Chapter 26

[English text for this chapter is available]

brahmovāca |
purābhavacca sarveṣāmadhvaro vidhinā mahān |
prayāge samavetānāṃ munīnāṃ ca mahā tmanām || 1 ||
[Analyze grammar]

tatra siddhāssamāyātāssanakādyāssurarṣayaḥ |
saprajāpatayo devā jñānino brahmadarśinaḥ || 2 ||
[Analyze grammar]

ahaṃ samāgatastatra parivārasamanvitaḥ |
nigamairāgamairyukto mūrtimadbhirmahāprabhaiḥ || 3 ||
[Analyze grammar]

samājobhūdvicitro hi teṣāmutsavasaṃyuḥ |
jñānavādo'bhavattatra nānāśāstrasa mudbhavaḥ || 4 ||
[Analyze grammar]

tasminnavasare rudrassabhavānīgaṇaḥ prabhuḥ |
trilokahitakṛtsvāmī tatrāgātsūktikṛnmune || 5 ||
[Analyze grammar]

dṛṣṭvā śivaṃ surāssarve siddhāśca munayastathā |
anamaṃstaṃ prabhuṃ bhaktyā tuṣṭuvuśca tathā hyaham || 6 ||
[Analyze grammar]

tasthuśśivājñayā sarve yathāsthānaṃ mudānvitāḥ |
prabhudarśanasaṃtuṣṭāḥ varṇayanto nijaṃ vidhim || 7 ||
[Analyze grammar]

tasminnavasare dakṣaḥ prajāpatipatiḥ prabhuḥ |
āgamattatra suprītassuvarcasvī yadṛcchayā || 8 ||
[Analyze grammar]

māṃ praṇamya sa dakṣo hi nyuṣṭastatra madājñayā |
brahmāṇḍādhipatirmānyo mānī tattvabahirmukhaḥ || 9 ||
[Analyze grammar]

stutibhiḥ praṇipātaiśca dakṣassarvaissurarṣibhiḥ |
pūjito varatejasvī karau badhvā vinamrakaiḥ || 10 ||
[Analyze grammar]

nānāvihārakṛnnāthassvataṃtra paramotikṛt |
nānāmattaṃ tadā dakṣaṃ svāsanastho maheśvaraḥ || 11 ||
[Analyze grammar]

dṛṣṭā'nataṃ haraṃ tatra sa me putro'prasannadhīḥ |
akupatsahasā rudre tadā dakṣaḥ prajāpatiḥ || 12 ||
[Analyze grammar]

krūradṛṣṭyā mahāgarvo dṛṣṭvā rudraṃ mahāprabhum |
sarvānsaṃśrāvayannuccairavocajjñānavarjitaḥ || 13 ||
[Analyze grammar]

ete hi sarve ca surāsurā bhṛśaṃ namaṃti māṃ vipravarāstatharṣayaḥ |
kathaṃ hyasau durjanavanmahāmanāstvabhūttu yaḥ pretapiśācasaṃvṛtaḥ || 14 ||
[Analyze grammar]

śmaśānavāsī nirapatrapo hyayaṃ kathaṃ praṇāmaṃ na karoti me'dhunā |
luptakriyo bhūtapiśācasevito matto'vidho nītividūṣakassadā || 15 ||
[Analyze grammar]

pākhaṃḍino durjanapāpa śīlā dṛṣṭvā dvijaṃ proddhataniṃdakāśca |
vadhvāṃ sadāsaktaratipravīṇastasmādamuṃ śaptumahaṃ pravṛttaḥ || 16 ||
[Analyze grammar]

brahmovāca |
ityevamuktvā sa mahākhalastadā ruṣānvito rudramidaṃ hyavocat |
śṛṇvaṃtvamī vipravarāstathā surā vadhyaṃ hi me cārhatha kartumetam || 17 ||
[Analyze grammar]

dakṣa uvāca |
rudro hyayaṃ yajñabahiṣkṛto me varṇeṣvatītotha vivarṇarūpaḥ |
devairna bhāgaṃ labhatāṃ sahaiva śmaśānavāsī kulajanma hīnaḥ || 18 ||
[Analyze grammar]

