Chapter 2

[English text for this chapter is available]

|| brahmovāca |
tadākarṇya mahādevo yogajñānaviśāradaḥ |
tyaktakāmo na tatyāja saṃbhogaṃ pārvatībhayāt || 1 ||
[Analyze grammar]

ājagāma gṛhadvāri surāṇāṃ nikaṭaṃ śivaḥ |
daityena pīḍitānāṃ ca śaṃkaro bhaktavatsalaḥ || 2 ||
[Analyze grammar]

devāssarve prabhuṃ dṛṣṭvā hariṇā ca mayā śivam |
babhūbussukhinaścāti tadā vai bhaktavatsalam || 3 ||
[Analyze grammar]

ityākarṇya vacasteṣāṃ surāṇāṃ bhagavānbhavaḥ |
pratyuvāca viṣaṇṇātmā dūyamānena cetasā || 4 ||
[Analyze grammar]

praṇamya sumahāprītyā nataskaṃdhāśca nirjarāḥ |
tuṣṭuvuḥ śaṃkaraṃ sarve mayā ca hariṇā mune || 5 ||
[Analyze grammar]

devā ūcuḥ |
devadeva mahādeva karuṇāsāgara prabho |
antaryāmī hi sarveṣāṃ sarvaṃ jānāsi śaṃkara || 6 ||
[Analyze grammar]

devakāryaṃ kuru vibho rakṣa devān maheśvara |
jahi daityān kṛpāṃ kṛtvā tārakādīn mahāprabhūn || 7 ||
[Analyze grammar]

|| śiva uvāca |
he viṣṇo he vidhe devāssarveṣāṃ vo manogatiḥ |
yadbhāvi tadbhavatyeva ko'pi no tannivārakaḥ || 8 ||
[Analyze grammar]

yajjātaṃ tajjātameva prastutaṃ śṛṇutā'marāḥ |
śirastaskhalitaṃ vīryaṃ ko grahīṣyati me'dhunā || 9 ||
[Analyze grammar]

sa gṛhṇīyāditi procya pātayāmāsa tadbhuvi |
agnirbhūtvā kapoto hi preritassarvanirjaraiḥ || 10 ||
[Analyze grammar]

abhakṣacchāṃbhavaṃ vīryaṃ caṃcvā tu nikhilaṃ tadā |
etasminnaṃtare tatrā''jagāma girijā mune || 11 ||
[Analyze grammar]

śivāgamavilaṃbe ca dadarśa surapuṃgavān |
jñātvā tadvṛttamakhilaṃ mahākrodhayutā śivā || 12 ||
[Analyze grammar]

uvāca tridaśān sarvān hariprabhṛtikāṃstadā || 13 ||
[Analyze grammar]

devyuvāca |
re re suragaṇāssarve yūyaṃ duṣṭā viśeṣataḥ |
svārthasaṃsādhakā nityaṃ tadarthaṃ paraduḥkhadāḥ || 14 ||
[Analyze grammar]

svārthahetormaheśānamārādhya paramaṃ prabhum |
naṣṭaṃ cakrurmadvihāraṃ vaṃdhyā'bhavamahaṃ surāḥ || 15 ||
[Analyze grammar]

māṃ virodhya sukhaṃ naiva keṣāṃcidapi nirjarāḥ |
tasmādduḥkhaṃ bhavedvo hi duṣṭānāṃ tridivaukasām || 16 ||
[Analyze grammar]

|| brahmovāca |
ityuktvā viṣṇupramukhān surānsarvān śaśāpa sā |
prajvalaṃtī prakopena śailarājasutā śivā || 17 ||
[Analyze grammar]

|| pārvatyuvāca |
adyaprabhṛti devānāṃ vaṃdhyā bhāryā bhavantviti |
devāśca duḥkhitāssaṃtu nikhilā madvirodhinaḥ || 18 ||
[Analyze grammar]

