Chapter 21

[English text for this chapter is available]

sanatkumāra uvāca |
te gaṇādhipatīndṛṣṭvā nandībhamukhaṣaṇmukhān |
amarṣādabhyadhāvaṃta dvaṃdvayuddhāya dānavāḥ || 1 ||
[Analyze grammar]

nandinaṃ kālanemiśca śuṃbho laṃbodaraṃ tathā |
niśuṃbhaḥ ṣaṇmukhaṃ devamabhyadhāvata śaṃkitaḥ || 2 ||
[Analyze grammar]

niśuṃbhaḥ kārtikeyasya mayūraṃ paṃcabhiśśaraiḥ |
hṛdi vivyādha vegena mūrchitassa papāta ha || 3 ||
[Analyze grammar]

tataḥ śaktidharaḥ kruddho bāṇaiḥ paṃcabhireva ca |
vivyādha syaṃdane tasya hayānyantārameva ca || 4 ||
[Analyze grammar]

śareṇānyena tīkṣṇena niśuṃbhaṃ devavairiṇam |
jaghāna tarasā vīro jagarja raṇadurmadaḥ || 5 ||
[Analyze grammar]

asuro'pi niśuṃbhākhyo mahāvīro'tivīryavān |
jaghāna kārtikeyaṃ taṃ garjaṃtaṃ sveṣuṇā raṇe || 6 ||
[Analyze grammar]

tataśśaktiṃ kārtikeyo yāvajagrāha roṣataḥ |
tāvanniśuṃbho vegena svaśaktyā tamapātayat || 7 ||
[Analyze grammar]

evaṃ babhūva tatraiva kārtikeyaniśuṃbhayoḥ |
āhavo hi mahānvyāsa vīraśabdaṃ pragarjatoḥ || 8 ||
[Analyze grammar]

tato nandīśvaro bāṇaiḥ kālanemimavidhyata |
saptabhiśca hayānketuṃ rathaṃ sārathimācchinat || 9 ||
[Analyze grammar]

kālanemiśca saṃkuddho dhanuściccheda naṃdinaḥ |
svaśarāsananirmuktairmahātīkṣṇaiśśilīmukhaiḥ || 10 ||
[Analyze grammar]

atha nandīśvaro vīraḥ kālanemiṃ mahāsuram |
tamapāsya ca śūlena vakṣasyabhyahanaddṛḍham || 11 ||
[Analyze grammar]

sa śūlabhinnahṛdayo hatāśvo hatasārathiḥ |
adreḥ śikharamutpāṭya nandinaṃ samatāḍayat || 12 ||
[Analyze grammar]

atha śuṃbho gaṇeśaśca rathamūṣaka vāhanau |
yudhyamānau śaravrātaiḥ parasparamavidhyatām || 13 ||
[Analyze grammar]

gaṇeśastu tadā śuṃbhaṃ hṛdi vivyādha patriṇā |
sārathiṃ ca tribhirbāṇaiḥ pātayāmāsa bhūtale || 14 ||
[Analyze grammar]

tato'tikruddhaśśuṃbho'pi bāṇadṛṣṭyā gaṇādhipam |
mūṣakaṃ ca tribhirviddhvā nanāda jaladasvanaḥ || 15 ||
[Analyze grammar]

mūṣakaśśarabhinnāṅgaścacāla dṛḍhavedanaḥ |
lambodaraśca patitaḥ padātirabhavatsa hi || 16 ||
[Analyze grammar]

tato lambodaraśśuṃbhaṃ hatvā paraśunā hṛdi |
apātayattadā bhūmau mūṣakaṃ cāruroha saḥ || 17 ||
[Analyze grammar]

samarāyodyataścābhūtpunargajamukho vibhuḥ |
prahasya jaghnatuḥ krodhāttotreṇaiva mahādvipam || 18 ||
[Analyze grammar]

kālanemirniśuṃbhaśca hyubhau laṃbodaraṃ śaraiḥ |
yugapaccakhnatuḥ krodhādāśīviṣasamairdrutam || 19 ||
[Analyze grammar]

taṃ pīḍyamānamālokya vīrabhadro mahābalaḥ |
abhyadhāvata vegena koṭibhūtayutastathā || 20 ||
[Analyze grammar]

kūṣmāṃḍā bhairavāścāpi vetālā yoginīgaṇāḥ |
piśācā ḍākinīsaṃghā gaṇāścāpi samaṃ yayuḥ || 21 ||
[Analyze grammar]

tataḥ kilakilā śabdaissiṃhanādaiśsaghargharaiḥ |
vināditā ḍamarukaiḥ pṛthivī samakaṃpata || 22 ||
[Analyze grammar]

tato bhūtāḥ pradhāvaṃto bhakṣayaṃti sma dānavān |
utpatya pātayaṃti sma nanṛtuśca raṇāṃgaṇe || 23 ||
[Analyze grammar]

etasminnaṃtare vyāsābhūtāṃ nandīguhaśca tau |
utthitāvāptasaṃjñau hi jagarjaturalaṃ raṇe || 24 ||
[Analyze grammar]

sa nandī kārtikeyaśca samāyātau tvarānvitau |
jaghnatuśca raṇe daityānniraṃtaraśaravrajaiḥ |
chinnairbhinnairhatairdaityaiḥ patitairbhakṣitaistathā |
vyākulā sābhavatsenā viṣaṇṇavadanā tadā || 26 ||
[Analyze grammar]

evaṃ nandī kārtikeyo vikaṭaśca pratāpavān |
vīrabhadro gaṇāścānye jagarjussamare'dhikam || 27 ||
[Analyze grammar]

niśuṃbhaśuṃbhau senānyau sindhuputrasya tau tathā |
kālanemirmahādaityo'surāścānye parājitāḥ || 28 ||
[Analyze grammar]

pravidhvastāṃ tatassenāṃ dṛṣṭvā sāgaranandanaḥ |
rathenātipatākena gaṇānabhiyayau balī || 29 ||
[Analyze grammar]

tataḥ parājitā daityā apyabhūvanmahotsavāḥ |
jagarjuradhikaṃ vyāsa samarāyodyatāstadā || 30 ||
[Analyze grammar]

sarve rudragaṇāścāpi jagarjurjayaśālinaḥ |
nandikārtikadaṃtyāsyavīrabhadrādikā mune || 31 ||
[Analyze grammar]

hastyaśvarathasaṃhrādaśśaṃkhabherīravastathā |
abhavatsiṃhanādaśca senayorubhayostathā || 32 ||
[Analyze grammar]

jalaṃdharaśaravrātairnīhārapaṭalairiva |
dyāvāpṛthivyorācchannamaṃtaraṃ samapadyata || 33 ||
[Analyze grammar]

śailādiṃ paṃcabhirviddhvā gaṇeśaṃ paṃcabhiśśaraiḥ |
vīrabhadraṃ ca viṃśatyā nanāda jaladasvanaḥ || 34 ||
[Analyze grammar]

kārtikeyastato daityaṃ śaktyā vivyādha satvaram |
jalaṃdharaṃ mahāvīro rudraputro nanāda ca || 35 ||
[Analyze grammar]

sa pūrṇanayano daityaḥ śaktinirbhinnadehakaḥ |
papāta bhūmau tvaritamudatiṣṭhanmahābalaḥ || 36 ||
[Analyze grammar]

tataḥ krodhaparītātmā kārtikeyaṃ jalaṃdharaḥ |
gadayā tāḍayāmāsa hṛdaye daityapuṃgavaḥ || 37 ||
[Analyze grammar]

gadāprabhāvaṃ saphalaṃ darśayanśaṃkarātmajaḥ |
vidhidattavarādvyāsa sa tūrṇaṃ bhūtale'patat || 38 ||
[Analyze grammar]

tathaiva naṃdī hyapatadbhūtale gadayā hataḥ |
mahāvīro'pi ripuhā kiṃcidvyākulamānasaḥ || 39 ||
[Analyze grammar]

tato gaṇeśvaraḥ kruddhassmṛtvā śivapadāmbujam |
saṃprāpyātibalo daitya gadāṃ paraśunācchinat || 40 ||
[Analyze grammar]

vīrabhadrastribhirbāṇairhṛdi vivyādha dānavam |
saptabhiśca hayānketuṃ dhanuśchatraṃ ca cicchide || 41 ||
[Analyze grammar]

tato'tikruddho daityendraśśaktimudyamya dāruṇām |
gaṇeśaṃ pātayāmāsa rathamanyaṃ samāruhat || 42 ||
[Analyze grammar]

abhyagādatha vegena sa daityendro mahābalaḥ |
vigaṇayya hṛdā taṃ vai vīrabhadraṃ ruṣānvitaḥ || 43 ||
[Analyze grammar]

vīrabhadraṃ jaghānāśu tīkṣṇenāśīviṣeṇa tam |
nanāda ca mahāvīro daityarājo jalaṃdharaḥ || 44 ||
[Analyze grammar]

vīrabhadro'pi saṃkuddhassitadhāreṇa ceṣuṇā |
ciccheda taccharaṃ caiva vivyādha maheṣuṇā || 45 ||
[Analyze grammar]

tatastau sūryasaṃkāśau yuyudhāte parasparam |
nānāśastraistathāstraiśca ciraṃ vīravarottamau || 46 ||
[Analyze grammar]

vīrabhadrastatastasya hayānbāṇairapātayat |
dhanuściccheda rathinaḥ patākāṃ cāpi vegataḥ || 47 ||
[Analyze grammar]

atho sa daityarājo hi pupluve parighāyudhaḥ |
vīrabhadropakaṭhaṃ sa drutamāpa mahābalaḥ || 48 ||
[Analyze grammar]

parighenātimahatā vīrabhadraṃ jaghāna ha |
sabalo'bdhitanayo mūrdhni vīro jagarja ca || 49 ||
[Analyze grammar]

parighenātimahatā bhinnamūrddhā gaṇādhipaḥ |
vīrabhadraḥ papātorvyāṃ mumoca rudhiraṃ bahu || 50 ||
[Analyze grammar]

patitaṃ vīrabhadraṃ tu dṛṣṭvā rudragaṇā bhayāt |
apāgacchanraṇaṃ hitvā krośamānā maheśvaram || 51 ||
[Analyze grammar]

atha kolāhalaṃ śrutvā gaṇānāṃ candraśekharaḥ |
nijapārśvasthitān vīrānapṛcchadgaṇasattamān || 52 ||
[Analyze grammar]

śaṃkara uvāca |
kimarthaṃ madgaṇānāṃ hi mahākolāhalo'bhavat |
vicāryatāṃ mahāvīrāśśāṃtiḥ kāryā mayā dhruvam || 53 ||
[Analyze grammar]

yāvatsa deveśo gaṇānpapraccha sādaram |
tāvadgaṇavarāste hi samāyātāḥ prabhuṃ prati || 54 ||
[Analyze grammar]

tāndṛṣṭvā vikalānrudraḥ papraccha iti kuśalaṃ prabhuḥ |
yathāvatte gaṇā vṛttaṃ samācakhyuśca vistarāt || 55 ||
[Analyze grammar]

tacchrutvā bhagavānudro mahālīlākaraḥ prabhuḥ |
abhayaṃ dattavāṃstebhyo mahotsāhaṃ pravarddhayan || 56 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe jalaṃdharopākhyāne viśe ṣayuddhavarṇanaṃ nāmaikaviṃśatitamo'dhyāyaḥ || 21 ||
[Analyze grammar]