Chapter 30

[English text for this chapter is available]

sanatkumāra uvāca |
gatvā tadaiva sa vidhistadā vyāsa rameśvaraḥ |
śivalokaṃ mahādivyaṃ nirādhāramabhautikam || 1 ||
[Analyze grammar]

sāhlādobhyantaraṃ viṣṇurjagāma muditānanaḥ |
nānāratnaparikṣiptaṃ vilasaṃtaṃ mahojjvalam || 2 ||
[Analyze grammar]

saṃprāpya prathamadvāraṃ vicitraṃ gaṇasevitam |
śobhitaṃ parayā lakṣmyā mahoccamatisundaram || 3 ||
[Analyze grammar]

dadarśa dvārapālāṃśca ratnasiṃhāsanasthitān |
śobhitāñśvetavastraiśca ratnabhūṣaṇabhūṣitān || 4 ||
[Analyze grammar]

pañcavaktratrinayanāngaurasundaravigrahān |
triśūlādidharānvīrānbhasmarudrākṣaśobhitān || 5 ||
[Analyze grammar]

sabrahmāpi rameśaśca tān praṇamya vinamrakaḥ |
kathayāmāsa vṛttāntaṃ prabhusaṃdarśanārthakam || 6 ||
[Analyze grammar]

tadājñāṃ ca dadustasmai praviveśa tadājñayā |
paraṃ dvāraṃ mahāramyaṃ vicitraṃ parama prabham || 7 ||
[Analyze grammar]

prabhūpakaṃṭhagatyarthaṃ vṛttāṃtaṃ saṃnyavedayat |
taddvārapāya cājñaptastenānyaṃ praviveśa ha || 8 ||
[Analyze grammar]

evaṃ paṃcadaśadvārānpraviśya kamalodbhavaḥ |
mahādvāraṃ gatastatra nandinaṃ pradadarśa ha || 9 ||
[Analyze grammar]

samyaṅnatvā ca taṃ stutvā pūrvavattena nandinā |
ājñaptaśca śanairviṣṇurviveśābhyaṃtaraṃ mudā || 10 ||
[Analyze grammar]

dadarśa gatvā tatroccaissabhāṃ śaṃbhossamutprabhām |
tāṃ pārṣadaiḥ parivṛtāṃ lasaddehaissubhūṣitām || 11 ||
[Analyze grammar]

maheśvarasya rūpaiśca digbhujaiśśubhakāṃtibhiḥ |
pañcavaktraistrinayanaiśśitikaṃṭhamahojjvalaiḥ || 12 ||
[Analyze grammar]

sadratnayuktarudrākṣabhasmābharaṇabhūṣitaiḥ |
navendumaṃḍalākārāṃ caturasrāṃ manoharām || 13 ||
[Analyze grammar]

maṇīndrahāranirmāṇahīrasārasuśobhitām |
amūlyaratnaracitāṃ padmapatraiśca śobhitām || 14 ||
[Analyze grammar]

māṇikyajālamālābhirnānācitravicitritām |
padmarāgendraracitāmadbhutāṃ śaṃkarecchayā || 15 ||
[Analyze grammar]

sopānaśatakairyuktāṃ syamaṃtakavinirmitaiḥ |
svarṇasūtragranthiyuktaiścārucandanapallavaiḥ || 16 ||
[Analyze grammar]

indranīlamaṇistaṃbhairveṣṭitāṃ sumanoharām |
susaṃskṛtāṃ ca sarvatra vāsitāṃ gaṃdhavāyunā || 17 ||
[Analyze grammar]

sahasrayojanāyāmāṃ supūrṇāṃ bahukiṃkaraiḥ |
dadarśa śaṃkaraṃ sāṃbaṃ tatra viṣṇussureśvaraḥ || 18 ||
[Analyze grammar]

vasaṃtaṃ madhyadeśe ca yathendutārakāvṛtam |
amūlyaratnanirmāṇacitrasiṃhāsanasthitam || 19 ||
[Analyze grammar]

kirīṭinaṃ kuṃḍalinaṃ ratnamālāvibhūṣitam |
bhasmoddhūlitasarvāṅgaṃ bibhrataṃ kelipaṃkajam || 20 ||
[Analyze grammar]

purato gītanṛtyaśca paśyaṃtaṃ sasmitaṃ mudā || 21 ||
[Analyze grammar]

śāṃtaṃ prasannamanasamumākāṃtaṃ mahollasam |
devyā pradatta tāmbūlaṃ bhuktavaṃtaṃ suvāsitam || 22 ||
[Analyze grammar]

gaṇaiśca parayā bhaktyā sevitaṃ śvetacāmaraiḥ |
stūyamānaṃ ca siddhaiśca bhaktinamrātmakaṃdharaiḥ || 23 ||
[Analyze grammar]

guṇātītaṃ pareśānaṃ tridevajanakaṃ vibhum |
nirvikalpaṃ nirākāraṃ sākāraṃ svecchayā śivam || 24 ||
[Analyze grammar]

amāyamajamādyañca māyādhīśaṃ parātparam |
prakṛteḥ puruṣasyāpi paramaṃ svaprabhuṃ sadā || 25 ||
[Analyze grammar]

evaṃ viśiṣṭaṃ taṃ dṛṣṭvā paripūrṇatamaṃ samam |
viṣṇurbrahmā tuṣṭuvatuḥ praṇamya sukṛtāṃjalī || 26 ||
[Analyze grammar]

viṣṇuvidhī ūcatuḥ |
devadeva mahādeva parabrahmākhileśvara |
triguṇātīta nirvyagra tridevajanaka prabho || 27 ||
[Analyze grammar]

vayaṃ te śaraṇāpannā rakṣasmāndukhitānvibho |
śaṃkhacūḍārditānkliṣṭānsannāthānparameśvara || 28 ||
[Analyze grammar]

ayaṃ yo'dhiṣṭhito loko goloka iti sa smṛtaḥ |
adhiṣṭhātā tasya vibhuḥ kṛṣṇo'yaṃ tvadadhiṣṭhitaḥ || 29 ||
[Analyze grammar]

pārṣadapravarastasya sudāmā daivayaṃtritaḥ |
rādhāśapto babhūvātha śaṃkhacūḍaśca dānavaḥ || 30 ||
[Analyze grammar]

tena nissāritāḥ śaṃbho pīḍyamānāḥ samaṃtataḥ |
hṛtādhikārastridaśā vicaraṃti mahītale || 31 ||
[Analyze grammar]

tvāṃ vinā na sa vadhyaśca sarveṣāṃ tridivaukasām |
taṃ ghātaya maheśāna lokānāṃ sukhamāvaha || 32 ||
[Analyze grammar]

tvameva nirguṇassatyo'naṃto'naṃtaparākramaḥ |
saguṇaśca sanniveśaḥ prakṛteḥ puruṣātparaḥ || 33 ||
[Analyze grammar]

rajasā sṛṣṭisamaye tvaṃ brahmā sṛṣṭikṛtprabho |
sattvena pālane viṣṇustribhuvāvana kārakaḥ || 34 ||
[Analyze grammar]

tamasā pralaye rudro jagatsaṃhārakārakaḥ |
nistraiguṇye śivākhyātasturyyo jyotiḥ svarūpakaḥ || 35 ||
[Analyze grammar]

tvaṃ dīkṣayā ca goloke tvaṃ gavāṃ paripālakaḥ |
tvadgośālāmadhyagaśca kṛṣṇaḥ krīḍatyaharniśam || 36 ||
[Analyze grammar]

tvaṃ sarvakāraṇaṃ svāmī vidhi viṣṇvīśvaraḥ param |
nirvikārī sadā sākṣī paramātmā pareśvaraḥ || 37 ||
[Analyze grammar]

dīnānāthasahāyī ca dīnānāṃ pratipālakaḥ |
dīnabaṃdhustrilokeśaśśaraṇāgatavatsalaḥ || 38 ||
[Analyze grammar]

asmānuddhara gaurīśa prasīda parameśvaraḥ |
tvadadhīnā vayaṃ nātha yadicchasi tathā kuru || 39 ||
[Analyze grammar]

sanatkumāra uvāca |
ityuktvā tau surau vyāsa harirbrahmā ca vai tadā |
virematuḥ śivaṃ natvā karau baddhvā vinītakau || 40 ||
[Analyze grammar]

iti śrīśiva mahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe śaṃkhacūḍavadhe devadevastutirnāma triṃśo'dhyāyaḥ || 30 ||
[Analyze grammar]