Chapter 25

[English text for this chapter is available]

|| nārada uvāca |
gateṣu teṣu deveṣu vidhi viṣṇvādikeṣu ca |
sarveṣu muniṣu prītyā kiṃ babhūva tataḥ param || 1 ||
[Analyze grammar]

kiṃ kṛtaṃ śaṃbhunā tāta varaṃ dātuṃsamāgataḥ |
kiyatkālena ca kathaṃ tadvada prītimāvahan || 2 ||
[Analyze grammar]

|| brahmovāca |
gateṣu teṣu deveṣu brahmādiṣu nijāśramam |
tattapassu parīkṣārthaṃ samādhistho'bhavadbhavaḥ || 3 ||
[Analyze grammar]

svātmānamātmanā kṛtvā svātmanyeva vyaciṃtayat |
parātparataraṃ svasthaṃ nirmāya niravagraham || 4 ||
[Analyze grammar]

tadvastubhūto bhagavānīśvaro vṛṣabhadhvajaḥ |
avijñātagatissūtissa haraḥ parameśvaraḥ || 5 ||
[Analyze grammar]

brahmovāca |
girijā hi tadā tāta tatāpa paramaṃ tapaḥ |
tapasā tena rudro'pi paraṃ vismayamāgataḥ || 6 ||
[Analyze grammar]

samādheścalitasso'bhūdbhaktādhīno'pi nānyathā |
vasiṣṭhādīnmunīnsapta sasmāra sūtikṛddharaḥ || 7 ||
[Analyze grammar]

saptāpi munayaśśīghramāyayussmṛti mātrataḥ |
prasannavadanāḥ sarve varṇayaṃto vidhiṃ bahu || 8 ||
[Analyze grammar]

praṇamya taṃ maheśānaṃ tuṣṭuvurharṣanirbharāḥ |
vāṇyā gadgadayā baddhakarā vinatakaṃdharāḥ || 9 ||
[Analyze grammar]

saptarṣaya ūcuḥ |
devadeva mahādeva karuṇāsāgara prabho |
jātā vayaṃ sudhanyā hi tvayā yadadhunā smṛtāḥ || 10 ||
[Analyze grammar]

kimarthaṃ saṃsmṛtā vātha śāsanaṃ dehi taddhi naḥ |
svadāsasadṛśīṃ svāminkṛpāṃ kuru namo'stu te || 11 ||
[Analyze grammar]

|| brahmovāca |
ityākarṇya nīnāṃ tu vijñaptiṃ karuṇānidhiḥ |
provāca vihasanprītyā protphullanayanāmbujaḥ || 12 ||
[Analyze grammar]

|| maheśvara uvāca |
he saptamunayastātāśśṛṇutāraṃ vaco mama |
asmaddhitakarā yūyaṃ sarvajñānavicakṣaṇāḥ || 13 ||
[Analyze grammar]

tapaścarati deveśī pārvatī girijā'dhunā |
gaurīśikharasaṃjñe hi pārvate dṛḍhamānasā || 14 ||
[Analyze grammar]

māṃ patiṃ prāptukāmā hi sā sakhīsevitā dvijāḥ |
sarvānkāmānvihāyānyānparaṃ niścayamāgatā || 15 ||
[Analyze grammar]

tatra gacchata yūyaṃ macchāsanānmunisattamāḥ |
parīkṣāṃ dṛḍhatāyāstatkuruta premacetasaḥ || 16 ||
[Analyze grammar]

sarvathā chalasaṃyuktaṃ vacanīyaṃ vacaśca vaḥ |
na saṃśayaḥ prakartavyaśśāsanānmama suvratāḥ || 17 ||
[Analyze grammar]

||brahmovāca |
ityājñaptāśca munayo jagmustatra drutaṃ hi te |
yatra rājati sā dīptā jaganmātā nagātmajā || 18 ||
[Analyze grammar]

tatra dṛṣṭvā śivā sākṣāttapaḥsiddhirivāparā |
mūrtā paramatejaskā vilasaṃtī sutejasā || 19 ||
[Analyze grammar]

hṛdā praṇamya tāṃ te tu ṛṣayassapta suvratāḥ |
sannatā vacanaṃ procuḥ pūjitāśca viśeṣataḥ || 20 ||
[Analyze grammar]

|| ṛṣaya ūcuḥ |
śṛṇu śailasute devī kimarthaṃ tapyate tapaḥ |
icchasi tvaṃ suraṃ kaṃ ca kiṃ phalaṃ tadvadādhunā || 21 ||
[Analyze grammar]

brahmovāca |
ityuktā sā śivā devī girīṃdratanayā dvijaiḥ |
pratyuvāca vacassatyaṃ sugūḍhamapi tatpuraḥ || 22 ||
[Analyze grammar]

|| pārvatyuvāca |
munīśvarāssaṃśṛṇuta madvākyaṃ prītito hṛdā |
bravīmi svavicāraṃ vai ciṃtito yo dhiyā svayā || 23 ||
[Analyze grammar]

kariṣyatha prahāsaṃ me śrutvā vāco hyasaṃbhavāḥ |
saṃkoco varṇanādviprā bhavatyeva karomi kim || 24 ||
[Analyze grammar]

idaṃ mano hi sudṛḍhamavaśaṃ parakarmakṛt |
jalopari mahābhittiṃ cikīrṣati mahonnatām || 25 ||
[Analyze grammar]

surarṣeśśāsanaṃ prāpya karomi sudṛḍhaṃ tapaḥ |
rudraḥ patirbhavenme hi vidhāyeti manoratham || 26 ||
[Analyze grammar]

apakṣo manmanaḥ pakṣī vyomni uḍḍīyate haṭhāt |
tadāśāṃ śaṃkarasvāmī piparttu karuṇānidhiḥ || 27 ||
[Analyze grammar]

|| brahmovāca |
ityākarṇya vacastasyā vihasya munayaśca te |
saṃmānya girijāṃ prītyā procuśchalavaco mṛṣā || 28 ||
[Analyze grammar]

ṛṣaya ūcuḥ |
na jñātaṃ tasya caritaṃ vṛthāpaṇḍitamāninaḥ |
devarṣeḥ kūramanasaḥ sujñā bhūtvāpyagātmaje || 29 ||
[Analyze grammar]

nāradaḥ kūṭavādī ca paracittapramaṃthakaḥ |
tasya vārttāśravaṇato hānirbhavati sarvathā || 30 ||
[Analyze grammar]

tatra tvaṃ śṛṇu sadbudhyā cetihāsaṃ suśobhitam |
kramāttvāṃ bodhayaṃto hi prītyā tamupadhāraya || 31 ||
[Analyze grammar]

brahmaputro hi yo dakṣassuṣuve piturājñayā |
svapatnyāmayutaṃ putrānayuṃkta tapasi priyān || 32 ||
[Analyze grammar]

te sutāḥ paścimāṃ diśi nārāyaṇasaro gatāḥ |
taporthe te pratijñāya nāradastatra vai yayau || 33 ||
[Analyze grammar]

kūṭopadeśamāśrāvya tatra tānnārado muniḥ |
tadājñayā ca te sarve piturna gṛhamāyayuḥ || 34 ||
[Analyze grammar]

tacchrutvā kupito dakṣaḥ pitrāśvāsitamānasaḥ |
utpādya putrānprāyuṃkta sahasrapramitāṃstataḥ || 35 ||
[Analyze grammar]

te'pi tatra gatāḥ putrāstaporthaṃ piturājñayā |
nārado'pi yayau tatra punastatsvopadeśakṛt || 36 ||
[Analyze grammar]

dadau tadupadeśaṃ te tebhyo bhrātṛpathaṃ yayuḥ |
āyayurna piturgehaṃ bhikṣuvṛttiratāśca te || 37 ||
[Analyze grammar]

itthaṃ nāradasadvṛttirviśruttā śailakanyake |
anyāṃ śṛṇu hi tadvṛttiṃ vairāgyakaraṇīṃ nṛṇām || 38 ||
[Analyze grammar]

vidyādharaścitraketuryo babhūva purākarot |
svopadeśamayaṃ dattvā tasmai śūnyaṃ ca tadgṛham || 39 ||
[Analyze grammar]

prahlādāya svopadeśānhiraṇyakaśipoḥ param |
dattvā dukhaṃ dadau cāyaṃ parabuddhiprabhedakaḥ || 40 ||
[Analyze grammar]

muninā nijavidyā yacchrāvitā karṇarocanā |
sa svagehaṃ vihāyāśu bhikṣāṃ carati prāyaśaḥ || 41 ||
[Analyze grammar]

nārado malinātmā hi sarvado jjvaladehavān |
jānīmastaṃ viśeṣeṇa vayaṃ tatsahavāsinaḥ || 42 ||
[Analyze grammar]

bakaṃ sādhuṃ varṇayaṃti na matsyānatti sarvathā |
sahavāsī vijānīyāccaritraṃ sahavāsinām || 43 ||
[Analyze grammar]

labdhvā tadupadeśaṃ hi tvamapi prājñasaṃmatā |
vṛthaiva mūrkhībhūtā tu tapaścarasi duṣkaram || 44 ||
[Analyze grammar]

yadarthamīdṛśaṃ bāle karoṣi vipulaṃ tapaḥ |
sadodāsī nirvikāro madanārirnasaṃśayaḥ || 45 ||
[Analyze grammar]

amaṃgalavapurdhārī nirlajjo'sadano'kulī |
kuveṣī pretabhūtādisaṃgī nagnau hi śūlabhṛt || 46 ||
[Analyze grammar]

sa dhūrtastava vijñānaṃ vināśya nijamāyayā |
mohayāmāsa sadyuktyā kārayāmāsa vai tapaḥ || 47 ||
[Analyze grammar]

īdṛśaṃ hi varaṃ labdhvā kiṃ sukhaṃ saṃbhaviṣyati |
vicāraṃ kuru deveśi tvameva girijātmaje || 46 ||
[Analyze grammar]

prathamaṃ dakṣajāṃ sādhvī vivāhya sudhiyā satīm |
nirvāhaṃ kṛtavānnaiva mūḍhaḥ kiṃciddināni hi || 49 ||
[Analyze grammar]

tāṃ tathaiva sa vai doṣaṃ dattvātyākṣītsvayaṃ prabhuḥ |
dhyāyansvarūpa makalamaśokamaramatsukhī || 50 ||
[Analyze grammar]

ekalaḥ paranirvāṇo hyasaṃgo'dvaya eva ca |
tena nāryāḥ kathaṃ devi nirvāhaḥ saṃbhaviṣyati || 51 ||
[Analyze grammar]

adyāpi śāsanaṃ prāpya gṛhamāyāhi durmatim |
tyajāsmākaṃ mahābhāge bhaviṣyati ca śaṃ tava || 52 ||
[Analyze grammar]

tvadyogyo hi varo viṣṇussarvasadguṇavānprabhuḥ |
vaikuṇṭhavāsī lakṣmīśo nānākrīḍāviśāradaḥ || 53 ||
[Analyze grammar]

tena te kārayiṣyāmo vivāhaṃ sarvasaukhyadam |
itīdṛśaṃ tyaja haṭhaṃ sukhitā bhava pārvati || 54 ||
[Analyze grammar]

brahmovāca |
ityedaṃ vacanaṃ śrutvā pārvatī jagadambikā |
vihasya ca punaḥ prāha munīnjñāna viśāradān || 55 ||
[Analyze grammar]

pārvatyuvāca |
satyaṃ bhavadbhiḥ kathitaṃ svajñānena munīśvarāḥ |
paraṃtu me haṭho naiva mukto bhavati vai dvijāḥ || 56 ||
[Analyze grammar]

svatanoḥ śailajātatvātkāṭhinyaṃ sahajaṃ sthitam |
itthaṃ vicārya sudhiyā māṃ niṣeddhuṃ na cārhatha || 57 ||
[Analyze grammar]

surarṣervacanaṃ pathyaṃ tyakṣye naiva kadācana |
gurūṇāṃ vacanaṃ pathyamiti vedavido viduḥ || 58 ||
[Analyze grammar]

gurūṇāṃ vacanaṃ satyamiti yeṣāṃ dṛḍhā matiḥ |
teṣāmihāmutra sukhaṃ paramaṃ nāsukhaṃ kvacit || 59 ||
[Analyze grammar]

gurūṇāṃ vacanaṃ satyamiti yaddhṛdaye na dhīḥ |
ihāmutrāpi teṣāṃ hi dukhaṃ na ca sukhaṃ kvacit || 60 ||
[Analyze grammar]

sarvathā na parityājyaṃ gurūṇāṃ vacanaṃ dvijāḥ |
gṛhaṃ vasedvā śūnyaṃ syānme haṭhassukhadassadā || 61 ||
[Analyze grammar]

yadbhavadbhissubhaṇitaṃ vacanaṃ munisattamāḥ |
tadanyathā tadvivekaṃ varṇayāmi samāsataḥ || 62 ||
[Analyze grammar]

guṇālayo vihārī ca viṣṇussatyaṃ prakīrtitaḥ |
sadāśivo'guṇaḥ proktastatra kāraṇa mucyate || 63 ||
[Analyze grammar]

śivo brahmāvikāraḥ sa bhaktahetordhṛtākṛtiḥ |
prabhutāṃ laukikīṃ naiva saṃdarśayitumicchati || 64 ||
[Analyze grammar]

ataḥ paramahaṃsānāṃ dhāryaye supriyā gatiḥ |
avadhūtasvarūpeṇa parānaṃdena śaṃbhunā || 65 ||
[Analyze grammar]

bhūṣūṇādirucirmāyārliptānāṃ brahmaṇo na ca |
sa prabhurnirguṇo'jo nirmāyo'lakṣyagatirvirāṭ || 66 ||
[Analyze grammar]

dharmajātyādibhiśśambhurnānugṛhṇāti va dvijāḥ |
guroranugraheṇaiva śivaṃ jānāmi tattvataḥ || 67 ||
[Analyze grammar]

cecchivassa hi me viprā vivāhaṃ na kariṣyati |
avivāhā sadāhaṃ syāṃ satyaṃ satyaṃ vadāmyaham || 68 ||
[Analyze grammar]

udayati yadi bhānuḥ paścime digvibhāge pracalati yadi meruśśītatāṃ yāti vahniḥ |
vikasati yadi padmaṃ parvatāgre śilāyāṃ na hi calati haṭho me satyametadbravīmi || 69 ||
[Analyze grammar]

|| brahmovāca |
ityuktvā tānpraṇamyāśu munīnsā parvatātmajā |
virarāma śivaṃ smṛtvā nirvikāreṇa cetasā || 70 ||
[Analyze grammar]

ṛṣayo'pītthamājñāya girijāyāssuniścayam |
procurjayagiraṃ tatra daduścāśiṣamuttamām || 71 ||
[Analyze grammar]

atha prāṇamya tāṃ devīṃ munayo hṛṣṭamānasāḥ |
śivasthānaṃ drutaṃ jagmustatparīkṣākarā mune || 72 ||
[Analyze grammar]

tatra gatvā śivaṃ natvā vṛttāṃtaṃ vinivedya tam |
tadājñāṃ samanuprāpya svarlokaṃ jagmurādarāt || 73 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṃḍe saptarṣiṃkṛtaparīkṣāvarṇano nāma paṃcaviśo'dhyāya || 25 ||
[Analyze grammar]