Chapter 23

[English text for this chapter is available]

|| brahmovāca |
evaṃ tapatyāṃ pārvatyāṃ śivaprāptau munīśvara |
cirakālo vyatīyāya prādurbhūto haro na hi || 1 ||
[Analyze grammar]

himālayastadāgatya pārvatīṃ kṛtaniścayām |
sabhāryassasutāmātya uvāca parameśvarīm || 2 ||
[Analyze grammar]

himālaya uvāca |
mā khidyatāṃ mahābhāge tapasānena pārvatī |
rudro na dṛśyate bāle virakto nātra saṃśayaḥ || 3 ||
[Analyze grammar]

tvaṃ tanvī sukumārāṃgī tapasā ca vimohitā |
bhaviṣyasi na saṃdehassatyaṃ satyaṃ vadāmi te || 4 ||
[Analyze grammar]

tasmāduttiṣṭha caihi tvaṃ svagṛhaṃ varavarṇini |
kiṃ tena tava rudreṇa yena dagdhaḥ purā smaraḥ || 5 ||
[Analyze grammar]

ato hi nirvikāra tvāttvāmādātuṃ varāṃ harāḥ |
nāgamiṣyati deveśi taṃ kathaṃ prārthayiṣyasi || 6 ||
[Analyze grammar]

gaganastho yathā caṃdro grahītuṃ na hi śakyate |
tathaiva durgamaṃ śaṃbhuṃ jānīhi tvamihānaghe || 7 ||
[Analyze grammar]

|| brahmovāca |
tathaiva menayā coktā tathā sahyādriṇā satī |
meruṇā maṃdareṇaiva mainākena tathaiva sā || 8 ||
[Analyze grammar]

evamanyaiḥ kṣitibhaiśca krauṃcādibhiranāturā |
tathaiva girijā proktā nānāvādavidhāyibhiḥ || 9 ||
[Analyze grammar]

|| brahmovāca |
evaṃ proktā yadā tanvī sā sarvaistapasi sthitā |
uvāca prahasaṃtyeva himavaṃtaṃ śucismitā || 10 ||
[Analyze grammar]

pārvatyuvāca |
purā proktaṃ mayā tāta mātaḥ kiṃ vismṛtaṃ tvayā |
adhunāpi pratijñāṃ ca śṛṇudhvaṃ mama bāṃdhavāḥ || 11 ||
[Analyze grammar]

viraktosau mahādevo yena dagdhā ruṣā smaraḥ |
taṃ toṣayāmi tapasā śaṃkaraṃ bhaktavatsalam || 12 ||
[Analyze grammar]

sarve bhavaṃto gacchaṃtu svaṃ svaṃ dhāma praharṣitāḥ |
bhaviṣyatyeva tuṣṭo'sau nātra kāryyā vicāraṇā || 13 ||
[Analyze grammar]

dagdho hi madano yena yena dagdhaṃ girervanam |
tamānayiṣye cātraiva tapasā keva lena hi || 14 ||
[Analyze grammar]

tapobalena mahatā susevyo hi sadāśivaḥ |
jānīdhvaṃ hi mahābhāgāssatyaṃ satyaṃ vadāmi vaḥ || 15 ||
[Analyze grammar]

ābhāṣya caivaṃ girijā ca menakāṃ mainākabaṃdhuṃ pitaraṃ himālayam |
tūṣṇīṃ babhūvāśu subhāṣiṇī śivā samaṃdaraṃ parvatarājabālikā || 16 ||
[Analyze grammar]

jagmustathoktāḥ śivayā hi parvatā yathāgatenāpi vicakṣaṇāste |
praśaṃsamānā girijā muhurmuhussuvismitā hemanageśvarādyāḥ || 17 ||
[Analyze grammar]

gateṣu teṣu sūryeṣu sakhībhiḥ parivāritā |
tapastepe tadadhikaṃ paramārthasuniścayā || 1 ||
[Analyze grammar]

tapasā mahatā tena taptamāsīccarācaram |
trailokyaṃ hi muniśreṣṭha sadevāsuramānuṣam || 19 ||
[Analyze grammar]

tadā surāsurāḥ sarve yakṣakinnaracāraṇāḥ |
siddhāssādhyāśca munayo vidyādharamahoragāḥ || 20 ||
[Analyze grammar]

saprajāpatayaścaiva guhyakāśca tathāpare |
kaṣṭāt kaṣṭataraṃ prāptāḥ kāraṇaṃ na viduḥ sma tat || 21 ||
[Analyze grammar]

sarve militvā śakrādyā gurumāmaṃtrya vihvalāḥ |
sumerau taptasarvāṃgā vidhiṃ māṃ śaraṇaṃ yayuḥ || 22 ||
[Analyze grammar]

tatra gatvā praṇamyāśu vihvalā naṣṭasutviṣaḥ |
ūcussarve ca saṃstūya hyaikapadyena māṃ hi te || 23 ||
[Analyze grammar]

devā ūcuḥ |
tvayā sṛṣṭamidaṃ sarvaṃ jagadetaccarācaram |
saṃtaptamati kasmādvai na jñātaṃ kāraṇaṃ vibho || 24 ||
[Analyze grammar]

tadbrūhi kāraṇaṃ brahman jñātumarhasi naḥ prabho |
dagdhabhūtatanūndevān tvatto nānyo'sti rakṣaka || 28 ||
[Analyze grammar]

|| brahmovāca |
ityākarṇya vacasteṣāmahaṃ smṛtvā śivaṃ hṛdā |
vicārya manasā sarvaṃ girijāyāstapaḥ phalam || 26 ||
[Analyze grammar]

dagdhaṃ viśvamiti jñātvā taiḥ sarvairiha sādarāt |
haraye tatkathayituṃ kṣīrābdhimagamaṃ drutam || 27 ||
[Analyze grammar]

tatra gatvā hariṃ dṛṣṭvā vilasaṃtaṃ sukhāsane |
supraṇamya susaṃstūya prāvocaṃ sāṃjaliḥ suraiḥ || 28 ||
[Analyze grammar]

trāhi trāhi mahāviṣṇo taptānnaśśaraṇāgatān |
tapasogreṇa pārvatyāstapatyāḥ parameṇa hi || 29 ||
[Analyze grammar]

ityākarṇya vacasteṣāmasmadādi divaukasām |
śeṣāsane samāviṣṭo'smānuvāca rameśvaraḥ || 30 ||
[Analyze grammar]

|| viṣṇuruvāca |
jñātaṃ sarvaṃ nidānaṃ me pārvatī tapasodya vai |
yuṣmābhissahitastvadya vrajāmi parameśvaram || 31 ||
[Analyze grammar]

mahādevaṃ prārthayāmo girijāprāpaṇāya tam |
pāṇigrahārthamadhunā lokānāṃ svastaye'marāḥ || 32 ||
[Analyze grammar]

varaṃ dātuṃ śivāyai hi devadeva pinākadhṛk |
yathā ceṣyati tatraiva kariṣyāmo'dhunā hi tat || 23 ||
[Analyze grammar]

tasmādvayaṃ gamiṣyāmo yatra rudro mahāprabhuḥ |
tapasogreṇa saṃyukto'dyāste paramamaṃgalaḥ || 34 ||
[Analyze grammar]

|| brahmovāca |
viṣṇostadvacanaṃ śrutvā sarva ūcussurādayaḥ |
mahābhītā haṭhāt kruddhāddagdhukāmāt layaṃkarāt || 35 ||
[Analyze grammar]

devā ūcuḥ |
mahābhayaṃkaraṃ kruddhaṃ kālānalasamaprabham |
na yāsyāmo vayaṃ sarve virūpākṣaṃ mahāprabham || 36 ||
[Analyze grammar]

yathā dagdhaḥ purā tena madano duratikramaḥ |
tathaiva krodhayukto naḥ sa dhakṣyati na saṃśayaḥ || 37 ||
[Analyze grammar]

brahmovāca || tadākarṇya vacasteṣāṃ śakrādīnāṃ rameśvaraḥ |
sāṃtvayaṃstānsurānsarvānprovāca sa harirmune || 38 ||
[Analyze grammar]

|| hariruvāca |
he surā madvacaḥ prītyā śṛṇutādarato'khilāḥ |
na vo dhakṣyati sa svāmī devānāṃ bhayanāśanaḥ || 39 ||
[Analyze grammar]

tasmādbhavadbhirgaṃtavyaṃ mayā sārddhaṃ vicakṣaṇaiḥ |
śaṃbhuṃ śubhakaraṃ matvā śaraṇaṃ tasya suprabho || 40 ||
[Analyze grammar]

śivaṃ purāṇaṃ puruṣamadhīśaṃ vareṇyarūpaṃ hi paraṃ purāṇam |
tapojuṣāṇāṃ paramātmarūpaṃ parātparaṃ taṃ śaraṇaṃ vrajāmaḥ || 41 ||
[Analyze grammar]

brahmovāca |
evamuktāstadā devā viṣṇunā prabhavi ṣṇunā |
jagmussarve tena saha draṣṭukāmāḥ pinākinam || 42 ||
[Analyze grammar]

prathamaṃ śailaputryāstattapo draṣṭuṃ tadāśramam |
jagmurmārgavaśātsarve viṣṇvādyassakutūhalāḥ || 43 ||
[Analyze grammar]

pārvatyāstu tapo dṛṣṭvā tejasā vyāpṛtāstadā |
praṇemustāṃ jagaddhātrīṃ tejorūpāṃ tapaḥ sthitām || 44 ||
[Analyze grammar]

praśaṃsaṃtastapastasyāssākṣātsiddhitanossurāḥ |
jagmustatra tadā te ca yatrāste vṛṣabhadhvajaḥ || 45 ||
[Analyze grammar]

tatra gatvā ca te devāstvāṃ mune praiṣayaṃstadā |
paśyato dūratastasthuḥ kāmabhasmakṛtoharāt || 46 ||
[Analyze grammar]

nārada tvaṃ śivasthānaṃ tadā gatvā'bhayassadā |
śivabhakto viśeṣeṇa prasannaṃ dṛṣṭavān prabhum || 47 ||
[Analyze grammar]

punarāgatya yatnena devānāhūya tāṃstataḥ |
nināya śaṃkarasthānaṃ tadā viṣṇvādikānmune || 48 ||
[Analyze grammar]

atha viṣṇvādayassarve tatra gatvā śivaṃ prabhum |
dadṛśussukhamāsīnaṃ prasannaṃ bhaktavatsalam || 49 ||
[Analyze grammar]

yogapaṭṭasthitaṃ śaṃbhuṃ gaṇaiśca parivāritam |
taporūpaṃ dadhānaṃ ca parameśvararūpiṇam || 50 ||
[Analyze grammar]

tato viṣṇurmayānye ca surasiddhamunīśvarāḥ |
praṇamya tuṣṭuvussūktairvedopaniṣadanvitaiḥ || 51 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tutīye pārvatīkhaṃḍe pārvatīsāṃtvanaśivadevadarśanavarṇanaṃ nāma trayoviṃśo'dhyāyaḥ || 23 ||
[Analyze grammar]