Chapter 38

[English text for this chapter is available]

|| brahmovāca |
atha śaileśvaraḥ prīto himavānmuni sattama |
svapuraṃ racayāmāsa vicitraṃ paramotsavam || 1 ||
[Analyze grammar]

siktamārgaṃ saṃskṛtaṃ ca śobhitaṃ paramarddhibhiḥ |
dvāri dvāri ca rambhādi maṅgalaṃ dravyasaṃyutam || 2 ||
[Analyze grammar]

prāṃgaṇaṃ racayāmāsa rambhāstaṃbhasamanvitam |
paṭṭasūtraissaṃnibaddharasālapallavānvitam || 3 ||
[Analyze grammar]

mālatīmālyasaṃyuktaṃ lasattoraṇasuprabham |
śobhitammaṃgaladravyaiścaturdikṣu sthitaiśśubhaiḥ || 4 ||
[Analyze grammar]

tathaiva sarvaṃ parayā mudānvitaścakre girīndrassvasutārthameva |
gargampuraskṛtya mahāprabhāvaṃ prastāvayogyaṃ ca sumaṃgalaṃ hi || 5 ||
[Analyze grammar]

āhūya viśvakarmāṇaṃ kārayāmāsa sādaram |
maṇḍapaṃ ca suvistīrṇaṃ vedikādimanoharam || 6 ||
[Analyze grammar]

ayutena surarṣe tadyojanānāṃ ca vistṛtam |
anekalakṣaṇopetaṃ nānāścaryyasamanvitam || 7 ||
[Analyze grammar]

sthāvaraṃ jaṃgamaṃ sarvaṃ sadṛśantairmanoharam |
sarvato'dbhutasarvatvaṃ nānāvastucamatkṛtam || 8 ||
[Analyze grammar]

jaṃgamaṃ vijitantatra sthāvareṇa viśeṣataḥ |
jaṃgamena ca tatrāsījjitaṃ sthāvarameva hi || 9 ||
[Analyze grammar]

payasā ca jitā tatra sthalabhūmirna cānyathā |
jalaṃ kiṃ hi sthalaṃ kiṃ hi na viduḥ ke'pi kovidāḥ || 10 ||
[Analyze grammar]

kvacitsiṃhāḥ kṛtrimāśca kvacitsārasapaṃktayaḥ |
kvacicchikhaṇḍinastatra kṛtrimāśca manoharāḥ || 11 ||
[Analyze grammar]

kvacitstriyaḥ kṛtrimāśca nṛtyantyaḥ puruṣaissaha |
mohayantyo janānsarvānpaśyantyaḥ kṛtrimāstathā || 12 ||
[Analyze grammar]

tathā tenaiva vidhinā dvārapālā manoharāḥ |
hastairdhanūṃṣi coddhṛtya sthāvarā jaṃgamopamāḥ || 13 ||
[Analyze grammar]

dvāri sthitā mahālakṣmīḥ kṛtrimā racitādbhutā |
sarvalakṣaṇasaṃyuktā gatāḥ sākṣatpayorṇavāta || 14 ||
[Analyze grammar]

gajāścālaṅkṛtā hyāsankṛtrimā akṛtopamāḥ |
tathāśvāḥ na sādibhiścaiva gajāśca gajasādibhiḥ || 15 ||
[Analyze grammar]

rathā rathibhirākṛṣṭā mahāścaryasamanvitāḥ |
vāhanāni tathānyāni pattayaḥ kṛtrimāstathā || 16 ||
[Analyze grammar]

evaṃ vimohanārthantu kṛtaṃ vai viśvakarmaṇā |
devānāṃ ca munīnāṃ ca tena prītātmanā mune || 17 ||
[Analyze grammar]

mahādvāri sthitau nandī kṛtrimaśca kṛto mune |
śuddhasphaṭikasaṃkāśo yathā nandī tathaiva saḥ || 1 ||
[Analyze grammar]

tasyopari mahādivyampuṣpakaṃ ratnabhūṣitam |
rājitaṃ pallavaiśśubhraścāmaraiśca suśobhitam || 19 ||
[Analyze grammar]

vāmapārśve gajau dvau ca śuddhakāśmīrasannibhau |
caturdanto ṣaṣṭivarṣau bhedamānau mahāprabhau || 20 ||
[Analyze grammar]

tathaivārkanibhau tena kṛtau cāśvau mahāprabhau |
cāmarālaṃkṛtau divyau divyālaṅkārabhūṣitau || 21 ||
[Analyze grammar]

daṃśitā vararatnāḍhyā lokapālāstathaiva ca |
sarve devā yathārthaṃ vai kṛtā vai viśvakarmaṇā || 22 ||
[Analyze grammar]

tathā hi ṛṣayassarve bhṛgvādyāśca tapodhanāḥ |
anye hyupasurāstadvatsiddhāścānye'pi vai kṛtāḥ || 23 ||
[Analyze grammar]

viṣṇuśca pārṣadaissarvairgaruḍākhyaissamanvitaḥ |
 kṛtrimo nirmitastadvatparamāścaryarūpavān || 24 ||
[Analyze grammar]

tathaivāhaṃ sutaivedaissiddhaiśca parivāritaḥ |
kṛtrimo nirmitastadvatpaṭhansūktāni nārada || 25 ||
[Analyze grammar]

airāvatagajārūḍhaśśakrassvadalasaṃyutaḥ |
kṛtrimo nirmitastadvatparipūrṇendusaṃnibhaḥ || 26 ||
[Analyze grammar]

kiṃ bahūktena devarṣe sarvo vai viśvakarmaṇā |
himāgapreritenāśu klṛptassurasamājakaḥ || 27 ||
[Analyze grammar]

evaṃbhūtaḥ kṛtastena maṇḍapo divyarūpavān |
anekāścaryasambhūto mahāndevavimohanaḥ || 28 ||
[Analyze grammar]

athājñapto girīśena viśvakarmā mahāmatiḥ |
nivāsārthaṃ surādīnāṃ tattallokām hi yatnataḥ || 29 ||
[Analyze grammar]

tatraiva ca mahāmañcāḥ suprabhāḥ paramādbhutāḥ |
racitāssukhadā divyā steṣāṃ vai viśvakarmaṇā || 30 ||
[Analyze grammar]

tathāptasaptalokaṃ vai virece kṣaṇato'dbhutam |
dīptyā paramayā yuktaṃ nivāsārthaṃ svayambhuvaḥ || 31 ||
[Analyze grammar]

tathaiva viṣṇostvaparaṃ vaikuṇṭhākhyaṃ mahojjvalam |
virece kṣaṇato divyaṃ nānāścaryasamanvitam || 32 ||
[Analyze grammar]

amareśagṛhandivyaṃ tathaivādbhutamuttamam |
virece viśvakarmāsau sarvaiśvaryasamanvitam || 33 ||
[Analyze grammar]

gṛhāṇi lokapālānāṃ virece sundarāṇi ca |
tadvatsa prītito divyānyadbhutāni mahānti ca || 34 ||
[Analyze grammar]

anyeṣāmamarāṇāṃ ca sarveṣāṃ kramaśastathā |
sadanāni vicitrāṇi racitāni ca tena vai || 35 ||
[Analyze grammar]

viśvakarmā mahābuddhiḥ prāptaśambhumahāvaraḥ |
virece kṣaṇataḥ sarvaṃ śivatuṣṭyarthameva ca || 36 ||
[Analyze grammar]

tathaiva citraṃ paramaṃ mahojjvalaṃ mahāprabhandevavaraissupūjitam |
girīśacihnaṃ śivalokasaṃsthitaṃ suśobhitaṃ śambhugṛhaṃ cakāra || 37 ||
[Analyze grammar]

evambhūtā kṛtā tena racanā viśvakarmaṇā |
vicitrā śivatuṣṭyarthaṃ parāścaryā mahojjvalā || 38 ||
[Analyze grammar]

evaṃ kṛtvākhilaṃ cedaṃ vyavahāraṃ ca laukikam |
paryyaikṣiṣṭa mudā śambhvāgamanaṃ sa himācalaḥ || 39 ||
[Analyze grammar]

iti proktamaśeṣeṇa vṛttāntampramudāvaham |
himālayasya devarṣe kimbhūyaḥ śrotumicchasi || 40 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe maṇḍapādiracanāvarṇanaṃ nāmāṣṭatriṃśo'dhyāyaḥ || 38 ||
[Analyze grammar]