Chapter 21

[English text for this chapter is available]

|| nārada uvāca |
samīcīnaṃ vacastāta sarvajñasya tavā'nagha |
mahādbhutaṃ śrutaṃ no vai caritaṃ śivayośśubham || 1 ||
[Analyze grammar]

vivāhaśca śrutassamyak sarvamohāpahārakaḥ |
paramajñānasaṃpanno maṃgalālaya uttamaḥ || 2 ||
[Analyze grammar]

bhūya eva vivitsā me caritaṃ śivayośśubham |
tadvarṇaya mahāprājña kṛpāṃ kṛtvā'tulāmaram || 3 ||
[Analyze grammar]

|| brahmovāca |
samyakkāruṇikasyaiva mune te vicikitsitam |
yadahaṃ noditassaumya śivalīlānuvarṇane || 4 ||
[Analyze grammar]

vivāhya dakṣajāṃ devīṃ satīṃ trailokyamātaram |
gatvā svadhāma suprītyā yadakārṣīnnibodha me || 5 ||
[Analyze grammar]

tato harassa svagaṇassvasthānaṃ prāpya modanama |
devarṣe tatra vṛṣabhādavātaradatipriyāt || 6 ||
[Analyze grammar]

yathāyogyaṃ nijasthānaṃ praviśya sa satīsakhaḥ |
mumude'tīva devarṣe bhavācārakaraśśivaḥ || 7 ||
[Analyze grammar]

tato virūpākṣa imāṃ prāpya dākṣāyaṇīṃ gaṇān |
svīyāniryāpayāmāsa nadyādīn girikaṃdarāt || 8 ||
[Analyze grammar]

uvāca caitāstān sarvānnaṃdyādīnatisūnṛtam |
laukikīṃ rītimāśritya karuṇāsāgaraḥ prabhuḥ || 9 ||
[Analyze grammar]

maheśa uvāca |
yadāhaṃ ca smarāmyatra smaraṇādaramānasāḥ |
samāgamiṣyatha tadā matpārśvaṃ me gaṇā drutam || 10 ||
[Analyze grammar]

ityukte vāmadevena nadyādyāssvagaṇāśca te |
mahāvegā mahāvīrā nānāsthāneṣu saṃyayuḥ || 11 ||
[Analyze grammar]

īśvaropi tayā sārddhaṃ teṣu yāteṣu vibhramī |
dākṣāyaṇyā samaṃ reme rahasye mudito bhṛśam || 12 ||
[Analyze grammar]

kadācidvanya puṣpāṇi samāhṛtya manoharām |
mālāṃ vidhāya satyāstu hārasthāne sa yojayat || 3 ||
[Analyze grammar]

kadāciddarpaṇe caiva vīkṣatīmātmanassatīm |
anugamya haro vaktram svīyamapyavalokayata || 14 ||
[Analyze grammar]

kadācitkuṃḍalaṃ tasyā ullāsyollāsya saṃgataḥ |
badhnāti mocayatyeva sā svayaṃ mārjayatyapi || 15 ||
[Analyze grammar]

sarāgau caraṇāvasyāḥ pāvakenojjvalena ca |
nisargaraktau kurute pūrṇarāgau vṛṣadhvajaḥ || 16 ||
[Analyze grammar]

uccairapi yadākhyeyamanyeṣāṃ purato bahu |
tata karṇe kathayattyasyāharo draṣṭuṃ tadānanam || 17 ||
[Analyze grammar]

na dūramapi gantāsau samāgatya prayatnataḥ |
anubadhnāti nāmākṣī pṛṣṭhadeśenyamānasām || 18 ||
[Analyze grammar]

aṃtarhitastu tatraiva māyayā vṛṣabhadhvajaḥ |
tāmāliliṃga bhītyā svaṃ cakitā vyākulā'bhavat || 19 ||
[Analyze grammar]

sauvarṇapadmakalikātulye tasyā kucadvaye |
cakāra bhramarākāraṃ mṛganābhiviśeṣakam || 20 ||
[Analyze grammar]

hāramasyāḥ kucayugādviyojya sahasā haraḥ |
nyayojayacca tatraiva svakarasparśanaṃ muhuḥ || 21 ||
[Analyze grammar]

aṃgadānvalayānūrmānviśleṣya ca punaḥ punaḥ |
tatsthānātpunarevāsau tatsthāne pratyayojayat || 22 ||
[Analyze grammar]

kāliketi samāyāti savarṇā te sakhī tvimām |
yāsyatvasyāstathekṣaṃtyāḥ prottuṃgau sāhasaṃ kucau || 23 ||
[Analyze grammar]

kadācinmadanonmādacetanaḥ pramathādhipaḥ |
cakāra narma śarmāṇi tathākṛtpriyayā mudā || 24 ||
[Analyze grammar]

