Chapter 9

[English text for this chapter is available]

brahmovāca |
devadeva guha svāmiñśāṃkare pārvatīsuta |
na śobhate raṇo viṣṇu tārakāsurayorvṛthā || 1 ||
[Analyze grammar]

viṣṇunā na hi vadhyo'sau tārako balavānati |
mayā dattavarastasmātsatyaṃ satyaṃ vadāmyaham || 2 ||
[Analyze grammar]

nānyo haṃtāsya pāpasya tvāṃ vinā pārvatīsuta |
tasmāttvayā hi kartavyaṃ vacanaṃ me mahāprabho || 3 ||
[Analyze grammar]

sannaddho bhava daityasya vadhāyāśu paraṃtapa |
tadvadhārthaṃ samutpannaḥ śaṃkarāttvaṃ śivāsuta || 4 ||
[Analyze grammar]

rakṣa rakṣa mahāvīra tridaśānvyathitānraṇe |
na bālastvaṃ yuvā naiva kiṃ tu sarveśvaraḥ prabhuḥ || 5 ||
[Analyze grammar]

śakraṃ paśya tathā viṣṇuṃ vyākulaṃ ca surān gaṇān |
evaṃ jahi mahādaityaṃ trailokyaṃ sukhinaṃ kuru || 6 ||
[Analyze grammar]

anena vijitaścendro lokapālaiḥ purā saha |
viṣṇuścāpi mahāvīro tarjitastapaso balāt || 7 ||
[Analyze grammar]

trailokyaṃ nirjitaṃ sarvamasureṇa durātmanā |
idānīṃ tava sānnidhyātpunaryuddhaṃ kṛtaṃ ca taiḥ || 8 ||
[Analyze grammar]

tasmāttvayā nihaṃtavyastārakaḥ pāpapūruṣaḥ |
anyavadhyo na caivāyaṃ madvarācchaṃkarātmaja || 9 ||
[Analyze grammar]

||brahmovāca |
iti śrutvā mama vacaḥ kumāraḥ śaṃkarātmajaḥ |
vijahāsa prasannātmā tathāstviti vaco'bravīt || 10 ||
[Analyze grammar]

viniścityāsuravadhaṃ śāṃkarissa mahā prabhuḥ |
vimānādavatīryātha padātirabhavattadā || 11 ||
[Analyze grammar]

padbhyāṃ tadāsau paridhāvamāno reje'tivīraḥ śivajaḥ kumāraḥ |
kare samādāya mahāprabhāṃ tāṃ śaktiṃ maholkāmiva dīptidīptām || 12 ||
[Analyze grammar]

dṛṣṭvā tamāyātamatipracaṃḍamavyākulaṃ ṣaṇmukhamaprameyam |
daityo babhāṣe surasattamānsa kumāra eṣa dviṣatāṃ prahaṃtā || 13 ||
[Analyze grammar]

anena sākaṃ hyahamekavīro yotsye ca sarvānahameva vīrān |
gaṇāṃśca sarvānapi ghātayāmi salokapālānharināyakāṃśca || 14 ||
[Analyze grammar]

ityevamuktvā sa tadā mahābalaḥ kumāramuddiśya yayau ca yoddhum |
jagrāha śaktiṃ paramādbhutāṃ ca sa tārako devavarānbabhāṣe || 15 ||
[Analyze grammar]

|| tāraka uvāca |
kumāro me'grataścādya bhavadbhiśca kathaṃ kṛtaḥ |
yūyaṃ gatatrapā devā viśeṣācchakrameśvarau || 16 ||
[Analyze grammar]

puraitābhyāṃ kṛtaṃ karma viruddhaṃ vedamārgataḥ |
tacchṛṇudhvaṃ mayā proktaṃ varṇayāmi viśeṣataḥ || 17 ||
[Analyze grammar]

tatra viṣṇuśchalī doṣī hyavivekī viśe ṣataḥ |
baliryena purā baddhaśchalamāśritya pāpataḥ || 16 ||
[Analyze grammar]

tenaiva yatnataḥ pūrvamasurau madhukaiṭabhau |
śirauhīnau kṛtau dhaurtyādvedamārgo vivarjitaḥ || 19 ||
[Analyze grammar]

mohinīrūpato'nena paṃktibhedaḥ kṛto hi vai |
devāsurasudhāpāne vedamārgo vigarhitaḥ || 20 ||
[Analyze grammar]

rāmo bhūtvā hatā nārī vālī vidhvaṃsito hi saḥ |
punarvaiśravaṇo viprau hato nītirhatā śruteḥ || 21 ||
[Analyze grammar]

pāpaṃ vinā svakīyā strī tyaktā pāparatena yat |
tatrāpi śrutimārgaśca dhvaṃsitassvārthahetave || 22 ||
[Analyze grammar]

svajananyāśśiraśchinnamavatāre rasākhyake |
guruputrāpamānaśca kṛto'nena durātmanā || 23 ||
[Analyze grammar]

kṛṣṇo bhūtvānyanāryaśca dūṣitāḥ kuladharmataḥ |
śrutimārgaṃ parityajya svavivāhāḥ kṛtāstathā || 24 ||
[Analyze grammar]

punaśca vedamārgo hi niṃdito navame bhave |
sthāpitaṃ nāstikamataṃ vedamārgavirodhakṛt || 25 ||
[Analyze grammar]

evaṃ yena kṛtaṃ pāpaṃ vedamārgaṃ visṛjya vai |
sa kathaṃ vijayedyuddhe bhaveddharmavatāṃvaraḥ || 26 ||
[Analyze grammar]

bhrātā jyeṣṭhaśca yastasya śakraḥ pāpī mahānmataḥ |
tena pāpānyanekāni kṛtāni nijahetutaḥ || 27 ||
[Analyze grammar]

nikṛtto hi ditergarbhassvārtha hetorviśeṣataḥ |
dharṣitā gautamastrī vai hato vṛtraśca viprajaḥ || 28 ||
[Analyze grammar]

viśvarūpadvijātervai bhāgineyasya yadguroḥ |
nikṛttāni ca śīrṣāṇi tadadhvādhvaṃsitaśśruteḥ || 29 ||
[Analyze grammar]

kṛtvā bahūni pāpāni hariśśakraḥ punaḥpunaḥ |
tejobhirvihatāveva naṣṭavīryau viśeṣataḥ || 30 ||
[Analyze grammar]

tayorbalena no yūyaṃ saṃgrāme jayamāpsyatha |
kimarthaṃ mūḍhatāṃ prāpya prāṇāṃstyaktumihāgatāḥ || 31 ||
[Analyze grammar]

jānantau dharmametau na svārthalaṃpaṭamānasau |
dharmaṃ vinā'marāḥ kṛtyaṃ niṣphalaṃ sakalaṃ bhavet || 32 ||
[Analyze grammar]

mahādhṛṣṭāvimau medya kṛtavaṃtau puraśśiśum |
ahaṃ bālaṃ vadhiṣyāmi tayosso'pi bhaviṣyati || 33 ||
[Analyze grammar]

kiṃ bāla ito yāyāddūraṃ prāṇaparīpsayā |
ityuktoddiśya ca harī vīrabhadramuvāca saḥ || 34 ||
[Analyze grammar]

purā hatāstvayā viprā dakṣayajñe hyanekaśaḥ |
tatkarmaṇaḥ phalaṃ cādya darśayiṣyāmi te'nagha || 39 ||
[Analyze grammar]

brahmovāca |
ityevamuktvā tu vidhūya puṇyaṃ nijaṃ sa tanniṃdanakarmaṇā vai |
jagrāha śaktiṃ paramādbhutāṃ ca sa tārako yuddhavatāṃ variṣṭhaḥ || 36 ||
[Analyze grammar]

