Shiva Purana [sanskrit]

223,192 words | ISBN-10: 8171101519

The Shiva-purana Book 2.3 Chapter 2 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

nārada uvāca |
vidhe prājña vadedānīṃ menotpattiṃ samādarāt |
api śāpaṃ samācakṣva kuru saṃdehabhaṃjanam || 1 ||
[Analyze grammar]

brahmovāca |
śṛṇu nārada suprītyā menotpattiṃ vivekataḥ |
munibhiḥ saha vakṣyehaṃ sutavaryya mahābudha || 2 ||
[Analyze grammar]

dakṣanāmā mama suto yaḥ purā kathito mune |
tasya jātāḥ sutāḥ ṣaṣṭipramitāssṛṣṭikāraṇāḥ || 3 ||
[Analyze grammar]

tāsāṃ vivāhamakarotsa varaiḥ kaśyapādibhiḥ |
viditaṃ te samastaṃ tatprastutaṃ śṛṇu nārada || 4 ||
[Analyze grammar]

tāsāṃ madhye svadhānāmnīṃ pitṛbhyo dattavānsutām |
tisrobhavansutāstasyāssubhagā dharmamūrtayaḥ || 5 ||
[Analyze grammar]

tāsāṃ nāmāni śṛṇu me pāvanāni munīśvara |
sadā vighnaharāṇyeva mahāmaṃgaladāni ca || 6 ||
[Analyze grammar]

menānāmnī sutā jyeṣṭhā madhyā dhanyā kalāvatī |
antyā etāssutāssarvāḥ pitṝṇāmmānasodbhavāḥ || 7 ||
[Analyze grammar]

ayonijāḥ svadhāyāśca lokatastatsutā matāḥ|| |
āsāmprocya sunāmāni sarvānkāmāñjano labhet || 8 ||
[Analyze grammar]

jagadvaṃdyāḥ sadā lokamātaraḥ paramodadāḥ |
yoginyaḥ paramā jñānanidhānāstāstrilokagāḥ || 9 ||
[Analyze grammar]

ekasminsamaye tisro bhaginyastā munīśvara |
śvetadvīpaṃ viṣṇulokaṃ jagmurdarśanahetave || 10 ||
[Analyze grammar]

kṛtvā praṇāmaṃ viṣṇośca saṃstutiṃ bhaktisaṃyutāḥ |
tasthustadājñayā tatra susamājo mahānabhūt || 11 ||
[Analyze grammar]

tadaiva sanakādyāstu siddhā brahmasutā mune |
gatāstatra hariṃ natvā stutvā tasthustadājñayā || 12 ||
[Analyze grammar]

sanakādyānmunīndṛṣṭvottasthuste sakalā drutam |
tatrasthānsaṃsthitānnatvā devādyāṃllokavanditān || 13 ||
[Analyze grammar]

tisro bhaginyastāṃstatra nottasthurmohitā mune |
māyayā daivavivaśāśśaṅkarasya parātmanaḥ || 14 ||
[Analyze grammar]

mohinī sarva lokānāṃ śivamāyā garīyasī |
tadadhīnaṃ jagatsarvaṃ śivecchā sā prakīrtyate || 15 ||
[Analyze grammar]

prārabdhaṃ procyate saiva tannāmāni hyanekaśaḥ |
śivecchayā bhavatyeva nātra kāryā vicāraṇā || 16 ||
[Analyze grammar]

bhūtvā tadvaśagāstā vai na cakrurapi tannatim |
vismitāssampradṛśyaiva saṃsthitāstatra kevalam || 17 ||
[Analyze grammar]

tādṛśīṃ tadgatiṃ dṛṣṭvā sanakādyā munīśvarāḥ |
jñānino'pi paraṃ cakruḥ krodhaṃ durviṣahaṃ ca te || 18 ||
[Analyze grammar]

śivecchāmohitastatra sakrodhastā uvāca ha |
sanatkumāro yogīśaśśāpandaṇḍakaraṃ dadan || 19 ||
[Analyze grammar]

sanatkumāra uvāca |
yūyaṃ tisro bhaginyaśca mūḍhāḥ sadvayunojjhitāḥ |
ajñātaśrutitattvā hi pitṛkanyā api dhruvam || 20 ||
[Analyze grammar]

abhyutthānaṃ kṛtaṃ no yannamaskāropi garvataḥ |
mohitā narabhāvatvātsvargāddūrā bhavantu hi || 21 ||
[Analyze grammar]

narastriyaḥ sambhavantu tisro'pi jñānamohitāḥ |
svakarmaṇaḥ prabhaṇāve labhadhvaṃ phalamīdṛśam || 22 ||
[Analyze grammar]

|| brahmovāca |
ityākarṇya ca sādhvastāstisro'pi cakitā bhṛśam |
patitvā pādayostasya samūcūrnatamastakāḥ || 23 ||
[Analyze grammar]

pitṛtanayā ūcuḥ |
munivaryya dayāsindho prasanno bhava cādhunā |
tvatpraṇāmaṃ vayaṃ mūḍhāḥ kurmahe sma na bhāvataḥ || 24 ||
[Analyze grammar]

prāptaṃ ca tatphalaṃ vipra na te doṣo mahāmune |
anugrahaṃ kuruṣvātra labhema svargatimpunaḥ || 25 ||
[Analyze grammar]

brahmovāca |
śrutvā tadvacanaṃ tāta provāca sa munistadā |
śāpoddhāraṃ prasannātmā preritaḥ śivamāyayā || 26 ||
[Analyze grammar]

sanatkumāra uvāca |
pitṝṇāṃ tanayāstisraḥ śṛṇuta prītamānasāḥ |
vacanaṃ mama śokaghnaṃ sukhadaṃ sarvadaiva vaḥ || 27 ||
[Analyze grammar]

viṣṇoraṃśasya śailasya himādhārasya kāminī |
jyeṣṭhā bhavatu tatkanyā bhaviṣyatyeva pārvatī || 28 ||
[Analyze grammar]

dhanyā priyā dvitīyā tu yoginī janakasya ca |
tasyāḥ kanyā mahālakṣmīrnāmnā sītā bhaviṣyati || 29 ||
[Analyze grammar]

vṛṣabhānasya vaiśyasya kaniṣṭhā ca kalāvatī || |
bhaviṣyati priyā rādhā tatsutā dvāparāntataḥ || 30 ||
[Analyze grammar]

menakā yoginī patyā pārvatyāśca vareṇa ca |
tena dehena kailāsaṃ gamiṣyati parampadam || 31 ||
[Analyze grammar]

dhanyā ca sītayā sīradhvajo janakavaṃśajaḥ |
jīvanmukto mahāyogī vaikuṇṭhaṃ ca gamiṣyati || 32 ||
[Analyze grammar]

kalāvatī vṛṣabhānasya kautukātkanyayā saha |
jīvanmuktā ca golokaṃ gamiṣyati na saṃśayaḥ || 33 ||
[Analyze grammar]

vinā vipattiṃ mahimā keṣāṃ kutra bhaviṣyati |
sukarmiṇāṃ gate duḥkhe prabhaveddurlabhaṃ sukham || 34 ||
[Analyze grammar]

yūyaṃ pitṝṇāṃ tanayāssarvāssvargavilāsikāḥ |
karmakṣayaśca yuṣmākamabhavadviṣṇudarśanāt || 35 ||
[Analyze grammar]

ityuktvā punarapyāha gatakrodho munīśvaraḥ |
śivaṃ saṃsmṛtya manasā jñānadaṃ bhuktimuktidam || 36 ||
[Analyze grammar]

aparaṃ śṛṇuta prītyā madvacassukhadaṃ sadā |
dhanyā yūyaṃ śivaprītā mānyāḥ pūjyā hyabhīkṣṇaśaḥ || 37 ||
[Analyze grammar]

menāyāstanayā devī pārvatī jagadambikā |
bhaviṣyati priyā śambhostapaḥ kṛtvā sudussaham || 38 ||
[Analyze grammar]

dhanyā sutā smṛtā sītā rāmapatnī bhaviṣyati |
laukikācāramāśritya rāmeṇa vihariṣyati || 39 ||
[Analyze grammar]

kalāvatīsutā rādhā sākṣādgolokavāsinī |
guptasnehanibaddhā sā kṛṣṇapatnī bhaviṣyati || 40 ||
[Analyze grammar]

brahmovāca || itthamābhāṣya sa munirbhrātṛbhissaha saṃstutaḥ |
sanatkumāro bhagavāṃstatraivāntarhito'bhavat || 41 ||
[Analyze grammar]

tisro bhaginyastāstāta pitṝṇāṃ mānasīḥ sutāḥ |
gatapāpāssukhaṃ prāpya svadhāma prayayurdrutam || 42 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṃḍe pūrvagativarṇanaṃ nāma dvitīyo'dhyāyaḥ || 2 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Shiva Purana Chapter 2

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: