Shiva Purana [sanskrit]

223,192 words | ISBN-10: 8171101519

The Shiva-purana Book 2.2 Chapter 41 (Sanskrit text), including grammatical analysis, glossary and relevant print editions. The Shivapurana is a one of the eighteen Major Puranas detailing religious worship of Shiva, also known as Shaivism. The book contains 24,000 verses although it is said to be an abridged form and originally consisted of 100,000 verses.

[English text for this chapter is available]

viṣṇvādaya ūcuḥ |
devadeva mahādeva laukikācārakṛtprabho |
brahma tvāmīśvaraṃ śaṃbhuṃ jānīmaḥ kṛpayā tava || 1 ||
[Analyze grammar]

kiṃ mohayasi nastāta māyayā parayā tava |
durjñeyayā sadā puṃsāṃ mohinyā parameśvara || 2 ||
[Analyze grammar]

prakṛtaḥ puruṣasyāpi jagato yonibījayoḥ |
parabrahma parastvaṃ ca manovācāmagocaraḥ || 3 ||
[Analyze grammar]

tvameva viśvaṃ sṛjasi pāsyatsi nijataṃtrataḥ |
svarūpāṃ śivaśaktiṃ hi krīḍannūrṇapaṭo yathā || 4 ||
[Analyze grammar]

tvameva kratumīśāna sasarjitha dayāparaḥ |
dakṣeṇa sūtreṇa vibho sadā trayyabhipattaye || 5 ||
[Analyze grammar]

tvayaiva lokevasitāssetavo yān dhṛtavratāḥ |
śuddhān śraddadhate viprā vedamārgavicakṣaṇāḥ || 6 ||
[Analyze grammar]

kartustvaṃ maṃgalānāṃ hi svaparaṃ tu mukhe vibho |
amaṃgalānāṃ ca hitaṃ miśraṃ vātha viparyayam || 7 ||
[Analyze grammar]

sarvakarmaphalānāṃ hi sadā dātā tvameva hi |
sarve hi proktā hi yaśastatpatistvaṃ śrutiśrutaḥ || 8 ||
[Analyze grammar]

pṛthagdhiyaḥ karmadṛśo'ruṃtudāśca durāśayāḥ |
vitudaṃti parānmūḍhā duruktairmatsarānvitāḥ || 9 ||
[Analyze grammar]

teṣāṃ daivavadhānāṃ bho bhūyāttvacca vadho vibho |
bhagavanparameśāna kṛpāṃ kuru paraprabho || 10 ||
[Analyze grammar]

namo rudrāya śāṃtāya brahmaṇe paramātmane |
kapardine maheśāya jyotsnāya mahate namaḥ || 11 ||
[Analyze grammar]

tvaṃ hi viśvasṛjāṃ sraṣṭā dhātā tvaṃ prapitāmahaḥ |
triguṇātmā nirguṇaśca prakṛteḥ puruṣātparaḥ || 12 ||
[Analyze grammar]

namaste nīlakaṃṭhāya vedhase paramātmane |
viśvāya viśvabījāya jagadānaṃdahetave || 13 ||
[Analyze grammar]

oṃkārastvaṃ vaṣaṭkārassarvāraṃbhapravartakaḥ |
haṃtakāssvadhākāro havyakavyānnabhuk sadā || 14 ||
[Analyze grammar]

kṛtaḥ kathaṃ yajñabhaṃgastvayā dharmaparāyaṇa |
brahmaṇyastvaṃ mahādeva kathaṃ yajñahano vibho || 15 ||
[Analyze grammar]

brāhmaṇānāṃ gavāṃ caiva dharmasya pratipālakaḥ |
śaraṇyosi sadānaṃtyaḥ sarveṣāṃ prāṇināṃ prabho || 16 ||
[Analyze grammar]

namaste bhagavan rudra bhāskarāmitatejase |
namo bhavāya devāya rasāyāṃbumayāya te || 17 ||
[Analyze grammar]

śarvāya kṣitirūpāya sadā surabhiṇe namaḥ |
rudrāyāgnisvarūpāya mahātejasvine namaḥ || 18 ||
[Analyze grammar]

