Shiva Purana [sanskrit]

223,192 words | ISBN-10: 8171101519

The Shiva-purana Book 2.5 Chapter 17 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

sanatkumāra uvāca |
atha daityā mahāvīryāśśūlaiḥ paraśupaṭṭiśaiḥ |
nijaghnussarvadevāṃśca bhayavyākulamānasān || 1 ||
[Analyze grammar]

daityāyudhaiḥ samāviddhadehā devāssavāsavāḥ |
raṇādvidudruvussarve bhayavyākulamānasāḥ || 2 ||
[Analyze grammar]

palāyanaparāndṛṣṭvā hṛṣīkeśassurānatha |
viṣṇurvai garuḍārūḍho yoddhumabhyāyayau drutam || 3 ||
[Analyze grammar]

sudarśanena cakreṇa sarvataḥ prasphuranrucā |
suśobhitakarābjaśca reje bhaktābhayaṃkaraḥ || 8 ||
[Analyze grammar]

śaṃkhakhaḍgagadāśārṅgadhārī krodhasamanvitaḥ |
kaṭhorāstro mahāvīrassarvayuddhaviśāradaḥ || 5 ||
[Analyze grammar]

dhanuṣaṃ śārṅganāmānaṃ visphūryya vinanāda ha |
tasya nādena trailokyaṃ pūritaṃ mahatā mune || 6 ||
[Analyze grammar]

śārṅganissṛtabāṇaiśca ditijānāṃ śirāṃsi vai |
cakartta bhagavān viṣṇuḥ koṭiśo ruṭ samākulaḥ || 7 ||
[Analyze grammar]

athāruṇānujajavapakṣavātaprapīḍitāḥ |
vātyādhivarttitā daityā babhramuḥ khe yathā ghanāḥ || 8 ||
[Analyze grammar]

tato jalaṃdharo dṛṣṭvā daityānvātyāprapīḍitān |
cukrodhāti mahādaityo devavṛndabhayaṃkaraḥ || 9 ||
[Analyze grammar]

marddayaṃtaṃ ca taṃ dṛṣṭvā daityān prasphuritādharaḥ |
yoddhumabhyāyayau vīro vegena hariṇā saha || 10 ||
[Analyze grammar]

sa cakāra mahānādaṃ devāsurabhayaṃkaram |
daityānāmadhipaḥ karṇā vidīrṇāḥ śravaṇāttataḥ || 11 ||
[Analyze grammar]

bhayaṃṅkareṇa daityasya nādena pūritaṃ tadā |
jalaṃdharasya mahatā cakampe sakalaṃ jagat || 12 ||
[Analyze grammar]

tatassamabhavadyuddhaṃ viṣṇudaityendrayormahat |
ākāśaṃ kurvatorbāṇaistadā niravakāśavat || 13 ||
[Analyze grammar]

tayośca tena yuddhena parasparamabhūnmune |
devāsurarṣisiddhānāṃ bhīkareṇātivismayaḥ || 14 ||
[Analyze grammar]

viṣṇurdaityasya bāṇaughairdhvajaṃ chatraṃ dhanuśśarān |
ciccheda taṃ ca hṛdaye bāṇenaikena tāḍayan || 15 ||
[Analyze grammar]

tato daityassamutpatya gadāpāṇistvarānvitaḥ |
āhatya garuḍaṃ mūrdhni pātayāmāsa bhūtale || 16 ||
[Analyze grammar]

viṣṇuṃ jaghāna śūlena tīkṣṇena prasphuradrucā |
hṛdaye krodhasaṃyukto daityaḥ prasphuritādharaḥ || 17 ||
[Analyze grammar]

viṣṇurgadāṃ ca khaḍgena ciccheda prahasanniva |
taṃ vivyādha śaraistīkṣṇaiśśārṅgaṃ visphūrya daityahā || 18 ||
[Analyze grammar]

viṣṇurjalaṃdharaṃ daityaṃ bhayadena śareṇa ha |
krodhāviṣṭo'titīkṣṇena jaghānāśu surārihā || 19 ||
[Analyze grammar]

āgataṃ tasya taṃ bāṇaṃ dṛṣṭvā daityo mahābalaḥ |
chittvā bāṇena viṣṇuṃ ca jaghāna hṛdaye drutam || 20 ||
[Analyze grammar]

keśavo'pi mahābāhuṃ vikṣiptamasureṇa tam |
śaraṃ tilapramāṇena cchittvā vīro nanāda ha || 21 ||
[Analyze grammar]

punarbāṇa samādhatta dhanuṣi krodhavepitaḥ |
mahābalo'tha bāṇena ciccheda sa śilīmukham || 22 ||
[Analyze grammar]

vāsudevaḥ punarbāṇaṃ nāśāya vibudhadviṣaḥ |
krodhenādhatta dhanuṣi siṃhavadvinanāda ha || 23 ||
[Analyze grammar]

jalaṃdharo'tha daityendraḥ kopacchinnādharo balī |
śareṇa śvena śārṅgākhyaṃ dhanuściccheda vaiṣṇavam || 24 ||
[Analyze grammar]

punarbāṇaissutīkṣṇaiśca jaghāna madhusūdanam |
ugravīryo mahāvīro devānāṃ bhayakārakaḥ || 25 ||
[Analyze grammar]

sa cchinnadhanvā bhagavānkeśavo lokarakṣa kaḥ |
jalaṃdharasya nāśāya cikṣepa svagadāṃ parām || 26 ||
[Analyze grammar]

sā gadā hariṇā kṣiptā jvalajjvalanasannibhā |
amoghagatikā śīghraṃ tasya dehe lalāga ha || 27 ||
[Analyze grammar]

tayā hato mahādaityo na cacālāpi kiṃcana |
jalaṃdharo madonmattaḥ puṣpamālāhato yathā || 28 ||
[Analyze grammar]

tato jalaṃdharaḥ krodhī devatrāsakaro'kṣipat |
triśūlamanalākāraṃ haraye raṇadurmmadaḥ || 29 ||
[Analyze grammar]

atha viṣṇustattriśūlaṃ ciccheda tarasā drutam |
naṃdakākhyena khaḍgena smṛtvā śivapadāmbujam || 30 ||
[Analyze grammar]

chinne triśūle daityendra utplutya sahasā drutam |
āgatya hṛdaye viṣṇuṃ jaghāna dṛḍhamuṣṭinā || 31 ||
[Analyze grammar]

sopi viṣṇurmahāvīro'vigaṇayya ca tadvyathāma |
jalaṃdharaṃ ca hṛdaye jaghāna dṛḍhamuṣṭinā || 32 ||
[Analyze grammar]

tatastau bāhuyuddhena yuyudhāte mahābalau |
bāhubhirmuṣṭibhiścaiva jānubhirnādayanmahīm || 33 ||
[Analyze grammar]

evaṃ hi suciraṃ yuddhaṃ kṛtvā tenāsureṇa vai |
vismito'bhūnmuniśreṣṭha hṛdi glānimavāpa ha || 34 ||
[Analyze grammar]

atha prasanno bhagavānmāyī māyāvidāṃ varaḥ |
uvāca daityarājānaṃ meghagaṃbhīrayā girā || 35 ||
[Analyze grammar]

viṣṇuruvāca |
bhobho daityavaraśreṣṭha dhanyastvaṃ raṇadurmadaḥ |
mahāyudhavarairyattvaṃ na bhīto hi mahāprabhuḥ || 36 ||
[Analyze grammar]

ebhirevāyudhairugrairdaityā hi bahavo hatāḥ |
mahājau durmadā vīrāśchinnadehā mṛtiṃ gatāḥ || 37 ||
[Analyze grammar]

yuddhena te mahādaitya prasanno'smi mahānbhavān |
na dṛṣṭastvatsamo vīrastrailokye sacarācare || 38 ||
[Analyze grammar]

varaṃ varaya daityendra prīto'smi tava vikramāt |
adeyamapi te dadmi yatte manasi vartate || 39 ||
[Analyze grammar]

|| sanatkumāra uvāca |
ityākarṇya vacastasya viṣṇormāyāvino hareḥ |
pratyuvāca mahābuddhirdaityarājo jalaṃdharaḥ || 40 ||
[Analyze grammar]

jalaṃdhara uvāca |
yadi bhāvuka tuṣṭo'si varame tandadasva me |
madbhaginyā mayā sārdhaṃ madgehe sagaṇo vasa || 41 ||
[Analyze grammar]

sanatkumāra uvāca |
tadākarṇya vacastasya mahādaityasya khinnadhīḥ |
tathāstviti ca deveśo jagāda bhagavān hariḥ || 42 ||
[Analyze grammar]

uvāsa sa tato viṣṇussarvadevagaṇaissaha |
jalaṃdharaṃ nāma puramāgatya ramayā saha || 43 ||
[Analyze grammar]

atho jalaṃdharo daityassvabhaginyā ca viṣṇunā |
uvāsa svālayaṃ prāpto harṣākulitamānasaḥ || 44 ||
[Analyze grammar]

jalaṃdharo'tha devānāmadhikāreṣu dānavān |
sthāpayitvā saharṣassanpunarāgānmahītalam || 45 ||
[Analyze grammar]

devagaṃdharvasiddheṣu yatkiṃcidratnasaṃci tam |
tadātmavaśagaṃ kṛtvā'tiṣṭhatsāgaranaṃdanaḥ || 46 ||
[Analyze grammar]

pātālabhavane daityaṃ niśuṃbhaṃ sumahābalam |
sthāpayitvā sa śeṣādīnānaya dbhūtalaṃ balī || 47 ||
[Analyze grammar]

devagaṃdharvasiddhaughān sarparākṣasamānuṣān |
svapure nāgarānkṛtvā śaśāsa bhuvanatrayam || 48 ||
[Analyze grammar]

evaṃ jalaṃdharaḥ kṛtvā devānsvavaśavartinaḥ |
dharmeṇa pālayāmāsa prajāḥ putrānivaurasān || 49 ||
[Analyze grammar]

na kaścidvyādhito naiva duḥkhito na kṛśastathā |
na dīno dṛśyate tasmindharmādrājyaṃ praśāsati || 50 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe jalaṃdharopākhyāne viṣṇujalaṃdharayuddhavarṇanaṃ nāma saptadaśo'dhyāyaḥ || 17 ||
[Analyze grammar]

Other editions:

Also see the following editions of the Sanskrit text or (alternative) English translations of the Shiva Purana Chapter 17

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: