Chapter 10

[English text for this chapter is available]

sanatkumāra uvāca |
atha śambhurmahādevo rathasthassarvasaṃyutaḥ |
tripuraṃ sakalaṃ dagdhumudyato'bhūtsuradviṣām |
śīrṣaṃ sthānakamāsthāya saṃdhāya ca śarottamam |
sajjaṃ tatkārmukaṃ kṛtvā pratyālīḍhaṃ mahādbhutam || 2 ||
[Analyze grammar]

niveśya dṛḍhamuṣṭau ca dṛṣṭiṃ dṛṣṭau niveśya ca |
atiṣṭhanniścalastatra śataṃ varṣasahasrakam || 3 ||
[Analyze grammar]

tatoṅguṣṭhe gaṇādhyakṣassa tu daityaniśaṃsthitaḥ |
na lakṣyaṃ viviśustāni purāṇyasya triśūlinaḥ || 4 ||
[Analyze grammar]

tatoṃtarikṣādaśṛṇoddhanurbāṇadharo haraḥ |
muṃjakeśo virūpākṣo vācaṃ paramaśobhanām || 5 ||
[Analyze grammar]

bho bho na yāvadbhagavannarcito'sau vināyakaḥ |
purāṇi jagadīśeśa sāṃprataṃ na haniṣyati || 6 ||
[Analyze grammar]

etacchrutvā tu vacanaṃ gajavaktramapūjayat |
bhadrakālīṃ samāhūya tatoṃdhakaniṣūdanaḥ || 7 ||
[Analyze grammar]

tasmin saṃpūjite harṣātparituṣṭe purassare |
vināyake tato vyomni dadarśa bhagavānharaḥ || 8 ||
[Analyze grammar]

purāṇi trīṇi daityānāṃ tārakāṇāṃ mahātmanām |
yathātathaṃ hi yuktāni keciditthaṃ vadaṃti ha || 9 ||
[Analyze grammar]

parabrahmaṇi deveśa sarvopāsye maheśvare |
anyaprasādataḥ kāryaṃ siddhirghaṭati neti hi || 10 ||
[Analyze grammar]

sa svataṃtraḥ paraṃ brahma saguṇo nirguṇo'pi ha |
alakṣyaḥ sakalaissvāmī paramātmā niraṃjanaḥ || 11 ||
[Analyze grammar]

paṃcadevātmakaḥ paṃcadevopāsyaḥ paraḥ prabhuḥ |
tasyopāsyo na kopyasti sa evopāsya ālayam || 12 ||
[Analyze grammar]

atha vā līlayā tasya sarvaṃ saṃghaṭate mune |
caritaṃ devadevasya varadāturmaheśituḥ || 13 ||
[Analyze grammar]

tasmisthite mahādeve pūjayitvā gaṇādhipam |
purāṇi tatra kālena jagmurekatvamāśu vai || 14 ||
[Analyze grammar]

ekībhāvaṃ mune tatra tripure samupāgate |
babhūva tumulo harṣo devādīnāṃ mahātmanām || 15 ||
[Analyze grammar]

tato devagaṇāssarve siddhāśca paramarṣayaḥ |
jayeti vāco mumucuḥ stuvaṃtaścāṣṭamūrtinam || 16 ||
[Analyze grammar]

athāheti tadā brahmā viṣṇuśca jagatāṃ patiḥ |
samayo'pi samāyāto daityānāṃ vadhakarmaṇaḥ || 17 ||
[Analyze grammar]

teṣāṃ tārakaputrāṇāṃ tripurāṇāṃ maheśvara |
devakāryaṃ kuru vibho ekatvamapi cāgatam || 18 ||
[Analyze grammar]

yāvanna yānti deveśa viprayogaṃ purāṇi vai |
tāvadbāṇaṃ vimuṃcaśca tripuraṃ bhasmasātkuru || 19 ||
[Analyze grammar]

atha sajyaṃ dhanuḥ kṛtvā śarvassaṃdhāya taṃ śaram |
pūjya pāśupatāstraṃ sa tripuraṃ samaciṃtayat || 20 ||
[Analyze grammar]

atha devo mahādevo varalīlāviśāradaḥ |
kenāpi kāraṇenātra sāvajñaṃ tadavaikṣata || 21 ||
[Analyze grammar]

puratrayaṃ virūpākṣaḥ kartuṃ tadbhasmasātkṣaṇāt |
samarthaḥ parameśāno mīnātu ca satāṃ gatiḥ || 22 ||
[Analyze grammar]

dagdhuṃ samartho deveśo vīkṣaṇena jagattrayam |
asmadyaśo vivṛddhyarthaṃ śaraṃ moktumihārhasi || 23 ||
[Analyze grammar]

iti stuto'maraissarvaiviṣṇvādividhibhistadā |
dagdhuṃ puratrayaṃ tadvai bāṇenaicchanmaheśvaraḥ || 24 ||
[Analyze grammar]

abhilākhyamuhūrte tu vikṛṣya dhanuradbhutam |
kṛtvā jyātalanirghoṣaṃ nādamatyaṃtadussaham || 25 ||
[Analyze grammar]

ātmano nāma viśrāvya samābhāṣya mahāsurān |
mārtaṃḍakoṭivapuṣaṃ kāṃḍamugro mumoca ha || 26 ||
[Analyze grammar]

dadāha tripurasthāstāndaityāṃstrīnvimalāpahaḥ |
sa āśugo viṣṇumayo vahniśalyo mahājvalan || 27 ||
[Analyze grammar]

tataḥ purāṇi dagdhāni caturjaladhimekhalām |
gatāni yugapadbhūmiṃ trīṇi dagdhāni bhasmaśaḥ || 28 ||
[Analyze grammar]

daityāstu śataśo dagdhāstasya bāṇasthavahninā |
hāhākāraṃ prakurvaṃtaśśivapūjāvyatikramāt || 29 ||
[Analyze grammar]

tārakākṣastu nirdagdho bhrātṛbhyāṃ sahito'bhavat |
sasmāra svaprabhuṃ devaṃ śaṃkaraṃ bhaktavatsalam || 30 ||
[Analyze grammar]

bhaktyā paramayā yuktaḥ pralapan vividhā giraḥ |
mahādevaṃ samudvīkṣya manasā tamuvāca saḥ || 31 ||
[Analyze grammar]

tārakākṣa uvāca |
bhava jñātosi tuṣṭo'si yadyasmān saha baṃdhubhiḥ |
tena satyena bhūyo'pi kadā tvaṃ pradahiṣyasi || 32 ||
[Analyze grammar]

durlabhaṃ labdhamasmābhiryadaprāpyaṃ surāsuraiḥ |
tvadbhāvabhāvitā buddhirjātejāte bhavatviti || 33 ||
[Analyze grammar]

ityevaṃ vibruvaṃtaste dānavāstena vahninā |
śivājñayādbhutaṃ dagdhā bhasmasādabhavanmune || 34 ||
[Analyze grammar]

anye'pi bālā vṛddhāśca dānavāstena vahninā |
śivājñayā drutaṃ vyāsa nirdagdhā bhasmasātkṛtāḥ || 35 ||
[Analyze grammar]

striyo vā puruṣā vāpi vāhanāni ca tatra ye |
sarve tenāgninā dagdhāḥ kalpānte tu jagadyathā || 36 ||
[Analyze grammar]

bhartṝnkaṃṭhagatānhitvā kāściddagdhā varastriyaḥ |
kāścitsuptāḥ pramattāśca ratiśrāṃtāśca yoṣitaḥ || 37 ||
[Analyze grammar]

arddhadagdhā vibuddhāśca babhramurmohamūrcchitāḥ |
tena nāsītsusūkṣmo'pi ghoratripuravahninā || 38 ||
[Analyze grammar]

avidagdho vinirmuktaḥ sthāvaro jaṃgamopi vā |
varjayitvā mayaṃ daityaṃ viśvakarmāṇamavyayam || 39 ||
[Analyze grammar]

aviruddhaṃ tu devānāṃ rakṣitaṃ śaṃbhutejasā |
vipatkālepi sadbhaktaṃ maheśaśaraṇāgatam || 40 ||
[Analyze grammar]

sannipāto hi yeṣāṃ no vidyate nāśakārakaḥ |
daityānāmanyasattvānāṃ bhāvābhāve kṛtākṛte || 41 ||
[Analyze grammar]

tasmādyatnassusaṃbhāvyaḥ sadbhiḥ kartavya eva hi |
garhaṇātkṣīyate loko na tatkarma samācaret || 42 ||
[Analyze grammar]

na saṃyogo yathā teṣāṃ bhūyāttripuravāsinām |
matametaddhi sarveṣāṃ daivādyadi yato bhavet || 43 ||
[Analyze grammar]

ye pūjayaṃtastatrāpi daityā rudraṃ sabāṃdhavāḥ |
gāṇapatyaṃ yayussarve śivapūjāvi dherbalāt || 44 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṃḍe tripuradāhavarṇanaṃ nāma daśamo'dhyāyaḥ || 10 ||
[Analyze grammar]