Chapter 3

[English text for this chapter is available]

śiva uvāca |
ayaṃ vai tripurādhyakṣa puṇyavānvartate'dhunā |
yatra puṇyaṃ pravarteta na haṃtavyo budhaiḥ kvacit || 1 ||
[Analyze grammar]

jānāmi devakaṣṭaṃ ca vibudhāssakalaṃ mahat |
daityāste prabalā haṃtumaśakyāstu surāsuraiḥ || 2 ||
[Analyze grammar]

puṇyavaṃtastu te sarve samayāstārakātmajāḥ |
dussādhyastu vadhasteṣāṃ sarveṣāṃ puravāsinām || 3 ||
[Analyze grammar]

mitradrohaṃ kathaṃ jānankaromi raṇakarkaśaḥ |
suhṛddrohe mahatpāpaṃ pūrvamuktaṃ svayaṃbhuvā || 4 ||
[Analyze grammar]

brahmaghnaṃ ca surāpe ca steye bhagnavrate tathā |
niṣkṛtirvihitā sadbhiḥ kṛtaghne nāsti niṣkṛtiḥ || 5 ||
[Analyze grammar]

mama bhaktāstu te daityā mayā vadhyā kathaṃ surāḥ |
vicāryatāṃ bhavadbhiśca dharmajñaireva dharmataḥ || 6 ||
[Analyze grammar]

tāvatte naiva haṃtavyā yāvadbhaktikṛtaśca me |
tathāpi viṣṇave devā nivedyaṃ kāraṇaṃ tvidam || 7 ||
[Analyze grammar]

sanatkumāra uvāca |
ityevaṃ tadvacaḥ śrutvā devāśśakrapurogamāḥ |
nyavedayan drutaṃ sarve brahmaṇe prathamaṃ mune || 8 ||
[Analyze grammar]

tato vidhiṃ puraskṛtya sarve devāssavāsavāḥ |
vaikuṃṭhaṃ prayayuśśīghraṃ sarve śobhāsamanvitam || 9 ||
[Analyze grammar]

tatra gatvā hariṃ dṛṣṭvā praṇemurjātasaṃbhramāḥ |
tuṣṭuvuśca mahābhaktyā kṛtāṃjalipuṭāssurāḥ || 10 ||
[Analyze grammar]

svaduḥkhakāraṇaṃ sarvaṃ pūrvavattadanaṃtaram |
nyavedayandrutaṃ tasmai viṣṇave prabhaviṣṇave || 11 ||
[Analyze grammar]

devaduḥkhaṃ tataḥ śrutvā dattaṃ ca tripurālaye |
jñātvā vrataṃ ca teṣāṃ tadviṣṇurvacanamabravīt || 12 ||
[Analyze grammar]

viṣṇuruvāca |
idaṃ satyaṃ vacaścaiva yatra dharmassanātanaḥ |
tatra duḥkhaṃ na jāyeta sūrye dṛṣṭe yathā tamaḥ || 13 ||
[Analyze grammar]

|| sanatkumāra uvāca |
ityetadvacanaṃ śrutvā devā duḥkhamupāgatāḥ |
punarūcustathā viṣṇuṃ parimlānamukhāmbujāḥ || 14 ||
[Analyze grammar]

devā ūcuḥ |
kathaṃ caiva prakarttavyaṃ kathaṃ duḥkhaṃ nirasyate |
kathaṃ bhavema sukhinaḥ kathaṃ sthāsyāmahe vayam || 15 ||
[Analyze grammar]

kathaṃ dharmā bhaviṣyaṃti tripure jīvite sati |
devaduḥkhapradā nūnaṃ sarve tripuravāsinaḥ || 16 ||
[Analyze grammar]

kiṃ vā te tripurasyeha vadhaścaiva vidhīyatām |
nocedakālikī devasaṃhatiḥ kriyatāṃ dhruvam || 17 ||
[Analyze grammar]

sanatkumāra uvāca |
ityuktvā te tadā devā duḥkhaṃ kṛtvā punaḥ punaḥ |
sthitiṃ naiva gatiṃ te vai cakrurdevavarādiha || 18 ||
[Analyze grammar]

tānvai tathāvidhāndṛṣṭvā hīnānvinayasaṃyutān |
sopi nārāyaṇaḥ śrīmāṃściṃtayeccetasā tathā || 19 ||
[Analyze grammar]

kiṃ kāryaṃ devakāryeṣu mayā devasahā yinā |
śivabhaktāstu te daityāstārakasya sutā iti || 20 ||
[Analyze grammar]

iti saṃcintya tatkāle viṣṇunā prabhaviṣṇunā |
tato yajñāssmṛtāstena devakāryārthamakṣayāḥ || 21 ||
[Analyze grammar]

tadviṣṇusmṛtimātreṇa yajñāste tatkṣaṇaṃ drutam |
āgatāstatra yatrāste śrīpatiḥ puruṣottamaḥ || 22 ||
[Analyze grammar]

tato viṣṇuṃ yajñapatiṃ purāṇaṃ puruṣaṃ harim |
praṇamya tuṣṭuvuste vai kṛtāṃjalipuṭāstadā || 23 ||
[Analyze grammar]

bhagavānapi tāndṛṣṭvā yajñānprāha sanātanam |
sanātanastadā seṃdrāndevānālokya cācyutaḥ || 24 ||
[Analyze grammar]

viṣṇuruvāca |
anenaiva sadā devā yajadhvaṃ parameśvaram |
puratrayavināśāya jagattrayavibhūtaye || 25 ||
[Analyze grammar]

sanatkumāra uvāca |
acyutasya vacaḥ śrutvā devadevasya dhīmataḥ |
premṇā te praṇatiṃ kṛtvā yajñeśaṃ te'stuvansurāḥ || 26 ||
[Analyze grammar]

evaṃ stutvā tato devā ajayanyajñapūruṣam |
yajñoktena vidhānena saṃpūrṇavidhayo mune || 27 ||
[Analyze grammar]

tatastasmādyajñakuṃḍātsamutpetussahasraśaḥ |
bhūtasaṃghā mahākāyāḥ śūlaśaktigadāyudhāḥ || 28 ||
[Analyze grammar]

dadṛśuste surāstān vai bhūtasaṃghānsahasraśaḥ |
śūla śaktigadāhastāndaṇḍacāpaśilāyudhān || 29 ||
[Analyze grammar]

nānāpraharaṇopetān nānāveṣadharāṃstathā |
kālāgnirudrasadṛśānkālasūryopamāṃstadā || 30 ||
[Analyze grammar]

dṛṣṭvā tānabravīdviṣṇuḥ praṇipatya puraḥsthitān |
bhūtānyajñapatiḥ śrīmānudrājñāpratipālakaḥ || 31 ||
[Analyze grammar]

viṣṇuruvāca |
bhūtāḥ śṛṇuta madvākyaṃ devakāryārthamudyatāḥ |
gacchantu tripuraṃ sadyassarve hi balavattarāḥ || 32 ||
[Analyze grammar]

gatvā dagdhvā ca bhittvā ca bhaṅktvā daityapuratrayam |
punaryathāgatā bhūtāgaṃtumarhatha bhūtaye || 33 ||
[Analyze grammar]

sanatkumāra uvāca |
tacchrutvā bhagavadvākyaṃ tato bhūtagaṇāśca te |
praṇamya devadevaṃ taṃ yayurdaityapuratrayam || 34 ||
[Analyze grammar]

gatvā tatpraviśaṃtaśca tripurādhipatejasi |
bhasmasādabhavansadyaśśalabhā iva pāvake || 35 ||
[Analyze grammar]

avaśiṣṭāśca ye kecitpalāyanaparāyaṇāḥ |
nissṛtyāraṃ samāyātā harernikaṭamākulāḥ || 36 ||
[Analyze grammar]

tāndṛṣṭvā sa hariḥ śrutvā tacca vṛttamaśeṣataḥ |
ciṃtayāmāsa bhagavānmanasā puruṣottamaḥ || 37 ||
[Analyze grammar]

kiṃ kṛtyamadhunā kāryamiti saṃtaptamānasaḥ |
saṃtaptānamarānsarvānājñāya ca savāsavān || 38 ||
[Analyze grammar]

kathaṃ teṣāṃ ca daityānāṃ balāddhatvā puratrayam |
devakāryaṃ kariṣyāmītyāsīcciṃtāsamākulaḥ || 39 ||
[Analyze grammar]

nāśo'bhicārato nāsti dharmiṣṭhānāṃ na saṃśayaḥ |
iti prāha svayaṃ ceśaḥ śrutyācārapramāṇakṛt || 40 ||
[Analyze grammar]

daityāśca te hi dharmiṣṭhāssarve tripuravāsinaḥ |
tasmādavadhyatāṃ prāptā nānyathā surapuṃgavāḥ || 41 ||
[Analyze grammar]

kṛtvā tu sumahatpāpaṃ rudramabhyarcayaṃti te |
mucyaṃte pātakaiḥ sarvaiḥ padmapatramivāṃbhasā || 42 ||
[Analyze grammar]

rudrābhyarcanato devāḥ sarve kāmā bhavaṃti hi |
nānopabhogasaṃpattirvaśyatāṃ yāti vai bhuvi || 43 ||
[Analyze grammar]

tasmāttadbhogino daityā liṃgārcanaparāyaṇāḥ |
anekavidhasaṃpattermokṣasyāpi paratra ca || 44 ||
[Analyze grammar]

tataḥ kṛtvā dharmavighnaṃ teṣāmevātmamāyayā |
daityānāṃ devakāryārthaṃ hariṣye tripuraṃ kṣaṇāt || 45 ||
[Analyze grammar]

vicāryetthaṃ tatasteṣāṃ bhagavānpuruṣottamaḥ |
kartuṃ vyavasthitaḥ paścāddharmavighnaṃ surāriṇām || 46 ||
[Analyze grammar]

yāvacca veda dharmāstu yāvadvai śaṃkarārcanam |
yāvacca śucikṛtyādi tāvannāśo bhavenna hi || 47 ||
[Analyze grammar]

tasmādevaṃ prakartavyaṃ vedadharmastato vrajet |
tyaktaliṃgārcanā daityā bhaviṣyaṃti na saṃśayaḥ || 48 ||
[Analyze grammar]

iti niścitya vai viṣṇurvighnārthamakarottadā |
teṣāṃ dharmasya daityānāmupāyaṃ śruti khaṇḍanam || 49 ||
[Analyze grammar]

tadaivovāca devānsa viṣṇurdevasahāyakṛt |
śivājñayā śivenaivājñaptastrailokyarakṣaṇe || 50 ||
[Analyze grammar]

|| viṣṇuruvāca |
he devāssakalā yūyaṃ gacchata svagṛhāndhruvam |
devakāryaṃ kariṣyāmi yathāmati na saṃśayaḥ || 51 ||
[Analyze grammar]

tānrudrādvimukhānnūnaṃ kariṣyāmi suyatnataḥ |
svabhaktirahitāñjñātvā tānkariṣyati bhasmasāt || 52 ||
[Analyze grammar]

|| sanatkumāra uvāca |
tadājñāṃ śirasādhāyaśvāsitāste'marā mune |
svasvadhāmāni viśvastā yayurbrahmāpi moditāḥ || 53 ||
[Analyze grammar]

tataścaivākarodviṣṇurdevārthaṃ hitamuttamam |
tadeva śrūyatāṃ samyaksarvapāpapraṇāśanam || 54 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe tripuravadhopākhyāne bhūtatripuradharmavarṇanaṃ nāma tṛtīyo'dhyāyaḥ || 3 ||
[Analyze grammar]