Chapter 33

[English text for this chapter is available]

sanatkumāra uvāca |
tasya tadvākyamākarṇya surarāṭ tataḥ |
sakrodhaḥ prāha giriśo vīrabhadrādikāngaṇān || 1 ||
[Analyze grammar]

rudra uvāca |
he vīrabhadra he naṃdinkṣetrapālaṣṭabhairavāḥ |
sarve gaṇāśca sannaddhāssāyudhā balaśālinaḥ || 2 ||
[Analyze grammar]

kumārābhyāṃ sahaivādya nirgacchaṃtu mamājñayā |
svasenayā bhadrakālī nirgacchatu raṇāya ca |
śaṃkhacūḍavadhārthāya nirgacchāmyadya satvaram || 3 ||
[Analyze grammar]

sanatkumāra uvāca |
ityājñāpya maheśāno niryayau sainyasaṃyutaḥ |
sarve vīragaṇāstasyānu yayussaṃpraharṣitāḥ || 4 ||
[Analyze grammar]

etasminnaṃtare skaṃdagaṇeśau sarvasainyapau |
yataturmuditau naddhau sāyudhau ca śivāṃtike || 5 ||
[Analyze grammar]

vīrabhadraśca nandī ca mahākālassubhadrakaḥ |
viśālākṣaśca bāṇaśca piṃgalākṣo vikaṃpanaḥ || 6 ||
[Analyze grammar]

virūpo vikṛtiścaiva maṇibhadraśca bāṣkalaḥ |
kapilākhyo dīrghadaṃṣdro vikarastāmralocanaḥ || 7 ||
[Analyze grammar]

kālaṃkaro balībhadraḥ kālajihvaḥ kuṭīcaraḥ |
balonmatto raṇaślāghyo durjayo durgamastathā || 8 ||
[Analyze grammar]

ityādayo gaṇeśānāssainyānāṃ patayo varāḥ |
teṣāṃ ca gaṇanāṃ vacmi sāvadhānatayā śṛṇu || 9 ||
[Analyze grammar]

śaṃkhakarṇaḥ koṭigaṇairyutaḥ paravimardakaḥ |
daśabhiḥ kekarākṣaśca vikṛto'ṣṭābhireva ca || 10 ||
[Analyze grammar]

catuṣṣaṣṭyā viśākhaśca navabhiḥ pāriyātrikaḥ |
ṣaḍbhissarvāntakaḥ śrīmāṃsta thaiva vikṛtānanaḥ || 11 ||
[Analyze grammar]

jālako hi dvādaśabhiḥ koṭibhirgaṇapuṃgavaḥ |
saptabhissamadaḥ śrīmāndundubho'ṣṭābhireva ca || 12 ||
[Analyze grammar]

paṃcabhiśca karālākṣaḥ ṣaḍbhissaṃdārako varaḥ |
koṭikoṭibhireveha kaṃdukaḥ kuṃḍakastathā || 13 ||
[Analyze grammar]

viṣṭaṃbho'ṣṭābhireveha gaṇapassarvasa ttamaḥ |
pippalaśca sahasreṇa saṃnādaśca tathāvidhaḥ || 14 ||
[Analyze grammar]

āveśanastathāṣṭābhistvaṣṭabhiścandratāpanaḥ |
mahākeśaḥ sahasreṇa koṭīnāṃ gaṇapo vṛtaḥ || 15 ||
[Analyze grammar]

kuṃḍī dvādaśabhirvīrastathā parvatakaśśubhaḥ |
kālaśca kālakaścaiva mahākālaśśatena vai || 16 ||
[Analyze grammar]

agnikaśśata koṭyā ca koṭyāgnimukha eva ca |
ādityo hyarddhakoṭyā ca tathā caivaṃ ghanāvahaḥ || 17 ||
[Analyze grammar]

sanāhaśca śatenaiva kumudaḥ koṭibhistathā |
amoghaḥ kokilaścaiva śatakoṭyā sumaṃtrakaḥ || 18 ||
[Analyze grammar]

kākapādaḥ koṭiṣaṣṭyā ṣaṣṭyā saṃtānakastathā |
mahābalaśca navabhiḥ pañcabhirmadhupiṃgala || 19 ||
[Analyze grammar]

nīlo navatyā deveśaḥ pūrṇabhadrastathaiva ca |
koṭīnāṃ caiva saptānāṃ caturvaktro mahābalaḥ || 20 ||
[Analyze grammar]

koṭikoṭisahasrāṇāṃ śatairviṃśatibhistathā |
tatrājagmustathā vīrāste sarve saṃgarotsave || 21 ||
[Analyze grammar]

bhūtakoṭisahasreṇa pramathairkoṭibhi stribhiḥ |
vīrabhadraścatuṣṣaṣṭyā lomajānāṃ trikoṭibhiḥ || 22 ||
[Analyze grammar]

kāṣṭhārūḍhaścatuḥṣaṣṭyā sukeśo vṛṣabhastathā |
virūpākṣaśca bhagavāṃścatuṣṣaṣṭyā sanātanaḥ || 23 ||
[Analyze grammar]

tālaketuḥ ṣaḍāsyaśca paṃcāsyaśca pratāpavān |
saṃvartakastathā caitro laṃkulīśassvayaṃ prabhuḥ || 24 ||
[Analyze grammar]

lokāṃtakaśca dīptātmā tathā daityāṃtakaḥ prabhuḥ |
devo bhṛṅgīriṭiḥ śrīmāndevadevapriyastathā || 25 ||
[Analyze grammar]

aśanirbhānukaścaiva catuḥ ṣaṣṭyā sahasraśaḥ |
kaṃkālaḥ kālakaḥ kālo nandī sarvāntakastathā || 26 ||
[Analyze grammar]

ete cānye ca gaṇapā asaṃkhyātā mahābalāḥ |
yuddhārthaṃ niryayuḥ prītyā śaṃkhacūḍena nirbhayāḥ || 27 ||
[Analyze grammar]

sarve sahasrahastāśca jaṭāmukuṭadhāriṇaḥ |
candrarekhāvataṃsāśca nīlakaṃṭhāstrilocanāḥ || 28 ||
[Analyze grammar]

rudrākṣābharaṇāssarve tathā sadbhasmadhāriṇaḥ |
hārakuṃḍalakeyūramukuṭādyairalaṃkṛtāḥ || 29 ||
[Analyze grammar]

brahmendraviṣṇusaṃkāśā aṇimādiguṇairvṛtāḥ |
sūryakoṭipratīkāśāḥ pravīṇā yuddhakarmaṇi || 30 ||
[Analyze grammar]

pṛthivīcāriṇaḥ kecitkecitpātālacāriṇaḥ |
kecidvyomacarāḥ kecitsaptasvargacarā mune || 31 ||
[Analyze grammar]

kiṃ bahūktena devarṣe sarvalokanivāsinaḥ |
yayuśśivagaṇāssarve yuddhārthaṃ dānavaissaha || 32 ||
[Analyze grammar]

aṣṭau ca bhairavā raudrā rudrā ścaikādaśāśu ye |
vasavo'ṣṭau vāsavaścādityā dvādaśa te drutam || 33 ||
[Analyze grammar]

hutāśanaśca candraśca viśvakarmāśvinau ca tau |
kuberaśca yamaścaiva nirṛtirnalakūbaraḥ || 34 ||
[Analyze grammar]

vāyuśca varuṇaścaiva budhaśca maṃgalaśca vai |
grahāścānye maheśena kāmadevaśca vīryavān || 31 ||
[Analyze grammar]

ugradaṃṣṭraścogradaṇḍaḥ koraṭaḥ koṭabhastathā |
svayaṃ śatabhujā devī bhadrakālī maheśvarī || 36 ||
[Analyze grammar]

ratnendrasāranirmāṇavimānopari saṃsthitā|| |
raktavastraparīdhānā raktamālyānulepanā || 37 ||
[Analyze grammar]

nṛtyaṃtī ca hasaṃtī ca gāyaṃtī susvaraṃ mudā |
abhayaṃ dadatī svebhyo bhayaṃ cāribhya eva sā || 38 ||
[Analyze grammar]

bibhratī vikaṭāṃ jihvāṃ sulolāṃ yojanāyatām |
śaṃkhacakragadāpadmakhaṅgacarmadhanuśśarān || 39 ||
[Analyze grammar]

kharparaṃ vartulākāraṃ gaṃbhīraṃ yojanāyatam |
triśūlaṃ gaganasparśiṃ śaktiṃ ca yojanāyatām || 40 ||
[Analyze grammar]

mudgaraṃ musalaṃ vaktraṃ khaṅgaṃ phalakamulbaṇam |
vaiṣṇavāstraṃ vāruṇāstraṃ vāyavyaṃ nāgapāśakam || 41 ||
[Analyze grammar]

nārāyaṇāstraṃ gāṃdharvaṃ brahmāstraṃ gāruḍaṃ tathā |
pārjanyaṃ ca pāśupataṃ jṛṃbhaṇāstraṃ ca pārvatam || 42 ||
[Analyze grammar]

mahāvīraṃ ca sauraṃ ca kālakālaṃ mahānalam |
maheśvarāstraṃ yāmyaṃ ca daṃḍaṃ saṃmohanaṃ tathā || 43 ||
[Analyze grammar]

samarthamastrakaṃ divyaṃ divyāstraṃ śatakaṃ param |
bibhratī ca karaissarvairanyānyapi ca sā tadā || 44 ||
[Analyze grammar]

āgatya tasthau sā tatra yoginīnāṃ trikoṭibhiḥ |
sārddhaṃ ca ḍākinīnāṃ vai vikaṭānāṃ trikoṭibhiḥ || 45 ||
[Analyze grammar]

bhūtapretapiśācāśca kūṣmāṇḍā brahmarākṣasāḥ |
vetālā rākṣasāścaiva yakṣāścaiva sakinnarāḥ || 46 ||
[Analyze grammar]

taścaivābhivṛtaḥ skaṃdaḥ praṇamya candraśekharam |
pituḥ pārśve sahāyo yaḥ samuvāsa tadājñayā || 47 ||
[Analyze grammar]

atha śambhussamānīya svasainyaṃ sakalaṃ tadā |
yuddhārthamagamadrudraśśaṃṅkhacūḍena nirbhayaḥ || 48 ||
[Analyze grammar]

candrabhāgānadītīre vaṭamūle manohare |
tatra tasthau mahādevo devanistā rahetave || 49 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe śaṅkhacūḍavadhe mahādevayuddhayātrāvarṇanaṃ nāma traya striṃśattamo'dhyāyaḥ || 33 ||
[Analyze grammar]