Chapter 52

[English text for this chapter is available]

brahmovāca |
atha śailavarastāta himavānbhāgyasattamaḥ |
prāṅgaṇaṃ racayāmāsa bhojanārthaṃ vicakṣaṇaḥ || 1 ||
[Analyze grammar]

mārjanaṃ lepanaṃ samyakkārayāmāsa tasya saḥ |
sa sugandhairalañcakre nānāvastubhirādarāt || 2 ||
[Analyze grammar]

atha śailassurānsarvānanyānapi ca seśvarān |
bhojanāyāhvayāmāsa putraiśśailaiḥ parairapi || 3 ||
[Analyze grammar]

śailāhvānamathākarṇya sa prabhussācyuto mune |
sarvaissurādibhistatra bhojanāya yayau mudā || 4 ||
[Analyze grammar]

giriḥ prabhuṃ ca sarvāṃstānsusatkṛtya yathāvidhi |
mudopaveśayāmāsa satpīṭheṣu gṛhāntare || 5 ||
[Analyze grammar]

nānāsubhojyavastūni pariviṣya ca tatpunaḥ |
sāñcalirbhojanāyājñāṃ cakre vijñaptimānataḥ || 6 ||
[Analyze grammar]

atha sammānitāstatra devā viṣṇupurogamāḥ |
sadāśivaṃ puraskṛtya bubhujussakalāśca te || 7 ||
[Analyze grammar]

tadā sarve hi militā aikapadyena sarvaśaḥ |
paṃktibhūtāśca bubhuju rvihasantaḥ pṛthakpṛthak || 8 ||
[Analyze grammar]

nandibhṛṃgivīrabhadravīrabhadragaṇāḥ pṛthak |
bubhujuste mahābhāgāḥ kutūhalasamanvitāḥ || 9 ||
[Analyze grammar]

devāssendrā lokapālā nānāśobhāsamanvitāḥ |
bubhujuste mahābhāgā nānāhāsyarasaissaha || 10 ||
[Analyze grammar]

sarve ca munayo viprā bhṛgvādyā ṛṣayastathā |
bubhuju prītitassarve pṛthak paṃktigatāstadā || 11 ||
[Analyze grammar]

tathā caṇḍīgaṇāssarve bubhujuḥ kṛtabhājanāḥ |
kutūhalaṃ prakurvanto nānāhāsyakarā mudā || 12 ||
[Analyze grammar]

evante bhuktavantaścācamya sarve mudānvitāḥ |
viśrāmārthaṃ gatāḥ prītyā viṣṇvādyāssvasvamāśramam || 13 ||
[Analyze grammar]

menājñayā striyassādhvya śśivaṃ samprārthya bhaktitaḥ |
gehe nivāsayāmāsurvāsākhye paramotsave || 14 ||
[Analyze grammar]

ratnasiṃhāsane śambhurmenādatte manohare |
sannidhāya mudā yukto dadṛśe vāsamandiram || 15 ||
[Analyze grammar]

ratnapradīpaśatakairjvaladbhirjvalitaṃ śriyā |
ratnapātraghaṭākīrṇaṃ muktāmaṇivirājitam || 16 ||
[Analyze grammar]

ratnadarppaṇaśobhāḍhyaṃ maṇḍitaṃ śvetacāmaraiḥ |
muktāmaṇisumālābhirveṣṭitaṃ paramarddhimat || 17 ||
[Analyze grammar]

anūpamammahādivyaṃ vicitraṃ sumanoharam |
cittāhlādakaraṃ nānāracanāracitasthalam || 18 ||
[Analyze grammar]

śivadattavarasyaiva prabhāvamatulamparam |
darśayantaṃ samullāsi śivalokābhidhānakam || 19 ||
[Analyze grammar]

nānāsugandhasaddravyairvāsitaṃ suprakāśakam |
candanāgurusaṃyuktaṃ puṣpaśayyāsamanvitam || 20 ||
[Analyze grammar]

nānācitravicitrāḍhyaṃ nirmitaṃ viśvakarmmaṇā |
ratnendrasāraracitairācitaṃ hārakairvaraiḥ || 21 ||
[Analyze grammar]

kutracitsuranirmāṇaṃ vaikuṇṭhaṃ sumanoharam |
kutracicca brahmalokaṃ lokapālapuraṃ kvacit || 22 ||
[Analyze grammar]

kailāsaṃ kutracidramyaṃ kutracicchakramandiram |
kutracicchivalokaṃ ca sarvopari virājitam || 23 ||
[Analyze grammar]

etādṛśagṛhaṃ sarvadṛṣṭāścaryyaṃ maheśvaraḥ |
praśaṃsan himaśaileśaṃ parituṣṭo babhūva ha || 24 ||
[Analyze grammar]

tatrātiramaṇīye ca ratnaparyyaṃka uttame |
aśayiṣṭa mudā yukto līlayā parameśvaraḥ || 25 ||
[Analyze grammar]

himācalaśca svabhrātṝnbhojayāmāsa kṛtsnaśaḥ |
sarvānanyāṃśca suprītyā śeṣakṛtyaṃ cakāra ha || 26 ||
[Analyze grammar]

evaṃ kurvati śaileśe svapati preṣṭha īśvare |
vyatītā rajanī sarvā prātaḥkālo babhūva ha || 27 ||
[Analyze grammar]

atha prabhātakāle ca dhṛtyutsāhaparāyaṇāḥ |
nānāprakāravādyāni vādayāñcakrire janāḥ || 28 ||
[Analyze grammar]

sarve surāssamuttasthurviṣṇvādyāssumudānvitāḥ |
sveṣṭaṃ saṃsmṛtya deveśaṃ sajjibhūtāssasaṃbhramāḥ || 29 ||
[Analyze grammar]

svavāhanāni sajjāni kailāsaṅgantumutsukāḥ |
kṛtvā sampreṣayāmāsurdharmaṃ śivasamīpataḥ || 30 ||
[Analyze grammar]

vāsagehamathāgatya dharmo nārāyaṇājñayā |
uvāca śaṃkaraṃ yogī yogīśaṃ samayocitam || 31 ||
[Analyze grammar]

|| dharma uvāca |
uttiṣṭhottiṣṭha bhadrante bhava naḥ pramathādhipa |
janāvāsaṃ samāgaccha kṛtārthaṃ kuru tatra tān || 32 ||
[Analyze grammar]

|| brahmovāca |
iti dharmavacaḥ śrutvā vijahāsa maheśvaraḥ |
dadarśa kṛpayā dṛṣṭyā talpamujjhāñcakāra ha || 33 ||
[Analyze grammar]

uvāca vihasan dharma tvamagre gaccha tatra ha |
ahamapyāgamiṣyāmi drutameva na saṃśayaḥ || 34 ||
[Analyze grammar]

|| brahmovāca |
ityuktaśśaṃkareṇātha janāvāsaṃ jagāma saḥ |
svayaṅgantumanā āsīttatra śambhurapi prabhuḥ || 35 ||
[Analyze grammar]

tajjñātvā strīgaṇassosau tatrāgacchanmahotsavaḥ |
cakre maṃgalagānaṃ hi paśyanśambhupadadvayam || 35 ||
[Analyze grammar]

atha śaṃmbhurbhavācārī prātaḥkṛtyaṃ vidhāya ca |
menāmāntrya kudhraṃ ca janāvāsaṃ jagāma saḥ || 37 ||
[Analyze grammar]

mahotsavastadā cāsīdvedadhvanirabhūnmune |
vādyāni vādayāmāsurjanāścāturvidhāni ca || 38 ||
[Analyze grammar]

śambhurāgatya svasthānaṃ vavande ca munīṃstadā |
hariṃ ca māṃ bhavācārāt vandito'bhūtsurādibhiḥ || 39 ||
[Analyze grammar]

jayaśabdo babhūvātha namaśśabdastathaiva ca |
vedadhvaniśca śubhado mahākolāhalo'bhavat || 40 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe varavargabhojanaśivaśayanavarṇanaṃ nāma dvipañcāśattamo'dhyāyaḥ || 52 ||
[Analyze grammar]