|| brahmovāca |
iti śaptvākhilāndevān viṣṇvādyānsakaleśvarī |
uvāca pāvakaṃ kruddhā bhakṣakaṃ śivaretasaḥ || 19 ||
[Analyze grammar]

pārvatyuvāca |
sarvabhakṣī bhava śuce pīḍitātmeti nityaśaḥ |
śivatattvaṃ na jānāsi mūrkho'si surakāryakṛt || 20 ||
[Analyze grammar]

re re śaṭha mahāduṣṭa duṣṭānāṃ duṣṭabodhavān |
abhakṣaśśivavīryaṃ yannākārṣīrucitaṃ hi tat || 21 ||
[Analyze grammar]

|| brahmovāca |
iti śaptvā śivā vahniṃ saheśena nagātmajā |
jagāma svālayaṃ śīghramasaṃtuṣṭā tato mune || 22 ||
[Analyze grammar]

gatvā śivā śivaṃ samyak bodhayāmāsa yatnataḥ |
ajījanatparaṃ putraṃ gaṇeśākhyaṃ munīśvara || 23 ||
[Analyze grammar]

tadvṛttāṃtamaśeṣaṃ ca varṇayiṣye mune'grataḥ |
idānīṃ śṛṇu suprītyā guhotpattiṃ vadāmyaham || 24 ||
[Analyze grammar]

pāvakāditamannādi bhuṃjate nirjarāḥ khalu |
vedavāṇyeti sarve te sagarbhā abhavansurāḥ || 25 ||
[Analyze grammar]

tato'sahaṃtastadvīryaṃ pīḍitā hyabhavan surāḥ |
viṣṇvādyā nikhilāścāti śivā''jñā naṣṭabuddhayaḥ || 26 ||
[Analyze grammar]

atha viṣṇuprabhṛtikāssarve devā vimohitāḥ |
dahyamānā yayuḥ śīghraṃ śaraṇaṃ pārvatīpateḥ || 27 ||
[Analyze grammar]

śivālayasya te dvāri gatvā sarve vinamrakāḥ |
tuṣṭuvussaśivaṃ śaṃbhuṃ prītyā sāṃjalayassurāḥ || 28 ||
[Analyze grammar]

|| devā ūcuḥ |
devadeva mahādeva girijeśa mahāprabho |
kiṃ jātamadhunā nātha tava māyā duratyayā || 29 ||
[Analyze grammar]

sagarbhāśca vayaṃ jātā dahyamānāśca retasā |
tava śaṃbho kuru kṛpāṃ nivāraya daśāmimām || 30 ||
[Analyze grammar]

brahmovāca |
ityākarṇyā'maranutiṃ parameśaśśivāpatiḥ |
ājagāma drutaṃ dvāri yatra devāḥ sthitā mune || 31 ||
[Analyze grammar]

āgataṃ śaṃkaraṃ dvāri sarve devāśca sācyutāḥ |
praṇamya tuṣṭuvuḥ prītyā nartakā bhaktavatsalam || 32 ||
[Analyze grammar]

|| devā ūcuḥ |
śaṃbho śiva maheśāna tvāṃ natāssma viśeṣataḥ |
rakṣa naśśaraṇāpannāndahyamānāṃśca retasā || 33 ||
[Analyze grammar]

idaṃ duḥkhaṃ hara hara bhavāmo hi mṛtā dhruvam |
tvāṃ vinā kassamartho'dya devaduḥkhanivā raṇe || 34 ||
[Analyze grammar]

|| brahmovāca |
iti dīnataraṃ vākyamākarṇya surarāṭ prabhuḥ |
pratyuvāca vihasyā'tha sa surān bhaktavatsalaḥ || 35 ||
[Analyze grammar]

|| śiva uvāca |
he hare he vidhe devāssarve śṛṇuta madvacaḥ |
bhaviṣyati sukhaṃ vo'dya sāvadhānā bhavantu hi || 36 ||
[Analyze grammar]

etadvamata madvīryaṃ drutamevā'khilāssurāḥ |
sukhinastadviśeṣeṇa śāsanānmama suprabho || 37 ||
[Analyze grammar]

|| brahmovāca |
ityājñāṃ śirasā'dhāya viṣṇvādyāssakalāssurāḥ |
akārṣurvamanaṃ śīghraṃ smaraṃtaśśivamavyayam || 38 ||
[Analyze grammar]

tacchaṃbhuretassvarṇābhaṃ parvatākāramadbhutam |
abhavatpatitaṃ bhūmau spṛśad dyāmeva suprabham || 39 ||
[Analyze grammar]

abhavansukhinassarve surāssarve'cyutādayaḥ |
astuvan parameśānaṃ śaṃkaraṃ bhaktavatsalam || 40 ||
[Analyze grammar]

pāvakastvabhavannaiva sukhī tatra munīśvara |
tasyājñāṃ paramo'dādvai śaṃkaraḥ parameśvaraḥ || 41 ||
[Analyze grammar]

tatassavahnirvikalassāṃjalirnatako mune |
astaucchivaṃ sukhī nātmā vacanaṃ cedamabravīt || 42 ||
[Analyze grammar]

|| agniruvāca |
devadeva maheśāna mūḍho'haṃ tava sevakaḥ |
kṣamasva me'parādhaṃ hi mama dāhaṃ nivāraya || 43 ||
[Analyze grammar]

tvaṃ dīnavatsala svāmiñśaṃkaraḥ parameśvaraḥ |
pratyuvāca prasannātmā pāvako dīnavatsalam || 44 ||
[Analyze grammar]

|| brahmovāca |
ityākarṇya śucervāṇīṃ sa śaṃbhuḥ parameśvaraḥ |
pratyuvāca prasannātmā pāvakaṃ dīnavatsalaḥ || 45 ||
[Analyze grammar]

śiva uvāca |
kṛtaṃ tvanucitaṃ karma madreto bhakṣitaṃ hi yat |
ato'nivṛttaste dāhaḥ pāpādhikyānmadājñayā || 46 ||
[Analyze grammar]

idānīṃ tvaṃ sukhī nāma śuce maccharaṇāgataḥ |
ataḥ prasanno jāto'haṃ sarvaṃ duḥkhaṃ vinaśyati || 47 ||
[Analyze grammar]

kasyāścitsustriyāṃ yonau madretastyaja yatnataḥ |
bhaviṣyati sukhī tvaṃ hi nirdāhātmā viśeṣataḥ || 48 ||
[Analyze grammar]

|| brahmovāca |
śaṃbhuvākyaṃ niśamyeti pratyuvāca śanaiḥ śuciḥ |
sāṃjalirnatakaḥ prītyā śaṃkaraṃ bhaktaśaṃkaram || 49 ||
[Analyze grammar]

durāsadamidaṃ tejastava nātha maheśvara |
kācinnāsti vinā śaktyā dhartuṃ yonau jagattraye || 50 ||
[Analyze grammar]

itthaṃ yadā'bravīdvahnistadā tvaṃ munisattama |
śaṃkarapreritaḥ prāttha hṛdāgnimupakārakaḥ || 51 ||
[Analyze grammar]

|| nārada uvāca |
śṛṇu madvacanaṃ vahne tava dāhaharaṃ śubham |
paramānaṃdadaṃ ramyaṃ sarvakaṣṭanivārakam || 52 ||
[Analyze grammar]

kṛtvopāyamimaṃ vahne sukhī bhava vidāhakaḥ |
śivecchayā mayā samyaguktaṃ tātedamādarāt || 53 ||
[Analyze grammar]

tapomāsasnānakartryastriyo yāssyuḥ prage śuce |
taddeheṣu sthāpaya tvaṃ śivaretastvidaṃ mahat || 54 ||
[Analyze grammar]

brahmovāca |
tasminnavasare tatrā 'gatāssaptamunistriyaḥ |
tapomāsi snānakāmāḥ prātassanniyamā mune || 55 ||
[Analyze grammar]

snānaṃ kṛtvā striyastā hi mahāśītārdditāśca ṣaṭ |
gaṃtukāmā mune yātā vahnijvālāsamīpataḥ || 56 ||
[Analyze grammar]

vimohitāśca tā dṛṣṭvārundhatī giriśājñayā |
niṣiṣedha viśeṣeṇa sucaritra subodhinī || 57 ||
[Analyze grammar]

tāḥ ṣaḍ munistriyo mohāddhaṭhāttatra gatā mune |
svaśītavinivṛttyarthaṃ mohitāḥ śivamāyayā || 58 ||
[Analyze grammar]

tadretaḥkaṇikāssadyastaddehān viviśurmune |
romadvārā'khilā vahnirabhūddāhavivarjitaḥ || 59 ||
[Analyze grammar]

aṃtardhāya drutaṃ vahnirjvālārūpo jagāma ha |
sukhī svalokaṃ manasā smaraṃstvāṃ śaṃkaraṃ ca tam || 60 ||
[Analyze grammar]

sagarbhāstāḥ striyassādho'bhavan dāhaprapīḍitāḥ |
jagmussvabhavanaṃ tātāruṃdhatī duḥkhitā'gninā || 61 ||
[Analyze grammar]

dṛṣṭvā svastrīgatiṃ tāta nāthāḥ krodhākulā drutam |
tatyajustāḥ striyastāta susaṃmaṃtrya parasparam || 62 ||
[Analyze grammar]

atha tāḥ ṣaṭ striyassarvā dṛṣṭvā svavyabhicārakam |
mahāduḥkhānvitāstātā'bhavannākulamānasāḥ || 63 ||
[Analyze grammar]

tatyajuśśiva retastadgarbharūpaṃ munistriyaḥ |
tā himācalapṛṣṭhe'thābhavan dāhavivarjitāḥ || 64 ||
[Analyze grammar]

asahañśivaretastaddhimādriḥ kaṃpamudvahan |
gaṃgāyāṃ prākṣipattūrṇamasahyaṃ dāhapīḍitaḥ || 65 ||
[Analyze grammar]

gaṃgayā'pi ca tadvīryaṃ dussahaṃ paramātmanaḥ |
niḥkṣiptaṃ hi śarastaṃbe taraṃgaiḥ svairmunīśvara || 66 ||
[Analyze grammar]

patitaṃ tatra tadreto drutaṃ bālo babhūva ha |
sundarassubhagaḥ śrīmāṃstejasvī prītivarddhanaḥ || 67 ||
[Analyze grammar]

mārgamāse site pakṣe tithau ṣaṣṭhyāṃ munīśvara |
prādurbhāvo'bhavattasya śivaputrasya bhūtale || 68 ||
[Analyze grammar]

tasminnavasare brahmanna kasmāddhima śailajā |
abhūtaḥ sukhinau tatra svagirau giriśo'pi ca || 69 ||
[Analyze grammar]

śivākucābhyāṃ susrāva paya ānandasaṃbhavam |
tatra gatvā ca sarveṣāṃ sukhamāsīnmune'dhikam || 70 ||
[Analyze grammar]

maṃgalaṃ cā'bhavattāta trilokyāṃ sukhadaṃ satām |
khalānāmabhavadvighno daityānāṃ ca viśeṣataḥ || 71 ||
[Analyze grammar]

akasmādabhavadvyomni paramo duṃdubhidhvaniḥ |
puṣpavṛṣṭiḥ papātā'śu bālakopari nārada || 72 ||
[Analyze grammar]

viṣṇvādīnāṃ samastānāṃ devānāṃ munisattama |
abhūdakasmātparama ānandaḥ paramotsavaḥ || 73 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ caturthe kumārakhaṃḍe śivaputrajananavarṇanaṃ nāma dvitīyo'dhyāyaḥ || 2 ||
[Analyze grammar]