Chapter 47

[English text for this chapter is available]

brahmovāca |
tataḥ śailavaraḥ sopi prītyā durgopavītakam |
kārayāmāsa sotsāhaṃ vedamantraiśśivasya ca || 1 ||
[Analyze grammar]

atha viṣṇvādayo devā munayassakutū halam |
himācalaprārthanayā viveśāntargṛhaṃ gireḥ || 2 ||
[Analyze grammar]

śrutyācāraṃ bhavācāraṃ vidhāya ca yathārthataḥ |
śivāmalaṃkṛtāṃ cakruśśivadattavibhūṣaṇaiḥ || 3 ||
[Analyze grammar]

prathamaṃ snāpayitvā tāṃ bhūṣayitvātha sarvaśaḥ |
nīrājitā sakhībhiśca viprapatnībhireva ca || 4 ||
[Analyze grammar]

ahatāmbarayugmena śobhitā varavarṇinī |
virarāja mahāśailaduhitā śaṅkarapriyā || 5 ||
[Analyze grammar]

kaṃcukī paramā divyā nānāratnānvitādbhutā |
vidhṛtā ca tayā devyā vilasantyādhikaṃ mune || 6 ||
[Analyze grammar]

sā babhāra tathā hāraṃ divyaratnasamanvitam |
valayāni mahārhāṇi śuddhacāmīkarāṇi ca || 7 ||
[Analyze grammar]

sthitā tatraiva subhagā dhyāyantī manasā śivam |
śuśubheti mahāśailakanyakā trijagatprasūḥ || 8 ||
[Analyze grammar]

tadotsavo mahānāsīdubhayatra mudā vahaḥ |
dānaṃ babhūva vividhaṃ brāhmaṇebhyo vivarṇitam || 9 ||
[Analyze grammar]

anyeṣāṃ dravyadānaṃ ca babhūva vividhammahat |
gītavādyavinodaśca tatrotsavapurassaram || 10 ||
[Analyze grammar]

atha viṣṇurahaṃ dhātā śakrādyā amarāstathā |
munayaśca mahāprītyā nikhilāssotsavā mudā || 11 ||
[Analyze grammar]

supraṇamya śivāṃ bhaktyā smṛtvā śivapadāmbujam |
samprāpya himagiryyājñāṃ svaṃ svaṃ sthāne samāśritāḥ || 12 ||
[Analyze grammar]

etasminnantare tatra jyotiḥśāstra viśāradaḥ |
himavantaṃ girīndraṃ taṃ gargo vākyamabhāṣata || 13 ||
[Analyze grammar]

|| garga uvāca |
himācala dharādhīśa svāmin kālīpatiḥ prabho |
pāṇigrahārthaṃ śaṃbhuṃ cānaya tvaṃ nijamaṃdiram || 14 ||
[Analyze grammar]

|| brahmovāca |
atha taṃ samayaṃ jñātvā kanyādānocitaṃ giriḥ |
niveditaṃ ca gargeṇa musude'tīva cetasi || 15 ||
[Analyze grammar]

mahīdharāndvijāṃścaiva parānapi tadā giriḥ |
preṣayāmāsa suprītyā śivānayanakāmyayā || 16 ||
[Analyze grammar]

te parvatā dvijāścaiva sarvamaṃgalapāṇayaḥ |
saṃjagmussotsavāḥ prītyā yatra devo maheśvaraḥ || 17 ||
[Analyze grammar]

tadā vāditraghoṣeṇa brahmaghoṣeṇa bhūyasā |
mahotsāho'bhavattatra gītanṛtyānvitena hi || 18 ||
[Analyze grammar]

śrutvā vāditranirghoṣaṃ sarve śaṃkarasevakāḥ |
utthitāstvaikapadyena sadevarṣigaṇā mudā || 19 ||
[Analyze grammar]

parasparaṃ samūcuste harṣanirbharamānasāḥ |
atrāgacchaṃti girayaśśivānayanakāmyayā || 20 ||
[Analyze grammar]

pāṇigrahaṇakālo hi nūnaṃ sadyassamāgataḥ |
mahadbhāgyaṃ hi sarveṣāṃ saṃprāptamahi manmahe || 21 ||
[Analyze grammar]

dhanyā vayaṃ viśeṣeṇa vivāhaṃ śivayordhruvam |
drakṣyāmaḥ paramaprītyā jagatāṃ maṃgalālayam || 22 ||
[Analyze grammar]

brahmovāca |
evaṃ yāvadabhūtteṣāṃ saṃvādastatra cādarāt |
tāvatsarve samāyātāḥ parvateṃdrasya maṃtriṇaḥ || 23 ||
[Analyze grammar]

te gatvā prārthayāṃcakruśśiva viṣṇvādikānapi |
kanyādānocitaḥ kālo vartate gamyatāmiti || 24 ||
[Analyze grammar]

te tacchrutvā surāssarve mune viṣṇvādayo'khilāḥ |
mumuduścetasātīva jayetyūcurgiriṃ drutam || 25 ||
[Analyze grammar]

śivo'pi mumude'tīva kālīprāpaṇalālasaḥ |
guptaṃ cakāra taccihnaṃ manasyevādbhutākṛtiḥ || 26 ||
[Analyze grammar]

atha snānaṃ kṛtantena maṅgaladravyasaṃyutam |
śūlinā suprasannena lokānugrahakāriṇā || 27 ||
[Analyze grammar]

snātassuvāsasā yuktassarvaistaiḥ parivāritaḥ |
āropito vṛṣaskandhe lokapālaissusevitaḥ || 28 ||
[Analyze grammar]

puraskṛtya prabhuṃ sarve jagmurhimagirergṛham |
vādyāni vādayantaśca kṛtavantaḥ kutūhalam || 29 ||
[Analyze grammar]

himāgapreṣitā viprāstathā te parvatottamāḥ |
śambhoragracarā hyāsankutūhalasamanvitāḥ || 30 ||
[Analyze grammar]

babhau chatreṇa mahatā dhriyamāṇo hi mūrddhani |
cāmarairvījyamāno'sau savitā no maheśvaraḥ || 31 ||
[Analyze grammar]

ahaṃ viṣṇustathā cendro lokapālā stathaiva ca |
agragāḥ smātiśobhante śriyā paramayā śritāḥ || 32 ||
[Analyze grammar]

tataśśaṅkhāśca bheryyaśca paṭahānakagomukhāḥ |
punaḥ punaravādyanta vāditrāṇi mahotsave || 33 ||
[Analyze grammar]

tathaiva gāyakāssarve jaguḥ paramamaṅgalam |
nartakyo nanṛtussarvā nānātālasamanvitāḥ || 34 ||
[Analyze grammar]

ebhissameto jagadekabandhuryayau tadānīṃ parameśavarcasā |
susevyamānassakalaissureśvarairvikīryamāṇaḥ kusumaiśca harṣitaiḥ || 35 ||
[Analyze grammar]

sampūjitastadā śambhuḥ praviṣṭo yajñamaṇḍapam |
saṃstūyamāno bahvībhiḥ stutibhiḥ parameśvaraḥ || 36 ||
[Analyze grammar]

vṛṣāduttārayāmāsurmaheśamparvatottamāḥ |
ninyurgṛhāntaramprītyā mahotsavapurassaram || 37 ||
[Analyze grammar]

himālayo'pi samprāptaṃ sadevagaṇamīśvaram |
praṇamya vidhivadbhaktyā nīrājanamathākarot || 38 ||
[Analyze grammar]

sarvānsurānmunīnanyānpraṇamya samahotsavaḥ |
sammānamakarotteṣāṃ praśaṃsansvavidhimmudā || 39 ||
[Analyze grammar]

so'gassācyutamīśānaṃ supādyārghyapurassaram |
sadevamukhyavargaṃ ca nināya svālayāntaram || 40 ||
[Analyze grammar]

prāṅgaṇe sthāpayāmāsa ratnasiṃhāsaneṣu tān |
sarvānviṣṇu ca māmīśaṃ viśiṣṭāṃśca viśeṣataḥ || 41 ||
[Analyze grammar]

sakhībhirmenayā prītyā brāhmaṇastrībhireva ca |
anyābhiśca purandhībhiścakre nīrājanammudā || 42 ||
[Analyze grammar]

purodhasā kṛtyavidā śaṃkarāya mahātmane |
madhuparkādikaṃ yadyatkṛtyaṃ tattatkṛtaṃ mudā || 43 ||
[Analyze grammar]

mayā sa noditastatra purodhāḥ kṛtavāṃstadā |
sumaṃgalaṃ ca yatkarma prastāvasadṛśammune || 44 ||
[Analyze grammar]

antarvedyāṃ mahāprītyā sampraviśya himādriṇā |
yatra sā pārvatī kanyā sarvābharaṇabhūṣitā || 45 ||
[Analyze grammar]

vedikopari tanvaṃgī saṃsthitā suvirājitā |
tatra nīto maddādevo viṣṇunā ca mayā saha || 46 ||
[Analyze grammar]

lagnannirīkṣamāṇāste vācaspatipurogamāḥ |
kanyādānocitantatra babhūvuḥ paramotsavāḥ || 47 ||
[Analyze grammar]

tatropaviṣṭo gargaśca yatrāsti ghaṭikālayam |
yāvaccheṣā ghaṭī tāvatkṛtampraṇavabhāṣaṇam || 48 ||
[Analyze grammar]

puṇyāhampravadangargassamādhre'ñjalimmudā |
pārvvatyakṣatapūrṇaṃ ca vavṛṣe ca śivopari || 49 ||
[Analyze grammar]

tayā sampūjito rudro dadhyakṣatakuśāmbubhiḥ |
paramodāḍhyayā tatra pārvatyā rucirāsyayā || 50 ||
[Analyze grammar]

vilokayantī taṃ śambhuṃ yasyārthe paramantapaḥ |
kṛtampurā mahāprītyā virarāja śivāti sā || 51 ||
[Analyze grammar]

mayā mune tadoktastu gargādimunibhiśca saḥ |
samānarca śivāṃ śambhurlaukikācārasaṃrataḥ || 52 ||
[Analyze grammar]

evaṃ parasparaṃ tau vai pārvvatīparameśvarau |
arcayantau tadānīñca śuśubhāte jaganmayau || 53 ||
[Analyze grammar]

trailokyalakṣmyā saṃvītau nirīkṣantau parasparam |
tadā nīrājitau lakṣmyādibhisstrībhirviśeṣataḥ || 54 ||
[Analyze grammar]

tathā parā vai dvijayoṣitaśca nīrājayāmāsuratho purastriyaḥ |
śivāñca śambhuñca vilokayantyo'vāpurmmudantāssakalā mahotsavam || 55 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe śiva himagirigṛhābhyantaragamanotsavavarṇanaṃ nāma saptacatvāriṃśo'dhyāyaḥ || 47 ||
[Analyze grammar]