Chapter 11

[English text for this chapter is available]

brahmovāca |
varddhamānā gireḥ putrī sā śakti lokapūjitā |
aṣṭavarṣā yadā jātā himālayagṛhe satī || 1 ||
[Analyze grammar]

tajjanma giriśo jñātvā satīvirahakātaraḥ |
kṛtvā tāmadbhutāmantarmumodātīva nārada || 2 ||
[Analyze grammar]

tasminnevāntare śambhurlaukikīṃ gatimāśritaḥ |
samādhātuṃ manassamyaktapaḥ karttuṃ samaicchata || 3 ||
[Analyze grammar]

kāṃścidgaṇavarāñchāntānnaṃdyādīnavagṛhya ca |
gaṅgāvatāramagamaddhimavatprasthamuttamam || 4 ||
[Analyze grammar]

yatra gaṃgā nipatitā purā brahmapurātsrutā |
sarvāghaughavināśāya pāvanī paramā mune || 5 ||
[Analyze grammar]

tapaḥprārambhamakarotsthitvā tatra vaśī haraḥ |
ekāgraṃ ciṃtayāmāsa svamātmānamatandritaḥ || 6 ||
[Analyze grammar]

ceto jñānabhavaṃ nityaṃ jyotīrūpaṃ nirāmayam |
jaganmayaṃ cidānandaṃ dvaitahīnaṃ nirāśrayam || 7 ||
[Analyze grammar]

hare dhyānapare tisminpramathā dhyānatatparāḥ |
abhavankecidapare nandibhṛṃgyādayo gaṇāḥ || 6 ||
[Analyze grammar]

sevāṃ cakrustadā kecidgaṇāḥ śambhoḥ parātmanaḥ |
naivākūjaṃstu maunā hi dvarapāḥ kecanābhavan || 9 ||
[Analyze grammar]

etasminnantare tatra jagāma himabhūdharaḥ |
śaṅkarasyauṣadhiprasthaṃ śrutvāgamanamādarāt || 10 ||
[Analyze grammar]

praṇanāma prabhuṃ rudraṃ sagaṇo bhūdhareśvaraḥ |
samānarca ca suprītastuṣṭāva sa kṛtāñjaliḥ || 11 ||
[Analyze grammar]

himālaya uvāca |
devadeva mahādeva kapardicchaṃkara prabho |
tvayaiva lokanāthena pālitaṃ bhuvanatrayam || 12 ||
[Analyze grammar]

namaste devadeveśa yogirūpadharāya ca |
nirguṇāya namastubhyaṃ saguṇāya vihāriṇe || 13 ||
[Analyze grammar]

kailāsavāsine śambho sarvalokāṭanāya ca |
namaste parameśāya līlākārāya śūline || 14 ||
[Analyze grammar]

paripūrṇaguṇādhānavikārarahitāyate |
namo'nīhāya vīhāya dhīrāya paramātmane || 15 ||
[Analyze grammar]

abahirbhogakārāya janavatsalate namaḥ |
triguṇādhīśa māyeśa brahmaṇe paramātmane || 16 ||
[Analyze grammar]

viṣṇubrahmādisevyāya viṣṇubrahmasvarūpiṇe |
viṣṇubrahmakadātre te bhaktapriya namo'stu te || 17 ||
[Analyze grammar]

taporata tapasthānasutapaḥ phaladāyine |
tapaḥpriyāya śāntāya namaste brahmarūpiṇe || 18 ||
[Analyze grammar]

vyavahārakarāyaiva lokācārakarāya te |
saguṇāya pareśāya namostu paramātmane || 19 ||
[Analyze grammar]

līlā tava maheśānāvedyā sādhusukhapradā |
bhaktādhīnasvarūpo'si bhaktavaśyo hi karmakṛt || 20 ||
[Analyze grammar]

mama bhāgyodayādatra tvamāgata iha prabho |
sanātha kṛtavānmāṃ tvaṃ varṇito dānavatsalaḥ || 21 ||
[Analyze grammar]

adya me saphalaṃ janma saphalaṃ jīvanaṃ mama |
adya me saphalaṃ sarvaṃ yadatra tvaṃ samāgataḥ || 22 ||
[Analyze grammar]

jñātvā māṃ dāsamavyagramājñāndehi maheśvara |
tvatsevāṃ ca mahāprītyā kuryāmahamananyadhīḥ || 23 ||
[Analyze grammar]

brahmovāca |
ityākarṇya vacastasya girīśasya maheśvaraḥ |
kiṃcidunmīlya netre ca dadarśa sagaṇaṃ girim || 24 ||
[Analyze grammar]

sagaṇaṃ tantathā dṛṣṭvā girirājaṃ vṛṣadhvajaḥ |
uvāca dhyānayogasthaḥ smayanniva jagatpatiḥ || 25 ||
[Analyze grammar]

maheśvara uvāca |
tava pṛṣṭhe tapastaptuṃ rahasyamahamāgataḥ |
yathā na kopi nikaṭaṃ samāyātu tathā kuru || 26 ||
[Analyze grammar]

tvaṃ mahātmā tapodhāmā munīnāṃ ca sadāśrayaḥ |
devānāṃ rākṣasānāṃ ca pareṣāṃ ca mahātmanām || 27 ||
[Analyze grammar]

sadā vāso dvijādīnāṃ gaṃgāpūtaśca nityadā |
paropakārī sarveṣāṃ girīṇāmadhipaḥ prabhuḥ || 28 ||
[Analyze grammar]

ahaṃ tapaścarāmyatra gaṃgāvataraṇe sthale |
āśritastava suprīto girirāja yatātmavān || 29 ||
[Analyze grammar]

nirvighnaṃ me tapaścātra hetunā yena śailapa |
sarvathā hi giriśreṣṭha suyatnaṃ kuru sāmpratam || 30 ||
[Analyze grammar]

mamedameva paramaṃ sevanaṃ parvatottama |
svagṛhaṃ gaccha satprītyā tatsaṃpādaya yatnataḥ || 31 ||
[Analyze grammar]

|| brahmovāca |
ityuktvā jagatāṃ nāthastūṣṇīmāsa sa sūtikṛt |
girirājastadā śambhuṃ praṇayādidamabravīt || 32 ||
[Analyze grammar]

|| himālaya uvāca |
pūjito'si jagannātha mayā tvamparameśvara |
svāgatenādya viṣaye sthitaṃ tvāmprārthayāmi kim || 33 ||
[Analyze grammar]

mahatā tapasā tvaṃ hi devairyatnaparāśritaiḥ |
na prāpyase maheśāna sa tvaṃ svayamupasthitaḥ || 34 ||
[Analyze grammar]

mattopyanyatamo nāsti na matto'nyo'sti puṇyavān |
bhavāniti ca matpṛṣṭhe tapase samupasthitaḥ || 35 ||
[Analyze grammar]

devendrādadhikammanye svātmānamparameśvara |
sagaṇena tvayāgatya kṛto'nugrahabhāgaham || 36 ||
[Analyze grammar]

nirvighnaṃ kuru deveśa svatantraḥ paramantapaḥ |
kariṣye'hantathā sevāṃ dāso'hante sadā prabho || 37 ||
[Analyze grammar]

brahmovāca |
ityuktvā girirājo'sau svaṃ veśma drutamāgataḥ |
vṛttāṃttaṃ taṃ samācakhyau priyāyai ca samādarāt || 38 ||
[Analyze grammar]

nīyamānānparīvārānsvagaṇānapi nārada |
samāhūyākhilāñchailapatiḥ provāca tattvataḥ || 39 ||
[Analyze grammar]

himālaya uvāca |
adya prabhṛti no yātu kopi gaṃgāvatāraṇam |
macchāsanena matprasthaṃ satyametadbravīmyaham || 40 ||
[Analyze grammar]

gamiṣyati janaḥ kaścittatra cettaṃ mahākhalam |
daṇḍayiṣye viśeṣeṇa satyametanmayoditam || 41 ||
[Analyze grammar]

iti tānsa niyamyāśu svagaṇānnikhilānmune |
suyatnaṃ kṛtavāñchailastaṃ śṛṇu tvaṃ vadāmi te || 42 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāntṛtīye pārvatīkhaṇḍe śivaśailasamāgamavarṇanaṃ nāmaikādaśo'dhyāyaḥ || 11 ||
[Analyze grammar]