhaviṣyanti sutā dṛḍhāḥ |
kuṇiśca kuṇibāhuśca kuśarīraḥ kunetrakaḥ || 14 ||
[Analyze grammar]

vyāso yuge ṣoḍaśe tu yadā devo bhaviṣyati |
tadā yogapradānāya gokarṇo bhavitā hyaham || 15 ||
[Analyze grammar]

tatraiva ca supuṇyaṃ ca gokarṇaṃ nāma tadvanam |
tatrāpi yoginaḥ putra bhaviṣyaṃtityambusaṃmitāḥ || 16 ||
[Analyze grammar]

kāśyapopyuśanāścaiva cyavano'tha bṛhaspatiḥ |
tepi tenaiva mārgeṇa gamiṣyanti śivālayam || 17 ||
[Analyze grammar]

parivartte saptadaśe vyāso devakṛtaṃjayaḥ |
guhāvāsīti nāmnāhaṃ himavacchikhare śubhe || 18 ||
[Analyze grammar]

mahālaye mahottuṃge śivakṣetraṃ himāla yam |
utathyo vāmadevaśca mahāyogo mahābalaḥ || 19 ||
[Analyze grammar]

parivartte'ṣṭādaśe tu yadā vyāsa ṛtaṃjayaḥ |
śikhāṇḍīnāmatohaṃ taddhimavacchikhare śubhe || 20 ||
[Analyze grammar]

siddhakṣetre mahāpuṇye śikhaṇḍī nāma parvataḥ |
śikhaṇḍino vanaṃ vāpi yatra siddhaniṣevitam || 21 ||
[Analyze grammar]

vācaḥśravā rucīkaśca syāvāsyaśca yatīśvaraḥ |
ete putrā bhaviṣyanti tatrāpi ca tapodhanāḥ || 22 ||
[Analyze grammar]

ekonaviṃśe vyāsastu bharadvājo mahāmuniḥ |
tadāpyahaṃ bhaviṣyāmi jaṭī mālī ca nāmataḥ || 23 ||
[Analyze grammar]

himavacchikhare tatra putrā me'mbudhisaṃhitāḥ |
hiraṇyanāmā kauśalyo lokākṣī pradhimistathā || 24 ||
[Analyze grammar]

parivartte viṃśatime bhavitā vyāsa gautamaḥ |
tatrāṭṭahāsanāmāhamaṭṭahāsapriyā narāḥ || 25 ||
[Analyze grammar]

tatraiva himavatpṛṣṭhe aṭṭahāso mahāgiriḥ |
devamānuṣayakṣendrasiddhacāraṇasevitaḥ || 26 ||
[Analyze grammar]

tatrāpi mama te putrā bhavi ṣyanti suyoginaḥ |
sumanturbabarirvidvān kabaṃdhaḥ kuśikandharaḥ || 27 ||
[Analyze grammar]

ekaviṃśe yuge tasmin vyāso vācaḥśravā yadā |
tadāhaṃ dāruko nāma tasmāddāruvanaṃ śubham || 28 ||
[Analyze grammar]

tatrāpi mama te putrā bhaviṣyanti suyoginaḥ |
plakṣo dārbhāyaṇiścaiva ketumān gautamastathā || 29 ||
[Analyze grammar]

dvāviṃśe parivarte tu vyāsaḥ śuṣmāyaṇo yadā |
tadāpyahaṃ bhaviṣyāmi vārāṇasyāṃ mahāmuniḥ || 30 ||
[Analyze grammar]

nāmnā vai lāṃgalī bhīmo yatra devāḥ savāsavāḥ |
drakṣyaṃti māṃ kalau tasminbhavaṃ caiva halāyudham || 31 ||
[Analyze grammar]

tatrāpi mama te putrā bhaviṣyaṃti sudhārmikāḥ |
bhallavī madhupiṃgaśca śvetaketustathaiva ca || 32 ||
[Analyze grammar]

parivarte trayoviṃśe tṛṇabinduryadā muniḥ |
śveto nāma tadāhaṃ vai girau kālaṃjare śubhe || 33 ||
[Analyze grammar]

tatrāpi mama te putrā bhaviṣyanti tapasvinaḥ |
uśiko bṛhadaśvaśca devalaḥ kavireva ca || 34 ||
[Analyze grammar]

parivarte caturviṃśe vyāso yakṣo yadā vibhuḥ |
śūlī nāma mahāyogī tadyuge naimiṣe tadā || 35 ||
[Analyze grammar]

tatrāpi mama te śiṣyā bhaviṣyanti tapasvinaḥ |
śālihotro'gniveśaśca yuvanāśvaḥ śaradvasuḥ || 36 ||
[Analyze grammar]

paṃcaviṃśe yadā vyāsaḥ śaktirnāmnā bhaviṣyati |
tadāpyahaṃ mahāyogī daṇḍī muṇḍīśvaraḥ prabhuḥ || 37 ||
[Analyze grammar]

tatrāpi mama te śiṣyā bhaviṣyanti tapasvinaḥ |
chagalaḥ kuṇḍakarṇaśca kumbhāṇḍaśca pravāhakaḥ || 38 ||
[Analyze grammar]

vyāsaḥ parāśaro yarhi ṣaḍviṃśe bhavitāpyaham |
puraṃ bhadravaṭaṃ prāpya sahiṣṇurnāma nāmataḥ || 39 ||
[Analyze grammar]

tatrāpi mama te śiṣyā bhaviṣyanti tapasvinaḥ |
ulūko vidyutaścaiva śambūko hyāśvalāyanaḥ || 40 ||
[Analyze grammar]

saptaviṃśe yadā vyāso jātūkarṇyo bhaviṣyati |
prabhāsatīrthamāśritya somaśarmā tadāpyaham || 41 ||
[Analyze grammar]

tatrāpi mama te śiṣyā bhaviṣyaṃti tapasvinaḥ |
akṣapādaḥ kumāraścolūko vatsastathaiva ca || 42 ||
[Analyze grammar]

aṣṭāviṃśe drāpare tu parāśarasuto hariḥ |
yadā vyāso bhaviṣyāmi nāmnā dvaipāyanaḥ pramuḥ || 43 ||
[Analyze grammar]

tadā ṣaṣṭhena cāṃśena kṛṣṇaḥ puruṣasattamaḥ |
vasudevasutaḥ śreṣṭho vāsudevo bhaviṣyati || 44 ||
[Analyze grammar]

tadāpyahaṃ bhaviṣyāmi yogātmā yogamāyayā |
lokavismāpanārthāya brahmacāriśarīrakaḥ || 45 ||
[Analyze grammar]

śmaśāne mṛtamutsṛjya dṛṣṭvā kāyamanāmayam |
brāhmaṇānāṃ hitārthāya praviṣṭo yogamāyayā || 46 ||
[Analyze grammar]

divyāṃ meruguhāṃ puṇyāṃ tvayā sārddhaṃ ca viṣṇunā |
bhaviṣyāmi tadā brahmaṃllakulī nāmanāmataḥ || 47 ||
[Analyze grammar]

kāyāvatāra ityevaṃ siddhakṣetraṃ paraṃ tadā |
bhaviṣyati suvikhyātaṃ yāvadbhūmirdhariṣyati || 48 ||
[Analyze grammar]

tatrāpi mama te śiṣyā bhaviṣyanti tapasvinaḥ |
kuśikaścaiva gargaśca mitraḥ kauruṣya eva ca || 49 ||
[Analyze grammar]

yogino brāhmaṇā vedapāragā ūrddhvaretasaḥ |
prāpya māheśvaraṃ yogaṃ gamiṣyaṃti śivaṃ puram || 50 ||
[Analyze grammar]

vaivasvate'ntare samyak proktā hi paramātmanā |
yogeśvarāvatārāśca sarvāvarteṣu suvratāḥ || 51 ||
[Analyze grammar]

vyāsāścaivāṣṭaviṃśatkā dvāparedvāpare vibho |
yogeśvarāvatāraśca prāraṃbhe ca kalau kalau || 52 ||
[Analyze grammar]

yogeśvarāvatārāṇāṃ yogamārgapravarddhakāḥ |
mahāśaivāśca catvāraḥ śiṣyāḥ pratyekamavyayā || 53 ||
[Analyze grammar]

ete pāśupatāḥ śiṣyā bhasmoddhūlitavigrahāḥ |
rudrākṣamālābharaṇāstripuṇḍrāṃkitamastakāḥ || 54 ||
[Analyze grammar]

śiṣyā dharmaratāḥ sarve vedavedāṃgapāragāḥ |
liṃgārcanaratā nityaṃ bāhyābhyantarataḥ sthitāḥ || 55 ||
[Analyze grammar]

bhaktyā mayi ca yogena dhyānaniṣṭhā jitendriyāḥ |
saṃkhyayā dvādaśādhikya śataṃ ca gaṇitā budhaiḥ || 56 ||
[Analyze grammar]

ityetadvai mayā proktamavatāreṣu lakṣaṇam |
manvādikṛṣṇaparyantamaṣṭāviṃśadyugakramāt || 57 ||
[Analyze grammar]

tatra śrutisamūhānāṃ vidhānaṃ brahmalakṣaṇam |
bhaviṣyati tadā kalpe kṛṣṇadvaipāyano yadā || 58 ||
[Analyze grammar]

ityevamuktvā brahmāṇamanugṛhya maheśvaraḥ |
punaḥ saṃprekṣya deveśastatraivāntaradhīyata || 59 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ śivāvatāropākhyāna ekonaviṃśatiśivāvatāravarṇanaṃ nāma pañcamo'dhyāyaḥ || 5 ||
[Analyze grammar]

iti dvicatvāriṃśāvatārāḥ || 42 ||
[Analyze grammar]