Chapter 4

[English text for this chapter is available]

sanatkumāra uvāca |
asṛjacca mahātejāḥ puruṣaṃ svātmasaṃbhavam |
ekaṃ māyāmayaṃ teṣāṃ dharmavighnārthamacyutaḥ || 1 ||
[Analyze grammar]

muṃḍinaṃ mlānavastraṃ ca guṃphipātrasamanvitam |
dadhānaṃ puṃjikāṃ haste cālayaṃtaṃ padepade || 2 ||
[Analyze grammar]

vastrayuktaṃ tathā hastaṃ kṣīyamāṇaṃ mukhe sadā |
dharmeti vyāharaṃtaṃ hi vācā viklavayā munim || 3 ||
[Analyze grammar]

sa namaskṛtya viṣṇuṃ taṃ tatpurassa sthito'tha vai |
uvāca vacanaṃ tatra hariṃ sa prāṃjalistadā || 4 ||
[Analyze grammar]

arihannacyutaṃ pūjyaṃ kiṃ karomi tadādiśa |
kāni nāmāni me deva sthānaṃ vāpi vada prabho || 5 ||
[Analyze grammar]

ityevaṃ bhagavānviṣṇuḥ śrutvā tasya śubhaṃ vacaḥ |
prasannamānaso bhūtvā vacanaṃ cedamabravīt || 6 ||
[Analyze grammar]

|| viṣṇuruvāca |
yadarthaṃ nirmito'si tvaṃ nibodha kathayāmi te |
madaṃgaja mahāprājña madrūpastvaṃ na saṃśayaḥ || 7 ||
[Analyze grammar]

mamāṃgācca samutpanno matkāryaṃ kartumarhasi |
madīyastvaṃ sadā pūjyo bhaviṣyati na saṃśayaḥ || 8 ||
[Analyze grammar]

arihannāma te syāttu hyanyāni na śubhāni ca |
sthānaṃ vakṣyāmi te paścācchṛṇu prastutamādarāt || 9 ||
[Analyze grammar]

māyinmāyāmayaṃ śāstraṃ tatṣoḍaśasahasrakam |
śrautasmārtaviruddhaṃ ca varṇāśrama vivarjitam || 10 ||
[Analyze grammar]

apabhraṃśamayaṃ śāstraṃ karmavādamayaṃ tathā |
racayeti prayatnena tadvistāro bhaviṣyati || 11 ||
[Analyze grammar]

dadāmi tava nirmāṇe sāmarthyaṃ tadbhaviṣyati |
māyā ca vividhā śīghraṃ tvadadhīnā bhaviṣyati || 12 ||
[Analyze grammar]

tacchrutvā vacanaṃ tasya hareśca paramātmanaḥ |
namaskṛtya pratyuvāca sa māyī taṃ janārdanam || 13 ||
[Analyze grammar]

muṇḍyuvāca |
yatkartavyaṃ mayā deva drutamādiśa tatprabho |
tvadājñayākhilaṃ karma saphalaśca bhaviṣyati || 14 ||
[Analyze grammar]

sanatkumāra uvāca |
ityuktvā pāṭhayāmāsa śāstraṃ māyāmayaṃ tathā |
ihaiva svarganarakapratyayo nānyathā punaḥ || 15 ||
[Analyze grammar]

tamuvāca punarviṣṇuḥ smṛtvā śivapadāṃbujam |
mohanīyā ime daityāḥ sarve tripuravāsinaḥ || 16 ||
[Analyze grammar]

kāryāste dīkṣitā nūnaṃ pāṭhanīyāḥ prayatnataḥ |
madājñayā na doṣaste bhaviṣyati mahāmate || 17 ||
[Analyze grammar]

dharmāstatra prakāśante śrautasmārttā na saṃśayaḥ |
anayā vidyayā sarve sphoṭanīyā dhruvaṃ yate || 18 ||
[Analyze grammar]

gaṃtumarhasi nāśārthaṃ muṇḍiṃstripuravāsinām |
tamodharmaṃ saṃprakāśya nāśayasva puratrayam || 19 ||
[Analyze grammar]

tataścaiva punargatvā marusthalyāṃ tvayā vibho |
sthātavyaṃ ca svadharmeṇa kaliryāvatsamā vrajet || 20 ||
[Analyze grammar]

pravṛtte tu yuge tasminsvīyo dharmaḥ prakāśyatām |
śiṣyaiśca pratiśiṣyaiśca vartanīyastvayā punaḥ || 21 ||
[Analyze grammar]

