Chapter 20

[English text for this chapter is available]

vyāsa uvāca |
sanatkumāra sarvajña kathā te śrāvitādbhutā |
mahāprabhośśaṃkarasya yatra līlā ca pāvanī || 1 ||
[Analyze grammar]

idānīṃ brūhi suprītyā kṛpāṃ kṛtvā mamo pari |
rāhurmuktaḥ kutra gataḥ puruṣeṇa mahāmune || 2 ||
[Analyze grammar]

sūta uvāca |
ityākarṇya vacastasya vyāsasyāmitamedhasaḥ |
pratyuvāca prasannātmā brahmaputro mahāmuniḥ || 3 ||
[Analyze grammar]

sanatkumāra uvāca |
rāhurvimukto yastena sopi tadvarvarasthale |
atassa varvaro bhūta iti bhūmau prathāṃ gataḥ || 4 ||
[Analyze grammar]

tataḥ sa manyamānassvaṃ punarjanimathānataḥ |
gatagarvo jagāmātha jalaṃdharapuraṃ śanaiḥ || 5 ||
[Analyze grammar]

jalaṃdharāya so'bhyetya sarvamīśaviceṣṭitam |
kathayāmāsa tadvyāsādvyāsa daityeśvarāya vai || 6 ||
[Analyze grammar]

sanatkumāra uvāca |
jalaṃdharastu tacchrutvā kopākulitavigrahaḥ |
babhūva balavānsindhuputro daityendrasattamaḥ || 7 ||
[Analyze grammar]

tataḥ kopaparādhīnamānaso daityasattamaḥ |
udyogaṃ sarvasainyānāṃ daityānāmādideśa ha || 8 ||
[Analyze grammar]

|| jalaṃdhara uvāca |
nirgacchaṃtvakhilā daityāḥ kālanemimukhāḥ khalu |
tathā śuṃbhaniśumbhādyā vīrāssvabalasaṃyutāḥ || 9 ||
[Analyze grammar]

koṭirvīrakulotpannāḥ kaṃbuvaṃśyāśca daurhṛdāḥ |
kālakāḥ kālakeyāśca mauryā dhaumrāstathaiva ca || 10 ||
[Analyze grammar]

ityājñāpyāsurapatissiṃdhuputro pratāpavān |
nirjagāmāśu daityānāṃ koṭibhiḥ parivāritaḥ || 11 ||
[Analyze grammar]

tatastasyāgrataśśukro rāhuśchinnaśiro'bhavat |
mukuṭaścāpatadbhūmau vegātpraskhalitastadā || 12 ||
[Analyze grammar]

vyarājata nabhaḥ pūrṇaṃ prāvṛṣīva yathā ghanaiḥ |
jātā aśakunā bhūri mahānidrāvi sūcakāḥ || 13 ||
[Analyze grammar]

tasyodyogaṃ tathā dṛṣṭvā gīrvāṇāste savāsavāḥ |
alakṣitāstadā jagmuḥ kailāsaṃ śaṃkarālayam || 14 ||
[Analyze grammar]

tatra gatvā śivaṃ dṛṣṭvā supraṇamya savāsavāḥ |
devāssarve nataskaṃdhāḥ karau baddhvā ca tuṣṭuvuḥ || 15 ||
[Analyze grammar]

devā ūcuḥ |
devadeva mahādeva karuṇākara śaṃkara |
namastestu maheśāna pāhi naśśaraṇāgatān || 16 ||
[Analyze grammar]

vihvalā vayamatyugraṃ jalaṃdharakṛtātprabho |
upadravātsadevendrāḥ sthānabhraṣṭāḥ kṣitisthitāḥ || 17 ||
[Analyze grammar]

na jānāsi kathaṃ svāmindevāpattimimāṃ prabho |
tasmānno rakṣaṇārthāya jahi sāgaranandanam || 18 ||
[Analyze grammar]

asmākaṃ rakṣaṇārthāya yatpūrvaṃ garuḍadhvajaḥ |
niyojitastvayā nātha na kṣamasso'dya rakṣitum || 19 ||
[Analyze grammar]

tadadhīno gṛhe tasya tiṣṭhatyadya mayā saha |
vayaṃ ca tatra tiṣṭhāmastadājñāvaśagāssurāḥ || 20 ||
[Analyze grammar]

alakṣitā vayaṃ cātrāgatāśśaṃbho tvadaṃtikam |
sa āyāti tvayā karttuṃ raṇaṃ siṃdhusuto balī || 21 ||
[Analyze grammar]

atassvāminraṇe tvaṃ tamavilaṃbaṃ jalaṃdharam |
haṃtumarhasi sarvajña pāhi naśśaraṇāgatān || 22 ||
[Analyze grammar]

sanatkumāra uvāca |
ityuktvā te surāssarve prabhuṃ natvā savāsavāḥ |
pādau nirīkṣya saṃtasthurmaheśasya vinamrakāḥ || 23 ||
[Analyze grammar]

|| sanatkumāra uvāca |
iti devavacaḥ śrutvā prahasya vṛṣabhadhvajaḥ |
drutaṃ viṣṇuṃ samāhūya vacanaṃ cedamabravīt || 24 ||
[Analyze grammar]

īśvara uvāca |
hṛṣīkeśa mahāviṣṇo devāścātra samāgatāḥ |
jalaṃdharakṛtāpīḍāśśaraṇaṃ me'tivihvalāḥ || 25 ||
[Analyze grammar]

jalaṃdharaḥ kathaṃ viṣṇo saṃgare na hata stvayā |
tadgṛhaṃ cāpi yāto'si tyaktvā vaikuṇṭhamātmanaḥ || 26 ||
[Analyze grammar]

mayā niyojitastvaṃ hi sādhusaṃrakṣaṇāya ca |
nigrahāya khalānāṃ ca svataṃtreṇa vihāriṇā || 27 ||
[Analyze grammar]

sanatkumāra uvāca |
ityākarṇya maheśasya vacanaṃ garuḍadhvajaḥ |
pratyuvāca vinītātmā natakassāñjalirhariḥ || 28 ||
[Analyze grammar]

viṣṇuruvāca |
tavāṃśasaṃbhavatvācca bhrātṛtvācca tathā śriyaḥ |
mayā na nihataḥ saṃkhye tvamenaṃ jahi dānavam || 29 ||
[Analyze grammar]

mahābalo mahāvīro jeyassarvadivaukasām |
anyeṣāṃ cāpi deveśa satyametadbravīmyaham || 30 ||
[Analyze grammar]

mayā kṛto raṇastena ciraṃ devānvitena vai |
madupāyo na pravṛttastasmindānavapuṃgave || 31 ||
[Analyze grammar]

tatparākramatastuṣṭo varaṃ brūhītyahaṃ khalu |
iti madvacanaṃ śrutvā sa vavre varamuttamam || 32 ||
[Analyze grammar]

madbhaginyā mayā sārddhaṃ madgehe sasuro vasa |
madadhīno mahāviṣṇo ityahaṃ tadgṛhaṃ gataḥ || 33 ||
[Analyze grammar]

sanatkumāra uvāca |
iti viṣṇorvacaśśrutvā śakarassa maheśvaraḥ |
vihasyovāca suprītassadayo bhaktavatsalaḥ || 34 ||
[Analyze grammar]

maheśvara uvāca |
he viṣṇo suravarya tvaṃ śṛṇu madvākyamādarāt |
jalaṃdharaṃ mahādaityaṃ haniṣyāmi na saṃśayaḥ || 35 ||
[Analyze grammar]

svasthānaṃ gaccha nirbhīto devā gacchaṃtvapi dhruvam |
nirbhayā vītasaṃdehā hataṃ matvā'surādhipam || 36 ||
[Analyze grammar]

sanatkumāra uvāca |
iti śrutvā maheśasya vacanaṃ sa ramāpatiḥ |
sanirjaro jagāmāśu svasthānaṃ gatasaṃśayaḥ || 37 ||
[Analyze grammar]

etasminnaṃtare vyāsa sa daityendro'tivikramaḥ |
sannaddhairasuraissārddhaṃ śailaprāṃtaṃ yayau balī || 38 ||
[Analyze grammar]

kailāsamavarudhyātha mahatyā senayā yutaḥ |
saṃtasthau kālasaṃkāśaḥ kurvansiṃharavaṃ mahān || 39 ||
[Analyze grammar]

atha kolāhalaṃ śrutvā daityanādasamudbhavam |
cukrodhātimaheśāno mahālīlaḥ khalāṃtakaḥ || 40 ||
[Analyze grammar]

samādideśa saṃkhyāya svagaṇānsa mahābalān |
naṃdyādikānmahādevo mahotiḥ kautukī haraḥ || 41 ||
[Analyze grammar]

nandībhamukhasenānīmukhāssarve śivājñayā |
gaṇāśca samanahyaṃta yuddhāyā titvarānvitāḥ || 42 ||
[Analyze grammar]

avaterurgaṇāssarve kailāsātkrodhadurmadāḥ |
valgato raṇaśabdāṃśca mahāvīrā raṇāya hi || 43 ||
[Analyze grammar]

tatassamabhavadyuddhaṃ kailāsopatyakāsu vai |
pramathādhipadaityānāṃ ghoraṃ śastrāstrasaṃkulam || 44 ||
[Analyze grammar]

bherīmṛdaṃgaśaṃkhaughairnisvānairvīraharṣaṇaiḥ |
gajāśvarathaśabdaiśca nāditā bhūrvyakaṃpata || 45 ||
[Analyze grammar]

śaktitomarabāṇaughairmusalaiḥ pāśapaṭṭiśaiḥ |
vyarājata nabhaḥ pūrṇaṃ muktābhiriva saṃvṛtam || 46 ||
[Analyze grammar]

nihatairiva nāgāśvaiḥ pattibhirbhūrvyarājata |
vajrāhataiḥ parvatendraiḥ pūrvamāsītsusaṃvṛtā || 47 ||
[Analyze grammar]

pramathāhatadaityaughairdaityāhatagaṇaistathā |
vasāsṛṅmāṃsapaṃkāḍhyā bhūragamyābhavattadā || 48 ||
[Analyze grammar]

pramathāhatadaityaughānbhārgavassamajīvayat |
yuddhe punaḥ punaścaiva mṛtasaṃjīvanī balāt || 49 ||
[Analyze grammar]

dṛṣṭvā vyākulitāṃstāṃstu gaṇāssarve bhayārditāḥ |
śaśaṃsurdevadevāya sarve śukraviceṣṭitam || 50 ||
[Analyze grammar]

tacchrutvā bhagavānrudraścakāra krodhamulbaṇam |
bhayaṃkaro'tiraudraśca babhūva prajvalandiśaḥ || 51 ||
[Analyze grammar]

atha rudramukhātkṛtyā babhūvātīvabhīṣaṇā |
tālajaṃghodarī vaktrā stanāpīḍitabhūruhā || 52 ||
[Analyze grammar]

sā yuddhabhūmiṃ tarasā sasāda munisattama |
vicacāra mahābhīmā bhakṣayaṃtī mahāsurān || 53 ||
[Analyze grammar]

atha sā raṇamadhye hi jagāma gatabhīrdrutam |
yatrāste saṃvṛto daityavarendraissa hi bhārgavaḥ || 54 ||
[Analyze grammar]

svatejasā nabho vyāpya bhūmiṃ kṛtvā ca sā mune |
bhārgavaṃ svabhage dhṛtvā jagāmāṃtarhitā nabhaḥ || 55 ||
[Analyze grammar]

vidrutaṃ bhārgavaṃ dṛṣṭvā daityasainyagaṇāstathā |
pramlānavadanā yuddhānnirjagmuryuddhadurmadāḥ || 56 ||
[Analyze grammar]

atho'bhajyata daityānāṃ senā gaṇabhayārditā |
vāyuvegahatā yadvatprakīrṇā tṛṇasaṃhatiḥ || 57 ||
[Analyze grammar]

bhagnāṃ gaṇabhayāddaityasenāṃ dṛṣṭvātimarṣitāḥ |
niśuṃbhaśuṃbhau senānyau kālanemiśca cukrudhuḥ || 58 ||
[Analyze grammar]

trayaste varayāmāsurgaṇasenāṃ mahābalāḥ |
muṃcaṃtaśśaravarṣāṇi prāvṛṣīva balāhakāḥ || 59 ||
[Analyze grammar]

tato daityaśaraughāste śalabhānāmiva vrajāḥ |
rurudhuḥ khaṃ diśassarvā gaṇasenāmakaṃpayan || 60 ||
[Analyze grammar]

gaṇāśśaraśatairbhinnā rudhirāsāravarṣiṇaḥ |
vasaṃtakiṃśukābhāsā na prājānanhi kiṃcana || 61 ||
[Analyze grammar]

tataḥ prabhagnaṃ svabalaṃ vilokya nandyādilaṃbodarakārttikeyāḥ |
tvarānvitā daityavarānprasahya nivārayāmāsuramarṣaṇāste || 62 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe jalaṃdharavadhopākhyāne sāmānyagaṇāsurayuddhavarṇanaṃ nāma viṃśo'dhyāyaḥ || 20 ||
[Analyze grammar]