Chapter 12

[English text for this chapter is available]

|| brahmovāca |
atha śailapatirhṛṣṭaḥ satpuṣpaphalasaṃcayam |
samādāya svatanayāsahito'gāddharāṃtikam || 1 ||
[Analyze grammar]

sa gatvā trijagannāthaṃ praṇamya dhyānatatparam |
arthayāmāsa tanayāṃ kālīṃ tasmai hṛdādbhutām || 2 ||
[Analyze grammar]

phalapuṣpādikaṃ sarvaṃ tattadagre nidhāya saḥ |
agre kṛtvā sutāṃ śambhumidamāha ca śailarāṭ || 3 ||
[Analyze grammar]

himagiriruvāca |
bhagavaṃstanayā me tvāṃ sevituṃ candraśekharam |
samutsukā samānītā tvadārādhanakāṃkṣayā || 4 ||
[Analyze grammar]

sakhībhyāṃ saha nityaṃ tvāṃ sevatāmeva śaṃkaram |
anujānīhi tāṃ nātha mayi te yadyanugrahaḥ || 5 ||
[Analyze grammar]

brahmovāca |
atha tāṃ śaṃkaro'paśyatprathamārūḍhayauvanām |
phullendīvarapatrābhā pūrṇacandranibhānanām || 6 ||
[Analyze grammar]

samastalīlāsaṃsthānaśubhaveṣavijṛmbhikām |
kambugrīvāṃ viśālākṣīṃ cārukarṇayugojjvalām || 7 ||
[Analyze grammar]

mṛṇālāyataparyyantabāhuyugmamanoharām |
rājīvakuḍmalaprakhyau ghanapīnaudṛḍhaustanau || 8 ||
[Analyze grammar]

bibhratīṃ kṣīṇamadhyāṃ ca trivalīmadhyarājitām |
sthalapadmapratīkāśapādayugmavirājitām || 9 ||
[Analyze grammar]

dhyānapaṃjaranirbaddhamunimānasamapyalam |
darśanādbhraṃśane śaktāṃ yoṣidgaṇaśiromaṇim || 10 ||
[Analyze grammar]

dṛṣṭvā tāṃ tādṛśīṃ tāta dhyānināṃ ca manoharām |
vigrahe tantramantrāṇāṃ varddhinīṃ kāmarūpiṇīm || 11 ||
[Analyze grammar]

nyamīlayadṛśau śīghraṃ dadhyau svaṃ rūpamuttamam |
paratattvaṃ mahāyogī triguṇātparamavyayam || 12 ||
[Analyze grammar]

dṛṣṭvā tadānīṃ sakaleśvaraṃ vibhuṃ tapojuṣāṇaṃ vinimīlitekṣaṇam |
kapardinaṃ candrakalāvibhūṣaṇaṃ vedāntavedyaṃ paramāsane sthitam || 33 ||
[Analyze grammar]

vavanda śīrṣṇā ca punarhimācalaḥ sa saṃśayaṃ prāpadadīnasattvaḥ |
uvāca vākyaṃ jagadekabandhuṃ girīśvaro vākyavidāṃ variṣṭhaḥ || 14 ||
[Analyze grammar]

himācala uvāca |
devadeva mahādeva karuṇākara śaṃkara |
paśya māṃ śaraṇamprāptamunmīlya nayane vibho || 15 ||
[Analyze grammar]

śiva śarva maheśāna jagadānandakṛtprabho |
tvāṃ nato'haṃ mahādeva sarvāpadvinivartakam || 16 ||
[Analyze grammar]

na tvāṃ jānaṃti deveśa vedāśśāstrāṇi kṛtsnaśaḥ |
atīto mahimādhvānaṃ tava vāṅmanasoḥ sadā || 17 ||
[Analyze grammar]

atadvyāvṛttitastvāṃ vai cakitaṃ cakitaṃ sadā |
abhidhatte śrutiḥ sarvā pareṣāṃ kā kathā matā || 18 ||
[Analyze grammar]

jānaṃti bahavo bhaktāstvatkṛpāṃ prāpya bhaktitaḥ |
śaraṇāgata bhaktānāṃ na kutrāpi bhramādikam || 19 ||
[Analyze grammar]

vijñaptiṃ śṛṇu matprītyā svadāsasya mamādhunā |
tava devājñayā tāta dīnatvādvarṇayāmi hi || 20 ||
[Analyze grammar]

sabhāgyohaṃ mahādeva prasādāttava śaṃkara |
matvā svadāsaṃ māṃ nātha kṛpāṃ kuru namo'stu te || 21 ||
[Analyze grammar]

pratyahaṃ cāgamiṣyāmi darśanārthaṃ tava prabho |
anayā sutayā svāminnideśaṃ dātumarhasi || 22 ||
[Analyze grammar]

brahmovāca |
ityākarṇya vacastasyonmīlya netre maheśvaraḥ |
tyaktadhyānaḥ parāmṛśya devadevo'bravīdvacaḥ || 23 ||
[Analyze grammar]

|| maheśvara uvāca |
āgaṃtavyaṃ tvayā nityaṃ darśanārthaṃ mamācala |
kumārīṃ sadane sthāpya nānyathā mama darśanam || 24 ||
[Analyze grammar]

|| brahmovāca |
maheśavacanaṃ śrutvā śivātātastathāvidham |
acalaḥ pratyuvācedaṃ giriśaṃ natakamadharaḥ || 25 ||
[Analyze grammar]

himācala uvāca |
kasmānmayānayā sārddhaṃ nāgaṃtavyaṃ taducyatām |
sevane kimayogyeyaṃ nāhaṃ vedmyatra kāraṇam || 26 ||
[Analyze grammar]

brahmovāca |
tato'bravīdgiriṃ śaṃbhuḥ prahasanvṛṣabhadhvajaḥ |
lokācāraṃ viśeṣeṇa darśayanhi kuyoginām || 27 ||
[Analyze grammar]

śaṃbhuruvāca |
iyaṃ kumārī suśroṇī tanvī candrānanā śubhā |
nānetavyā matsamīpe vārayāmi punaḥ punaḥ || 28 ||
[Analyze grammar]

māyārūpā smṛtā nārī vidvadbhirvedapāragaiḥ |
yuvatī tu viśeṣeṇa vighnakartrī tapasvinām || 29 ||
[Analyze grammar]

ahaṃ tapasvī yogī ca nirlipto māyayā sadā |
prayojanaṃ na yuktyā vai striyā kiṃ mesti bhūdhara || 30 ||
[Analyze grammar]

evaṃ punarna vaktavyaṃ tapasvivarasaṃśrita |
vedadharmapravīṇastvaṃ yato jñānivaro budhaḥ || 31 ||
[Analyze grammar]

bhavatyacala tatsaṃgādviṣayotpattirāśu vai |
vinaśyati ca vairāgyaṃ tato bhraśyati sattapaḥ || 32 ||
[Analyze grammar]

atastapasvinā śaila na kāryā strīṣu saṃgatiḥ |
mahāviṣayamūlaṃ sā jñānavairāgyanāśinī || 33 ||
[Analyze grammar]

|| brahmovāca |
ityādyuktvā bahutaraṃ mahāyogī maheśvaraḥ || |
virarāma girīśaṃ taṃ mahāyogivaraḥ prabhuḥ || 34 ||
[Analyze grammar]

etacchrutvā vacanaṃ tasya śaṃbhornirāmayaṃ niḥspṛhaṃ niṣṭhuraṃ ca |
kālītātaścakito'bhūtsurarṣe tadvatkiṃcidvyākulaścāsa tūṣṇīm || 35 ||
[Analyze grammar]

tapasvinoktaṃ vacanaṃ niśamya tathā girīśaṃ cakitaṃ vicāryya |
ataḥ praṇamyaiva śivaṃ bhavānī jagāda vākyaṃ viśadantadānīm || 36 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe śivahimācalasamvādavarṇanaṃ nāma dvādaśo'dhyāyaḥ || 12 ||
[Analyze grammar]