Shiva Purana [sanskrit]

223,192 words | ISBN-10: 8171101519

The Shiva-purana Book 2.4 Chapter 8 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

brahmovāca |
iti te varṇitastāta devadānava senayoḥ |
saṃgrāmastumulo'tīva tatprabhvo śṛṇu nārada || 1 ||
[Analyze grammar]

evaṃ yuddhe'titumule devadānavasaṃkṣaye |
tārakeṇaiva devendraśśaktyā ramayā saha || 2 ||
[Analyze grammar]

sadyaḥ papāta nāgāśca dharaṇyāṃ mūrcchito'bhavat |
paraṃ kaśmalamāpede vajradhārī sureśvaraḥ || 3 ||
[Analyze grammar]

tathaiva lokapāssarve'suraiśca balavattaraiḥ |
parājitā raṇe tāta mahāraṇaviśāradaiḥ || 4 ||
[Analyze grammar]

anye'pi nirjarā daityairyuddhyamānāḥ parājitāḥ |
asahaṃto hi tattejaḥ palāyanaparāyaṇāḥ || 5 ||
[Analyze grammar]

jagarjurasurāstatra jayinassukṛtodyamāḥ |
siṃhanādaṃ prakurvantaḥ kolāhalaparāyaṇāḥ || 6 ||
[Analyze grammar]

etasminnaṃtare tatra vīrabhadro ruṣānvitaḥ |
āsasāda gaṇairvīraistārakaṃ vīramāninam || 7 ||
[Analyze grammar]

nirjarān pṛṣṭhataḥ kṛtvā śivakopodbhavo balī |
tatsammukho babhūvātha yoddhukāmo gaṇāgraṇīḥ || 8 ||
[Analyze grammar]

tadā te pramathāssarve daityāśca paramotsavāḥ |
yuyudhussaṃyuge'nyonyaṃ prasaktāśca mahāraṇe || 9 ||
[Analyze grammar]

triśūlairṛṣṭibhiḥ pāśaiḥ khaḍgaiḥ paraśupaṭṭiśaiḥ |
nijaghnussamare'nyonyaṃ raṇe raṇaviśāradāḥ || 10 ||
[Analyze grammar]

tārako vīrabhadreṇa sa triśūlāhato bhṛśam |
papāta sahasā bhūmau kṣaṇaṃ mūrchāpariplutaḥ || 11 ||
[Analyze grammar]

utthāya sa drutaṃ vīrastārako daityasattamaḥ |
labdhasaṃjño balācchaktyā vīrabhadraṃ jaghāna ha || 12 ||
[Analyze grammar]

vīrabhadrastathā vīro mahātejā hi tārakam |
jaghāna triśikhenāśu ghoreṇa niśitena tam || 13 ||
[Analyze grammar]

sopi śaktyā vīrabhadraṃ jaghāna samare tataḥ |
tārako ditijādhīśaḥ prabalo vīrasaṃmataḥ || 14 ||
[Analyze grammar]

evaṃ saṃyuddhyamānau tau jaghnatuścetaretaram |
nānāstraśastraissamare raṇavidyāviśāradau || 15 ||
[Analyze grammar]

tayormahātmanostatra dvandvayuddhamabhūttadā |
sarveṣāṃ paśyatāmeva tumulaṃ romaharṣaṇam || 16 ||
[Analyze grammar]

tato bherīmṛdaṃgāśca paṭahānakagomukhāḥ |
vinedurvihatā vīraiśśṛṇvatāṃ subhayānakāḥ || 17 ||
[Analyze grammar]

yuyudhātetisannaddhau prahārairjarjarīkṛtau |
anyonyamatisaṃrabdhau tau budhāṃgārakāviva || 18 ||
[Analyze grammar]

evaṃ dṛṣṭvā tadā yuddhaṃ vīrabhadrasya tena ca |
tatra gatvā vīrabhadramavocastvaṃ śivapriyaḥ || 19 ||
[Analyze grammar]

nārada uvāca |
vīrabhadra mahāvīra gaṇānāmagraṇīrbhavān |
nivartasva raṇādasmādrocate na vadhastvayā || 20 ||
[Analyze grammar]

evaṃ niśamya tvadvākyaṃ vīrabhadro gaṇāgraṇīḥ |
avadatsa ruṣāviṣṭastvāṃ tadā tu kṛtāṃjaliḥ || 21 ||
[Analyze grammar]

vīrabhadra uvāca |
munivarya mahāprājña śṛṇu me paramaṃ vacaḥ |
tārakaṃ ca vadhiṣyāmi paśya me'dya parākramam || 22 ||
[Analyze grammar]

ānayaṃti ca ye vīrāssvāminaṃ raṇasaṃsadi |
te pāpino mahāklībā vinaśyanti raṇaṃ gatāḥ || 23 ||
[Analyze grammar]

asadgatiṃ prāpnuvanti teṣāṃ ca nirayo dhuvam |
vīrabhadro hi vijñeyo na vācyaste kadācana || 24 ||
[Analyze grammar]

śastrāstrairbhinnagātrā ye raṇaṃ kurvaṃti nirbhayāḥ |
ihāmutra praśaṃsyāste labhyante sukhamadbhutam || 25 ||
[Analyze grammar]

śṛṇvantu mama vākyāni devā haripurogamāḥ |
atārakāṃ mahīmadya kariṣye svāmivarjitām || 26 ||
[Analyze grammar]

ityuktvā pramarthaissārddhaṃ vīrabhadro hi śūladhṛk |
viciṃtya manasā śaṃbhuṃ yuyudhe tārakeṇa hi || 27 ||
[Analyze grammar]

vṛṣārūḍhairanekaiśca triśūlavaradhāribhiḥ |
mahāvīrastrinetraiśca sa reje raṇasaṃgataḥ || 28 ||
[Analyze grammar]

kolāhalaṃ prakurvaṃto nirbhayāśśataśo gaṇāḥ |
vīrabhadraṃ puraskṛtya yuyudhurdānavaissaha || 29 ||
[Analyze grammar]

asurāste'pi yuyudhustārakāsurajīvinaḥ |
balotkaṭā mahāvīrā mardayanto gaṇān ruṣā || 30 ||
[Analyze grammar]

punaḥ punaścaiva babhūva saṃgaro mahotkaṭo daityavarairgaṇānām |
praharṣamāṇāḥ paramāstrakovidāstadā gaṇāste jayino babhūvuḥ || 31 ||
[Analyze grammar]

gaṇairjitāste prabalairasurā vimukhā raṇe |
palāyanaparā jātā vyathitā vyagramānasāḥ || 32 ||
[Analyze grammar]

evaṃ bhraṣṭaṃ svasainyaṃ taddṛṣṭvā tatpālako'suraḥ |
tārako hi ruṣāviṣṭo haṃtuṃ devagaṇān yayau || 33 ||
[Analyze grammar]

bhujānāmayutaṃ kṛtvā siṃhamāruhya vegataḥ |
pātayāmāsa tāndevāngaṇāṃśca raṇamūrddhani || 34 ||
[Analyze grammar]

sa dṛṣṭvā tasya tatkarma vīrabhadro gaṇāgraṇīḥ |
cakāra sumahatkopaṃ tadvadhāya mahābalī || 358 ||
[Analyze grammar]

smṛtvā śivapadāṃbhojaṃ jagrāha triśikhaṃ param |
jajvalustejasā tasya diśaḥ sarvā nabhastathā || 36 ||
[Analyze grammar]

etasminnantare svāmī vārayāmāsa taṃ raṇam |
vīrabāhumukhānsadyo mahākautukadarśakaḥ || 37 ||
[Analyze grammar]

tadājñayā vīrabhadro nivṛtto'bhūdraṇāttadā |
kopaṃ cakre mahāvīrastārako'suranāyakaḥ || 38 ||
[Analyze grammar]

cakāra bāṇavṛṣṭiṃ ca suropari tadā'suraḥ |
tapto'hvāsītsurānsadyo nānāstraraṇakovidaḥ || 39 ||
[Analyze grammar]

evaṃ kṛtvā mahatkarma tārako'surapālakaḥ |
sarveṣāmapi devānāmaśakyo balināṃ varaḥ || 40 ||
[Analyze grammar]

evaṃ nihanyamānāṃstān dṛṣṭvā devān bhayākulān |
kopaṃ kṛtvā raṇāyāśu saṃnaddho'bhavadacyutaḥ || 41 ||
[Analyze grammar]

cakraṃ sudarśanaṃ śārṅgaṃ dhanurādāya sāyudhaḥ |
abhyudyayau mahādaityaṃ raṇāya bhagavān hariḥ || 42 ||
[Analyze grammar]

tatassamabhavadyuddhaṃ haritārakayormahat |
lomaharṣaṇamatyugraṃ sarveṣāṃ paśyatāṃ mune || 43 ||
[Analyze grammar]

gadāmudyamya sa harirjaghānāsuramojasā |
dvidhā cakāra tāṃ daityastriśikhena mahābalī || 44 ||
[Analyze grammar]

tatassa kruddho bhagavāndevānāmabhayaṃkaraḥ |
śārṅgacyutaiśśaravyūhairjaghānāsuranāyakam || 46 ||
[Analyze grammar]

so'pi daityo mahāvīrastārakaḥ paravīrahā |
ciccheda sakalānbāṇānsvaśarairniśitairdrutam || 46 ||
[Analyze grammar]

atha śaktyā jaghānāśu murāriṃ tārakāsuraḥ |
bhūmau papāta sa haristatprahāreṇa mūrcchitaḥ || 47 ||
[Analyze grammar]

jagrāha sa ruṣā cakramutthitaḥ kṣaṇato'cyutaḥ |
siṃhanādaṃ mahatkṛtvā jvalajjvālāsamākulam || 48 ||
[Analyze grammar]

tena tañca jaghānāsau daityānāmadhipaṃ hariḥ |
tatprahāreṇa mahatā vyathito nyapatadbhuvi || 49 ||
[Analyze grammar]

punaścotthāya daityendrastārako'suranāyakaḥ |
ciccheda tvaritaṃ cakraṃ svaśaktyātibalānvitaḥ || 50 ||
[Analyze grammar]

punastayā mahāśaktyā jaghānāmaravallabham |
acyuto'pi mahāvīrā nandakena jaghāna tam || 51 ||
[Analyze grammar]

evamanyonyamasuro viṣṇuśca balavānubhau |
yuyudhāte raṇe bhūri tatrākṣatabalau mune || 52 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṇḍe deva daityasāmānyayuddhavarṇanaṃ nāmāṣṭamo'dhyāyaḥ || 8 ||
[Analyze grammar]

Other editions:

Also see the following editions of the Sanskrit text or (alternative) English translations of the Shiva Purana Chapter 8

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: