Chapter 14

[English text for this chapter is available]

|| nārada uvāca |
viṣṇuśiṣya mahāśaiva samyaguktaṃ tvayā vidhe |
caritaṃ paramaṃ hyetacchivāyāśca śivasya ca || 1 ||
[Analyze grammar]

kastārakāsuro brahmanyena devāḥ prapīḍitāḥ |
kasya putrasya vai brūhi tatkathāṃ ca śivāśrayām || 2 ||
[Analyze grammar]

bhasmī cakāra sa kathaṃ śaṃkaraśca smaraṃ vaśī |
tadapi brūhi suprītyādbhutaṃ taccaritaṃ vibhoḥ || 3 ||
[Analyze grammar]

kathaṃ śivā tapo'tyugraṃ cakāra sukhahetave |
kathaṃ prāpa patiṃ śaṃbhumādiśaktirjagatparā || 4 ||
[Analyze grammar]

etatsarvamaśeṣeṇa viśeṣeṇa mahābudha |
brūhi me śraddadhānāya svaputrāya śivātmane || 5 ||
[Analyze grammar]

brahmovāca || putravarya mahāprājña surarṣe śaṃsitavrataḥ |
vacmyahaṃ śaṃkaraṃ smṛtvā sarvaṃ taccaritaṃ śṛṇu || 6 ||
[Analyze grammar]

prathamaṃ tārakasyaiva bhavaṃ saṃśṛṇu nārada |
yadvadhārthaṃ mahā yatnaḥ kṛto daivaiśśivāśrayaiḥ || 7 ||
[Analyze grammar]

mama putro marīciryaḥ kaśyapastasya cātmajaḥ |
trayodaśamitāstasya striyo dakṣasutāśca yāḥ || 8 ||
[Analyze grammar]

ditirjyeṣṭhā ca tatstrī hi suṣuve sā sutadvayam |
hiraṇyakaśipurjyeṣṭho hiraṇyākṣo'nujastataḥ || 9 ||
[Analyze grammar]

tau hatau viṣṇunā daityau nṛsiṃhakroḍarūpataḥ |
suduḥkhadau tato devāḥ sukhamāpuśca nirbhayāḥ || 10 ||
[Analyze grammar]

ditiśca duḥkhitāsītsā kaśyapaṃ śaraṇaṃ gatā |
punassaṃsevya taṃ bhaktyā garbhamādhatta suvratā || 11 ||
[Analyze grammar]

tadvijñāya maheṃdro'pi labdhacchidro mahodyamī |
tadgarbhaṃ vyacchinattatra praviśya pavinā muhuḥ || 12 ||
[Analyze grammar]

tadvratasya prabhāveṇa na tadgarbho mamāra ha |
svapaṃtyā daivayogena sapta saptābhavansutāḥ || 13 ||
[Analyze grammar]

devā āsansutāste ca nāmato maruto'khilāḥ |
svargaṃ yayustadendreṇa devarājātmasātkṛtāḥ || 14 ||
[Analyze grammar]

punarditiḥ patiṃ bheje'nutaptā nijakarmataḥ |
cakāra suprasannaṃ taṃ muniṃ paramasevayā ' || 15 ||
[Analyze grammar]

|| kaśyapa uvāca |
tapaḥ kuru śucirbhūtvā brahmaṇaścāyutaṃ samāḥ |
cedbhaviṣyati tatpūrvaṃ bhavitā te sutastadā || 16 ||
[Analyze grammar]

tathā dityā kṛtaṃ pūrṇaṃ tattapaśśraddhayā mune |
tataḥ patyuḥ prāpya garbhaṃ suṣuve tādṛśaṃ sutam || 17 ||
[Analyze grammar]

vajāṃganāmā so'bhūdvai ditiputro'maropamaḥ |
nāmatulyatanurvīrassupratāpyudbhavādbalī || 18 ||
[Analyze grammar]

jananīśāsanātsadyassa suto nirjarādhipam |
balāddhṛtvā dadau daṃḍaṃ vividhaṃ nirjarānapi || 19 ||
[Analyze grammar]

ditissukhamatīvāpa dṛṣṭvā śakrādidurdaśām |
amarā api śakrādyā jagmurduḥkhaṃ svakarmataḥ || 20 ||
[Analyze grammar]

tadāhaṃ kaśyapenāśu tatrāgatya susāmagīḥ |
devānatyājayaṃstasmātsadā devahite rataḥ || 21 ||
[Analyze grammar]

devānmuktvā sa vajrāṃgastataḥ provāca sādaram |
śivabhakto'tiśuddhātmā nirvikāraḥ prasannadhīḥ || 22 ||
[Analyze grammar]

|| vajrāṃga uvāca |
iṃdro duṣṭaḥ prajāghātī māturme svārthasādhakaḥ |
sa phalaṃ prāptavānadya svarājyaṃ hi karotu saḥ || 23 ||
[Analyze grammar]

māturājñāvaśādbrahmankṛtametanmayākhilam |
na me bhogābhilāṣo vai kasyaci dbhuvanasya hi || 24 ||
[Analyze grammar]

tattvasāraṃ vidhe sūta mahyaṃ vedavidāmvara |
yena syāṃ susukhī nityaṃ nirvikāraḥ prasannadhīḥ || 25 ||
[Analyze grammar]

tacchrutvāhaṃ mune'vocaṃ sāttviko bhāva ucyata |
tattvasāra iti prītyā sṛjāmyekāṃ varāṃ striyam || 26 ||
[Analyze grammar]

varāṃgīṃ nāma tāṃ dattvā tasmai ditisutāya vai |
ayāṃ svadhāma suprītaḥ kaśyapastatpitāpi ca || 27 ||
[Analyze grammar]

tato daityasya vajrāṃgassātvikaṃ bhāvamāśritaḥ |
āsuraṃ bhāvamutsṛjya nirvairassukhamāptavān || 28 ||
[Analyze grammar]

na babhūva varāṃgyā hi hṛdi bhāvotha sātvikaḥ |
sakāmā svapatiṃ bheje śraddhayā vividhaṃ satī || 29 ||
[Analyze grammar]

atha tatsevanādāśu saṃtuṣṭo'bhūnmahāprabhuḥ |
sa vajrāṃgaḥ patistasyā uvāca vacanaṃ tadā || 30 ||
[Analyze grammar]

vajrāṃga uvāca |
kimicchasi priye brūhi kiṃ te manasi vartate |
tacchutvānamya taṃ prāha sā patiṃ svamanoratham || 31 ||
[Analyze grammar]

varāṃgyuvāca |
cet prasanno'bhavastvaṃ vai sutaṃ me dehi satpate |
mahābalaṃ trilokasya jetāraṃ hariduḥkhadam || 32 ||
[Analyze grammar]

brahmovāca |
iti śrutvā priyāvākyaṃ vismito'bhūtsa ākulaḥ |
uvāca hṛdi sa jñānī sātviko vairavarjitaḥ || 33 ||
[Analyze grammar]

priyecchati virodhaṃ vai surairme na hi rocate |
kiṃ kuryāṃ hi kva gaccheyaṃ kathaṃ naśye na me paṇaḥ || 34 ||
[Analyze grammar]

priyāmanorathaścaiva pūrṇassyāttrijagadbhavet |
kleśayuṅnitarā bhūyo devāśca munayastathā || 35 ||
[Analyze grammar]

na pūrṇassyātpriyākāmastadā me narako bhavet |
dvidhāpi dharmahānirvai bhavatītyanuśuśruvān || 36 ||
[Analyze grammar]

vajrāṃga itthaṃ babhrāma sa mune dharmasaṃkaṭe |
balābalaṃ dvayostatra viciciṃta ca buddhitaḥ || 37 ||
[Analyze grammar]

śivecchayā sa hi mune vākyaṃ mene striyo budhaḥ |
tathāstviti vacaḥ prāha priyāṃ prati sa daityarāṭ || 38 ||
[Analyze grammar]

tadarthamakarottīvraṃ taponyadduṣkaraṃ sa tu |
māṃ samuddiśya suprītyā bahuvarṣaṃ jiteṃdriyaḥ || 39 ||
[Analyze grammar]

varaṃ dātumagāṃ tasmai dṛṣṭvāhaṃ tattapo mahat |
varaṃ brūhi hyavocaṃ taṃ suprasannena cetasā || 40 ||
[Analyze grammar]

vajrāṃgastu tadā prītaṃ māṃ dṛṣṭvā sthitaṃ vibhum |
supraṇamya bahustutvā varaṃ vavre priyāhitam || 41 ||
[Analyze grammar]

vajrāṃga uvāca |
sutaṃ dehi svamāturme mahāhitakaraṃ prabho |
mahābalaṃ supratāpaṃ susamarthaṃ taponidhim || 42 ||
[Analyze grammar]

brahmovāca |
ityākarṇya ca tadvākyaṃ tathāstvityabravaṃ mune |
ayā svadhāma taddattvā vimanāssasmaracchivam || 43 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe tārakotpattau vajrāṃgotpattitapovarṇanaṃ nāma caturdaśo'dhyāyaḥ || 14 ||
[Analyze grammar]