Chapter 19

[English text for this chapter is available]

|| brahmovāca |
kṛtvā dakṣastutādānaṃ yautakaṃ vividhaṃ dadau |
harāya suprasannaśca dvijebhyo vividhaṃ dhanam || 1 ||
[Analyze grammar]

atha śaṃbhu mudāgatya samutthāya kṛtāṃjaliḥ |
sārddhaṃ kamalayā cedamuvāca garuḍadhvajaḥ || 2 ||
[Analyze grammar]

|| viṣṇuruvāca |
devadeva mahādeva karuṇāsāgara prabho |
tvaṃ pitā jagatāṃ tāta satī mātākhilasya ca || 3 ||
[Analyze grammar]

yuvāṃ līlāvatārau dve satāṃ kṣemāya sarvadā |
khalānāṃ nigrahārthāya śrutireṣā sanātanī || 4 ||
[Analyze grammar]

snigdhanīlāṃjanaśyāmaśobhayā śobhase hara |
dākṣāyaṇyā yathā cāhaṃ pratilomena padmayā || 5 ||
[Analyze grammar]

devānāṃ vā nṛṇāṃ rakṣāṃ kuru satyā'nayā satām |
saṃsārasāriṇāṃ śambho maṃgalaṃ sarvadā tathā || 6 ||
[Analyze grammar]

ya enāṃ sābhilāṣo vai dṛṣṭvā śrutvāthavā bhavet |
taṃ hanyāssarvabhūteśa vijñaptiriti me prabho || 7 ||
[Analyze grammar]

|| brahmovāca |
iti śrutvā vaco viṣṇorvihasya parameśvaraḥ |
evamastviti sarvajñaḥ provāca madhusūdanam || 8 ||
[Analyze grammar]

svasthānaṃ harirāgatya sthita āsīnmunīśvara |
utsavaṃ kārayāmāsa jugopa caritaṃ ca tat || 9 ||
[Analyze grammar]

ahaṃ devīṃ samāgatya gṛhyoktavidhinā'khilam |
agnikāryaṃ yathoddiṣṭamakārṣaṃ ca suvistaram || 10 ||
[Analyze grammar]

tataśśivā śivaścaiva yathāvidhi prahṛṣṭavat |
agneḥ pradakṣiṇaṃ cakre madācāryadvijājñayā || 11 ||
[Analyze grammar]

tadā mahotsavastatrādbhutobhūddvijasattama |
sarveṣāṃ sukhadaṃ vādyaṃ gītanṛtyapurassaram || 12 ||
[Analyze grammar]

tadānīmadbhutaṃ tatra caritaṃ samabhūdati |
suvismayakaraṃ tāta tacchṛṇu tvaṃ vadāmi te || 13 ||
[Analyze grammar]

durjñeyā śāṃbhavī māyā tayā saṃmohitaṃ jagat |
sacarācaramatyaṃtaṃ sadevāsuramānuṣam || 14 ||
[Analyze grammar]

yo'haṃ śaṃbhuṃ mohayituṃ puraicchaṃ kapaṭena ha |
māṃ ca taṃ śaṃkarastāta mohayāmāsa līlayā || 15 ||
[Analyze grammar]

icchetparāpakāraṃ yassa tasyaiva bhaveddhruvam |
iti matvā'pakāraṃ no kuryādanyasya pūruṣaḥ || 16 ||
[Analyze grammar]

pradakṣiṇāṃ prakurvaṃtyā vahnessatyāḥ padadvayam |
āvirbabhūva vasanāttadadrākṣamahaṃ mune || 17 ||
[Analyze grammar]

madanāviṣṭacetāśca bhūtvāṃgāni vyalokayam |
ahaṃ satyā dvijaśreṣṭha śivamāyāvimohitaḥ || 18 ||
[Analyze grammar]

yathā yathāhaṃ ramyāṇi vyaikṣamaṃgāni kautukāt |
satyā babhūva saṃhṛṣṭaḥ kāmārto hi tathā tathā || 19 ||
[Analyze grammar]

ahamevaṃ tathā dṛṣṭvā dakṣajāṃ ca pativratām |
smarāviṣṭamanā vaktraṃ draṣṭukāmobhavaṃ mune || 20 ||
[Analyze grammar]

na śaṃbhorlajjayā vaktraṃ pratyakṣaṃ ca vilokitam |
na ca sā lajjayāviṣṭā karoti pragaṭaṃ mukham || 21 ||
[Analyze grammar]

tatastaddarśanārthāya sadupāyaṃ vicārayan |
dhūmraghoreṇa kāmārto'kārṣaṃ tacca tataḥ param || 22 ||
[Analyze grammar]

ārdreṃdhanāni bhūrīṇi kṣiptvā tatra vibhāvasau |
svalpājyāhutivinyāsādārdradravyodbhavastathā || 23 ||
[Analyze grammar]

prādurbhūtastato dhūmo bhūyāṃstatra samaṃtataḥ |
tādṛg yena tamo bhūtaṃ vedībhūmivinirmitam || 24 ||
[Analyze grammar]

tato dhūmākule netre maheśaḥ parameśvaraḥ |
hastābhyāṃ chādayāmāsa bahulīlākaraḥ prabhuḥ || 25 ||
[Analyze grammar]

tato vastraṃ samutkṣipya satīvaktramahaṃ mune |
avekṣaṃ kila kāmārtaḥ prahṛṣṭenāṃtarātmanā || 26 ||
[Analyze grammar]

muhurmuhurahaṃ tāta paśyāmi sma satīmukham |
athendriyavikāraṃ ca prāptavānasmi so'vaśaḥ || 27 ||
[Analyze grammar]

mama retaḥ pracaskaṃda tatastadvīkṣaṇāddrutam |
caturbindumita bhūmau tuṣāracayasaṃnibham || 28 ||
[Analyze grammar]

tatohaṃ śaṃkito maunī tatkṣaṇaṃ vismito mune |
ācchādayesma tadreto yathā kaścidbubodha na || 29 ||
[Analyze grammar]

atha tadbhagavāñchaṃbhurjñātvā divyena cakṣuṣā |
retovaskaṃdanāttasya kopādetaduvāca ha || 30 ||
[Analyze grammar]

rudra uvāca |
kimetadvihitaṃ pāpa tvayā karma vigarhitam |
vivāhe mama kāṃtāyā vaktraṃ dṛṣṭaṃ na rāgataḥ || 31 ||
[Analyze grammar]

tvaṃ vetsi śaṃkareṇaitatkarma jñātaṃ na kiṃcana |
trailokyepi na me'jñātaṃ gūḍhaṃ tasmātkathaṃ vidhe || 32 ||
[Analyze grammar]

yatkiṃcittriṣu lokeṣu jaṃgamaṃ sthāvaraṃ tathā |
tasyāhaṃ madhyago mūḍha tailaṃ yadvattilāṃti kam || 33 ||
[Analyze grammar]

brahmovāca |
ityuktvā priya viṣṇurmāṃ tadā viṣṇuvacaḥ smaran |
iyeṣa haṃtuṃ brahmāṇaṃ śūlamudyamya śaṃkaraḥ || 34 ||
[Analyze grammar]

śabhuṃnodyamite śūle māṃ ca haṃtuṃ dvijottama |
marīcipramukhāste vai hāhākāraṃ ca cakrire || 35 ||
[Analyze grammar]

tato devagaṇāssarve munayaścākhilāstathā |
tuṣṭuvuśśaṃkaraṃ tatra prajvalaṃtaṃ bhayāturāḥ || 36 ||
[Analyze grammar]

devā ūcuḥ |
deva deva mahādeva śaraṇāgatavatsala |
brahmāṇaṃ rakṣa rakṣeśa kṛpāṃ kuru maheśvara || 37 ||
[Analyze grammar]

jagatpitā maheśa tvaṃ jaganmātā satī matā |
haribrahmādayassarve tava dāsāssuraprabho || 38 ||
[Analyze grammar]

adbhutākṛtilīlastvaṃ tava māyādbhutā prabho |
tayā vimohitaṃ sarvaṃ vinā tvadbhaktimīśvara || 39 ||
[Analyze grammar]

brahmovāca |
itthaṃ bahutaraṃ dīnā nirjarā munayaśca te |
tuṣṭuvurdevadeveśaṃ krodhāviṣṭaṃ maheśvaram || 40 ||
[Analyze grammar]

dakṣo maivaṃ maivamiti pāṇimudyamya śaṃkitaḥ |
vārayāmāsa bhūteśaṃ kṣiprametya purogataḥ || 41 ||
[Analyze grammar]

athāgre saṃgataṃ vīkṣya tadā dakṣaṃ maheśvaraḥ |
pratyuvācāpriyamidaṃ saṃsmaranprārthanāṃ hareḥ || 42 ||
[Analyze grammar]

maheśvara uvāca |
viṣṇunā metibhaktena yadidānīmudīritam |
mayāpyaṃgīkṛtaṃ kartuṃ tadihaiva prajāpate || 43 ||
[Analyze grammar]

satīṃ yasyābhilāṣassan vīkṣeta vadha taṃ prabho |
iti viṣṇuvacassatyaṃ vidhiṃ hatvā karomyaham || 44 ||
[Analyze grammar]

sābhilāṣaḥ kathaṃ brahmā satīṃ samavalokayat |
abhavattyaktaretāstu tato hanmi kṛtāgasam || 45 ||
[Analyze grammar]

brahmovāca |
ityuktavati deveśa maheśe krodhasaṃkule |
cakaṃpire janāḥ sarve sadevamunimānuṣāḥ || 46 ||
[Analyze grammar]

hāhākāro mahānāsīdaudāsīnyaṃ ca sarvaśaḥ |
abhūvambikalo'tīva tadāhaṃ tadvimohakaḥ || 47 ||
[Analyze grammar]

atha viṣṇurmaheśātipriyaḥ kāryavicakṣaṇaḥ |
tamevaṃvādinaṃ rudraṃ tuṣṭāva praṇatassudhīḥ || 48 ||
[Analyze grammar]

stutvā ca vividhaiḥ stotraiśśaṃkaraṃ bhaktavatsalam |
idamūce vārayaṃstaṃ kṣipraṃ bhūtvā purassaraḥ || 49 ||
[Analyze grammar]

viṣṇuruvāca |
vidhinna jahi bhūteśa sraṣṭāraṃ jagatāṃ prabhum |
ayaṃ śaraṇagastedya śaraṇāgatavatsalaḥ || 50 ||
[Analyze grammar]

ahaṃ te'tipriyo bhakto bhaktarāja itīritaḥ |
vijñaptiṃ hṛdi me mattvā kṛpāṃ kuru mamopari || 51 ||
[Analyze grammar]

anyacca śṛṇu me nātha vacanaṃ hetugarbhitam |
tanmanuṣva maheśāna kṛpāṃ kṛtvā mamopari || 52 ||
[Analyze grammar]

prajāssraṣṭumayaṃ śaṃbho prādurbhūtaścaturmukhaḥ |
asminhate prajāsraṣṭā nāstyanyaḥ prākṛto'dhunā || 53 ||
[Analyze grammar]

sṛṣṭisthityaṃtakarmāṇi kariṣyāmaḥ punaḥ punaḥ |
trayo devā vayaṃ nātha śivarūpa tvadājñayā || 54 ||
[Analyze grammar]

etasminnihate śambho kastvatkarma kariṣyati |
tasmānna vadhyo bhavatā sṛṣṭikṛllayakṛdvibho || 55 ||
[Analyze grammar]

anenaiva satī kanyā dakṣasya ca śivā vibho |
sadupāyena vai bhāryā bhavadarthe prakalpitā || 56 ||
[Analyze grammar]

brahmovāca |
ityākarṇya maheśastu vijñaptiṃ viṣṇunā kṛtām |
pratyuvācākhilāṃstāṃśca śrāvayaṃśca dṛḍhavrataḥ || 57 ||
[Analyze grammar]

maheśa uvāca |
deva deva rameśāna viṣṇo matprāṇavallabha |
na nivāraya māṃ tāta vadhādasya khalastvayam || 58 ||
[Analyze grammar]

pūrayiṣyāmi vijñaptiṃ pūrvānteṃgīkṛtāṃ mayā |
mahāpāpakaraṃ duṣṭaṃ hanmyenaṃ caturānanam || 59 ||
[Analyze grammar]

ahameva prajāssrakṣye sarvāḥ sthiracarā api |
anyaṃ srakṣye sṛṣṭikaramathavāhaṃ svatejasā || 60 ||
[Analyze grammar]

hatvainaṃ vidhimevāhaṃ svapaṇaṃ pūrayan kṛtam |
sraṣṭāramekaṃ srakṣyāmi na nivāraya meśa mām || 61 ||
[Analyze grammar]

brahmovāca |
iti tasya vacaśśrutvā girīśa syāha cācyutaḥ |
smitaprabhinnahṛdayaḥ punarmaivamitīrayan || 62 ||
[Analyze grammar]

acyuta uvāca |
pratijñāpūraṇaṃ yogyaṃ parasminpuruṣesti vai |
vicārayasva vadhyeśa bhavatyātmani na prabho || 63 ||
[Analyze grammar]

trayo devā vayaṃ śaṃbho tvadātmānaḥ parā nahi |
ekarūpā na bhinnāśca tattvatassuvicāraya || 64 ||
[Analyze grammar]

tatastadvacanaṃ śrutvā viṣṇossvātipriyasya saḥ |
śaṃbhurūce punastaṃ vai khyāpayannātmano gatim || 65 ||
[Analyze grammar]

|| śambhuruvāca |
he viṣṇo sarvabhakteśa kathamātmā vidhirmama |
lakṣyate bhinna evāyaṃ pratyakṣeṇāgrataḥ sthitaḥ || 66 ||
[Analyze grammar]

|| brahmovāca |
ityājñapto maheśena sarveṣāṃ puratastadā |
idamūce mahādevaṃ toṣayan garuḍadhvajaḥ || 67 ||
[Analyze grammar]

viṣṇuruvāca |
na brahmā bhavato bhinno na tvaṃ tasmātsadāśiva |
na vāhaṃ bhavato bhinno na mattvaṃ parameśvara || 68 ||
[Analyze grammar]

sarvaṃ jānāsi sarvajña parameśa sadāśiva |
manmukhādakhilānsarvaṃ saṃśrāvayitumicchasi || 69 ||
[Analyze grammar]

tvadājñayā vadāmīśa śṛṇvaṃtu nikhilāssurāḥ |
munayaścāpare śaivaṃ tattvaṃ saṃdhārya svaṃ manaḥ || 70 ||
[Analyze grammar]

pradhānasyā'pradhānasya bhāgābhāgasya rūpiṇaḥ |
jyotirmayasya bhāgāste vayaṃ devāḥ prabhostrayaḥ || 71 ||
[Analyze grammar]

kastvaṃ kohaṃ ca ko brahmā tavaiva paramātmanaḥ |
aṃśatrayamidaṃ bhinnaṃ sṛṣṭisthityaṃtakāraṇam || 72 ||
[Analyze grammar]

ciṃtayasvātmanātmānaṃ svalīlādhṛtavigrahaḥ |
ekastvaṃ brahma saguṇo hyaṃśabhūtā vayaṃ trayaḥ || 73 ||
[Analyze grammar]

śirogrīvādibhedena yathaikasyaiva varṣmaṇaḥ |
aṃgāni te tatheśasya tasya bhagatrayaṃ hara || 74 ||
[Analyze grammar]

yajjyotirabhraṃ svapuraṃ purāṇaṃ kūṭasthamavyaktamanaṃtarūpam |
nityaṃ ca dīrghādiviśeṣaṇādyairhīnaṃ śivastvaṃ tata eva sarvam || 75 ||
[Analyze grammar]

brahmovāca || etacchrutvā vacastasya mahādevo munīśvara |
babhūva suprasannaśca na jaghāna sa māṃ tataḥ || 76 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṃḍe satīvivāhaśivalīlāvarṇanaṃ nāmaikonaviṃśo'dhyāyaḥ || 19 ||
[Analyze grammar]