Chapter 9

[English text for this chapter is available]

nārada uvāca |
vidhe tāta tvayā śaivavara prājñādbhutā kathā |
varṇitā karuṇāṃ kṛtvā prītirme varddhitādhikam || 1 ||
[Analyze grammar]

vidhe gate svakaṃ dhāma mayi vai divyadarśage |
tataḥ kimabhavattāta kṛpayā tadvadādhunā || 2 ||
[Analyze grammar]

|| brahmovāca |
gate tvayi mune svarge kiyatkāle gate sati |
menā prāpyekadā śailanikaṭaṃ praṇanāma sā || 3 ||
[Analyze grammar]

sthitvā savinayamprāha svanāthaṃ girikāminī |
tatra śailādhināthaṃ sā prāṇapriyasutā satī || 4 ||
[Analyze grammar]

menovāca |
munivākyaṃ na buddhaṃ me samyaṅ nārīsvabhāvataḥ |
vivāhaṃ kuru kanyāyāssundareṇa vareṇa ha || 5 ||
[Analyze grammar]

sarvathā hi bhavettatrodvāho'pūrvasukhāvahaḥ |
varaśca girijāyāstu sulakṣaṇakulodbhavaḥ || 6 ||
[Analyze grammar]

prāṇapriyā sutā me hi sukhitā syādyathā priya |
sadvaraṃ prāpya suprītā tathā kuru namo'stu te || 7 ||
[Analyze grammar]

brahmovāca |
ityuktāśrumukhī menā patyaṃghryoḥ patitā tadā |
tāmutthāpya giriḥ prāha yathāvatprajñasattamaḥ || 8 ||
[Analyze grammar]

himālaya uvāca |
śṛṇu tvaṃ menake devi yathārthaṃ vacmi tattvataḥ |
bhramaṃ tyaja munervākyaṃ vitathaṃ na kadācana || 9 ||
[Analyze grammar]

yadi snehaḥ sutāyāste sutāṃ śikṣaya sādaram |
tapaḥ kuryācchaṃkarasya sā bhaktyā sthiracetasā || 10 ||
[Analyze grammar]

cetprasannaḥ śivaḥ kālyāḥ pāṇiṃ gṛhṇāti menake |
sarvaṃ bhūyācchubhaṃ naśyennāradoktamamaṃgalam || 11 ||
[Analyze grammar]

amaṃgalāni sarvāṇi maṃgalāni sadāśive |
tasmātsutāṃ śivaprāptyai tapase śikṣaya drutam || 12 ||
[Analyze grammar]

|| brahmovāca |
ityākarṇya girervākyaṃ menā prītatarā'bhavat |
sutopakaṃṭhamagamadupadeṣṭuṃ tadorucim || 13 ||
[Analyze grammar]

sutāṅgaṃ sukumāraṃ hi dṛṣṭvātīvātha menakā |
vivyathe netrayugme cāśrupūrṇe'bhavatāṃ drutam || 14 ||
[Analyze grammar]

sutāṃ samupadeṣṭuṃ tanna śaśāka giripriyā |
bubudhe pārvatī tadvai jananīṅgitamāśu sā || 15 ||
[Analyze grammar]

atha sā kālikā devī sarvajñā parameśvarī |
uvāca jananīṃ sadyaḥ samāśvāsya punaḥ punaḥ || 15 ||
[Analyze grammar]

pārvatyuvāca |
mātaśśṛṇu mahāprājñe'dyatane 'jamuhūrtake |
rātrau dṛṣṭo mayā svapnastaṃ vadāmi kṛpāṃ kuru || 17 ||
[Analyze grammar]

vipraścaiva tapasvī māṃ sadayaḥ prītipūrvakam |
upādideśa sutapaḥ kartuṃ mātaśśivasya vai || 18 ||
[Analyze grammar]

brahmovāca |
tacchrutvā menakā śīghraṃ patimāhūya tatra ca |
tatsvapnaṃ kathayāmāsa sutā dṛṣṭamaśeṣataḥ || 19 ||
[Analyze grammar]

sutāsvapnamathākarṇya menakāto girīśvaraḥ |
uvāca paramaprītaḥ priyāṃ sambodhayangirā || 20 ||
[Analyze grammar]

|| girīśvara uvāca |
he priye'pararātrānte svapno dṛṣṭo mayāpi hi |
taṃ śṛṇu tvaṃ mahāprītyā vacmyahaṃ taṃ samādarāt || 21 ||
[Analyze grammar]

ekastapasvī paramo nāradoktavarāṃ gadhṛk |
puropakaṃṭhaṃ suprītyā tapaḥ kartuṃ samāgataḥ || 22 ||
[Analyze grammar]

gṛhītvā svasutāṃ tatrāgamaṃ prītataropyaham |
mayā jñātassa vai śambhurnārado ktavaraḥ prabhuḥ || 23 ||
[Analyze grammar]

sevārthaṃ tasya tanayāmupadiśya tapasvinaḥ || taṃ |
 vai prārthitavāṃstasyāṃ na tadāṃgīcakāra saḥ || 24 ||
[Analyze grammar]

abhūdvivādastumahānsāṃkhyavedāntasaṃmataḥ |
tatastadājñayā tatra saṃsthitāsītsutā mama || 25 ||
[Analyze grammar]

nidhāya hṛdi taṃ kāmaṃ siṣeve bhaktitaśca sā |
iti dṛṣṭaṃ mayā svapnaṃ proktavāṃste varānane || 26 ||
[Analyze grammar]

tato mene kiyatkālaṃ parīkṣyaṃ tatphalaṃ priye |
yogyamastīdameveha budhyasva tvaṃ mama dhruvam || 27 ||
[Analyze grammar]

|| brahmovāca |
ityuktvā girirājaśca menakā vai munīśvara |
santasthatuḥ parīkṣantīṃ tatphalaṃ śuddhacetasau || 28 ||
[Analyze grammar]

itthamvyatīte'lpadine parameśaḥ satāṃ gatiḥ |
satīvirahasuvyagro bhramansarvatra sūtikṛt || 29 ||
[Analyze grammar]

tatrājagāma suprītyā kiyadguṇayutaḥ prabhuḥ |
tapaḥ kartuṃ satīpremavirahākulamānasaḥ || 30 ||
[Analyze grammar]

tapaścakāra svaṃ tatra pārvatī sevane ratā |
sakhībhyāṃ sahitā nityaṃ prasannārthamabhūttadā || 31 ||
[Analyze grammar]

viddho''pi mārgaṇaiśśambhurvikṛtiṃ nāpa sa prabhuḥ |
preṣitena suraissvātmamohanārthaṃ smareṇa vai || 32 ||
[Analyze grammar]

dagdhvā smaraṃ ca tatraiva svavahninayanena saḥ |
smṛtvā mama vacaḥ kruddho mahyamantardadhe tataḥ || 33 ||
[Analyze grammar]

tataḥ kālena kiyatā vināśya girijāmadam |
prasāditassutapasā prasanno'bhūnmaheśvaraḥ || 34 ||
[Analyze grammar]

laukikācāramāśritya rudro viṣṇuprasāditaḥ |
kālīṃ vivāhayāmāsa tato'bhūdbahumaṃgalam || 35 ||
[Analyze grammar]

ityetatkathitaṃ tāta samāsāccaritaṃ vibhoḥ |
śaṃkarasya paraṃ divyaṃ kiṃ bhūyaḥ śrotumi cchasi || 36 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe svapnavarṇṇanapū0 saṃkṣepaśivacaritavarṇanaṃ nāma navamo'dhyāyaḥ || 9 ||
[Analyze grammar]