Shiva Purana [sanskrit]

223,192 words | ISBN-10: 8171101519

The Shiva-purana Book 2.2 Chapter 43 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

brahmovāca |
iti stuto rameśena mayā caiva surarṣibhiḥ |
tathānyaiśca mahādevaḥ prasannassaṃbabhūva ha || 1 ||
[Analyze grammar]

atha śaṃbhuḥ kṛpā dṛṣṭyā sarvān ṛṣisurādikān |
brahmaviṣṇū samādhāya dakṣametaduvāca ha || 2 ||
[Analyze grammar]

mahādeva uvāca |
śṛṇu dakṣa pravakṣyāmi prasannosmi prajāpate |
bhaktādhīnaḥ sadāhaṃ vai svataṃtropyakhileśvaraḥ || 3 ||
[Analyze grammar]

caturvidhā bhajaṃte māṃ janāḥ sukṛtinassadā |
uttarottarataḥ śreṣṭhāsteṣāṃ dakṣaprajāpate || 4 ||
[Analyze grammar]

ārto jijñāsurarthārthī jñānī caiva caturthakaḥ |
pūrve trayaśca sāmānyāścaturtho hi viśiṣyate || 5 ||
[Analyze grammar]

tatra jñānī priyatara mamarūpañca sa smṛtaḥ |
tasmātpriyataro nānyaḥ satyaṃ satyaṃ vadāmyaham || 6 ||
[Analyze grammar]

jñānagamyohamātmajño vedāṃtaśrutipāragaiḥ |
vinā jñānena māṃ prāptuṃ yatante cālpabuddhayaḥ || 7 ||
[Analyze grammar]

na vedaiśca na yajñaiśca na dānaistapasā kvacit |
na śaknuvaṃti māṃ prāptuṃ mūḍhāḥ karmavaśā narā || 8 ||
[Analyze grammar]

kevalaṃ karmmaṇā tvaṃ sma saṃsāraṃ tartumicchasi |
ata evābhavaṃ ruṣṭo yajñavidhvaṃsakārakaḥ || 9 ||
[Analyze grammar]

itaḥ prabhṛti bho dakṣa matvā māṃ parameśvaram |
buddhyā jñānaparo bhūtvā kuru karma samāhitaḥ || 10 ||
[Analyze grammar]

anyacca śṛṇu sadbuddhyā vacanaṃ me prajāpate |
vacmi guhyaṃ dharmahetoḥ saguṇatvepyahaṃ tava || 11 ||
[Analyze grammar]

ahaṃ brahmā ca viṣṇuśca jagataḥ kāraṇaṃ param |
ātmeśvara upadraṣṭā svayaṃdṛgaviśeṣaṇaḥ || 12 ||
[Analyze grammar]

ātmamāyāṃ samāviśya sohaṃ guṇamayīṃ mune |
sṛjanrakṣanharanviśvaṃ dadhe saṃjñāḥ kriyocitāḥ || 13 ||
[Analyze grammar]

advitīye pare tasmin brahmaṇyātmani kevale |
ajñaḥ paśyati bhedena bhūtāni brahmaceśvaram || 14 ||
[Analyze grammar]

śiraḥ karādisvāṃgeṣu kurute na yathā pumān |
pārakyaśemuṣīṃ kvāpi bhūteṣvevaṃ hi matparaḥ || 15 ||
[Analyze grammar]

sarvabhūtātmanāmekabhāvanāṃ yo na paśyati |
trisurāṇāṃ bhidāṃ dakṣa sa śāṃtimadhigacchati || 16 ||
[Analyze grammar]

yaḥ karoti trideveṣu bhedabuddhiṃ narādhamaḥ |
narake sa vasennūnaṃ yāvadācandratārakam || 17 ||
[Analyze grammar]

matparaḥ pūjayeddevān sarvānapi vicakṣaṇaḥ |
sa jñānaṃ labhate yena muktirbhavati śāśvatī || 18 ||
[Analyze grammar]

vidhibhaktiṃ vinā naiva bhaktirbhavati vaiṣṇavī |
viṣṇubhaktiṃ vinā me na bhaktiḥ kvāpi prajāyate || 19 ||
[Analyze grammar]

ityuktvā śaṃkarassvāmī sarveṣāṃ parameśvaraḥ |
sarveṣāṃ śṛṇvatāṃ tatrovāca vāṇīṃ kṛpākaraḥ || 20 ||
[Analyze grammar]

haribhakto hi māṃ nindettathā śaivobhave dyadi |
tayoḥ śāpā bhaveyuste tattvaprāptirbhavenna hi || 21 ||
[Analyze grammar]

|| brahmovāca |
ityākarṇya maheśasya vacanaṃ sukhakārakam |
jahṛṣussakalāstatra suramunyādayo mune || 22 ||
[Analyze grammar]

dakṣobhavanmahāprītyā śivabhaktiratastadā |
sakuṭumbassurādyāste śivaṃ matvākhileśvaram || 23 ||
[Analyze grammar]

yathā yena kṛtā śaṃbhoḥ saṃstutiḥ paramātmanaḥ |
tathā tasmai varo dattaśśaṃbhunā tuṣṭacetasā || 24 ||
[Analyze grammar]

jñaptaḥ śivenāśu dakṣaḥ śivabhaktaḥ prasannadhīḥ |
yajñaṃ cakāra saṃpūrṇaṃ śivānugrahato mune || 25 ||
[Analyze grammar]

dadau bhāgānsurebhyo hi pūrṇabhāgaṃ śivāya saḥ |
dānaṃ dadau dvijebhyaśca prāptaḥ śaṃbhoranugrahaḥ || 26 ||
[Analyze grammar]

atho devasya sumahattatkarma vidhipūrvakam |
dakṣaḥ samāpya vidhivatsahartvigbhiḥ prajāpatiḥ || 27 ||
[Analyze grammar]

evaṃ dakṣamakhaḥ pūrṇobhavattatra munīśvaraḥ |
śaṃkarasya prasādena parabrahmasvarūpiṇaḥ || 28 ||
[Analyze grammar]

atha devarṣayassarve śaṃsaṃtaśśāṃkaraṃ yaśaḥ |
svadhāmāni yayustu ṣṭāḥ parepi sukhatastadā || 29 ||
[Analyze grammar]

ahaṃ viṣṇuśca suprītāvapi svaṃsvaṃ paraṃ mudā |
gāyantau suyaśaśśaṃbhoḥ sarvamaṃgaladaṃ sadā || 30 ||
[Analyze grammar]

dakṣa saṃmānitaḥ prītyā mahādevopi sadgatiḥ |
kailāsaṃ sa yayau śailaṃ suprītassagaṇo nijam || 31 ||
[Analyze grammar]

āgatya svagiriṃ śaṃbhussasmāra svapriyāṃ satīm |
gaṇebhyaḥ kathayāmāsa pradhānebhyaśca tatkathām || 32 ||
[Analyze grammar]

kālaṃ nināya vijñānī bahu taccaritaṃ vadan |
laukikīṃ gatimāśritya darśayan kāmitāṃ prabhuḥ || 33 ||
[Analyze grammar]

nānītikārakaḥ svāmī parabrahma satāṃ gatiḥ |
tasya mohaḥ kva vā śokaḥ kva vikāraḥ paro mune || 34 ||
[Analyze grammar]

ahaṃ viṣṇuśca jānīvastadbhedaṃ na kadācana |
kepare munayo devā manuṣādyāśca yoginaḥ || 35 ||
[Analyze grammar]

mahimā śāṃkaronaṃto durvijñeyo manīṣibhiḥ |
bhaktajñātaśca sadbhaktyā tatprasādādvinā śramam || 36 ||
[Analyze grammar]

ekopi na vikāro hi śivasya paramātmanaḥ |
saṃdarśayati lokebhyaḥ kṛtvā tāṃ tādṛśīṃ gatim || 37 ||
[Analyze grammar]

yatpaṭhitvā ca saṃśrutya sarvalokasudhīrmune |
labhate sadgatiṃ dibyāmihāpi sukhamuttamam || 38 ||
[Analyze grammar]

itthaṃ dākṣāyaṇī hitvā nijadehaṃ satī punaḥ |
jajñe himavataḥ patnyāṃ menāyāmiti viśrutam || 39 ||
[Analyze grammar]

punaḥ kṛtvā tapastatra śivaṃ vavre patiṃ ca sā |
gaurī bhūtvārddhavāmāṃgī līlāścakredbhutāśśivā || 40 ||
[Analyze grammar]

itthaṃ satīcaritraṃ te varṇitaṃ paramādbhutam |
bhuktimuktipradaṃ divyaṃ sarvakāmapradāyakam || 41 ||
[Analyze grammar]

idamākhyānamanaghaṃ pavitraṃ parapāvanam |
svargyaṃ yaśasyamāyuṣyaṃ putrapautraphalapradam || 42 ||
[Analyze grammar]

ya idaṃ śṛṇuyādbhaktyā śrāvayedbhaktimānnarān |
sarvakarmā labhettāta paratra paramāṃ gatim || 43 ||
[Analyze grammar]

yaḥ paṭhetpāṭhayedvāpi samākhyānamidaṃ śubham |
sopi bhuktvākhilān bhogānaṃte mokṣamavāpnuyāt || 44 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṃḍe dakṣaya jñānusaṃdhānavarṇanaṃ nāma tricatvāriṃśo'dhyāyaḥ || 43 ||
[Analyze grammar]

|| śrīḥ |
samāptoyaṃ rudrasaṃhitāntargatasatīkhaṇḍo dvitīyaḥ || 2 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Shiva Purana Chapter 43

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: