Chapter 37

[English text for this chapter is available]

nārada uvāca |
tāta prājña vadedānīṃ saptarṣiṣu gateṣu ca |
kimakārṣīddhimagiristanme kṛtvā kṛpāṃ prabho || 1 ||
[Analyze grammar]

|| brahmovāca |
gateṣu teṣu muniṣu saptasvapi munīśvara |
sārundhatīṣu himavān yadakārṣīdbravīmi te || 2 ||
[Analyze grammar]

tata āmantrya svabhrātṝn mervādīn sasutapriyaḥ |
mahāmanāssa mumude himavān parvateśvaraḥ || 3 ||
[Analyze grammar]

tadājñaptastataḥ prītyā himavān lagna patrikām |
lekhayāmāsa suprītyā gargeṇa svapurodhasā || 4 ||
[Analyze grammar]

atha prasthāpayāmāsa tāṃ śivāya sa patrikām |
nānāvidhāstu sāmagryaḥ svajanairmuditātmabhiḥ || 5 ||
[Analyze grammar]

te janāstatra gatvā ca kailāse śivasannidhim |
daduśśivāya tatpatraṃ tilakaṃ samvidhāya ca || 6 ||
[Analyze grammar]

sanmānitā viśeṣeṇa prabhuṇā ca yathocitam |
sarve te prītimanasa ājagmuśśailasannidhim || 7 ||
[Analyze grammar]

sanmānitānviśeṣeṇa maheśenāgatāñjanān |
dṛṣṭvā suharṣitāñcchailo mumodātīva cetasi || 8 ||
[Analyze grammar]

tato nimantraṇaṃ cakre svabandhūnāṃ pramoditaḥ |
nānādeśasthitānāñca nikhilānāṃ sukhāspadam || 9 ||
[Analyze grammar]

tatassa kārayāmāsa svarṇasaṃgrahamādarāt |
nānāvidhāśca sāmagrīrvivāhakaraṇocitāḥ || 10 ||
[Analyze grammar]

taṇḍulānāṃ bahūñchailān pṛthukānāṃ tathaiva ca |
guḍānāṃ śarkarāṇāñca lavaṇānāṃ tathaiva ca || 11 ||
[Analyze grammar]

kṣīrāṇāṃ ca ghṛtānāñca dadhnāṃ vāpīścakāra saḥ |
yavādidhānyapiṣṭānāṃ laḍḍukānāṃ tathaiva ca || 12 ||
[Analyze grammar]

śaṣkulīnāṃ svastikānāṃ śarkarāṇāṃ tathaiva ca |
amṛtekṣurasānāṃ ca tatra vāpīścakāra saḥ || 13 ||
[Analyze grammar]

bahvīrhaiyaṃgavānāñca hyāsavānāṃ tathaiva ca |
nānā pakvānnasaṃghāṃśca mahāsvādurasāṃstathā || 14 ||
[Analyze grammar]

nānā vyañjanavastūni gaṇadevahitāni ca |
amūlyanānāvastrāṇi vahniśaucāni yāni ca || 19 ||
[Analyze grammar]

maṇiratnaprakārāṇi suvarṇarajatāni ca |
dravyāṇyetāni cānyāni saṃgṛhya vidhipūrvakam || 16 ||
[Analyze grammar]

maṃgalaṃ kartumārebhe girirmaṃgalakṛddine |
saṃskāraṃ kārayāmāsuḥ pārvatyāḥ parvatastriyaḥ || 17 ||
[Analyze grammar]

tā maṃgalaṃ mudā cakrurbhūṣitā bhūṣaṇaiḥ svayam |
puradvijastriyo dṛṣṭvā lokācāraṃ pracakrire || 18 ||
[Analyze grammar]

sotsavaṃ vividhaṃ tatra sumaṃgalapurassaram |
himālayo'pi hṛṣṭātmā kṛtvācāraṃ sumaṃgalam || 19 ||
[Analyze grammar]

sarvabhāvena suprīto bandhuvargāgamotsukaḥ |
etasminnantare tasya bāndhavāśca nimantritāḥ || 20 ||
[Analyze grammar]

ājagmussastriyo hṛṣṭāssasutāssaparicchadāḥ |
tadaiva śṛṇu devarṣe giryyāgamanamādṛtaḥ || 21 ||
[Analyze grammar]

varṇayāmi samāsena śivaprītivivṛddhaye |
devālaya giriryo hi divyarūpadharo mahān || 22 ||
[Analyze grammar]

nānāratnaparibhrājatsamājassaparicchadaḥ |
nānāmaṇimahāratnasāramādāya yatnataḥ || 23 ||
[Analyze grammar]

suveṣālaṃkṛtaḥ śrīmān jagāma sa himālayam |
mandarassarvaśobhāḍhyassanārītanayo giriḥ || 24 ||
[Analyze grammar]

sūpāyanāni saṃgṛhya jagāma vividhāni ca |
astācalopi divyātmā sopāyana udāradhīḥ || 25 ||
[Analyze grammar]

bahuśobhāsamāyukta ājagāma mudānvitaḥ |
udayācala ādāya sadratnāni maṇīnapi || 26 ||
[Analyze grammar]

atyutkṛṣṭaparīvāra ājagāma mahāsukhī |
malayo girirājo hi saparīvāra ādṛtaḥ || 27 ||
[Analyze grammar]

sudivyaracanāyukta āyayau bahusadbalaḥ |
sadyo darduranāmā ca muditassakalatrakaḥ || 28 ||
[Analyze grammar]

bahuśobhānvitastātaḥ yayau himagirergṛham |
niṣadopi prahṛṣṭātmā saparicchada āyayau || 29 ||
[Analyze grammar]

sasutastrīgaṇaḥ prītyā yayau himagirergṛham |
ājagāma mahābhāgyo bhūdharo gandhamādanaḥ || 30 ||
[Analyze grammar]

karavīrastathaivāpi mahāvibhava saṃyutaḥ |
mahendraḥ parvataśreṣṭha ājagāma himālayam ||3 || || 1 ||
[Analyze grammar]

sagaṇassasutastrīko bahuśobhāsamanvitaḥ |
pāriyātro hi hṛṣṭātmā maṇi ratnākarassayut || 32 ||
[Analyze grammar]

sagaṇassaparīvāra āyayau himabhūdharam |
krauñcaḥ parvatarājo hi mahābalaparicchadaḥ |
ājagāma giriśreṣṭhassa mupāyana ādṛtaḥ || 33 ||
[Analyze grammar]

puruṣottamaśailopi saparicchada ādṛtaḥ |
mahopāyanamādāyājagāma himabhūdharam || 34 ||
[Analyze grammar]

nīlaḥ salīlassa sutassastrīko dravyasaṃyutaḥ |
ājagāma himāgasya gṛhamānandasaṃyutaḥ || 35 ||
[Analyze grammar]

trikūṭaścitrakūṭopi veṃkaṭaḥ śrīgiristathā |
gokāmukhī nāradaśca himagehamupāgamat || 36 ||
[Analyze grammar]

vindhyaśca parvataśreṣṭho nānāsampatsamanvitaḥ |
ājagāma prahṛṣṭātmā sadāratanayaśśubhaḥ || 37 ||
[Analyze grammar]

kālaṃjaro mahāśailo bahuharṣasamanvitaḥ |
bahubhassagaṇaḥ prītyājagāmahimabhūdharam || 38 ||
[Analyze grammar]

kailāsastu mahāśailo mahāharṣasamanvitaḥ |
ājagāma kṛpāṃ kṛtvā sarvopari lasatprabhuḥ || 39 ||
[Analyze grammar]

anyepi bhūbhṛto ye hi dvīpeṣvanyeṣvapi dvija |
ihāpi ye'calāssarve āyayuste himālayam || 40 ||
[Analyze grammar]

nimantritā nagāstatra tena pūrvaṃ mudā mune |
āyayurnikhilāḥ prītyā vivāhaśśivayoriti || 41 ||
[Analyze grammar]

tadā sarve samāyātāśśoṇabhadrādayaḥ khalu |
bahuśobhā mahāprītyā vivāhaśśivayoriti || 42 ||
[Analyze grammar]

nadyassarvāssamāyātā nānālaṃkārasaṃyutāḥ |
divya rūpadharāḥ prītyā vivāhaśśivayoriti || 43 ||
[Analyze grammar]

godāvarī ca yamunā brahmastrīrveṇikā tathā |
āyayau himaśailamvai vivāhaśśivayoriti || 44 ||
[Analyze grammar]

gaṃgā tu sumahāprītyā nānālaṃkārasaṃyutā |
divyarūpā yayau prītyā vivāhaśśivayoriti || 45 ||
[Analyze grammar]

narmadā tu mahāmodā rudrakanyā saridvarā |
mahāprītyā jagāmāśu vivāhaśśivayoriti || 46 ||
[Analyze grammar]

āgataistaistataḥ sarvaissarvato himabhūdharam |
saṃkulāsītpurī divyā sarvaśobhāsamanvitā || 47 ||
[Analyze grammar]

mahotsavā lasatketudhvajātoraṇakādhikā |
vitānavinivṛttārkā tathā nānālasatprabhā || 48 ||
[Analyze grammar]

himālayopi suprītyādareṇa vividhena ca |
teṣāṃ cakāra sanmānaṃ tāsāṃ caiva yathāyatham || 49 ||
[Analyze grammar]

sarvānnivāsayāmāsa susthāneṣu pṛthak pṛthak |
sāmagrībhiranekābhistoṣayāmāsa kṛtsnaśaḥ || 50 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pāvatīkhaṇḍe lagnapatrasaṃpreṣaṇasāmagrīsaṃgrahaśailāgamanavarṇanaṃ nāma saptatriṃśo'dhyāyaḥ || 37 ||
[Analyze grammar]