īśāya vāyave tubhyaṃ saṃsparśāya namonamaḥ |
paśūnāṃpataye tubhyaṃ yajamānāya vedhase || 19 ||
[Analyze grammar]

bhīmāya vyomarūpāya śabdamātrāya te namaḥ |
mahādevāya somāya pravṛttāya namostu te || 20 ||
[Analyze grammar]

ugrāya sūryarūpāya namaste karmayogine |
namaste kālakālāya namaste rudra manyave || 21 ||
[Analyze grammar]

namaśśivāya bhīmāya śaṃkarāya śivāya te |
ugrosi sarva bhūtānāṃ niyaṃtā yacchivosi naḥ || 22 ||
[Analyze grammar]

mayaskarāya viśvāya brahmaṇe hyārtināśine |
ambikāpataye tubhyamumāyāḥ pataye namaḥ || 23 ||
[Analyze grammar]

śarvāya sarvarūpāya puruṣāya parātmane |
sadasadvyaktihīnāya mahataḥ kāraṇāya te || 24 ||
[Analyze grammar]

jātāya bahudhā loke prabhūtāya namonamaḥ |
nīlāya nīlarudrāya kadrudrāya pracetase || 25 ||
[Analyze grammar]

mīḍhuṣṭamāya devāya śipiviṣṭāya te namaḥ |
mahīyase namastubhyaṃ haṃtre devāriṇāṃ sadā || 26 ||
[Analyze grammar]

tārāya ca sutārāya taruṇāya sutejase |
harikeśāya devāya maheśāya namonamaḥ || 27 ||
[Analyze grammar]

devānāṃ śaṃbhave tubhyaṃ vibhave paramātmane |
paramāya namastubhyaṃ kālakaṃṭhāya te namaḥ || 28 ||
[Analyze grammar]

hiraṇyāya pareśāya hiraṇyavapuṣe namaḥ |
bhīmāya bhīmarūpāya bhīmakarmaratāya ca || 29 ||
[Analyze grammar]

bhasmadigdhaśarīrāya rudrākṣābharaṇāya ca |
namo hrasvāya dīrghāya vāmanāya namostu te || 30 ||
[Analyze grammar]

dūrevadhāya te devā grevadhāya namonamaḥ |
dhanvine śūline tubhyaṃ gadine haline namaḥ || 31 ||
[Analyze grammar]

nānāyudhadharāyaiva daityadānavanāśine |
sadyāya sadyarūpāya sadyojātāya vai namaḥ || 32 ||
[Analyze grammar]

vāmāya vāmarūpāya vāmanetrāya te namaḥ |
aghorāya pareśāya vikaṭāya namonamaḥ || 33 ||
[Analyze grammar]

tatpuruṣāya nāthāya purāṇapuruṣāya ca |
puruṣārthapradānāya vratine parameṣṭhine || 34 ||
[Analyze grammar]

īśānāya namastubhyamīśvarāya namo namaḥ |
brahmaṇe brahmarūpāya namassākṣātparātmane || 35 ||
[Analyze grammar]

ugrosi sarvaduṣṭānāṃ niyaṃtāsi śivosi naḥ |
kālakūṭāśine tubhyaṃ devādyavana kāriṇe || 36 ||
[Analyze grammar]

vīrāya vīrabhadrāya rakṣadvīrāya śūline |
mahādevāya mahate paśūnāṃ pataye namaḥ || 37 ||
[Analyze grammar]

vīrātmane suvidyāya śrīkaṃṭhāya pinākine |
namonaṃtāya sūkṣmāya namaste mṛtyumanyave || 38 ||
[Analyze grammar]

parāya parameśāya parātparatarāya te |
parātparāya vibhave namaste viśvamūrtaye || 39 ||
[Analyze grammar]

namo viṣṇukalatrāya viṣṇukṣetrāya bhānave |
bhairavāya śaraṇyāya tryaṃbakāya vihāriṇe || 40 ||
[Analyze grammar]

mṛtyuṃjayāya śokāya triguṇāya guṇātmane |
candrasūryāgninetrāya sarvakāraṇasetave || 41 ||
[Analyze grammar]

bhavatā hi jagatsarvaṃ vyāptaṃ svenaiva tejasā |
parabrahma nirvikārī cidānaṃdaḥprakāśavān || 42 ||
[Analyze grammar]

brahmaviṣṇviṃdracandrādipramukhāssakalāssurāḥ |
munayaścāpare tvattassaṃprasūtā maheśvara || 43 ||
[Analyze grammar]

yato bibharṣi sakalaṃ vibhajya tanumaṣṭadhā |
aṣṭamūrtiritīśaśca tvamādyaḥ karuṇāmayaḥ || 44 ||
[Analyze grammar]

tvadbhayādvāti vātoyaṃ dahatyagnirbhayāttava |
sūryastapati te bhītyā mṛtyurdhāvati sarvataḥ || 45 ||
[Analyze grammar]

dayāsindho maheśāna prasīda parameśvara |
rakṣa rakṣa sadaivāsmān yasmānnaṣṭān vicetasaḥ || 46 ||
[Analyze grammar]

rakṣitāḥ satataṃ nātha tvayaiva karuṇānidhe |
nānāpadbhyo vayaṃ śaṃbho tathaivādya prapāhi naḥ || 47 ||
[Analyze grammar]

yajñasyoddharaṇaṃ nātha kuru śīghraṃ prasādakṛt |
asamāptasya durgeśa dakṣasya ca prajāpateḥ || 48 ||
[Analyze grammar]

bhagokṣiṇī prapadyeta yajamānaśca jīvatu |
pūṣṇo daṃtāśca rohaṃtu bhṛgoḥ śmaśrūṇi pūrvavat || 49 ||
[Analyze grammar]

bhavatānugrahītānāṃ devādīnāṃśca sarvaśaḥ |
ārogyaṃ bhagnagātrāṇāṃ śaṃkara tvāyudhāśmabhiḥ || 50 ||
[Analyze grammar]

pūrṇabhāgostu te nāthāvaśiṣṭe'dhvarakarmaṇi |
rudrabhāgena yajñaste kalpito nānyathā kvacit || 51 ||
[Analyze grammar]

ityuktvā saprajeśaśca rameśaśca kṛtāṃjaliḥ |
daṃḍavatpatito bhūmau kṣamāpayitumudyataḥ || 52 ||
[Analyze grammar]

iti śrīśiva mahāpurāṇe dvitīyāyāṃ rudrasaṃhitāyāṃ dvitīye satīkhaṃḍe devastutivarṇanaṃ nāmaikacatvāriṃśo'dhyāyaḥ || 41 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Shiva Purana Chapter 41

Cover of edition (2020)

Shri Shiva Maha Purana - Moolmatram
by Gita Press, Gorakhpur (2020)

[Mulamatra] Sanskrit Text Only

Buy now!
Cover of edition (2019)

The Siva Purana (Three Volumes)
by Shanti Lal Nagar (2019)

An Exhaustive Introduction, Sanskrit Text, English Translation with Photographs of Archaeological Evidence

Buy now!
Cover of edition (2019)

Shri Shiva Purana (Set of 2 Volumes)
by Gita Press, Gorakhpur (2019)

Sanskrit Text with Hindi Translation

Buy now!
Cover of Gujarati edition

Shiva Purana (Gujarati)
by Hanuman Prasad Poddar (2013)

[સંક્ષિપ્ત શિવપુરાણ] — Published by Gita Press, Gorakhpur (9788129301840)

Buy now!
Cover of edition (0)

Shiva Purana in Kannada
by Vandana Book House, Bangalore (0)

[ಶಿವಪುರಾಣ] Set of 9 Volumes

Buy now!
Cover of edition (2004)

Shiva Purana (Malayalam)
by Swami Advaitanandapuri (2004)

[ശിവ പുരണ] published by Aarshasri Publications & Co.

Buy now!
Cover of edition (2019)

Shiva Purana (Telugu)
by Hanuman Prasad Poddar (2019)

[శ్రీ శివమఃపురాణము] or [శ్రీ శివ మహా పురాణం]; Published by Gita Press, Gorakhpur.

Buy now!
Cover of Bengali edition

Shiva Purana (Bengali)
by Navabharat Publishers, Kolkata (0)

[শিব পুরান]

Buy now!
Cover of edition (2016)

Shiva Purana (Tamil)
by Gita Press, Gorakhpur (2016)

[ஸ்ரீசிவ மகாபுராணம்]

Buy now!
Like what you read? Consider supporting this website: