Chapter 10

[English text for this chapter is available]

brahmovāca |
nivārya vīrabhadraṃ taṃ kumāraḥ paravīrahā |
samaicchattārakavadhaṃ smṛtvā śivapadāmbujau || 1 ||
[Analyze grammar]

jagarjātha mahātejāḥ kārtikeyo mahābalaḥ |
sannaddhaḥ so'bhavatkruddha sainyena mahatā vṛtaḥ || 2 ||
[Analyze grammar]

tadā jayajayetyuktaṃ sarvairdervergaṇai stathā |
saṃstuto vāgbhiriṣṭābhistadaiva ca surarṣibhiḥ || 3 ||
[Analyze grammar]

tārakasya kumārasya saṃgrāmo'tīva dussahaḥ |
jātastadā mahāghorassarvabhūta bhayaṃkaraḥ || 4 ||
[Analyze grammar]

śaktihastau ca tau vīrau yuyudhāte parasparam |
sarveṣāṃ paśyatāṃ tatra mahāścaryavatāṃ mune || 5 ||
[Analyze grammar]

śaktinirbhinnadehau tau mahāsādhanasaṃyutau |
parasparaṃ vaṃcayaṃtau siṃhāviva mahābalau || 6 ||
[Analyze grammar]

vaitālikaṃ samāśritya tathā khecarakaṃ matam |
pāpaṃ taṃ ca samāśritya śaktyā śaktiṃ vijaghnatuḥ || 7 ||
[Analyze grammar]

ebhirmaṃtrairmahāvīrau cakraturyuddhamadbhutam |
anyonyaṃ sādhakau bhūtvā mahābalaparākramau || 8 ||
[Analyze grammar]

mahābalaṃ prakurvatau parasparavadhaiṣiṇau |
jaghnatuśśaktidhārābhī raṇe raṇaviśāradau || 9 ||
[Analyze grammar]

mūrdhni kaṃṭhe tathā corvorjānvoścaiva kaṭītaṭe |
vakṣasyurasi pṛṣṭhe ca cicchiduśca parasparam || 10 ||
[Analyze grammar]

tadā tau yudhyamānau ca hantukāmau mahābalau |
valgantau vīraśabdaiśca nānāyuddhaviśāradau || 11 ||
[Analyze grammar]

abhavanprekṣakāssarve devā gaṃdharvakinnarāḥ |
ūcuḥ parasparaṃ tatra kosminyuddhe vijeṣyate || 12 ||
[Analyze grammar]

tadā nabhogatā vāṇī jagau devāṃśca sāṃtvayan |
asuraṃ tārakaṃ cātra kumāro'yaṃ haniṣyati || 13 ||
[Analyze grammar]

mā śocyatāṃ suraiḥ sarvai sukhena sthīyatāmiti |
yuṣmadarthaṃ śaṃkaro hi putrarūpeṇa saṃsthitaḥ || 14 ||
[Analyze grammar]

śrutvā tadā tāṃ gagane samīritāṃ vācaṃ śubhāṃ sapramathessamāvṛtaḥ |
nihaṃtukāmaḥ sukhitaḥ kumārako daityādhipaṃ tārakamāśvabhūttadā || 15 ||
[Analyze grammar]

śaktyā tayā mahābāhurājaghānastanāṃtare |
kumāraḥ sma ruṣāviṣṭastārakāsuramojasā || 16 ||
[Analyze grammar]

taṃ prahāramanādṛtya tārako daityapuṃgavaḥ |
kumāraṃ cāpi saṃkruddhassvaśaktyā saṃjaghāna saḥ || 17 ||
[Analyze grammar]

tena śaktiprahāreṇa śāṃkarirmūcchi to'bhavat |
muhūrtāccetanāṃ prāpa stūyamāno maharṣibhiḥ || 18 ||
[Analyze grammar]

yathā siṃho madonmatto haṃtukāmastathāsuram |
kumārastārakaṃ śaktyā sa jaghāna pratāpavān || 19 ||
[Analyze grammar]

evaṃ parasparaṃ tau hi kumāraścāpi tārakaḥ |
yuyudhāte'tisaṃrabdhau śaktiyuddhaviśāradau || 20 ||
[Analyze grammar]

abhyāsaparamāvāstāmanyonyaṃ vijigīṣayā |
padātinau yudhyamānnau citrarūpau tarasvinau || 21 ||
[Analyze grammar]

vividhairghātapuṃjaistāvanyonyaṃ vini jaghnatuḥ |
nānāmārgānprakurvantau garjaṃtau suparākramau || 22 ||
[Analyze grammar]

avalokaparāssarve devagaṃdharvakinnarāḥ |
vismayaṃ paramaṃ jagmurnocuḥ kiṃcana tatra te || 23 ||
[Analyze grammar]

na vavau pavamānaśca niṣprabho'bhūddivākaraḥ |
cacāla vasudhā sarvā saśailavanakānanā || 24 ||
[Analyze grammar]

etasminnaṃtare tatra himālayamukhā dharāḥ |
snehārditāstadā jagmuḥ kumāraṃ ca parīpsavaḥ || 25 ||
[Analyze grammar]

tatassa dṛṣṭvā tānsarvānbhayabhītāṃśca śāṃkariḥ |
parvatāngirijāputro babhāṣe paribodhayan || 26 ||
[Analyze grammar]

kumāra uvāca |
mā khidyatāṃ mahābhāgā mā ciṃtāṃ kurvatāṃ nagāḥ |
ghātayāmyadya pāpiṣṭhaṃ sarveṣāṃ vaḥ prapaśya tām || 27 ||
[Analyze grammar]

evaṃ samāśvāsya tadā parvatānnirjarāngaṇān |
praṇamya girijāṃ śaṃbhumādade śaktimutprabhām || 28 ||
[Analyze grammar]

taṃ tārakaṃ haṃtumanāḥ karaśaktirmahāprabhuḥ |
virarāja mahāvīraḥ kumāraśśaṃbhubālakaḥ || 29 ||
[Analyze grammar]

