Shiva Purana [sanskrit]

223,192 words | ISBN-10: 8171101519

The Shiva-purana Book 2.5 Chapter 25 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

|| sanatkumāra uvāca |
atha brahmādayo devā munayaścākhilāstathā |
tuṣṭuvurdevadeveśaṃ vāgbhiriṣṭābhirānatāḥ || 1 ||
[Analyze grammar]

devā ūcuḥ |
devadeva mahādeva śaraṇāgatavatsala |
sādhusaukhyapradastvaṃ hi sarvadā bhaktaduḥkhahā || 2 ||
[Analyze grammar]

tvaṃ mahādbhutasallīlo bhaktigamyo durāsadaḥ |
durārādhyo'satāṃ nātha prasannassarvadā bhava || 3 ||
[Analyze grammar]

vedo'pi mahimānaṃ te na jānāti hi tattvataḥ |
yathāmati mahātmānassarve gāyaṃti sadyaśaḥ || 4 ||
[Analyze grammar]

māhātmyamatigūḍhaṃ te sahasravadanādayaḥ |
sadā gāyaṃti suprītyā punaṃti svagiraṃ hi te || 5 ||
[Analyze grammar]

kṛpayā tava deveśa brahmajñānī bhavejjaḍaḥ |
bhaktigamyassadā tvaṃ vā iti vedā bruvaṃti hi || 6 ||
[Analyze grammar]

tvaṃ vai dīnadayāluśca sarvatra vyāpakassadā |
āvirbhavasi sadbhaktyā nirvikārassatāṃ gatiḥ || 7 ||
[Analyze grammar]

bhaktyaiva te maheśāna bahavassiddhimāgatāḥ |
iha sarvasukhaṃ bhuktvā duḥkhitā nirvikārataḥ || 8 ||
[Analyze grammar]

purā yadupatirbhakto dāśārhassiddhimāgataḥ |
kalāvatī ca tatpatnī bhaktyaiva paramāṃ prabho || 9 ||
[Analyze grammar]

tathā mitrasaho rājā madayaṃtī ca tatpriyā |
bhaktyaiva tava deveśa kaivalyaṃ paramaṃ yayau || 10 ||
[Analyze grammar]

sauminī nāma tanayā kaikeyāgrabhuvastathā |
tava bhaktyā sukhaṃ prāpa paraṃ sadyogidurlabham || 11 ||
[Analyze grammar]

vimarṣaṇo nṛpavarassaptajanmāvadhi prabho |
bhuktvā bhogāṃśca vividhāṃstvadbhaktyā prāpa sadgatim || 12 ||
[Analyze grammar]

candraseno nṛpavarastvadbhaktyā sarvabhogabhuk |
duḥkhamuktaḥ sukhaṃ prāpa paramatra paratra ca || 13 ||
[Analyze grammar]

gopīputraḥ śrīkaraste bhaktyā bhuktveha sadgatim |
paraṃ sukhaṃ mahāvīraśiṣyaḥ prāpa paratra vai || 14 ||
[Analyze grammar]

tvaṃ satyarathabhūjānerduḥkhahartā gatipradaḥ |
dharmaguptaṃ rājaputramatārṣīssukhinaṃ tviha || 15 ||
[Analyze grammar]

tathā śucivrataṃ vipramadaridraṃ mahāprabho |
tvadbhaktivartinaṃ mātrā jñāninaṃ kṛpayā'karoḥ || 16 ||
[Analyze grammar]

citravarmā nṛpavarastvadbhaktyā prāpa sadgatim |
iha loke sadā bhuktvā bhogānamaradurlabhān || 17 ||
[Analyze grammar]

candrāṃgado rājaputrassīmaṃtinyā striyā saha |
vihāya sakalaṃ duḥkhaṃ sukhī prāpa mahāgatim || 18 ||
[Analyze grammar]

dvijo maṃdaranāmāpi veśyāgāmī khalo'dhamaḥ |
tvadbhaktaḥ śiva saṃpūjya tayā saha gatiṃ gataḥ || 19 ||
[Analyze grammar]

bhadrāyuste nṛpasutassukhamāpa gatavyathaḥ |
tvadbhaktakṛpayā mātrā gatiṃ ca paramāṃ prabho || 20 ||
[Analyze grammar]

sarvastrībhoganirato durjanastava sevayā |
vimukto'bhūdapi sadā bhakṣyabhojī maheśvara || 21 ||
[Analyze grammar]

śaṃbaraśśaṃkare bhaktaścitābhasmadharassadā |
niyamādbhasmanaśśaṃbho svastriyā te puraṃ gataḥ || 22 ||
[Analyze grammar]

bhadrasenasya tanayastathā maṃtrisutaḥ prabho |
sudharmaśubhakarmāṇau sadā rudrākṣadhāriṇau || 23 ||
[Analyze grammar]

tvatkṛpātaśca tau muktāvāstāṃ bhukteha satsukham |
pūrvajanmani yau kīśakukkuṭau rudrabhūṣaṇau || 24 ||
[Analyze grammar]

piṃgalā ca mahānandā veśye dve tava bhaktitaḥ |
sadgatiṃ prāpaturnātha bhaktoddhāraparāyaṇa || 25 ||
[Analyze grammar]

śāradā vipratanayā bālavaidhavyamāgatā |
tava bhakteḥ prabhāvāttu putrasaubhā gyavatyabhūt || 26 ||
[Analyze grammar]

bindugo dvijamātro hi veśyābhogī ca tatpriyā |
vaṃcukā tvadyaśaḥ śrutvā paramāṃ gatimāyayau || 27 ||
[Analyze grammar]

ityādi bahavassiddhiṃ gatā jīvāstava prabho |
bhaktibhāvānmaheśāna dīnabandho kṛpālaya || 28 ||
[Analyze grammar]

tvaṃ paraḥ prakṛterbrahma puruṣātparameśvara |
nirguṇastriguṇādhāro brahmaviṣṇuharātmakaḥ || 29 ||
[Analyze grammar]

nānākarmakaro nityaṃ nirvikāro'khileśvaraḥ |
vayaṃ brahmādayassarve tava dāsā maheśvara || 30 ||
[Analyze grammar]

prasanno bhava deveśa rakṣāsmānsarvadā śiva |
tvatprajāśca vayaṃ nātha sadā tvaccharaṇaṃ gatāḥ || 31 ||
[Analyze grammar]

sanatkumāra uvāca |
iti stutvā ca te devā brahmādyāssamunīśvarāḥ |
tūṣṇīṃ babhūvurhi tadā śivāṃghridvandvacetasaḥ || 32 ||
[Analyze grammar]

atha śaṃbhurmaheśānaḥ śrutvā devastutiṃ śubhām |
dattvā varānvarānsadyastatraivāṃtardadhe prabhuḥ || 33 ||
[Analyze grammar]

devāssarve'pi muditā brahmādyā hataśatravaḥ |
svaṃ svaṃ dhāma yayuḥ prītā gāyaṃtaḥ śivasadyaśaḥ || 34 ||
[Analyze grammar]

idaṃ paramamākhyānaṃ jalaṃdharavimardanam |
maheśacaritaṃ puṇyaṃ mahāghaughavināśanam || 35 ||
[Analyze grammar]

devastutiriyaṃ puṇyā sarvapāpapraṇāśinī |
sarvasaukhyapradā nityaṃ maheśānaṃdadāyinī || 36 ||
[Analyze grammar]

yaḥ paṭhetpāṭhayedvāpi samākhyānamidaṃ dvayam |
bhuktveha paraṃ saukhyaṃ gāṇapatyamavāpnuyāt || 37 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe jalaṃdharavadhopākhyāne devastutivarṇanaṃ nāma paṃcaviṃśo'dhyāyaḥ || 25 ||
[Analyze grammar]

Other editions:

Also see the following editions of the Sanskrit text or (alternative) English translations of the Shiva Purana Chapter 25

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: