Chapter 1

[English text for this chapter is available]

|| śrīgaṇeśāya namaḥ |
|| śrīgaurīśaṃkarābhyāṃ namaḥ |
atha rudrasaṃhitāṃtargataścaturthaḥ kumārakhaṇḍaḥ prārabhyate |
vande nandanatuṣṭamāna samati premapriyaṃ premadaṃ pūrṇaṃ pūrṇakaraṃ prapūrṇanikhilaiśvaryaikavāsaṃ śivam |
satyaṃ satyamayaṃ trisatyavibhavaṃ satyapriyaṃ satyadaṃ viṣṇubrahmanutaṃ svakīyakṛpayopāttākṛtiṃ śaṃkaram || 1 ||
[Analyze grammar]

|| nārada uvāca |
vivāhayitvā girijāṃ śaṃkaro lokaśaṃkaraḥ |
gatvā svaparvataṃ brahman kimakārṣiddhi tadvada || 2 ||
[Analyze grammar]

kathaṃ hi tanayo jajñe śivasya paramātmanaḥ |
yadarthamātmārāmo'pi samuvāha śivāṃ prabhuḥ || 3 ||
[Analyze grammar]

tārakasya kathaṃ brahman vadho'bhūddevaśaṃkaraḥ |
etatsarvamaśeṣeṇa vada kṛtvā dayāṃ mayi || 4 ||
[Analyze grammar]

sūta uvāca |
ityākarṇya vacastasya nāradasya prajāpatiḥ |
suprasannamanāḥ smṛtvā śaṃkaraṃ pratyuvāca ha || 5 ||
[Analyze grammar]

brahmovāca |
caritaṃ śṛṇu vakṣyāmi śaśimaulestu nārada |
guhajanmakathāṃ divyāṃ tārakāsurasadvadham || 6 ||
[Analyze grammar]

śrūyatāṃ kathayāmyadya kathāṃ pāpapraṇāśinīm |
yāṃ śrutvā sarvapāpebhyo mucyate mānavo dhruvam || 7 ||
[Analyze grammar]

idamākhyānamanaghaṃ rahasyaṃ paramādbhutam |
pāpasaṃtāpaharaṇaṃ sarvavighnavināśanam || 8 ||
[Analyze grammar]

sarvamaṃgaladaṃ sāraṃ sarvaśrutimanoharam |
sukhadaṃ mokṣabījaṃ ca karmamūlanikṛṃtanam || 9 ||
[Analyze grammar]

kailāsamāgatya śivāṃ vivāhya śobhāṃ prapede nitarāṃ śivo'pi |
vicārayāmāsa ca devakṛtyaṃ pīḍāṃ janasyāpi ca devakṛtye || 10 ||
[Analyze grammar]

śivassa bhagavān sākṣātkailāsamagamadyadā |
saukhyaṃ ca vividhaṃ cakrurgaṇāssarve suharṣitāḥ || 11 ||
[Analyze grammar]

mahotsavo mahānāsīcchive kailāsamāgate |
devāssvaviṣayaṃ prāptā harṣanirbharamānasāḥ || 12 ||
[Analyze grammar]

atha śaṃbhurmahādevo gṛhītvā girijāṃ śivām |
jagāma nirjanaṃ sthānaṃ mahādivyaṃ manoharam || 13 ||
[Analyze grammar]

śayyāṃ ratikarīṃ kṛtvā puṣpacandanacarcitām |
adbhutāṃ tatra paramāṃ bhogavastvanvitāṃ śubhām || 14 ||
[Analyze grammar]

sa reme tatra bhagavāñśaṃbhugirijayā saha |
sahasravarṣaparyantaṃ devamānena mānadaḥ || 15 ||
[Analyze grammar]

durgāṃgasparśamātreṇa līlayā mūrcchitaḥ śivaḥ |
mūrcchitā sā śivasparśādbubudhe na divāniśam || 16 ||
[Analyze grammar]

hare bhogapravṛtte tu lokadharma pravartini |
mahān kālo vyatīyāya tayoḥ kṣaṇa ivānagha || 17 ||
[Analyze grammar]

atha sarve surāstāta ekatrībhūya caikadā |
maṃtrayāṃcakrurāgatya merau śakrapurogamāḥ || 18 ||
[Analyze grammar]

surā ūcuḥ |
vivāhaṃ kṛtavāñchaṃbhurasmatkāryārthamīśvaraḥ |
yogīśvaro nirvikāro svātmārāmo niraṃjanaḥ || 19 ||
[Analyze grammar]

notpannastanayastasya na jānāmo'tra kāraṇam |
vilaṃbaḥ kriyate tena kathaṃ deveśvareṇa ha || 20 ||
[Analyze grammar]

etasminnaṃtare devā nāradāddevadarśanāt |
bubudhustanmitaṃ bhogaṃ tayośca ramamāṇayoḥ || 21 ||
[Analyze grammar]

ciraṃ jñātvā tayorbhogaṃ ciṃtāmāpussurāśca te |
brahmāṇaṃ māṃ puraskṛtya yayurnārāyaṇāṃtikam || 22 ||
[Analyze grammar]

taṃ natvā kathitaṃ sarvaṃ mayā vṛttāṃtamīpsitam |
santasthire sarvadevā citre puttalikā yathā || 23 ||
[Analyze grammar]

brahmovāca |
sahasravarṣa paryyantaṃ devamānena śaṃkaraḥ |
ratau rataśca niśceṣṭo yogī viramate na hi || 24 ||
[Analyze grammar]

bhagavānuvāca |
cintā nāsti jagaddhātassarvaṃ bhadraṃ bhaviṣyati |
śaraṇaṃ vraja deveśa śaṃkarasya mahāprabhoḥ || 25 ||
[Analyze grammar]

maheśaśaraṇāpannā ye janā manasā mudā |
teṣāṃ prajeśabhaktānāṃ na kutaścidbhayaṃ kvacit || 26 ||
[Analyze grammar]

śṛṃgārabhaṃgassamaye bhavitā nādhunā vidhe |
kālaprayuktaṃ kāryaṃ ca siddhiṃ prāpnoti nānyathā || 27 ||
[Analyze grammar]

śambhossambhogamiṣṭaṃ ko bhedaṃ kartumiheśvaraḥ |
pūrṇe varṣasahasre ca svecchayā hi viraṃsyati || 28 ||
[Analyze grammar]

strīpuṃso rativicchedamupāyena karoti yaḥ |
tasya strīputrayorbhedo bhavejjanmani janmani || 29 ||
[Analyze grammar]

bhraṣṭajñāno naṣṭakīrttiralakṣmīko bhavediha |
prayātyaṃte kālasūtra varṣalakṣaṃ sa pātakī || 30 ||
[Analyze grammar]

raṃbhāyuktaṃ śakramimaṃ cakāra virataṃ ratau |
mahāmunīndro durvāsāstatstrībhedo babhūva ha || 31 ||
[Analyze grammar]

punaranyāṃ sa saṃprāpya viṣevya śubhapāṇikām |
divyaṃ varṣasahasraṃ ca vijahau virahajvaram || 32 ||
[Analyze grammar]

ghṛtācyā saha saṃśliṣṭaṃ kāmaṃ vāritavān guruḥ |
ṣaṇmāsābhyaṃtare candrastasya patnīṃ jahāra ha || 33 ||
[Analyze grammar]

punaśśivaṃ samārādhya kṛtvā tārāmayaṃ raṇam |
tārāṃ sagarbhāṃ saṃprāpya vijahau virahajvaram || 34 ||
[Analyze grammar]

mohinīsahitaṃ candraṃ cakāra virataṃ ratau |
maharṣirgautamastasya strīvicchedo babhūva ha || 35 ||
[Analyze grammar]

hariścandro hālikaṃ ca vṛṣalyāsaha saṃyutam |
cārayāmāsa niśceṣṭaṃ nirjanaṃ tatphalaṃ śṛṇu || 36 ||
[Analyze grammar]

bhraṣṭaḥ strīputrarājyebhyo viśvāmitreṇa tāḍitaḥ |
tataśśivaṃ samārādhya mukto bhūto hi kaśmalāt || 37 ||
[Analyze grammar]

ajāmilaṃ dvijaśreṣṭhaṃ vṛṣalyā saha saṃyutam |
na bhiyā vārayāmāsussurāstāṃ cāpi kecana || 38 ||
[Analyze grammar]

sarvaṃ niṣekasādhyaṃ ca niṣeko balavān vidhe |
niṣekaphalado vai sa niṣekaḥ kena vāryyate || 39 ||
[Analyze grammar]

divyaṃ varṣasahasraṃ ca śaṃbhoḥ saṃbhogakarma tat |
pūrṇe varṣasahasre ca gatvā tatra sureśvarāḥ || 40 ||
[Analyze grammar]

yena vīryaṃ patedbhūmau tat kariṣyatha niścitam |
tatra vīryye ca bhavitā skandanāmā prabhossutaḥ || 41 ||
[Analyze grammar]

adhunā svagṛhaṃ gaccha vidhe suragaṇaissaha |
karotu śaṃbhussaṃbhogaṃ pārvatyā saha nirjane || 42 ||
[Analyze grammar]

brahmovāca |
ityuktvā kamalākāntaḥ śīghraṃ svantaḥ puraṃ yayau |
svālayaṃ prayayurdevā mayā saha munīśvara || 43 ||
[Analyze grammar]

śaktiśaktimatoścā'tha vihāreṇā'ti ca kṣitiḥ |
bhārākrāṃtā cakaṃpe sā saśeṣā'pi sakacchapā || 44 ||
[Analyze grammar]

kacchapasya hi bhāreṇa sarvādhārassamīraṇaḥ |
staṃbhito'tha trilokāśca babhūvurbhayavihvalāḥ || 45 ||
[Analyze grammar]

atha sarve mayā devā hareśca śaraṇaṃ yayuḥ |
sarvaṃ nivedayāṃcakrustadvṛttaṃ dīnamānasāḥ || 46 ||
[Analyze grammar]

devā ūcuḥ |
devadeva ramānātha sarvā'vanakara prabhoḥ |
rakṣa naḥ śaraṇāpannān bhayavyākulamānasān || 47 ||
[Analyze grammar]

staṃbhitastrijagatprāṇo na jāne kena hetunā |
vyākulaṃ munibhirlekhaistrailokyaṃ sacarācaram || 48 ||
[Analyze grammar]

|| brahmovāca |
ityuktvā sakalā devā mayā saha munīśvara |
dīnāstasthuḥ puro viṣṇormaunībhūtāssu duḥkhitāḥ || 49 ||
[Analyze grammar]

tadākarṇya samādāya surānnaḥ sakalān hariḥ |
jagāma parvataṃ śīghraṃ kailāsaṃ śivavallabham || 50 ||
[Analyze grammar]

tatra gatvā harirdevairmayā ca suravallabhaḥ |
yayau śivavarasthānaṃ śaṃkaraṃ draṣṭukāmyayā || 51 ||
[Analyze grammar]

tatra dṛṣṭvā śivaṃ viṣṇurnasurairvismito'bhavat |
tatra sthitāñ śivagaṇān papraccha vinayānvitaḥ || 52 ||
[Analyze grammar]

viṣṇuruvāca |
he śaṃkarāḥ śivaḥ kutra gatassarvaprabhurgaṇāḥ |
nivedayata naḥ prītyā duḥkhitānvai kṛpālavaḥ || 53 ||
[Analyze grammar]

brahmovāca |
ityākarṇya vacastasya sāmarasya harerguṇāḥ |
procuḥ prītyā gaṇāste hi śaṃkarasya ramāpatim || 54 ||
[Analyze grammar]

śivagaṇā ūcuḥ |
hare śṛṇu śivaprītyā yathārthaṃ brūmahe vayam |
brahmaṇā nirjaraissārddhaṃ vṛttāntamakhilaṃ ca yat || 55 ||
[Analyze grammar]

sarveśvaro mahādevo jagāma girijālayam |
saṃsthāpya no'tra suprītyā rānālīlāviśāradaḥ || 56 ||
[Analyze grammar]

tadguhābhyantare śaṃbhuḥ kiṃ karoti maheśvaraḥ |
na jānīmo ramānātha vyatīyurbahavassamāḥ || 57 ||
[Analyze grammar]

|| brahmovāca |
śrutveti vacanaṃ teṣāṃ sa viṣṇussāmaro mayā |
vismito'ti muniśreṣṭha śivadvāraṃ jagāma ha || 58 ||
[Analyze grammar]

tatra gatvā mayā devaissa harirdevavallabhaḥ |
ārtavāṇyā mune proce tārasvaratayā tadā || 59 ||
[Analyze grammar]

śaṃbhumastaunmahāprītyā sāmaro hi mayā hariḥ |
tatra sthito muniśreṣṭha sarvalokaprabhuṃ haram || 60 ||
[Analyze grammar]

|| viṣṇuruvāca |
kiṃ karoṣi mahādevā'bhyantare parameśvara |
tārakārtānsurānsarvānpāhi naḥ śaraṇāgatān || 61 ||
[Analyze grammar]

ityādi saṃstuvañ śaṃbhuṃ bahudhā somarairmayā |
rurodāti haristatra tārakārtairmunīśvara || 62 ||
[Analyze grammar]

duḥkhakolāhalastatra babhūva tridivaukasām |
miśritaśśiva saṃstutyā'surārttānāṃ munīśvara || 63 ||
[Analyze grammar]

iti śrīśivamahāpurāṇe rudrasaṃhitāyāṃ kumārakhaṇḍe śivavihāravarṇanaṃ nāma prathamo'dhyāyaḥ || 1 ||
[Analyze grammar]