Chapter 4

[English text for this chapter is available]

nandīśvara uvāca |
sanatkumāra sarvajña caritaṃ śāṃkaraṃ mudā |
rudreṇa kathitaṃ prītyā brahmaṇe sukhadaṃ sadā || 1 ||
[Analyze grammar]

śiva uvāca |
saptame caiva vārāhe kalpe manvantarābhidhe |
kalpeśvaro'tha bhagavānsarvaṃ lokaprakāśanaḥ || 2 ||
[Analyze grammar]

marnorvaivasvatasyaiva te praputro bhaviṣyati |
tadā caturyugāścaiva tasminmanvantare vidhe || 3 ||
[Analyze grammar]

anugrahārthaṃ lokānāṃ brāhmaṇānāṃ hitāya ca |
utpaśyāmi vidhe brahmandvāparākhyayugāntike || 4 ||
[Analyze grammar]

yugapravṛttyā ca tadā tasmiṃśca prathame yuge |
dvāpare prathame brahmanyadā vyāsaḥ svayaṃprabhuḥ || 5 ||
[Analyze grammar]

tadāhaṃ brāhmaṇārthāya kalau tasminyugāntike |
bhaviṣyāmi śivāyuktaḥ śveto nāma mahāmuniḥ || 6 ||
[Analyze grammar]

himavacchikhare ramye chāgale parvatottame |
tadā śiṣyāḥ śikhāyuktā bhaviṣyanti vidhe mama || 7 ||
[Analyze grammar]

śvetaḥ śvetaśikhaścaiva śvetāśvaḥ śvetalohitaḥ |
catvāro dhyānayogātte gamiṣyanti puraṃ mama || 8 ||
[Analyze grammar]

tato bhaktā bhaviṣyanti jñātvā māṃ tattvato'vyayam |
janmamṛtyujarāhīnāḥ parabrahmasamādhayaḥ || 9 ||
[Analyze grammar]

draṣṭuṃ śakyo narairnāhamṛte dhyānātpitāmaha |
dānadharmādibhirvatsa sādhanaiḥ karmahetubhiḥ || 10 ||
[Analyze grammar]

dvitīye dvāpare vyāsaḥ satyo nāma prajāpatiḥ |
yadā tadā bhaviṣyāmi sutāro nāmataḥ kalau || 11 ||
[Analyze grammar]

tatrāpi me bhaviṣyanti śiṣyā vedavido dvijāḥ |
dundubhiḥ śatarūpaśca hṛṣīkaḥ ketumāṃstathā || 12 ||
[Analyze grammar]

catvāro dhyānayogātte gamiṣyanti puraṃ mama |
tato muktā bhaviṣyanti jñātvā māṃ tattvato'vyayam || 13 ||
[Analyze grammar]

tṛtīye dvāpare caiva yadā vyāsastu bhārgavaḥ |
tadāpyahaṃ bhaviṣyāmi damanastu purāntike || 14 ||
[Analyze grammar]

tatrāpi ca bhaviṣyanti catvāro mama putrakāḥ |
viśokaśca viśeṣaśca vipāpaḥ pāpanāśanaḥ || 15 ||
[Analyze grammar]

śiṣyaiḥ sāhāyyaṃ vyāsasya kariṣye caturānana |
nivṛttimārgaṃ sudṛḍhaṃ varttayiṣye kalāviha || 16 ||
[Analyze grammar]

caturthe dvāpare caiva yadā vyāsoṃ'girāḥ smṛtaḥ |
tadāpyahaṃ bhaviṣyāmi suhotro nāma nāmataḥ || 17 ||
[Analyze grammar]

tatrāpi mama te putrāścatvāro yogasādhakāḥ |
bhaviṣyaṃti mahātmānastannāmāni bruve vidhe || 18 ||
[Analyze grammar]

sumukho durmukhaścaiva dudarbho duratikramaḥ |
śiṣyaiḥ sāhāyyaṃ vyāsasya kariṣye'haṃ tadā vidhe || 19 ||
[Analyze grammar]

pañcame dvāpare caiva vyāsastu savitā smṛtaḥ |
tadā yogī bhaviṣyāmi kaṃko nāma mahātapāḥ || 20 ||
[Analyze grammar]

tatrāpi mama te putrāścatvāro yogasādhakāḥ |
bhaviṣyanti mahātmānastannāmāni śṛṇuṣva me || 21 ||
[Analyze grammar]

sanakaḥ sanātanaścaiva prabhuryaśca sanandanaḥ |
vibhuḥ sanatkumāraśca nirmalo nirahaṃkṛtiḥ || 22 ||
[Analyze grammar]

tatrāpi kaṃkanāmāhaṃ sāhāyyaṃ saviturvidhe |
vyāsasya hi kariṣyāmi nivṛttipathavarddhakaḥ || 23 ||
[Analyze grammar]

parivarte punaḥ ṣaṣṭhe dvāpare lokakārakaḥ |
kartā vedavibhāgasya mṛtyurvyāso bhaviṣyati || 24 ||
[Analyze grammar]

tadā'pyahaṃ bhaviṣyāmi lokākṣirnāma nāmataḥ |
vyāsasya susāhā yyārthaṃ nivṛttipathavarddhanaḥ || 25 ||
[Analyze grammar]

tatrāpi śiṣyāścatvāro bhaviṣyanti dṛḍhavratāḥ |
sudhāmā virajāścaiva saṃjayo vijayastathā || 26 ||
[Analyze grammar]

saptame parivarte tu yadā vyāsaḥ śatakratuḥ |
tadāpyahaṃ bhaviṣyāmi jaigīṣavyo vibhurvidhe || 27 ||
[Analyze grammar]

yogaṃ saṃdraḍhayiṣyāmi mahāyogavicakṣaṇaḥ |
kāśyāṃ guhāntare saṃstho divyadeśe kuśāstariḥ || 28 ||
[Analyze grammar]

sāhāyyaṃ ca kariṣyāmi vyāsasya hi śatakratoḥ |
uddhariṣyāmi bhaktāṃśca saṃsārabhayato vidhe || 29 ||
[Analyze grammar]

tatrāpi mama catvāro bhaviṣyanti sutā yuge |
sārasvataśca yogīśo meghavāhaḥ suvāhanaḥ || 30 ||
[Analyze grammar]

aṣṭame parivarte hi vasiṣṭho munisattamaḥ |
karttā vedavibhāgasya vedavyāso bhaviṣyati || 31 ||
[Analyze grammar]

tatrāpyahaṃ bhaviṣyāmi nāmato dadhivāhanaḥ |
vyāsasya hi kariṣyāmi sāhāyyaṃ yogavittama || 32 ||
[Analyze grammar]

kapilaścāsuriḥ pañcaśikhaḥ śālvalapūrvakaḥ |
catvāro yoginaḥ putrā bhaviṣyanti samā mama || 33 ||
[Analyze grammar]

navame parivarte tu tasminneva yuge vidhe |
bhaviṣyati muniśreṣṭho vyāsaḥ sārasvatāhvayaḥ || 34 ||
[Analyze grammar]

vyāsasya dhyāyatastasya nivṛttipathavṛddhaye |
tadāpyahaṃ bhaviṣyāmi ṛṣabho nāmataḥ smṛtaḥ || 35 ||
[Analyze grammar]

parāśaraśca gargaśca bhārgavo giriśastathā |
catvārastatra śiṣyā me bhaviṣyanti suyoginaḥ || 36 ||
[Analyze grammar]

taiḥ sākaṃ draḍhayiṣyāmi yogamārgaṃ prajāpate |
kariṣyāmi sāhāyyaṃ vai vedavyāsasya sanmune || 37 ||
[Analyze grammar]

tena rūpeṇa bhaktānāṃ bahūnāṃ duḥkhināṃ vidhe |
uddhāraṃ bhavato'haṃ vai kariṣyāmi dayākaraḥ || 38 ||
[Analyze grammar]

so'vatāro vidhe me hi ṛṣabhākhyassuyogakṛt |
sārasvatavyāsamanaḥ karttā nānotikārakaḥ || 39 ||
[Analyze grammar]

avatāreṇa me yena bhadrāyurnṛpabālakaḥ |
jīvito hi mṛtaḥ kṣveḍadoṣato janakojjhitaḥ || 40 ||
[Analyze grammar]

prāpte'tha ṣoḍaśe varṣe tasya rājaśiśoḥ punaḥ |
yayau tadveśma sahasā ṛṣabhaḥ sa madātmakaḥ || 41 ||
[Analyze grammar]

pūjitastena sa muniḥ sadrūpaśca kṛpānidhiḥ |
upādideśa taddharmānrājyayogānprajāpate || 42 ||
[Analyze grammar]

tataḥ sa kavacaṃ divyaṃ śaṃkhaṃ khaṅgaṃ ca bhāsvaram |
dadau tasmai prasannātmā sarvaśatruvināśanam || 43 ||
[Analyze grammar]

tadaṅga bhasmanāmṛśya kṛpayā dīnavatsalaḥ |
sa dvādaśasahasrasya gajānāṃ ca balaṃ dadau || 44 ||
[Analyze grammar]

iti bhadrāyuṣaṃ samyaganuśvāsya samātṛkam |
yayau svairagatastasyāṃ pūjitastvṛṣabhaḥ prabhuḥ || 45 ||
[Analyze grammar]

bhadrāyurapi rājarṣirjitvā ripugaṇānvidhe |
rājyaṃ cakāra dharmeṇa vivāhya kīrttimālinīm || 46 ||
[Analyze grammar]

itthaṃ prabhāvaṃ ṛṣabho'vatāraḥ śaṅkarasya me |
satāṃ gatirdīnabandhurnavamaḥ kathitastava || 47 ||
[Analyze grammar]

ṛṣabhasya caritraṃ hi paramaṃ pāvanaṃ mahat |
svargyaṃ yaśasyamāyuṣyaṃ śrotavyaṃ ca prayatnataḥ || 48 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāmṛṣabhacaritravarṇanaṃ nāma caturtho'dhyāyaḥ || 4 ||
[Analyze grammar]