Chapter 22

[English text for this chapter is available]

brahmovāca |
tvayi devamune yāte pārvatī hṛṣṭamānasā |
tapassādhyaṃ haraṃ mene taporthaṃ mana ādadhe || 1 ||
[Analyze grammar]

tataḥ sakhyau samādāya jayāṃ ca vijayāṃ tathā |
mātaraṃ pitaraṃ caiva sakhībhyāṃ paryapṛcchata || 2 ||
[Analyze grammar]

prathamaṃ pitaraṃ gatvā himavantaṃ nageśvaram |
paryapṛcchatsupraṇamya vinayena samanvitā || 3 ||
[Analyze grammar]

sakhyāvūcatuḥ |
himavañcchrūyatāṃ putrī vacanaṃ kathyate'dhunā |
sā svayaṃ caiva dehasya rūpasyāpi tathā punaḥ || 4 ||
[Analyze grammar]

bhavato hi kulasyāsya sāphalyaṃ kartumicchati |
tapasā sādhanīyo'sau nānyathā dṛśyatāṃ vrajet || 5 ||
[Analyze grammar]

tasmācca parvataśreṣṭha dehyājñāṃ bhavatādhunā |
tapaḥ karotu girijā vanaṃ gatveti sādaram || 6 ||
[Analyze grammar]

brahmovāca |
ityevaṃ ca tadā pṛṣṭassakhībhyāṃ munisattama |
pārvatyā suvicāryātha girirājo'bravīdidam || 7 ||
[Analyze grammar]

himālaya uvāca |
mahyaṃ ca rocate'tyarthaṃ menāyai rucyatāṃ punaḥ |
yathedaṃ bhavitavyaṃ ca kimataḥ paramuttamam || 8 ||
[Analyze grammar]

sāphalyaṃ tu madīyasya kulasya ca na saṃśayaḥ |
mātre tu rucyate cedvai tataḥ śubhataraṃ nu kim || 9 ||
[Analyze grammar]

brahmovāca |
ityevaṃ vacanaṃ pitrā proktaṃ śrutvā tu te tadā |
jagmaturmātaraṃ sakhyau tadājñapte tayā saha || 10 ||
[Analyze grammar]

gatvā tu mātaraṃ tasyāḥ pārvatyāste ca nārada |
supraṇamya karo badhvocaturvacanamādarāt || 11 ||
[Analyze grammar]

sakhyāvūcatuḥ |
mātastvaṃ vacanaṃ putryāḥ śṛṇu devi namo'stu te |
suprasannatayā tadvai śrutvā kartumihārhasi || 12 ||
[Analyze grammar]

taptukāmā tu te putrī śivārthaṃ paramaṃ tapaḥ |
prāptānujñā pituścaiva tubhyaṃ ca paripṛcchati || 13 ||
[Analyze grammar]

iyaṃ svarūpasāphalyaṃ kartukāmā pativrate |
tvadājñayā yadi jāyeta tapyate ca tathā tapaḥ || 14 ||
[Analyze grammar]

|| brahmovāca |
ityuktvā ca tatassakhyau tūṣṇīmāstāṃ munīśvara |
nāṃgīcakāra menā sā tadvākyaṃ khinnamānasā || 15 ||
[Analyze grammar]

tatassā pārvatī prāha svayamevātha mātaram |
karau baddhvā vinītātmā smṛtvā śivapadāṃbujam || 16 ||
[Analyze grammar]

pārvatyuvāca |
mātastaptuṃ gamiṣyāmi prātaḥ prāptuṃ maheśvaram |
anujānīhi māṃ gaṃtuṃ tapase'dya tapovanam || 17 ||
[Analyze grammar]

|| brahmovāca |
ityākarṇya vacaḥ putryā menā duḥkha mupāgatā |
sopāhūya tadā putrīmuvāca vikalā satī || 18 ||
[Analyze grammar]

menovāca |
duḥkhitāsi śive putrī tapastaptuṃ purā yadi |
tapaścara gṛhe'dya tvaṃ na bahirgaccha pārvati || 19 ||
[Analyze grammar]

kutra yāsi tapaḥ kartuṃ devāssaṃti gṛhe mama |
tīrthāni ca samastāni kṣetrāṇi vividhāni ca || 20 ||
[Analyze grammar]

kartavyo na haṭhaḥ putri gaṃtavyaṃ na bahiḥ kvacit |
sādhitaṃ kiṃ tvayā pūrvaṃ punaḥ kiṃ sādhayiṣyasi || 21 ||
[Analyze grammar]

śarīraṃ komalaṃ vatse tapastu kaṭhinaṃ mahat |
evasmāttu tvayā kāryaṃ tapo'tra na bahirvraja || 22 ||
[Analyze grammar]

strīṇāṃ tapovanagatirna śrutā kāmanārthinī |
tasmāttvaṃ putri mā kārṣīstaporthaṃ gamanaṃ prati || 23 ||
[Analyze grammar]

|| brahmovāca |
ityevaṃ bahudhā putrī tanmātrā vinavāritā |
saṃvede na sukhaṃ kiṃcidvinārādhya maheśvaram || 24 ||
[Analyze grammar]

taponiṣiddhā tapase vanaṃ gaṃtuṃ ca menayā |
hetunā tena someti nāma prāpa śivā tadā || 25 ||
[Analyze grammar]

atha tāṃ dukhitāṃ jñātvā menā śailapriyā śivām |
nideśaṃ sā dadau tasyāḥ pārvatyāstapase mune || 26 ||
[Analyze grammar]

māturājñāṃ ca saṃprāpya suvratā munisattama |
tataḥ svāṃte sukhaṃ lebhe pārvatī smṛtaśaṃkarā || 27 ||
[Analyze grammar]

mātaraṃ pitaraṃ sātha praṇipatya mudā śivā |
sakhībhyāṃ ca śivaṃ smṛtvā tapastaptuṃ samudgatā || 28 ||
[Analyze grammar]

hitvā matānyanekāni vastrāṇi vividhāni ca |
valkalāni dhṛtānyāśu mauṃjīṃ baddhvā tu śobhanām || 29 ||
[Analyze grammar]

hitvā hāraṃ tathā carmma mṛgasya paramaṃ dhṛtam |
jagāma tapase tatra gaṃgāvataraṇaṃ prati || 30 ||
[Analyze grammar]

śaṃbhunā kurvatā dhyānaṃ yatra dagdho manobhavaḥ |
gaṃgāvataraṇo nāma prastho himavatassa ca || 31 ||
[Analyze grammar]

haraśūnyo'tha dadṛśe sa prastho himabhūbhṛtaḥ |
kālyā tatretya bhostāta pārvatyā jagadambayā || 32 ||
[Analyze grammar]

yatra sthitvā purā śaṃbhustaptavāndustaraṃ tapaḥ |
tatra kṣaṇaṃ tu sā sthitvā babhūva virahārditā || 33 ||
[Analyze grammar]

hā hareti śivā tatra rudantī sā giressutā |
vilalāpātiduḥkhārtā cintāśokasamanvitā || 34 ||
[Analyze grammar]

tataścireṇa sā mohaṃ dhairyyā tsaṃstabhya pārvatī |
niyamāyā'bhavattatra dīkṣitā himavatsutā || 35 ||
[Analyze grammar]

tapaścakāra sā tatra śṛṃgitīrthe mahottame |
gaurīśikhara nāmāsīttattapaḥkaraṇāddhi tat || 36 ||
[Analyze grammar]

suṃdarāśca drumāstatra pavitrāśśivayā mune |
āropitāḥ parīkṣārthaṃ tapasaḥ phalabhāginaḥ || 37 ||
[Analyze grammar]

bhūbhiśuddhiṃ tataḥ kṛtvā vedīṃ nirmāya sundarī |
tathā tapassamārabdhaṃ munīnāmapi duṣkaram || 38 ||
[Analyze grammar]

vigṛhya manasā sarvāṇīṃdriyāṇi sahāśu sā |
samupasthānike tatra cakāra paramaṃ tapaḥ || 39 ||
[Analyze grammar]

grīṣme ca parito vahniṃ prajvalaṃtaṃ divāniśam |
kṛtvā tasthau ca tanmadhye satataṃ japatī manuma || 40 ||
[Analyze grammar]

satataṃ caiva varṣāsu sthaṃḍile susthirāsanā |
śilāpṛṣṭhe ca saṃsiktā babhūva jaladhārayā || 41 ||
[Analyze grammar]

śīte jalāṃtare śaśvattasthau sā bhaktitatparā |
anāhārātapattatra nīhāre niśāsu ca || 42 ||
[Analyze grammar]

evaṃ tapaḥ prakurvāṇā paṃcākṣarajape ratā |
dadhyau śivaṃ śivā tatra sarvakāmaphalapradam || 43 ||
[Analyze grammar]

svāropitācchubhānvṛkṣānsakhībhissiṃcatī mudā |
pratyahaṃ sāvakāśe sā tatrātithyamakalpayat || 44 ||
[Analyze grammar]

vātaścaiva tathā śītavṛṣṭiśca vividhā tathā |
dussaho'pi tathā gharmmastayā sehe sucittayā || 45 ||
[Analyze grammar]

duḥkhaṃ ca vividhaṃ tatra gaṇitaṃ na tayāgatam |
kevalaṃ mana ādhāya śive sāsītsthitā mune || 46 ||
[Analyze grammar]

prathamaṃ phalabhogena dvitīyaṃ parṇabhojanaiḥ |
tapaḥ prakurvatī devī kramānninye'mitāḥ samāḥ || 47 ||
[Analyze grammar]

tataḥ parṇānyapi śivā nirasya himavatsutā |
nirāhārābhavaddevī tapaścaraṇasaṃratā || 48 ||
[Analyze grammar]

āhāre tyaktaparṇābhūdyasmāddhimavataḥ sutaḥ |
tena devairaparṇeti kathitā nāmataḥ śivā || 49 ||
[Analyze grammar]

ekā pādasthitā sāsīcchivaṃ saṃsmṛtya pārvatī |
paṃcākṣaraṃ japaṃtī ca manuṃ tepe tapo mahat || 50 ||
[Analyze grammar]

cīravalkalasaṃvītā jaṭāsaṃghātadhāriṇī |
śivaciṃtanasaṃsaktā jigāya tapasā munīm || 51 ||
[Analyze grammar]

evaṃ tasyāstapasyantyā ciṃtayaṃtyā maheśvaram |
trīṇi varṣa sahasrāṇi jagmuḥ kālyāstapovane || 52 ||
[Analyze grammar]

ṣaṣṭivarṣasahasrāṇi yatra tepe tapo haraḥ |
tatra kṣaṇamathoṣitvā ciṃtayāmāsa sā śivā || 53 ||
[Analyze grammar]

niyamasthāṃ mahādeva kiṃ māṃ jānāsi nādhunā |
yenāhaṃ suciraṃ tena nānuyātā tavoratā || 54 ||
[Analyze grammar]

loke vede ca giriśo munibhirgīyate sadā |
śaṃkarasya hi sarvajñassarvātmā sarvadarśanaḥ || 55 ||
[Analyze grammar]

sarvabhūtiprado devassarvabhāvānubhāvanaḥ |
bhaktābhīṣṭaprado nityaṃ sarvakleśanivāraṇaḥ || 56 ||
[Analyze grammar]

sarvakāmānparityajya yadi cāhaṃ vṛṣadhvaje |
anuraktā tadā sotra saṃprasīdatu śaṃkaraḥ || 57 ||
[Analyze grammar]

yadi nārada tatroktamaṃtro japtaśśarākṣaraḥ |
subhaktyā vidhinā nityaṃ saṃprasīdatu śaṃkaraḥ || 58 ||
[Analyze grammar]

yadi bhaktyā śivasyāhaṃ nirvikārā yathoditam |
sarveśvarasya cātyaṃtaṃ saṃprasīdatu śaṃkaraḥ || 59 ||
[Analyze grammar]

evaṃ ciṃtayatī nityaṃ tepe sā suciraṃ tapaḥ |
adhomukhī nirvikārā jaṭāvalkaladhāriṇī || 60 ||
[Analyze grammar]

tathā tayā tapastaptaṃ munīnāmapi duṣkaram |
smṛtvā ca puruṣāstatra paramaṃ vismayaṃ gatāḥ || 61 ||
[Analyze grammar]

tattapodarśanārthaṃ hi samājagmuśca te'khilāḥ |
dhanyānnijānmanyamānā jagaduśceti sammatāḥ || 62 ||
[Analyze grammar]

mahatāṃ dharmmavṛddheṣu gamanaṃ śreya ucyate |
pramāṇaṃ tapaso nāsti mānyo dharmmassadā budhaiḥ || 63 ||
[Analyze grammar]

śrutvā dṛṣṭvā tapo'syāstu kimanyaiḥ kriyate tapaḥ |
asmāttapo'dhikaṃ loke na bhūtaṃ na bhaviṣyati || 64 ||
[Analyze grammar]

jalpaṃta iti te sarve supraśasya śivātapaḥ |
jagmuḥ svaṃ dhāma muditāḥ kaṭhināṃgāśca ye hyapi || 65 ||
[Analyze grammar]

anyacchṛṇu maharṣe tvaṃ prabhāvaṃ tapaso'dhunā |
pārvatyā jagadambāyāḥ parāścaryyakaraṃ mahat || 66 ||
[Analyze grammar]

tadāśramagatā ye ca svabhāvena virodhinaḥ |
tepyāsaṃstatprabhāveṇa virodharahi tāstadā || 67 ||
[Analyze grammar]

siṃhā gāvaśca satataṃ rāgādidoṣasaṃyutāḥ |
tanmahimnā ca te tatra nābādhaṃta parasparam || 68 ||
[Analyze grammar]

athānye ca muniśreṣṭha mārjjārā mūṣakādayaḥ |
nisargādvairiṇo yatra vikriyaṃte sma na kvacit || 69 ||
[Analyze grammar]

vṛkṣāśca saphalāstatra tṛṇāni vividhāni ca |
puṣpāṇi ca vicitrāṇi tatrāsanmunisattama || 70 ||
[Analyze grammar]

tadvanaṃ ca tadā sarvaṃ kailāsenopamānvitam |
jātaṃ ca tapastasyāssiddhirūpamabhūttadā || 71 ||
[Analyze grammar]

iti śrīśivamahāpurāṇe dvitīyāyāṃ rudrasaṃ tṛtīye pārvatī pārvatītapova nāma dvāviṃśo'dhyāyaḥ || 22 ||
[Analyze grammar]