śaktyā tayā jaghānātha kumārastārakāsuram |
tejasāḍhyaśśaṃkarasya lokakleśakaraṃ ca tam || 30 ||
[Analyze grammar]

papāta sadyassahasā viśīrṇāṃgo'suraḥ kṣitau |
tārakākhyo mahāvīrassarvāsuragaṇādhipaḥ || 31 ||
[Analyze grammar]

kumāreṇa hatassotivīrassa khalu tārakaḥ |
layaṃ yayau ca tatraiva sarveṣāṃ paśyatāṃ mune || 32 ||
[Analyze grammar]

tathā taṃ patitaṃ dṛṣṭvā tārakaṃ balavattaram |
na jaghāna punarvīrassa gatvā vyasumāhave || 33 ||
[Analyze grammar]

hate tasminmahādaitye tārakākhye mahābale |
kṣayaṃ praṇītā bahavo'surā devagaṇaistadā || 34 ||
[Analyze grammar]

kecidbhītāḥ prāṃjalayo babhūvustatra cāhave |
chinnabhinnāṃgakāḥ kecinmṛtā daityāssahasraśaḥ || 35 ||
[Analyze grammar]

kecijjātāḥ kumārasya śaraṇaṃ śaraṇārthinaḥ |
vadantaḥ pāhi pāhīti daityāḥ sāṃjalayastadā || 36 ||
[Analyze grammar]

kiyaṃtaśca hatāstatra kiyaṃtaśca palāyitāḥ |
palāyamānā vyathitā stāḍitā nirjjarairgaṇaiḥ || 37 ||
[Analyze grammar]

sahasraśaḥ praviṣṭāste pātāle ca jijīṣavaḥ |
palāyamānāste sarve bhagnāśā dainyamāgatāḥ || 38 ||
[Analyze grammar]

evaṃ sarvaṃ daityasainyaṃ bhraṣṭaṃ jātaṃ munīśvara |
na kecittatra saṃtasthurgaṇadevabhayāttadā || 39 ||
[Analyze grammar]

āsīnniṣkaṃṭakaṃ sarvaṃ hate tasmindurātmani |
te devāḥ sukhamāpannāssarve śakrādayastadā || 40 ||
[Analyze grammar]

evaṃ vijayamāpannaṃ kumāraṃ nikhilāssurāḥ |
babhūvuryugapaddhṛṣṭāstrilokāśca mahāsukhā || 41 ||
[Analyze grammar]

tadā śivo'pi taṃ jñātvā vijayaṃ kārtikasya ca |
tatrājagāma sa mudā sagaṇaḥ priyayā saha || 42 ||
[Analyze grammar]

svātmajaṃ svāṃkamāropya kumāraṃ sūryavarcasam |
lālayāmāsa suprītyā śivā ca snehasaṃkulā || 43 ||
[Analyze grammar]

himālayastadāgatya svaputraiḥ parivāritaḥ |
sabaṃdhussānugaśśaṃbhuṃ tuṣṭāva ca śivāṃ guham || 44 ||
[Analyze grammar]

tato devagaṇāssarve munayassiddhacāraṇāḥ |
tuṣṭuvuśśāṃkariṃ śaṃbhuṃ girijāṃ tuṣitāṃ bhṛśam || 45 ||
[Analyze grammar]

puṣpavṛṣṭiṃ sumahatīṃ cakruścopasurāstadā |
jagurgaṃdharvapatayo nanṛtuścāpsarogaṇāḥ || 46 ||
[Analyze grammar]

vāditrāṇi tathā nedustadānīṃ ca viśeṣataḥ |
jayaśabdo namaḥ śabdo babhūvoccairmuhurmuhuḥ || 47 ||
[Analyze grammar]

tato mayācyutaścāpi saṃtuṣṭobhūdviśeṣataḥ |
śivaṃ śivāṃ kumāraṃ ca saṃtuṣṭāva samādarāt || 48 ||
[Analyze grammar]

kumāramagrataḥ kṛtvā harikendramukhāssurāḥ |
cakrurnīrājanaṃ prītyā munayaścāpare tathā || 49 ||
[Analyze grammar]

gītavāditraghoṣeṇa brahmaghoṣeṇa bhūyasā |
tadotsavo mahānāsītkīrtanaṃ ca viśeṣataḥ || 50 ||
[Analyze grammar]

gītavādyaissuprasannaistathā sāñjalibhirmune |
stūyamāno jagannāthassarvairdaivairgaṇairabhūta || 51 ||
[Analyze grammar]

tatassa bhagavānrudro bhavānyā jagadaṃbayā |
sarvaiḥ stuto jagāmātha svagiriṃ svagaṇairvṛtaḥ || 52 ||
[Analyze grammar]

iti śrī śivamahāpurāṇe dvitīyāyāṃ rudrasaṃhitāyāṃ caturthe kumārakhaṇḍe tārakā suravadhadevotsavavarṇanaṃ nāma daśamo'dhyāyaḥ || 10 ||
[Analyze grammar]