madājñayā bhavaddharmo vistāraṃ yāsyati dhruvam |
madanujñāparo nityaṃ gatiṃ prāpsyasi māmakīm || 22 ||
[Analyze grammar]

evamājñā tadā dattā viṣṇunā prabhaviṣṇunā |
śāsanāddevadevasya hṛdā tvaṃtardadhe hariḥ || 23 ||
[Analyze grammar]

tatassa muṃḍī paripālayanharerājñāṃ tathā nirmitavāṃśca śiṣyān |
yathāsvarūpaṃ caturastadānīṃ māyāmayaṃ śāstramapāṭhayatsvayam || 24 ||
[Analyze grammar]

yathā svayaṃ tathā te ca catvāro muṃḍinaḥ śubhāḥ |
namaskṛtya sthitāstatra haraye paramātmane || 25 ||
[Analyze grammar]

hariścāpi munestatra caturastāṃstadā svayam |
uvāca paramaprītaśśivājñāparipālakaḥ || 26 ||
[Analyze grammar]

yathā gurustathā yūyaṃ bhaviṣyatha madājñayā |
dhanyāḥ stha sadgatimiha saṃprāpsyatha na saṃśayaḥ || 27 ||
[Analyze grammar]

catvāro muṃḍinaste'tha dharmaṃ pāṣaṃḍamāśritāḥ |
haste pātraṃ dadhānāśca tuṃḍavastrasya dhārakāḥ || 28 ||
[Analyze grammar]

malinānyeva vāsāṃsi dhārayaṃto hyabhāṣiṇaḥ |
dharmo lābhaḥ paraṃ tattvaṃ vadaṃtastvatiharṣataḥ || 29 ||
[Analyze grammar]

mārjanīṃ dhriyamāṇāśca vastrakhaṃḍavinirmitām |
śanaiḥ śanaiścalanto hi jīvahiṃsābhayāddhruvam || 30 ||
[Analyze grammar]

te sarve ca tadā devaṃ bhagavaṃtaṃ mudānvitāḥ |
namaskṛtya punastatra mune tasthustadagrataḥ || 31 ||
[Analyze grammar]

hariṇā ca tadā haste dhṛtvā ca guraverpitāḥ |
abhyadhāyi ca suprītyā tannāmāpi viśeṣataḥ || 32 ||
[Analyze grammar]

yathā tvaṃ ca tathaivaite madīyā vai na saṃśayaḥ |
ādirūpaṃ ca tannāma pūjyatvātpūjya ucyate || 33 ||
[Analyze grammar]

ṛṣiryatistathā kīryaupādhyāya iti svayam |
imānyapi tu nāmāni prasiddhāni bhavaṃtu vaḥ || 34 ||
[Analyze grammar]

mamāpi ca bhavadbhiśca nāma grāhyaṃ śubhaṃ punaḥ |
arihanniti tannāmadhyeyaṃ pāpapraṇāśanam || 35 ||
[Analyze grammar]

bhavadbhiścaiva kartavyaṃ kāryaṃ lokasukhāvaham |
lokānukūlaṃ caratāṃ bhaviṣyatyuttamā gatiḥ || 36 ||
[Analyze grammar]

|| sanatkumāra uvāca |
tataḥ praṇamya taṃ māyī śiṣyayuktassvayaṃ tadā |
jagāma tripuraṃ sadyaḥ śivecchākāriṇaṃ mumā || 37 ||
[Analyze grammar]

praviśya tatpuraṃ tūrṇaṃ viṣṇunā nodito vaśī |
mahāmāyāvinā tena ṛṣirmāyāṃ tadākarot || 38 ||
[Analyze grammar]

nagaropavane kṛtvā śiṣyairyuktaḥ sthititadā |
māyāṃ pravartayāmāsa māyināmapi mohinīm || 39 ||
[Analyze grammar]

śivārcanaprabhāveṇa tanmāyā sahasā mune |
tripure na cacālāśu nirviṇṇobhūttadā yatiḥ || 40 ||
[Analyze grammar]

atha viṣṇuṃ sa sasmāra tuṣṭāva ca hṛdā bahu |
naṣṭotsāho vicetasko hṛdayena vidūyatā || 41 ||
[Analyze grammar]

tatsmṛtastvaritaṃ viṣṇussasmāra śaṃkaraṃ hṛdi |
prāpyājñāṃ manasā tasya smṛtavānnāradaṃ drutam || 42 ||
[Analyze grammar]

smṛtamātreṇa viṣṇośca nāradassamupasthitaḥ |
natvā stutvā purastasya sthitobhūtsāṃjalistadā || 43 ||
[Analyze grammar]

atha taṃ nāradaṃ prāha viṣṇurmunimatāṃ varaḥ |
lokopakāranirato devakāryakarassadā || 44 ||
[Analyze grammar]

