Chapter 41

[English text for this chapter is available]

brahmovāca |
tatassammantrya ca mithaḥ prāpyājñāṃ śāṃkarīṃ hariḥ |
mune tvāmpreṣayāmāsa prathamaṃ kudharālayam || 1 ||
[Analyze grammar]

atha praṇamya sarveśaṃ gatastvaṃ nāradāgrataḥ |
hariṇā noditaḥ prītyā himācalagṛhamprati || 2 ||
[Analyze grammar]

tvaṃ mune'paśya ātmānaṃ gatvā tadvrīḍayānvitam |
kṛtrimaṃ racitaṃ tatra vismito viśvakarmaṇā || 3 ||
[Analyze grammar]

śrāntastvamātmanā tena kṛtrimeṇa mahāmune |
avalokaparasso'bhūccaritaṃ viśvakarmaṇaḥ || 4 ||
[Analyze grammar]

praviṣṭo maṇḍapastasya himādre ratnacitritam |
suvarṇakalaśairjuṣṭaṃ rambhādibahuśobhitam || 5 ||
[Analyze grammar]

sahasrastambhasaṃyuktaṃ vicitramparamādbhutam |
vedikāṃ ca tathā dṛṣṭvā vismayaṃ tvaṃ mune hyayāḥ || 6 ||
[Analyze grammar]

tadāvocaśca sa mune nārada tvaṃ nageśvaram |
vismito'tīva manasi naṣṭajñāno vimūḍhadhīḥ || 7 ||
[Analyze grammar]

āgatāste kimadhunā devā viṣṇupurogamāḥ |
tathā maharṣayassarve siddhā upasurāstathā || 8 ||
[Analyze grammar]

mahādevo vṛṣārūḍho gaṇaiśca parivāritaḥ |
āgataḥ kiṃ vivāhārthaṃ vada tathyaṃ nageśvara || 9 ||
[Analyze grammar]

brahmovāca |
ityevaṃ vacanaṃ śrutvā tava vismita cetasaḥ |
uvāca tvāṃ mune tathyaṃ vākyaṃ sa himavān giriḥ || 10 ||
[Analyze grammar]

himavānuvāca |
he nārada mahāprājñāgato naivādhunā śivaḥ |
vivāhārthaṃ ca pārvatyāssagaṇassavarātakaḥ || 11 ||
[Analyze grammar]

viśvakarmakṛtaṃ citraṃ viddhi nārada saddhiyā |
vismayantyaja devarṣe svastho bhava śivaṃ smara || 12 ||
[Analyze grammar]

bhuktvā viśramya suprītaḥ kṛpāṃ kṛtvā mamopari |
mainākādidharaissārddhaṃ gaccha tvaṃ śaṃkarāntikam || 13 ||
[Analyze grammar]

ebhissameto giribhirmahāmata saṃprārthya śīghraṃ śivamatra cānaya |
devaissametaṃ ca maharṣisaṃghaissurāsurairarcitapādapallavam || 14 ||
[Analyze grammar]

brahmovāca |
tatheti coktvāgama āśu hi tvaṃ sadaiva taiśśailasutādibhiśca |
tatratyakṛtyaṃ suvidhāya bhuktvā mahāmanāstvaṃ śivasa nnidhānam || 15 ||
[Analyze grammar]

tatra dṛṣṭo mahādevo devādiparivāritaḥ |
namaskṛtastvayā dīptaśśailaistairbhaktitaśca vai || 16 ||
[Analyze grammar]

tadā mayā viṣṇunā ca sarve devāssavāsavāḥ |
papracchustvāṃ mune sarve rudrasyānucarāstathā || 17 ||
[Analyze grammar]

vismitāḥ parvatāndṛṣṭvā sandehākulamānasāḥ |
mainākasahyamervādyānnānālaṃkārasaṃyutān || 18 ||
[Analyze grammar]

devā ūcuḥ |
he nārada mahāprājña vismitastvaṃ hi dṛśyase |
satkṛto'si himāgena kiṃ na vā vada vistarāt || 19 ||
[Analyze grammar]

ete kasmātsamāyātāḥ parvatā iha sattamāḥ |
mainākasahyamervādyāssupratāpāssvalaṃkṛtāḥ || 20 ||
[Analyze grammar]

kanyāṃ dāsyati śailo'sau sa bhave vā na nārada |
himālayagṛhe tāta kiṃ bhavatyadya tadvada || 21 ||
[Analyze grammar]

iti sandigdhamanasāmasmākaṃ ca divaukasām |
vad tvaṃ pṛcchamānānāṃ sandehaṃ hara suvrata || 22 ||
[Analyze grammar]

|| brahmovāca |
ityākarṇya vacasteṣāṃ viṣṇvādīnāndivaukasām |
avocastānmune tvaṃ hi vismitastvāṣṭramāyayā || 23 ||
[Analyze grammar]

ekāntamāśritya ca māṃ hi viṣṇumabhāṣathā vākyamidaṃ mune tvam |
śacīpatiṃ sarvasureśvaraṃ vai pakṣācchidaṃ pūrvaripundharāṇām || 24 ||
[Analyze grammar]

nārada uvāca |
tvaṣṭrā kṛtantadvikṛtaṃ vicitraṃ vimohanaṃ sarvadivaukasāṃ hi |
yenaiva sarvānsa vimohituṃ surānsamicchati premata eva yuktyā || 25 ||
[Analyze grammar]

purā kṛtantasya vimohanantvayā suvismṛtantat sakalaṃ śacīpate |
tasmādasau tvāṃ vijigīṣureva gṛhe dhuvantasya girermahātmana || 26 ||
[Analyze grammar]

ahaṃ vimohitastena pratirūpeṇa bhāsvatā |
tathā viṣṇuḥ kṛtastena brahmā śakro'pi tādṛśaḥ || 27 ||
[Analyze grammar]

kimbahūktena deveśa sarvadevagaṇāḥ kṛtāḥ |
kṛtrimāścitrarūpeṇa na kiṃcidavaśeṣitam || 28 ||
[Analyze grammar]

vimohanārthaṃ sarveṣāṃ devānāṃ ca viśeṣataḥ |
kṛtā māyā citramayī parihāsavikāriṇī || 29 ||
[Analyze grammar]

|| brahmovāca |
tacchutvā vacanastasya devendro vākyamabravīt |
viṣṇumprati tadā śīghraṃ bhayākulatanurharim || 30 ||
[Analyze grammar]

|| devendra uvāca |
devadeva ramānātha tvaṣṭā māṃ nihaniṣyati |
putraśokena tapto'sau vyājenānena nānyathā || 31 ||
[Analyze grammar]

brahmovāca |
tasya tadvacanaṃ śrutvā devadevo janārdanaḥ |
uvāca prahasan vākyaṃ śakramāśvāsayaṃstadā || 32 ||
[Analyze grammar]

viṣṇuruvāca |
nivātakavacaiḥ pūrvaṃ mohito'si śacīpate |
mahāvidyāvalenaiva dānavaiḥ pūrvavairibhiḥ || 33 ||
[Analyze grammar]

parvato himavāneṣa tathānya'khilaparvatāḥ |
vipakṣā hi kṛtāssarve mama vākyācca vāsava || 34 ||
[Analyze grammar]

tenusmṛtyā tu vai dṛṣṭvā māyayā girayo hyamī |
jetumicchantu ye mūḍhā na bhetavyamarāvapi || 35 ||
[Analyze grammar]

īśvaro no hi sarveṣāṃ śaṃkaro bhaktavatsalaḥ |
sarvathā kuśalaṃ śakra kariṣyati na saṃśayaḥ || 36 ||
[Analyze grammar]

brahmovāca |
evaṃ saṃvadamānantaṃ śakraṃ vikṛtamānasam |
hariṇoktaśca giriśo laukikīṃ gatimāśritaḥ || 37 ||
[Analyze grammar]

īśvara uvāca |
he hare he sureśāna kimbrūtho'dya parasparam |
ityuktvā tau maheśāno mune tvāmpratyuvāca saḥ || 38 ||
[Analyze grammar]

kiṃnu vakti mahāśailo yathārthaṃ vada nārada |
vṛttāntaṃ sakalambrūhi na gopyaṃ kartumarhasi || 39 ||
[Analyze grammar]

dadāti vā naiva dadāti śailassutāṃ svakīyāṃ vada tacca śīghram |
kinte dṛṣṭaṃ kiṃ kṛtantatra gatvā prītyā sarvaṃ tadvadāśvadya tāta || 40 ||
[Analyze grammar]

|| brahmovāca |
hatyuktaśśambhunā tatra mune tvandevadarśanaḥ |
sarvaṃ rahasyavoco vai yaddṛṣṭantatra maṇḍape || 41 ||
[Analyze grammar]

nārada uvāca |
devadeva mahādeva śṛṇu madvacanaṃ śubham |
nāsti vighnabhayaṃ nātha vivāhe kiṃcideva hi || 42 ||
[Analyze grammar]

avaśyameva śaileśastubhyaṃ dāsyati kanyakām |
tvāmānayitumāyātā ime śailā na saṃśayaḥ || 43 ||
[Analyze grammar]

kintu hyamaramohārthaṃ māyā viracitādbhutā |
kutūhalārthaṃ sarvajña na kaścidvighnasambhavaḥ || 44 ||
[Analyze grammar]

vicitrammaṇḍapaṃ gehe'kārṣīttasya tadājñayā |
viśvakarmā mahāmāyī nānāścaryamayaṃ vibho || 45 ||
[Analyze grammar]

sarvadevasamājaśca kṛtastatra vimohanaḥ |
tandṛṣṭvā vismayaṃ prāptohaṃ tanmāyāvimohitaḥ || 46 ||
[Analyze grammar]

|| brahmovāca |
tacchrutvā tadvacastāta lokācārakaraḥ prabhuḥ |
harṣādīnprahasañchambhuruvāca sakalānsurān || 47 ||
[Analyze grammar]

īśvara uvāca |
kanyāṃ dāsyati cenmahyaṃ parvato hi himācalaḥ |
māyayā mama kiṃ kāryaṃ vada viṣṇo yathātatham || 48 ||
[Analyze grammar]

he brahmañchakra munayasturā brūta yathārthataḥ |
māyayā mama kiṃ kāryaṃ kanyāṃ dāsyati cedgiriḥ || 49 ||
[Analyze grammar]

kenāpyupāyena phalaṃ hi sādhyamityucyate paṇḍitairnyāyavidbhiḥ |
tasmātsarvairgamyatāṃ śīghrameva kāryārthibhirviṣṇupurogamaiśca || 50 ||
[Analyze grammar]

brahmovāca |
evaṃ saṃvadamāno'sau devaiśśambhurabhūttadā |
kṛtaḥ smareṇaiva vaśī vaśaṃ vā prākṛto naraḥ || 51 ||
[Analyze grammar]

atha śambhvājñayā sarve viṣṇvādyā nirjarāstadā |
ṛṣayaśca mahātmāno yayurmohabhramāpaham || 52 ||
[Analyze grammar]

puraskṛtya mune tvāṃ ca parvatāṃstānsavismayāḥ |
himādreśca tadā jagmurmandiramparamādbhutam || 53 ||
[Analyze grammar]

atha viṣṇvādisaṃyukto muditaissvabalairyutaḥ |
ājagāmopahaimāgapuraṃ pramudito haraḥ || 54 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe maṇḍaparacanāvarṇanaṃ nāmaikacatvāriṃśo'dhyāyaḥ || 41 ||
[Analyze grammar]