|| brahmovāca |
iti dakṣoktamākarṇya bhṛgvādyā bahavo janāḥ |
agarhayan duṣṭasattvaṃ rudraṃ mattvāmaraissamam || 19 ||
[Analyze grammar]

nandī niśamya tadvākyaṃ lālākṣotiruṣānvitaḥ |
abravīttvaritaṃ dakṣaṃ śāpaṃ dātumanā gaṇaḥ || 20 ||
[Analyze grammar]

nandīśvara uvāca |
rere śaṭha mahā mūḍha dakṣa duṣṭamate tvayā |
yajñabāhyo hi me svāmī maheśo hi kṛtaḥ katham || 21 ||
[Analyze grammar]

yasya smaraṇamātreṇa bhavaṃti saphalā makhāḥ |
tīrthāni ca pavitrāṇi soyaṃ śapto haraḥ katham || 22 ||
[Analyze grammar]

vṛthā te brahmacāpalyācchaptoyaṃ dakṣa durmate |
vṛthopahasitaścaivāduṣṭo rudro mahā prabhuḥ || 23 ||
[Analyze grammar]

yenedaṃ pālyate viśvaṃ sṛṣṭamaṃte vināśitam |
śaptoyaṃ sa kathaṃ rudro maheśo brāhmaṇādhama || 24 ||
[Analyze grammar]

evaṃ nirbhatsitastena nandinā hi prajāpatiḥ |
nandinaṃ ca śaśāpātha dakṣo roṣasamanvitaḥ || 25 ||
[Analyze grammar]

dakṣa uvāca |
yūyaṃ sarve rudragaṇā vedabāhyā bhavaṃtu vai |
vedamārgaparityaktāstathā tyaktā maharṣibhiḥ || 26 ||
[Analyze grammar]

pākhaṃḍavādaniratāḥ śiṣṭācārabahiṣkṛtāḥ |
madirāpānaniratā jaṭā bhasmāsthidhāriṇaḥ || 27 ||
[Analyze grammar]

brahmovāca |
iti śaptāstathā tena dakṣeṇa śivakiṃkarāḥ |
tacchrutvātiruṣāviṣṭobhavannaṃdī śivapriyaḥ || 28 ||
[Analyze grammar]

pratyuvāca drutaṃ pakṣaṃ garvitaṃ taṃ mahākhalam |
śilādatanayo naṃdī tejasvī śivavallabhaḥ || 29 ||
[Analyze grammar]

nandīśvara uvāca |
re dakṣa śaṭha durbuddhe vṛthaiva śivakiṃkarāḥ |
śaptāste brahmacāpalyācchivatattvamajānatā || 30 ||
[Analyze grammar]

bhṛgvādyairduṣṭacittaiśca mūḍhaissa upahāsitaḥ |
mahā prabhurmaheśāno brāhmaṇatvādahaṃmate || 31 ||
[Analyze grammar]

ye rudravimukhāścātra brāhmaṇāstvādṛśāḥ khalāḥ |
rudratejaḥprabhāvatvātteṣāṃ śāpaṃ dadāmyaham || 32 ||
[Analyze grammar]

vedavādaratā yūyaṃ vedatattvabahirmukhāḥ |
bhavaṃtu satataṃ viprā nānyadastīti vādinaḥ || 33 ||
[Analyze grammar]

kāmātmānarssvargaparāḥ krodhalobhamadānvitāḥ |
bhavaṃtu satataṃ viprā bhikṣukā nirapatrapāḥ || 34 ||
[Analyze grammar]

vedamārgaṃ puraskṛtya brāhmaṇāśśūdrayājinaḥ |
daridrā vai bhaviṣyaṃti pratigraharatā ssadā || 35 ||
[Analyze grammar]

asatpratigrahāścaiva sarve nirayagāminaḥ |
bhaviṣyaṃti sadā dakṣa kecidvai brahmarākṣasāḥ || 36 ||
[Analyze grammar]

yaśśivaṃ surasāmānyamuddiśya parameśvaram |
druhyatyajo duṣṭamatistattvato vimukho bhavet || 37 ||
[Analyze grammar]

kūṭadharmeṣu geheṣu sadā grāmyasukhecchayā |
karmataṃtraṃ vitanutā vedavādaṃ ca śāśvatam || 38 ||
[Analyze grammar]

vinaṣṭānaṃdakamukho vismṛtātmagatiḥ paśuḥ |
bhraṣṭakarmānayasadā dakṣo bastamukho'cirāt || 39 ||
[Analyze grammar]

śaptāste kopinā tatra naṃdinā brāhmaṇā yadā |
hāhākāro mahānāsīcchapto dakṣeṇa ceśvaraḥ || 40 ||
[Analyze grammar]

tadākarṇyāmahatyaṃtamaniṃdaṃtaṃ muhurmuhuḥ |
bhṛgvādīnapi viprāṃśca vedasṛṭ śiva tattvavit || 41 ||
[Analyze grammar]

īśvaropi vacaḥ śrutvā naṃdinaḥ prahasanniva |
uvāca madhuraṃ vākyaṃ bodhayaṃstaṃ sadāśivaḥ || 42 ||
[Analyze grammar]

sadāśiva uvāca |
śṛṇu naṃdin mahāprājña na kartuṃ krodhamarhasi |
vṛthā śapto brahmakulo matvā śaptaṃ ca māṃ bhramāt || 43 ||
[Analyze grammar]

vedo maṃtrākṣaramayassākṣātsūktamayo bhṛśam |
sūkte pratiṣṭhito hyātmā sarveṣāmapi dehinām || 44 ||
[Analyze grammar]

tasmādātmavido nityaṃ tvaṃ mā śapa ruṣānvitaḥ |
śapyā na vedāḥ kenāpi durddhiyāpi kadācana || 45 ||
[Analyze grammar]

ahaṃ śapto na cedānīṃ tattvato boddhumarhasi |
śānto bhava mahādhīmansanakādivibodhakaḥ || 46 ||
[Analyze grammar]

yajñohaṃ yajñakarmāhaṃ yajñāṃgāni ca sarvaśaḥ |
yatātmā yajñanirato yajñabāhyohameva vai || 47 ||
[Analyze grammar]

koyaṃ kastvamime ke hi sarvohamapi tattvataḥ |
iti buddhyā hi vimṛśa vṛthā śaptāstvayā dvijāḥ || 48 ||
[Analyze grammar]

tattvajñānena nirhṛtya prapaṃcaracano bhava |
budhassvastho mahābuddhe nandin krodhādivarjitaḥ || 49 ||
[Analyze grammar]

|| brahmovāca |
evaṃ prabodhitastena śambhunā nandikeśvaraḥ |
vivekaparamo bhūtvā śāṃto'bhūtkrodhavarjitaḥ || 50 ||
[Analyze grammar]

śivopi taṃ prabodhyāśu svagaṇaṃ prāṇavallabham |
sagaṇassa yayau tasmātsvasthānaṃ pramudānvitaḥ || 51 ||
[Analyze grammar]

dakṣopi sa ruṣāviṣṭastairddhijaiḥ parivāritaḥ |
svasthānaṃ ca yayau citte śivadro haparāyaṇaḥ || 52 ||
[Analyze grammar]

rudraṃ tadānīṃ pariśapyamānaṃ saṃsmṛtya dakṣaḥ parayā ruṣānvitaḥ |
śraddhāṃ vihāyaiva sa mūḍhabuddhirniṃdāparobhūcchivapūjakānām || 53 ||
[Analyze grammar]

ityukto dakṣadurbuddhiśśaṃbhunā paramātmanā |
parāṃ durdhiṣaṇāṃ tasya śṛṇu tāta vadāmyaham || 54 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ dvitīyakhaṇḍe satyupākhyāne śivena dakṣavirodho nāma ṣaḍviṃśo'dhyāyaḥ || 26 ||
[Analyze grammar]