Chapter 5

[English text for this chapter is available]

vyāsa uvāca |
daityarāje dīkṣite ca māyinā tena mohite |
kimuvāca tadā māyī kiṃ cakāra sa daityapaḥ || 1 ||
[Analyze grammar]

sanatkumāra uvāca |
dīkṣāṃ dattvā yatistasmā arihannāradādibhiḥ |
śiṣyaissevitapādābjo daityarājānamabravīt || 2 ||
[Analyze grammar]

arihannuvāca |
śṛṇu daityapate vākyaṃ mama sañjñānagarbhitam |
vedāntasārasarvasvaṃ rahasyaṃ paramottamam || 3 ||
[Analyze grammar]

anādisiddhassaṃsāraḥ kartṛkarmavivarjitaḥ |
svayaṃ prādurbhavatyeva svayameva vilīyate || 4 ||
[Analyze grammar]

brahmādistaṃbaparyantaṃ yāvaddehanibaṃdhanam |
ātmaivaikeśvarastatra na dvitīyastadīśitā || 5 ||
[Analyze grammar]

yadbrahmaviṣṇurudrākhyāstadākhyā dehināmimāḥ |
ākhyāyathāsmadādīnāmarihannādirucyate || 6 ||
[Analyze grammar]

deho yathāsmadādīnāṃ svakālena vilīyate |
brahmādi maśakāṃtānāṃ svakālāllīyate tathā || 7 ||
[Analyze grammar]

vicāryamāṇe dehe'sminna kiṃcidadhikaṃ kvacit |
āhāro maithunaṃ nidrā bhayaṃ sarvatra yatsamam || 8 ||
[Analyze grammar]

nirāhāraparīmāṇaṃ prāpya sarvo hi dehabhṛt |
sadṛśīmeva saṃtṛptiṃ prāpnuyānnādhiketarām || 9 ||
[Analyze grammar]

yathā vitṛṣitāḥ syāma pītvā peyaṃ mudā vayam |
tṛṣitāstu tathānyepi na viśeṣo'lpakodhikaḥ || 10 ||
[Analyze grammar]

saṃtu nāryaḥ sahasrāṇi rūpalāvaṇyabhūmayaḥ |
paraṃ nidhuvane kāle hyaikevehopayujyate || 11 ||
[Analyze grammar]

aśvāḥ paraśśatāssaṃtu saṃtvenekaipyanekadhā |
adhirohe tathāpyeko na dvitīyastathātmanaḥ || 12 ||
[Analyze grammar]

paryaṃkaśāyināṃ svāpe sukhaṃ yadupajāyate |
tadeva saukhyaṃ nidrābhirbhūtabhūśāyināmapi || 13 ||
[Analyze grammar]

yathaiva maraṇādbhītirasmadādivapuṣmatām |
brahmādikīṭakāṃtānāṃ tathā maraṇato bhayam || 14 ||
[Analyze grammar]

sarve tanubhṛtastulyā yadi buddhyā vicāryyate |
idaṃ niścitya kenāpi no hiṃsyaḥ ko'pi kutracit || 15 ||
[Analyze grammar]

dharmo jīvadayātulyo na kvāpi jagatītale |
tasmātsarvaprayatnena kāryā jīvadayā nṛbhiḥ || 16 ||
[Analyze grammar]

ekasminrakṣite jīve trailokyaṃ rakṣitaṃ bhavet |
ghātite ghātitaṃ tadvattasmādrakṣenna ghātayet || 17 ||
[Analyze grammar]

ahiṃsā paramo dharmaḥ pāpamātmaprapīḍanam |
aparādhīnatā muktissvargo'bhilaṣitāśanam || 18 ||
[Analyze grammar]

pūrvasūribhirityuktaṃ satpramāṇatayā dhruvam |
tasmānna hiṃsā karttavyo narairnarakabhīrubhiḥ || 19 ||
[Analyze grammar]

na hiṃsāsadṛśaṃ pāpaṃ trailokye sacarācare |
hiṃsako narakaṃ gacchetsvargaṃ gacchedahiṃsakaḥ || 20 ||
[Analyze grammar]

saṃti dānānyanekāni kiṃ taistucchaphalapradaiḥ |
abhītisadṛśaṃ dānaṃ paramekamapīha na || 21 ||
[Analyze grammar]