āhṛtya padmapuṣpāṇi ramyapuṣpāṇi śaṃkaraḥ |
sarvāṃgeṣu karoti sma puṣpābharaṇamādarāt || 25 ||
[Analyze grammar]

girikuṃjeṣu ramyeṣu satyā saha maheśvaraḥ |
vijahāra samasteṣu priyayā bhaktavatsalaḥ || 26 ||
[Analyze grammar]

tayā vinā sma no yāti nāsthito na sma ceṣṭate |
tayā vinā kṣamamapi śarma lebhe na śaṃkaraḥ || 27 ||
[Analyze grammar]

vihṛtya suciraṃ kālaṃ kailāsagirikuṃjare |
agamaddhimavatprasthaṃ sasmāra svecchayā smaran || 28 ||
[Analyze grammar]

tasminpraviṣṭe kāme tu vasaṃtaśśaṃkarāṃtike |
vitastāra nijaṃ bhāvaṃ hārdaṃ vijñāya yatprabho || 29 ||
[Analyze grammar]

sarve ca puṣpitā vṛkṣā latāścānyāśca puṣpitāḥ |
aṃbhāṃsi phullapadmāni padmāssabhramarāstathā || 30 ||
[Analyze grammar]

praviṣṭe tatra sadṛtau vavau sa malayo marut |
sugaṃdhigaṃdhapuṣpeṇa modakaśca sugaṃdhiyuk || 31 ||
[Analyze grammar]

saṃdhyārdracandrasaṃkāśāḥ palāśāśca virejire |
kāmāstravatsumanasaḥ pramodātpādapādharaḥ || 32 ||
[Analyze grammar]

babhuḥ paṃkajapuṣpāṇi sarassu saṃkalāñjanān |
saṃmohayitumudyuktā sumukhī vāyudevatā || 33 ||
[Analyze grammar]

nāgakeśaravṛkṣāśca svarṇavarṇaiḥ prasūnakaiḥ |
babhurmadanaketvābhā manojñāśśaṃkarāṃtike || 34 ||
[Analyze grammar]

lavaṃgavallīsurabhigaṃdhenodvāsya mārutam |
mohayāmāsa cetāṃsi bhṛśaṃ kāmijane purā || 35 ||
[Analyze grammar]

cāru pāvakacarcitsu susvarāścūtaśālinaḥ |
babhurmadanabāṇaughaparyaṃkamadanāvṛtāḥ || 36 ||
[Analyze grammar]

aṃbhāṃsi malahīnāni rejuḥ phullakuśāśayāḥ |
munīnāmiva cetāṃsi pravyaktajyotirudgamam || 37 ||
[Analyze grammar]

tuṣārāssūryaraśmīnāṃ saṃgamādagaman bahiḥ |
pramatvānīkṣyatekṣāśca salilīhṛdayāstadā || 38 ||
[Analyze grammar]

prasannāssaha candreṇa naniṣārāstadā'bhavan |
vibhāvaryaḥ priyeṇaivaṃ kāminyastu manoharāḥ || 39 ||
[Analyze grammar]

tasminkāle mahādevassaha satyā dharottame |
reme sa suciraṃ chandaṃ nikuṃjeṣu nadīṣu ca || 40 ||
[Analyze grammar]

tathā tena samaṃ reje tadā dākṣāyiṇi mune |
yathā haraḥ kṣaṇamapi śāṃtimāpa tayā vinā || 41 ||
[Analyze grammar]

saṃbhogaviṣaye devī satī tasya manaḥ priyā |
viśatīva harasyāṃge pāyayanniva tadrasam || 42 ||
[Analyze grammar]

tasyā kusumamālābhirbhūṣayansakalāṃ tanum |
svahastaracitābhistu navaśarmākarocca saḥ || 43 ||
[Analyze grammar]

ālāpairvīkṣitairhāsyaistathā saṃbhāṣaṇairharaḥ |
tasyādideśa girijāṃ sapatīvātmasaṃvidam || 44 ||
[Analyze grammar]

tadvaktracaṃdra pīyūṣapānasthiratanurharaḥ |
nānāvaiśeṣikīṃ tanvīmavasthāṃ sa kadācana || 45 ||
[Analyze grammar]

tadvaktrāmbujavāsena tatsaundaryyaiśca narmabhiḥ |
guṇairiva mahādaṃtī baddho nānyaviceṣṭitaḥ || 46 ||
[Analyze grammar]

iti himagirikuṃjaprasthabhāge darīṣu pratidinamabhireme dakṣaputryā maheśaḥ |
kratubhujaparimāṇaiḥ krīḍatastasya jātā daśa daśa ca surarṣe vatsarāḥ paṃca cānye || 47 ||
[Analyze grammar]

iti śrīśivamahāpurāṇe dvitīyāyāṃ rudrasaṃhi tāyāṃ dvitīye satīkhaṃḍe satīśivakrīḍāvarṇanaṃ nāmaikaviṃśodhyāyaḥ || 21 ||
[Analyze grammar]