śivājñayocyate tāta gaccha tvaṃ tripuraṃ drutam |
ṛṣistatra gataḥ śiṣyairmohārthaṃ tatsuvāsinām || 45 ||
[Analyze grammar]

|| sanatkumāra uvāca |
ityākarṇya vacastasya nārado munisattamaḥ |
gatastatra drutaṃ yatra sa ṛṣirmāyināṃ varaḥ || 46 ||
[Analyze grammar]

nārado'pi tathā māyī niyogānmāyinaḥ prabhoḥ |
praviśya tatpuraṃ tena māyinā saha dīkṣitaḥ || 47 ||
[Analyze grammar]

tataśca nārado gatvā tripurādhīśasannidhau |
kṣemapraśnādikaṃ kṛtvā rājñe sarvaṃ nyavedayat || 48 ||
[Analyze grammar]

nārada uvāca || kaścitsamāgataścātra yatirdharmaparāyaṇaḥ |
sarvavidyāprakṛṣṭo hi vedavidyāparānvitaḥ || 49 ||
[Analyze grammar]

dṛṣṭvā ca bahavo dharmā naitena sadṛśāḥ punaḥ |
vayaṃ sudīkṣitāścātra dṛṣṭvā dharmaṃ sanātanam || 50 ||
[Analyze grammar]

tavecchā yadi varteta taddharme daityasattama |
taddharmasya mahārāja grāhyā dīkṣā tvayā punaḥ || 51 ||
[Analyze grammar]

sanatkumāra uvāca |
tadīyaṃ sa vacaḥ śrutvā mahadarthasugarbhitam |
vismito hṛdi daityeśo jagau tatra vimohitaḥ || 52 ||
[Analyze grammar]

nārado dīkṣito yasmādvayaṃ dīkṣāmavāpnumaḥ |
ityevaṃ ca viditvā vai jagāma svayameva ha || 53 ||
[Analyze grammar]

tadrūpaṃ ca tadā dṛṣṭvā mohito māyayā tathā |
uvāca vacanaṃ tasmai namaskṛtya mahātmane || 54 ||
[Analyze grammar]

tripurādhipa uvāca |
dīkṣā deyā tvayā mahyaṃ nirmalāśaya bho ṛṣe |
ahaṃ śiṣyo bhaviṣyāmi satyaṃ satyaṃ na saṃśayaḥ || 55 ||
[Analyze grammar]

ityevaṃ tu vacaḥ śrutvā daityarājasya nirmalam |
pratyuvāca suyatnena ṛṣissa ca sanātanaḥ || 56 ||
[Analyze grammar]

madīyā karaṇīyā syādyadyājñā daityasattama |
tadā deyā mayā dīkṣā nānyathā koṭiyatnataḥ || 57 ||
[Analyze grammar]

ityevaṃ tu vacaḥ śrutvā rājā māyāmayo'bhavat |
uvāca vacanaṃ śīghraṃ yatiṃ taṃ hi kṛtāṃjaliḥ || 58 ||
[Analyze grammar]

daitya uvāca |
yathājñāṃ dāsyasi tvaṃ ca tattathaiva na cānyathā |
tvadājñāṃ nollaṃghayiṣye satyaṃ satyaṃ na saṃśayaḥ || 59 ||
[Analyze grammar]

sanatkumāra uvāca |
ityākarṇya vacastasya tripurādhīśitustadā |
dūrīkṛtya mukhādvastramuvāca ṛṣisattamaḥ || 60 ||
[Analyze grammar]

dīkṣāṃ gṛhṇīṣva daityendra sarvadharmottamottamām |
dadau dīkṣāvidhānena prāpsyasi tvaṃ kṛtārthatām || 61 ||
[Analyze grammar]

sanatkumāra uvāca |
ityuktvā sa tu māyāvī daityarājāya satvaram |
dadau dīkṣāṃ svadharmoktāṃ tasmai vidhividhānataḥ || 62 ||
[Analyze grammar]

daityarāje dīkṣite ca tasminsasahaje mune |
sarve ca dīkṣitā jātāstatra tripuravāsinaḥ || 63 ||
[Analyze grammar]

muneḥ śiṣyaiḥ praśiṣyaiśca vyāptamāsīddrutaṃ tadā |
mahāmāyāvinastattu tripuraṃ sakalaṃ mune || 64 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe sanatkumārapārāśarya saṃvāde tripuradīkṣāvidhānaṃ nāma caturtho'dhyāyaḥ || 4 ||
[Analyze grammar]