iha catvāri dānāni proktāni paramarṣibhiḥ |
vicārya nānāśāstrāṇi śarmaṇe'tra paratra ca || 22 ||
[Analyze grammar]

bhītebhyaścābhayaṃ deyaṃ vyādhitebhyastathoṣadham |
deyā vidyārthināṃ vidyā deyamannaṃ kṣudhāture || 23 ||
[Analyze grammar]

yāni yānīha dānāni bahumunyuditāni ca |
jīvābhayapradānasya kalāṃ nārhaṃti ṣoḍaśīm || 24 ||
[Analyze grammar]

aviciṃtya prabhāvaṃ hi maṇimaṃtrauṣadhaṃ balam |
tadabhyasyaṃ prayatnena nāmārthopārjanāya vai || 29 ||
[Analyze grammar]

arthānupārjya bahuśo dvādaśāyatanāni vai |
paritaḥ paripūjyāni kimanyairiha pūjitaiḥ || 26 ||
[Analyze grammar]

paṃcakarmendriyagrāmāḥ paṃca buddhīṃdriyāṇi ca |
mano buddhiriha proktaṃ dvādaśāyatanaṃ śubham || 27 ||
[Analyze grammar]

ihaiva svarganarakau prāṇināṃ nānyataḥ kvacit |
sukhaṃ svargaḥ samākhyātā duḥkhaṃ narakameva hi || 28 ||
[Analyze grammar]

sukheṣu bhujyamāneṣu yatsyāddehavisarjanam |
ayameva paro mokṣo vijñeyastattvaciṃtakaiḥ || 29 ||
[Analyze grammar]

vāsanāsahite kleśasamucchede sati dhruvam |
ajñāno paramo mokṣo vijñeyastattvaciṃtakaiḥ || 30 ||
[Analyze grammar]

prāmāṇikī śrutiriyaṃ procyate vedavādibhiḥ |
na hiṃsyātsarvabhūtāni nānyā hiṃsā pravartikā || 31 ||
[Analyze grammar]

agniṣṭomīyamiti yā bhrāmikā sā'satāmiha |
na sā pramāṇaṃ jñātṝṇāṃ paśvālaṃbhanakārikā || 32 ||
[Analyze grammar]

vṛkṣāṃśchitvā paśūnhatvā kṛtvā rudhirakardamam |
dagdhvā vahnau tilājyādi citraṃ svargo'bhilaṣyate || 33 ||
[Analyze grammar]

ityevaṃ svamataṃ procya yatistripuranāyakam |
śrāvayitvākhilān paurānuvāca punarādarāt || 34 ||
[Analyze grammar]

dṛṣṭārthapratyayakarāndehasaukhyaikasādhakān |
bauddhāgama vinirdiṣṭāndharmānvedaparāṃstataḥ || 35 ||
[Analyze grammar]

ānaṃdaṃ brahmaṇo rūpaṃ śrutyaivaṃ yannigadyate |
tattathaiva ha maṃtavyaṃ mithyā nānātvakalpanā || 36 ||
[Analyze grammar]

yāvatsvasthamidaṃ varṣma yāvannendriyaviklavaḥ |
yāvajjarā ca dūre'sti tāvatsaukhyaṃ prasādhayet || 37 ||
[Analyze grammar]

asvāsthyendriyavaikalye vārddhake tu kutassukham |
śarīramapi dātavyamarthibhyo'tassukhepsubhiḥ || 38 ||
[Analyze grammar]

yācamānamanovṛttiprīṇane yasya no janiḥ |
tena bhūrbhāravatyeṣā samudrāgadrumairna hi || 39 ||
[Analyze grammar]

satvaraṃ gatvaro dehaḥ saṃcayāssaparikṣayāḥ |
iti vijñāya vijñātā dehasaukhyaṃ prasādhayet || 40 ||
[Analyze grammar]

śvavāya sakṛmīṇāṃ ca prātarbhojyamidaṃ vapuḥ |
bhasmāṃtaṃ taccharīraṃ ca vede satyaṃ prapaṭhyate || 41 ||
[Analyze grammar]

mudhā jātivikaṣoyaṃ lokeṣu parikalpyate |
mānuṣye sati sāmānye ko'dharmaḥ ko'tha cottamaḥ || 42 ||
[Analyze grammar]

brahmādisṛṣṭireṣeti procyate vṛddhapūruṣaiḥ |
tasya jātau sutau dakṣamarīcī ceti viśrutau || 43 ||
[Analyze grammar]

mārīcena kaśyapena dakṣakanyāssulocanāḥ |
dharmeṇa kila mārgeṇa pariṇītāstrayodaśa || 44 ||
[Analyze grammar]

apīdānīṃtanairmartyairalpabuddhiparākramaiḥ |
api gamyastvagamyo'yaṃ vicāraḥ kriyate mudhā || 45 ||
[Analyze grammar]

mukhabāhūrusañjātaṃ cāturvarṇya sahoditam |
kalpaneyaṃ kṛtā pūrvairna ghaṭeta vicārataḥ || 46 ||
[Analyze grammar]

ekasyāṃ ca tanau jātā ekasmādyadi vā kvacit |
catvārastanayāstatkiṃ bhinnavarṇatvamāpnuyuḥ || 47 ||
[Analyze grammar]

varṇāvarṇavibhāgo'yaṃ tasmānna pratibhāsate |
ato bhedo na maṃtavyo mānuṣye kenacitkvacit || 48 ||
[Analyze grammar]

sanatkumāra uvāca |
itthamābhāṣya daityeśaṃ paurāṃśca sa yatirmune |
saśiṣyo vedadharmāśca nāśayāmāsa cādarāt || 49 ||
[Analyze grammar]

strīdharmaṃ khaṃḍayāmāsa pātivratyaparaṃ mahat |
jitendriyatvaṃ sarveṣāṃ puruṣāṇāṃ tathaiva saḥ || 50 ||
[Analyze grammar]

devadharmānviśeṣeṇa śrāddhadharmāṃstathaiva ca |
makhadharmānvratādīṃśca tīrthaśrāddhaṃ viśeṣataḥ || 51 ||
[Analyze grammar]

śivapūjāṃ viśeṣeṇa liṃgārādhanapūrvikām |
viṣṇusūryagaṇeśādipūjanaṃ vidhipūrvakam || 52 ||
[Analyze grammar]

snānadānādikaṃ sarvaṃ parvakālaṃ viśeṣataḥ |
khaṃḍayāmāsa sa yatirmāyī māyāvināṃ varaḥ || 53 ||
[Analyze grammar]

kiṃ bahūktena viprendra tripure tena māyinā |
vedadharmāśca ye kecitte sarve dūrataḥ kṛtāḥ || 54 ||
[Analyze grammar]

patidharmāśrayāḥ sarvā mohitāstripurāṃganāḥ |
bhartṛśuśrūṣaṇavatīṃ vijahurmatimuttamām || 55 ||
[Analyze grammar]

abhyasyākarṣaṇīṃ vidyāṃ vaśīkṛtyamayīmapi |
puruṣāssaphalīcakruḥ paradāreṣu mohitāḥ || 56 ||
[Analyze grammar]

aṃtaḥpuracarā nāryastathā rājakumārakāḥ |
paurāḥ purāṃganāścāpi sarve taiśca vimohitāḥ || 57 ||
[Analyze grammar]

evaṃ paureṣu sarveṣu nijadharmeṣu sarvathā |
parāṅmukheṣu jāteṣu prollalāsa vṛṣetaraḥ || 58 ||
[Analyze grammar]

māyā ca devadevasya viṣṇostasyājñayā prabho |
alakṣmīśca svayaṃ tasya niyogāttripuraṃ gatā || 59 ||
[Analyze grammar]

yā lakṣmīstapasā teṣāṃ labdhā deveśvarādarāt |
bahirgatā parityajya niyogādbrahmaṇaḥ prabhoḥ || 60 ||
[Analyze grammar]

buddhimohaṃ tathābhūtaṃ viṣṇo rmāyāvinirmitam |
teṣāṃ dattvā kṣaṇādeva kṛtārtho'bhūtsa nāradaḥ || 61 ||
[Analyze grammar]

nāradopi tathārūpo yathā māyī tathaiva saḥ |
tathāpi vikṛto nābhūtparameśādanugrahāt || 62 ||
[Analyze grammar]

āsītkuṃṭhitasāmarthyo daityarājo'pi bho mune |
bhrātṛbhyāṃ sahitastatra mayena ca śivecchayā || 63 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ paṃcame yuddhakhaṃḍe tripuramohanaṃ nāma pañcamo'dhyāyaḥ || 5 ||
[Analyze grammar]