taṃ bālāntikamāyātaṃ tārakāsuramojasā |
ājaghāna ca vajreṇa śakro guhapurassaraḥ || 37 ||
[Analyze grammar]

tena vajraprahāreṇa tārako jarjarīkṛtaḥ |
bhūmau papāta sahasā niṃdāhatabalaḥ kṣaṇam || 38 ||
[Analyze grammar]

patito'pi samutthāya śaktyā taṃ prāharadruṣā |
puraṃdaraṃ gajasthaṃ hi pātayāmāsa bhūtale || 39 ||
[Analyze grammar]

hāhākāro mahānāsītpatite ca puraṃdare |
senāyāṃ nirjarāṇāṃ hi taddṛṣṭvā kleśa āviśat || 40 ||
[Analyze grammar]

tārakeṇā'pi tatraiva yatkṛtaṃ karma duḥkhadam |
svanāśakāraṇaṃ dharmavirudaṃ tannibodha me || 41 ||
[Analyze grammar]

patitaṃ ca padākramya hastādvajraṃ pragṛhya vai |
punarudvajraghātena śakramātāḍayadbhṛśam || 42 ||
[Analyze grammar]

evaṃ tiraskṛtaṃ dṛṣṭvā śakraviṣṇupratāpavān |
cakramudyasya bhagavāṃstārakaṃ sa jaghāna ha || 43 ||
[Analyze grammar]

cakraprahārābhito nipapāta kṣitau hi saḥ |
punarutthāya daityendraśaktyā viṣṇuṃ jaghāna tam || 44 ||
[Analyze grammar]

tena śaktiprahāreṇa patito bhuvi cācyutaḥ |
karo mahānāsīccukruśuścā'tinirjarāḥ || 45 ||
[Analyze grammar]

nimeṣeṇa punarviṣṇuryāvaduttiṣṭhate svayam |
tāvatsa vīrabhadro hi tatkṣaṇādāgato'suram || 46 ||
[Analyze grammar]

triśūlaṃ ca samudyamya vīrabhadraḥ pratāpavān |
tārakaṃ ditijādhīśaṃ jaghāna prasabhaṃ balī || 47 ||
[Analyze grammar]

tattriśūlaprahāreṇa sa papāta kṣitau tadā |
patito'pi mahātejāstārakaḥ punarutthitaḥ || 48 ||
[Analyze grammar]

kṛtvā krodhaṃ mahāvīrassakalāsuranāyakaḥ |
jaghāna parayā śaktyā vīrabhadraṃ tadorasi || 49 ||
[Analyze grammar]

vīrabhadro'pi patito bhūtale mūrchitaḥ kṣaṇam |
tacchaktyā parayā krodhānnihato vakṣasi dhuvam || 50 ||
[Analyze grammar]

sagaṇaścaiva devāste gaṃdharvoragarākṣasāḥ |
hāhākāreṇa mahatā cukruśuśca muhurmuhuḥ || 51 ||
[Analyze grammar]

nimeṣamātrātsahasā mahaujāssa vīrabhadro dviṣatāṃ nihaṃtā |
triśūlamudyamya taḍitprakāśaṃ jājvalyamānaṃ prabhayā vireje || 52 ||
[Analyze grammar]

svarociṣā bhāsitadigvitānaṃ sūryendubimbāgnisamānamaṃḍalam |
mahāprabhaṃ vīrabhayāvahaṃ paraṃ kālākhyamatyaṃtakaraṃ mahojjvalam || 53 ||
[Analyze grammar]

yāvattriśūlena tadā haṃtukāmo mahābalaḥ |
vīrabhadro'suraṃ yāvatkumāreṇa nivāritaḥ || 54 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṃḍe tārakavākyaśakraviṣṇuvī rabhadrayuddhavarṇanaṃ nāma navamo'dhyāyaḥ || 9 ||
[Analyze grammar]