Chapter 24

[English text for this chapter is available]

|| vyāsa uvāca |
vidheḥ śreṣṭhasuta prājñaḥ katheyaṃ śrāvitādbhutā |
tataśca kimabhūdājau kathaṃ daityo hato vada || 1 ||
[Analyze grammar]

sanatkumāra uvāca |
adṛśya girijāṃ tatra daityendre raṇamāgate |
gāṃdharve ca vilīne hi caitanyo'bhūdvṛṣadhvajaḥ || 2 ||
[Analyze grammar]

aṃtardhānagatāṃ māyāṃ dṛṣṭvā buddho hi śaṃkaraḥ |
cukrodhātīva saṃhārī laukikīṃ gatimāśritaḥ || 3 ||
[Analyze grammar]

tataśśivo vismitamānasaḥ punarjagāma yuddhāya jalaṃdharaṃ ruṣā |
sa cāpi daityaḥ punarāgataṃ śivaṃ dṛṣṭvā śaroghaissamavākiradraṇe || 4 ||
[Analyze grammar]

kṣiptaṃ prabhustaṃ śarajālamugraṃ jalaṃdhareṇātibalīyasā haraḥ |
praciccheda śarairvarairnijairnacitramatra tribhavaprahaṃtuḥ || 5 ||
[Analyze grammar]

tato jalaṃdharo dṛṣṭvā rudrmadbhutavikramam |
cakāra māyayā gaurīṃ tryambakaṃ mohayanniva || 6 ||
[Analyze grammar]

rathopari gatāṃ baddhāṃ rudaṃtīṃ pārvatīṃ śivaḥ |
niśuṃbha śuṃbhadaityaiśca badhyamānāṃ dadarśa saḥ || 7 ||
[Analyze grammar]

gaurīṃ tathāvidhāṃ dṛṣṭvā laukikīṃ darśayangatim |
babhūva prākṛta iva śivopyudvignamānasaḥ || 8 ||
[Analyze grammar]

avāṅmukhasthitastūṣṇīṃ nānālīlāviśāradaḥ |
śithilāṃgo viṣaṇṇātmā vismṛtya svaparākramam || 9 ||
[Analyze grammar]

tato jalaṃdharo vegāttribhirvivyādha sāyakaiḥ |
āpuṃkhamagnaistaṃ rudraṃ śirasyurasi codare || 10 ||
[Analyze grammar]

tato rudro mahālīlo jñānatattvaḥ kṣaṇātprabhuḥ |
raudrarūpadharo jāto jvālāmālātibhīṣaṇaḥ || 11 ||
[Analyze grammar]

tasyātīva mahāraudrarūpaṃ dṛṣṭvā mahāsurāḥ |
na śekuḥ pramukhe sthātuṃ bhejire te diśo daśa || 12 ||
[Analyze grammar]

niśuṃbhaśuṃbhāvapi yau vikhyātau vīrasattamau |
āpe tau śekaturnaiva raṇe sthātuṃ munīśvara || 13 ||
[Analyze grammar]

jalaṃdharakṛtā māyāṃtarhitābhūcca tatkṣaṇam |
hāhākāro mahānāsītsaṃgrāme sarvatomukhe || 14 ||
[Analyze grammar]

tataśśāpaṃ dadau rudrastayośśuṃbhaniśuṃbhayoḥ |
palāyamānau tau dṛṣṭvā dhikkṛtya krodhasaṃyutaḥ || 15 ||
[Analyze grammar]

rudra uvāca |
yuvāṃ duṣṭāvatikhalāvaparādhakarau mama |
pārvatīdaṃḍadātārau raṇādasmātparāṅmukhau || 16 ||
[Analyze grammar]

parāṅmukho na haṃtavya iti vadhyau na me yuvām |
mama yuddhādatikrāṃtau gauryyā vadhyau bhaviṣyataḥ || 17 ||
[Analyze grammar]

evaṃ vadati gaurīśe sindhuputro jalaṃdharaḥ |
cukrodhātīva rudrāya jvalajjvalanasannibhaḥ || 18 ||
[Analyze grammar]

rudre raṇe mahāvegādvavarṣa niśitāñcharān |
bāṇāṃdhakārasaṃchannaṃ tathā bhūmitalaṃ hyabhūt || 19 ||
[Analyze grammar]

yāvadrudraḥ praciccheda tasya bāṇagaṇāndrutam |
tāvatsaparigheṇāśu jaghāna vṛṣabhaṃ balī || 20 ||
[Analyze grammar]

vṛṣastena prahāreṇa paravṛtto raṇāṃgaṇāt |
rudreṇa kṛśyamāṇo'pi na tasthau raṇabhūmiṣu || 21 ||
[Analyze grammar]

atha loke mahārudrassvīyaṃ tejo'tidussaham |
darśayāmāsa sarvasmai satyametanmunīśvara || 22 ||
[Analyze grammar]

tataḥ paramasaṃkruddho rudro raudravapurdharaḥ |
pralayānalavaddhoro babhūva sahasā prabhuḥ || 23 ||
[Analyze grammar]

dṛṣṭvā puraḥ sthitaṃ daityaṃ meghakūṭamiva sthitam |
avadhyatvamapi śrutvāpyanyairabhyudyato'bhavat || 24 ||
[Analyze grammar]

brahmaṇo vacanaṃ rakṣanrakṣako jagatāṃ prabhuḥ |
hṛdānugrahamātanvaṃstadvadhāya mano dadhat || 25 ||
[Analyze grammar]

kopaṃ kṛtvā paraṃ śūlī pādāṃguṣṭhena līlayā |
mahāṃbhasi cakārāśu rathāṃgaṃ raudramadbhutam || 26 ||
[Analyze grammar]

kṛtvārṇavāṃbhasi śitaṃ bhagavānrathāṃgaṃ smṛtvā jagattrayamanena hataṃ purāriḥ |
dakṣāndhakāṃtakapuratrayayajñahaṃtā lokatrayāṃtakakaraḥ prahasannuvāca || 27 ||
[Analyze grammar]

mahārudra uvāca |
pādena nirmitaṃ cakraṃ jalaṃdhara mahāmbhasi |
balavānyadi coddharttuṃ tiṣṭha yoddhuṃ na cānyathā || 28 ||
[Analyze grammar]

sanatkumāra uvāca |
tasya tadvacanaṃ śrutvā krodhenādīptalocanaḥ |
pradahanniva cakṣurbhyāṃ prāhālokya sa śaṃkaram || 29 ||
[Analyze grammar]

jalaṃdhara uvāca |
rekhāmuddhṛtya hatvā ca sagaṇaṃ tvāṃ hi śaṃkara |
hatvā lokānsuraissārddhaṃ svabhāgaṃ garuḍo yathā || 30 ||
[Analyze grammar]

haṃtuṃ carācaraṃ sarvaṃ samartho'haṃ savāsavam |
ko maheśvara madbāṇairabhedyo bhuvanatraye |
bālabhāvena bhagavāṃtapasaiva vinirjitaḥ |
brahmā baliṣṭhaḥ sthāne me munibhissurapuṃgavaiḥ || 32 ||
[Analyze grammar]

dagdhaṃ kṣaṇena sakalaṃ trailokyaṃ sacarācaram |
tapasā kiṃ tvayā rudra nirjito bhagavānapi || 33 ||
[Analyze grammar]

indrāgniyamavitteśavāyuvārīśvarādayaḥ |
na sehire yathā nāgā gaṃdhaṃ pakṣipateriva || 34 ||
[Analyze grammar]

na labdhaṃ divi bhūmau ca vāhanaṃ mama śaṃkara |
samastānparvatānprāpya dharṣitāśca gaṇeśvarāḥ || 35 ||
[Analyze grammar]

girīndro mandaraḥ śrīmānnīlo merussuśobhanaḥ |
dharṣito bāhudaṇḍena kaṇḍā utsarpaṇāya me || 36 ||
[Analyze grammar]

gaṃgā niruddhā bāhubhyāṃ līlārthaṃ himavadgirau |
aroṇāṃ mama bhṛtyaiśca jayo labdho divaukasāt || 37 ||
[Analyze grammar]

vaḍavāyā mukhaṃ baddhaṃ gṛhītvā tāṃ kareṇa tu |
tatkṣaṇādeva sakalamekārṇavamabhūttadā || 38 ||
[Analyze grammar]

airāvatādayo nāgāḥ kṣiptāḥ sindhujalopari |
saratho bhagavānindraḥ kṣiptaśca śatayojanam || 39 ||
[Analyze grammar]

garuḍo'pi mayā baddho nāgapāśena viṣṇunā |
urvaśyādyā mayānītā nāryaḥ kārāgṛhāṃtaram || 40 ||
[Analyze grammar]

māṃ na jānāsi rudra tvaṃ trailokyajayakāriṇām |
jalaṃdharaṃ mahādaityaṃ siṃdhuputraṃ mahābalam || 41 ||
[Analyze grammar]

sanatkumāra uvāca |
ityuktvātha mahādevaṃ tadā vāridhinandanaḥ |
na cacāla na sasmāra nihatāndānavānyudhi || 42 ||
[Analyze grammar]

durmadenāvinītena dorbhyāmāsphoṭya dorbalāt |
tiraskṛto mahādevo vacanaiḥ kaṭukākṣaraiḥ || 43 ||
[Analyze grammar]

tacchrutvā daityavacanamamaṃgalamatīritam |
vijahāsa mahādevāḥ paramaṃ krodhamādadhe || 44 ||
[Analyze grammar]

sudarśanākhyaṃ yaccakraṃ padāṃguṣṭhavinirmitam |
jagrāha tatkare rudrastena haṃtuṃ samudyataḥ || 45 ||
[Analyze grammar]

sudarśanākhyaṃ taccakraṃ cikṣepa bhagavānharaḥ |
koṭisūryapratīkāśaṃ pralayānalasannibham || 46 ||
[Analyze grammar]

pradahadrodasī vegāttadāsādya jalaṃdharam |
jahāra tacchiro vegānmahadāyatalocanam || 47 ||
[Analyze grammar]

rathātkāyaḥ papātorvyāṃ nādayanvasudhātalam |
śiraścāpyabdhiputrasya hāhākāro mahānabhūt || 48 ||
[Analyze grammar]

dvidhā papāta taddeho hyaṃjanādririvācalaḥ |
kuliśena yathā vārāṃnidhau girivaro dvidhā || 49 ||
[Analyze grammar]

tasya raudreṇa raktena sampūrṇamabhavajjagat |
tatassamastā pṛthivī vikṛtābhūnmunīśvara || 50 ||
[Analyze grammar]

tadraktamakhilaṃ rudraniyogānmāṃsameva ca |
mahārauravamāsādya raktakuṃḍamabhūdiha || 51 ||
[Analyze grammar]

tattejo nirgataṃ dehādrudre ca layamāgamat |
vṛndādehodbhavaṃ yadvadgauryyāṃ hi vilayaṃ gatam || 52 ||
[Analyze grammar]

jalaṃdharaṃ hataṃ dṛṣṭvā devagandharvapannagāḥ |
abhavansuprasannāśca sādhu deveti cābruvan || 53 ||
[Analyze grammar]

sarve prasannatāṃ yātā devasiddhamunīśvarāḥ |
puṣpavṛṣṭiṃ prakurvāṇāstadyaśo jaguruccakaiḥ || 54 ||
[Analyze grammar]

devāṃganā mahāmodānnanṛtuḥ premavihvalāḥ |
kalasvarāḥ kalapadaṃ kinnaraissaha saṃjaguḥ || 55 ||
[Analyze grammar]

diśaḥ prasedussarvāśca hate vṛndāpatau mune |
vavuḥ puṇyāssukhasparśā vāyavastrividhā api || 56 ||
[Analyze grammar]

candramāḥ śītatāṃ yāto ravistepe sutejasā |
agnayo jajvaluśśāṃtā babhūva vikṛtaṃ nabhaḥ || 57 ||
[Analyze grammar]

evaṃ trailokyamakhilaṃ svāsthyamāpādhikaṃ mune |
hate'bdhitanaye tasminhareṇānatamūrtinā || 58 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe jalaṃdharavarṇanaṃ nāma caturviśo'dhyāyaḥ || 24 ||
[Analyze grammar]